Morgunblaðið - 25.03.1941, Síða 6

MORGUNBLAÐIÐ
Þriðjudagur 25. mars 1941
Þessa iiicnii niiítluin
við síst missa
Minniogarathðfn
timsklpverjanað
Hirti Pjeturssynl
Minningar og kvéðjuat-
höfn um skipverja á vjel-
bátnum „Hirti Pjeturssyni“ frá
Siglufirði, er fórst í ofviðrinu í
febrúarlok, fer fram í Dóm-
kirkjunni í dag kl. 1.
Sjera Jakob Jónsson flytur
aninningarræðuna.
Lík eins skipverjans, Unnars
Hávarðssonar, hefir fundist. —
Kom það í vörpu dragnótabáts
fyrir skömmu. Verður líkið
flutt austur til Eskifjarðar með
„Esju“ í kvöld, en þaðan er ætt
,Unnars.
* * *---
Maður stórslas-
ast I bflslys!
I Svfnahrauni
að slys vildi til á áttunda
tímanum á sunnudags-
Jcvöldið, að farþegabíllinn R.
1248, fór út af veginum í
Svínahrauni. Einn farþeginn,
Sigurvin Sveinsson, Brúarenda,
stórslasaðist og liggur á Land-
spítalanum sennilega hrygg-
brotinn og með brákaða eða
brotna höfuðkúpu.
Bíllinn, en honum stýrði Ket-
ill Eyjólfsson, var að koma
austan frá Hveragerði. Höfðu
þrír 15 ára unglingar farið með
bílnum þangað í skemtiferð.
Vegurinn, þar isem bíllinn
fór út af er beinn og góður,
en smáhæð er á veginum, þar
sem bíllinn fór út af. Er talið
ííklegt að bíllinn hafi lyfst upp
að framan, er hann kom af
hæðinni og að hjólin hafi snú-
ist á meðán þau voru á lofti,
því að bíllinn snerist í hálf-
hring á veginum áður en hann
íór út af veginum.
Þeir, sem fórust með
Reykjaborg
FRAMH. AF ÞRIÐJU SÍÐU.
Þorsteinn Karlsson, háseti,
Tjamargötu 10, f. 26. sept. 1917;
•ðkvæntur.
Árelíns Gnðmundsson, háseti,
Rauðarárstíg 42, f. 4. maí 1913;
kvæntur Vigdísi Ólafsdóttur, 1
bara.
Óskar Ingimundarson, kyndari,
frá Djúpavogi, f. 5. nóv. 1909;
•ókvæntur, átti 1 barn 5 ára.
Óskar Vigfússon, kyndari, Hverf
isgötu 100, f. 12. okt. 1907;
kvæntur Þórlaugu M. Sigurðar-
dóttur, 3 börn, 9, 5 og 2 ára.
Auk þess var einn farþegi með
skipinu:
Runólfur Sigurðsson, skrifstofu-
stjóri Fiskimálanefndar, kvæntur,
og átti 3 börn.
FRAMH. AF ÞRIÐJU SÍÐU
hefir hún um leið sniðið á brott
nokkuð af hinu græna brumi á
meiði þeirrar þjóðar, sem við elsk-
um öll. Þessvegna er Reykjavík
borg, sem er vígð sorginni þessa
daga.
★
Jeg býst við, að dagurinn 24.
mars 1941 verði okkur fulltíða
mönnum minnisstæður á meðan
við lifum, því þá barst hún hingað
til ættjarðar vorrar fyrsta ná-
kvæma fregnin um ævilok skip-
verjanna á Reykjaborg. íslenska
þjóðin er í gegn um margar aldir
tamin við það að taka því með
drengilegri ró, að hafið heimti sín-
ar fórnir fyrir allar sínar ríku-
legu gjafir. Og íslensku sjómanna-
konurnar eru vanar því að færa
það ekki í mál út á við, þó að
þær vaki í angist og bæn marga
nótt, en það snertir okkur öll nið-
ur í dýpstu grunna sálarinnar,
þegar vegnir eru með morðvjelum
saklausir menn, sem á vegum frið-
arins eru að inna af höndum
skylduverk sín til heilla fyrir ást-
vini sína, þjóð sína og föðurland
sitt.
Þeir höfðu ekkert til saka unn-
ið annað en það að vera gæddir
þeirri djörfung og framtakssemi,
sem ljet ekki hætturnar aftra
sjer, og þeim drengskap, að vilja
ekki bregðast þeim miklu vonum,
sem við þá voru tengdar.
Einmitt vegna þessa verður okk
ur öllum það að hugsa: Þessa
menn máttum við síst missa. Það
voru þessir menn og þeirra líkar,
sem hafa borið áhættuna dag og
nótt frá því þessi styrjöld hófst
til þess að afla þjóð vorri þeirra
verðmæta, sem hún gat ekki lifað
án.
