Morgunblaðið - 07.07.1944, Blaðsíða 12

Morgunblaðið - 07.07.1944, Blaðsíða 12
12 Leíkvöllum fjölgi. Borgarstjéra falið máliS Svohljóðandi tillaga var sam þykt á bæjarstjórnarfundi í gær: „Bæjarstjórn- felur borgar- stjóra að láta halda áfram að koma upp barnaleikvöllum, og ákveður að leita skuli álits fræðslufulltrúa bæjarins um stjórn á daglegum rekstri leik- vallanna". • Tillaga þessi var borin fram sem breytingartilíaga við til- lögu frá frú Katrínu Pálsdótt- ur um sama efni, og samþykt með 8 gegn 3 atkvæðum komm únista. , Nokkrar umræður urðu um málið. Frú Katrín vildi að sjerstök stjórnarnefnd yrði sett yfir leikvellina. En borgarstjóri taldi tormerki á því, enda hefði verið horfið frá þeirri skipan á stjórn bæjarmálanna, að hafa hana í höndum margra ólaun- aðra nefnda. Vildi heldur að fræðslufulltrúi bæjarins legði á ráðin í þessu máli. Ef hann líti svo á, að sjerstök nefnd væri æskileg, þá mætti athuga það síðar. Frú Katrín Pálsdóttir mintist og á það, að fyrir nokkru heíði kömið til orða, að Sumargjóf yrði falin umsjón með leikvöll- unum. En það fjelag mun nú þegar hafa tekið sjer ærin verk- efni lil úrlausnar. Borgarstjóri rakti í aðaldrált um hvað gert hefði verið i leik- vallamálinu undanfarin ár, hvaða vellir hafa verið gerðir og hvaða velli eigi að gera næst. Alls eru þeir 8, sem nú eru starfræktir. En í ráði er að gera nýjan leikvöll við Hringbraut, og annan við Freyjugötu. Mest þörf ér fyrir nýja leikvelli í norðurhluta bæjarins, nálægt Vesturgötu og Hverfisgötu. Þar er bygðin einna þjettust. En þar hafa ekki fengist enn hentug svæði fyrir slíka velli. Er á það Var minst, hve mörg börn eru í bænum á þeim aldri, að þau sæki leikvelli, var á það bent af borgarstjóra, að margt af þeim börnum, sem á heima í þeim hverfum, þar sem lóðir eru rýmstar, hafi þar svo mikið svigrúm, að þau þurfa lítt á leikvöllum að halda. Frú Katrín Pálsdóttir bar fram tillögu um það. að hugsað verði til þess að rúm verði f yrir barnadagstofur í hinum tilvon- andi bæjarhúsum, svo mæður, cem búa í húsum þessum, geti komið börnum sínum í þessar barnastofur, meðan þær stunda ýmsa vinnu á daginn. Var tillögu þessari vísað til bæjarráðs. taðtft Nýju vjelarnar í Ljósafosssföðjfini BORGARSTJÓRINN skýrði frá því á bæjarstjórnarfundi í gær, að talið væri víst að nýju vjelarnar í Ljósafossstöðinni myndu geta komist í notkun í næstu viku, en um það var spurt í einu dagblaðanna i gær, hvað því máli liði. Er í ráði að bæjarfultrúarnir fari austur að Ljósafossi, þegar vjelarnar verða komnar í lag. Frá Sögusýningi i Menntaskólanum Bæjarsfjórnarfundur kvikmyndaður Þegar bæjarfulltrúarnir komu upp í Kaupþingssal í gær, til að sitja fund, var Loftur Guð- mundsson þar fyrir með stóra rafmagnslampa og kvikmynda- tæki. Erindi hans var það, að taka i kvikmyndir af 1 undinum. Verða I þessar fundarmyndir feldar inn i í kvikmynd sem hann vinnur j að og sýna á fyrst og fremst ýmiskonar starfsemi bæjarfje- lagsins. j ¦ :/'/:: :/»:://;/:/:: /,H/\ /- ¦¦:,"¦,¦¦,¦¦: IKgft' HÚSGÖGN Jóns