Börn og menning - 01.04.2014, Blaðsíða 8
8
Börn og menning
Aðalofurhetja þáttanna er þó alltaf
áhorfandinn sjálfur, sem er ávarpaður með
orðunum Super You!
Wordgirl
í Wordgirl er fylgst með daglegu lífi og
ævintýrum Orðastelpunnar, sem berst gegn
glæpum og bætir um leið orðaforða og
orðanotkun. Hún er dulbúin sem venjuleg
stelpa í 5. bekk sem heitir Becky Botsford,
en Orðastelpa kom til jarðarinnar ásamt
apanum Captain Huggy Face, eða Kafteini
knúsfési, þegar hún brotlenti geimskipi
sfnu. Hún er dæmigerð ofurhetja með
hefðbundna ofurhetjukrafta auk þess sem
hún býryfir gríðarlegum orðaforða. í hverjum
þætti eru kynnt fjögur ný orð sem notuð
eru við mismunandi aðstæður. Þannig er
hefðbundinn ofurhetjusöguþráður notaður
til að auka orðaforða barna.
Word World
Orðaheimur er staður þar sem hlutirnir stafa
sjálfir það sem þeir standa fyrir. Hugmyndin
er að heilla börnin og hvetja þau til að láta
sér líka vel við orð og lestur. Til þess eru
notaðar skemmtilegar persónur sem kallast
Orðavinir og lenda í ævintýrum í heimi
fullum af orðum. Orðaheimur hvetur krakka
á leikskólaaldri til að líta á orð sem vini og
hjálpar þeim að uppgötva orsakasamhengi
milli bókstafa, hljóða, orða og merkingar.
SciGirls
I þáttunum er fylgst með klárum, forvitnum,
raunverulegum stelpum sem nota vísindi og
verkfræði í hversdagslífinu. Hver þáttur fylgir
eftir ólíkum hópi af stelpum í 6.-8. bekk
sem smita áhorfendur af brennandi áhuga
á umhverfi sínu og uppgötvunum í vísindi
og tækni.
ScTGírls 5
u
Lýðveldisverkefnið
The Democracy Project er hluti af vefnum
pbskids.org sem settur var upp fyrir
síðustu forsetakosningar í Bandaríkjunum.
Þar fengu börnin tækifæri til að kynnast
frambjóðendunum og lesa sértil um lýðveldið
og hvernig starfi forsetans er háttað. Einnig
er kosningakerfið útskýrt og hvaða áhrif
aðeins eitt atkvæði getur haft.
Höfundur er fjölmiðlakona með barnaefni
sem sérgrein
/"V