Það er mál, sem ekki á við að
ræða í þessu sambandi, hvernig
íslenska þjóðin ætlar að gera til
þeirra, sem eiga um sárt að binda
eftir þá, sem þannig hafa fallið.
En það er samviskuspurning, sem
þjóðin verður að leysa í athöfn,
ef hún á ekki að verða meiri fyr-
ir sjer í því að þiggja fórnir en
launa þær.
★
Ekkert er algengara í lífinu en
það, að sjálfum oss eða náunga
vorum beri þeir atburðir að hendi,
að vjer í ófullkomleika vorum get-
um hvorki skilið þá nje sætt oss
við þá. Það verður altaf óendan-
lega torvelt fyrir oss að skilja
þetta, sem Drotfinn sagði: Þá
munu tveir vera á akri; annar er
tekinn og hinn skilinn eftir. Tvær
munu mala í kvörn; önnur er tek-
in og hin skilin eftir. Jesús segir
ekkert um það af hverju þetta er
svo, en hann bætir við þessu, sem
mest ríður á: Vakið, því að þjer
vitið eigi hvaða dag herra yðar
kemur. Og er ekki ástæða til þess
nú að vaka og hugleiða hvaða dag
Drottinn kemur ? Það er ekki
Drottinn sem kemur til okkar,
þegar öfl haturs og eyðilegging-
ar vinna voðaverk á saklausum
mönnum. Það er Drottinn, sem
kemur í óendanlegri mildi sinnt
og kærleika, þegar einn er tekinn
og annar skilinn eftir. Það eru
ekki orðin tóm, sem í Guðsorði
segir, að hann sje Guð allrar
huggunar.
Jeg bið þess af öllu hjarta, að
hann verði Guð huggunarinnar
öllum þeim, sem nú harma, Guð
máttugrar verndar þjóð vorri og
landi, Guð friðar og sáttar hinu
villráfandi mannkyni.
Blessuð sje minning skipverj-
anna af Reykjaborg. Guð blessi
þá og varðveiti lífs og liðna.
Jón Thorarensen.
Ahugi i Hailgrímssókn
lyrir kirkjubyggingu
G afnaðarfundur Hallgríms-
^ sóknar s.l. sunnud., er hald-
inn var í húsi K.F.U.M., var
mjög fjölsóttur. Á fundinum
kom fram mikill áhugi fyrir
kirkjubyggingu.
Sótt hefir verið um að Hall-
grímssókn fái um 160 þúsund
krónur af fje því, sem greiða
á í sambandi við afhendingu
dómkirkjunnar til safnaðarins,
en það voru samtals 300,000
krónur. Halgrímssókn á nú um
60 þúsund krónur í kirkjubygg
ingarsjóði og fái sjóðurinn 160
þúsund krónur á hann því rúm-
ar 200.000 krónur í kirkjubygg
ingarsjóði. Mikið fje vantar þó
enn, því áætlað er að kirkjan
kosti um li/2 miljón krónur.
Fyrir Alþingi því er nú sit-
ur, liggur frumvarp um að gef-
in verði út verðbrjef fyrir þeim
300,000 krónum, sem ríkið á
að greiða söfnuðinum í Reykja-
vík að fimm árum liðnum. Er
svo ráð fyrir gert í frumvarp-
inu, að ríkið standist vaxta-
greiðslur af brjefunum. Nái
þetta frumvarp fram að ganga
yrði hægt að fá söfnuðunum
fjeð í hendur mjög bráðlega.
Á safnaðarfundinum á sunnu-
dag var skýrt frá því, að hjón,
sem ekki vilja láta nafns síns
getið, hafi gefið kr. 300,00 í
kirkjubyggingarsjóð Hallgríms
sóknar. Hefir víðar orðið vart
samskonar áhuga frá safnaðar-
börnum.
Á safnaðarfundinum var ein-
róma samþykt að hækka kirkju
gjöld úr kr. 3.50 upp í kr. 5,00.
Með prestsgjöldum, kr. 1,50,
sem rennur í ríkissjóð, verða
þá gjöld gjaldskyldra sóknar-
manna kr. 6.50 á ári.
Páll Halldórsson hefir verið
ráðinn organisti og söngstjóri í
Halgrímssókn. Var þetta til-
kynt á fundinum og hinn nýi
organisti boðinn velkominn í
starfið.
Dæmdir til dauða
fyrir njósnir
T fregn frá Ósló (birtri í Lond-
* on) í gær, segir að þýsku yf-
irvöldin í Noregi hafi í gær dæmt
10 Norðmenn til lífláts fyrir
njósnir.
Minningarorð um
Erasmus Gislason
Hinn 13. þ. m. andaðist Eras-
mus Gíslason í Landakots-
spítala, eftir uppskurð og all-langa
legu.Sýkt.ist hann á síðastliðnu ári,
en þraukaði í lengstu lög, og
mátti þá engu umþoka, því að
sjúkdómurinn var banvænn — inn-
vortis meinsemd.
