Börn og menning - 01.04.2014, Blaðsíða 33

Mér finnst...
33
færa. Það kemur á óvart hversu klár þau
eru en þegar við gerum okkur grein fyrir
því verðum við, hin fullorðnu, að læra að
treysta þeim. Við þurfum ekki að einfalda
allt, við getum gengið ótrúlega langt með
hlutina og ögrað hugmyndum þeirra um
heiminn og vakið forvitni þeirra, um leið
og við skemmtum þeim og höldum athygli
þeirra. Áhrifin sem við getum haft á þau -
með öllum þeim miðlum sem við búum yfir
í dag - óma langt inn í fullorðinsárin. Við
höfum tækifæri til að kenna þeim að engir
tveir eru eins, að allir eru áhugaverðir og að
stundum er allt í lagi að vera pínu skrítinn.
Möguleikarnir eru endalausir.
En það breytir þó ekki þeirri staðreynd að
bókin á undir högg að sækja.
Hvað er til ráða?
Mér finnst hræðilegt til þess að hugsa að
börn - og þá sérstaklega strákar- nenni ekki
lengur að lesa. Við getum ekki neytt krakka
til að glugga í bækur, það væri fáránlegt.
Það dásamlegasta við lestur er þitt eigið
frumkvæði; þú grúskar heillengi, finnur þessa
einu bók sem kveikir í þér og dembir þér svo
á bólakaf í hana. Þú verður að finna hana
sjálfur og þig verður að langa til þess að lesa
hana.
Ég er ekki með töfralausn, en ég er með
uppástungu. Ég held við verðum að fara út
i garð, ná í sjónvarpið sem Dahl henti út
um gluggann og reyna að finna leið til þess
vinna með þessari þróun - því tæknin verður
bara meiri. Við getum bent krökkunum á að
margt - ef ekki flest - í sambandi við tölvur er
á lesmáli og þess vegna er gott að ná færni í
lestri. Það er heill heimur á netinu sem opnast
með því að lesa upplýsingarnar sem þar er
að finna.
Gegnum sjónvarp og internet getum við
laumast til að fræða og kenna - því þau
geta verið svo miklu meira en bara heilalaus
afþreying. Við getum notað þessa miðla til
að kveikja áhuga og vekja upp spurningar
sem þarf svo að leita svara við annars staðar.
Jafnvel í bókum.
Höfundur er leikari og rithöfundur
Eldar kveiktir í Gerðubergi
Laugardaginn 15. mars var haldin árleg
barna- og unglingabókaráðstefna í
Gerðubergi undir yfirskriftinni Kveikjum
eld. Yfirskriftin kveikti greinilega í mörgum
því fólk flykktist að og fjörlegar umræður
sköpuðust í lok hvers erindis. Þær leiddu í
Ijós brennandi áhuga viðstaddra á að efla
yndislestur meðal barna og unglinga.
Iðunn Steinsdóttir, rithöfundurogfyrrverandi
formaður IBBY, var gestur á ráðstefnunni og
hefur sótt hana árum saman, alveg frá því
að hún tók sjálf þátt í að skipuleggja fyrstu
Gerðubergsráðstefnuna og gera hana síðan
að árlegum viðburði. Aðspurð sagði Iðunn
að ráðstefnan þjónaði fyrst og fremst þeim
tilgangi að fá fullorðið fólk til að koma saman
og ræða um barnabækur og lestur. Hún
sagðist telja að um helmingur gesta kæmi
árlega og vildi fylgjast vel með því sem er að
gerast á sviðinu, enda oft mjög spennandi
og fróðleg erindi í boði. Hún skimaði um
salinn og lét í Ijós ánægju yfir góðri mætingu
og hló sfðan hjartanlega þegar Ævar Þór
Benediktsson setti ráðstefnuna með lýsingu
á árangursríkri lestrarkennsluaðferð sem
hann var sjálfur aðnjótandi við upphaf
skólagöngu: Kennarinn var svo strangur að
allir sem komu ólæsir í skólann um haustið
urðu logandi hræddir og voru orðnir læsir
um áramót.
Lestrarvenjur ungra bókaorma
Fyrsti fyrirlesari dagsins var Herdís
Anna Friðfinnsdóttir. Hún starfaði sem
leikskólakennari í 14 ár en fór síðan í
meistaranám í menntunarfræðum með
áherslu á lestrarfræði við Háskólann
á Akureyri og útskrifaðist árið 2011.
Hún hefur haft umsjón með barnastarfi
Amtsbókasafnsins á Akureyri síðustu þrjú
árin.
Herdís Anna sagði frá rannsókninni
Lestrarvenjur ungra bókaorma sem
unnin var á vegum Barnabókaseturs íslands
undir stjórn Brynhildar Þórarinsdóttur.
Markmið rannsóknarinnar var að öðlast
skilning á því hvaða þættir það væru sem
mótuðu lestrarvenjur barna; hvað það
væri sem gerði börn að lestrarhestum. Um
eigindlega rannsókn var að ræða þar sem
tekin voru hálfopin viðtöl við sex rýnihópa,
annars vegar 17 börn sem tóku þátt í
sumarlestrarnámskeiði á Amtsbókasafninu