Erasmus fæddist að Rauðabergi
í Fljótshverfi 3. maí 1877, og varð
því tæpra 64 ára. Foreldrar hans
voru Gísli bóndi og póstur Magn-
ússon og Ragnhildur Gísladóttir,
bónda í Ytri-Ásum og á Býjar-
skerjum, Jónssonar frá Heiðarseli
á Síðu. Yoru þau hin merkustu
hjón, hjálpfús og gestrisin. Börn
þeirra, er upp komust, voru 6:
Rannveig, látin fyrir mörgum ár-
um; Ragnhildur, húsfreyja á
Loftsstöðum í Flóa; Gísli, silfur-
smiður í Reykjavík; Erasmus, sem
hjer getur; Gísli, áður bóndi að
Hjalla í Olfusi; Magnús, látinn
fyrir mörgum árum.
Innan við fermingaraldur tók
Erasmus að vinna fyrir sjer á ýms-
um stöðum, og upp frá því var
hann sjálfum sjer ráðandi, þótt
vistráðinn væri hann um hríð hjá
öðrum. Það má vel kalla það svo,
að Erasmus væri æfintýramaður og
um eitt skeið kendur við „brall“,
eins og hann orðaði það sjálfur,
en athafnalaus mátti hann ekki
vera. Það má líka segja það, að
suma kunni að hafa sviðið undan
,,bralli“ hans, því að með harð-
fylgi gekk hann að hverju verki.
Hann fekst við verslun, veitingar,
búskap og ýmislegt, sem hendi
var næst. Sigldi og eitt sinn til
útlanda í verslunarerindum, þótt
tungumál hefði hann ekki lært
öðruvísi en á eigin spýtur, en
hann var bráðgreindur maður.
Valt þó hagur hans á ýmsum end
um, en allrar orku neytti hann
jafnan, á hverju sem hann tók,
hennar neytti hann og að síðustu,
er hann barðist möglunarlaust við
bana þann, er honum var búinn.
Hann var hamhleypa til allra
verka og hlífði sjer hvergi, karl-
menni og harðfrískur í hvívetna.
Það fer að líkum, að slíkur mað-
ur hafi ekbi ‘ávalt farið sem gæti-
legast — en myndu ekki hinir
kunnugustu og nánustu ættingjar
hans segja um hann látinn, að
hann hafi verið drengur góður og
hjálpfús, sem ausið gat með ann-
ari hendinni öðrum til bjargar öllu
því, er hann viðaði að sjer með
hinni? Jú, vissulega; og vel mætti
Erasmus Gíslason.
sá, er þessar línur ritar, bera því
vitni. Hann mæltist ekki undan
aðkasti því, er hann varð fyrir
úr ýmsum áttum, og væri þó synd
að segja, að hann flíkaði því, er
betur var og margir minnast.
Mörg hinna síðustu ára bjó
Erasmus í Haga í Holtum, og er
það kirkjustaður. Sýndi hann
kirkju sinni margvíslegan sóma í
viðhaldi hennar, og kirkjugestum
veitti hann jafnan af mikilli rausn
og hrókur alls mannfagnaðar var
hann í hópi nágranna sinna. Hann
var kvæntur Rannveigu Yilhjálms-
dóttur iir Borgarfirði eystra, en
samvistir þeirra urðu ekki langar.
Eina dóttur barna eignuðust þau,
Ragnhildi Sóleyju, en hana misti
hann kornunga og tregaði mjög.
Bjó hann henni veglegan hvílustaó
í kirkjugarði Reykjavíkur — og
þar er honum nú vegmóðum búin
hinsta hvíla sjálfum. Vinur.
Skotæfingar
á morgun
Slcotæfingar verða haldnar á
morgun, kl. 2,30 til 5,30 e.
h. á eftirfarandi stöðum, ef
veður leyfir:
Skotið í suðurátt frá Gunn-
arshólma að Kolviðarhóli.
1 norðurátt frá Kolviðarhóli,
yfir Norðurvelli að Dýravegi.
í vesturátt frá Dýravegi að
Gunnarshólma.
Sandskeiðsveginum verður
lokað við og við.
Falli æfingarnar niður vegnas
veðurs, fara þær fram næsta
góðviðrisdag.
(Samkvæmt tilk. herstjórnar-
innar bresku).
AVALFUNDU.R
SKAFTFELLINGAFJELAGSINS,
sem halda átti 7. mars s.l., en þá var frestað, verður hald-
inn að Hótel ísland næstkomandi föstudag, 28. þ. m., og
hefst kl. 8Y2 síðdegis. — Fundarefni óbreytt frá því sem
áður var auglýst. Fjölmennið Skaftfellingar og mætið
stundvíslega. Fjelagsstjórnin.
FUNDUR
annað kvöld í dagheimili fjelagsins. Prófessor Guðbrand-
ur Jónsson flytur erindi: „Tómatsósuglasið“.