Sigurðssonar, forseta. Þeim er komið fyrir líkt og þau munu hafa staðið á heimili hans í Kaup- mannahöfn. Á veggjunum eru myndir, sem voru í eigu aans. SNORRI STURLUSON og munkur að skrifa. Myndir. eftir Jón Þorleifsson úr Þjóðveldistímabilinu á Söguöldinni. Það verða allir Reykvíkingar að sjá sögusýninguna. Samkomulag í deilu vörubílstjóra SAMKOMULAG náðist í gær í kaupdeilu vörubílstjóra. Hafði sáttasemjari ríkisins, Jónatan Hallvarðsson, unnið að því að koma á sættum í deilunni og tókst honum að ná samkomulagi í gær milli Vinnuveitendafjelags íslands og vörubílstjórafje- lagsins Þróttar. , Samkvæmt áður gildandi samningi var kauptaxti vöru- bíla miðað við núgildandi vísi- tölu, sem hjer segir: Bílar án afhleðsluvjela kr. 17.04 pr. klst. En bílar með afhleðsluvjelum kr. 18.65 pr. kl.st. En samkvæmt hinum nýja samningi verður kauptaxtinn þessi, miðað við sömu vísitölu (268): Bílar án afhleðsluvjela, alt að tveggja^ tonna stærð, kr. 17.04 pr. kl.st. n bílar með afhleðsluvjelum, 2 og 2% tonna, kr. 19.45 pr. kl.st. Washington í gærkveldi: De Gaulle hershöfðingi kom hing- að í kvöld og mun ganga á fund Roosevelts forseta á morgun. — Reuter. ikasymnt á íþréifaveSUnum í KVÖLD verður fimleikasýn ing á íþróttavellinum hjer í Reykjavík. Eru það fimleikaflokkar úr K. R., sem ætla að sýna þar. — Hefst athöfnin með skrúðgöngu frá Austurbæjarskólanum suð- ur á völl, en Lúðrasveitin Svan ur leikur í broddi fylkingar. — Sýningarnar á vellinum hefjast kl. 9 e. h. Verður fyrst sýning drengjaflokks undir stjórn Vignis Andrjessonar, íþrótta- kennara. Hefir flokkur þessi þegar getið sjer hins besta orð- stírs. Sýndi hann m. a. s. 1. sunnudag á Akranesi við ágæt- ar undirtektir áhorfenda. æreyskf fiskiskip strandar í Seyðisfirði Seyðisfirði í gær. — Frá frjettaritara vorum. FÆREYSKA fiskiskipið „At lantic" frá Fuglafirði strandaði hjer í Seyðisfirði í nótt. Rendi skipið á land í Skála- nesbjargi og brotnaði í spón. -— Orsök slyssins var blindþoka, svo ekki sá handa skil. Sjór var ládauður og tókst því skipbrots mönnum auðveldlega að bjarga sjer á skipsbátnum í land, en það hefði getað orðið mjög erf- itt, ef eitthvað hefði verið að sjó. „Atlantic" var 82 smálestir að stærð. Var skipið á útleið með fullfermi af ísfiski. Skip- stjóri þess var Peter Dahl. Dokforsvörn Sigurð- ar Þórarinssonar Frá utanríkisráðuneyt- inu, 5. júlí. Föstudaginn 26. maí s. 1. varði M. Sigurður Þórarinsson, fil. lio., doktorsritgerð um Þjórs árdal og eyðingu hans, við Stokkhólmsháskóla. Viðstaddir doktorsvörnina var herra Vil- hjálmur Finsen sendifulltrúi ís- lands og nærri allir Islendingar í Stokkhólmi, auk fjölda ann- ara. Andmælendur voru próf. Lennart von Post, Sven Jan- son, sem áður var sendikennari í Reykjavík, og norski rithöf- undurinn Sigurd Boel. Bók dr. Sigurðar heitir á sænsku „Thjorsárdalur och dess förödelse" og fjallar um rann- sóknir norrænna fornfræðinga og náttúrufræðinga í Þjórsár- dal sumarið 1939. * Göteborgs-Posten birti föstu daginn 26. maí grein, sem nefn ist „Island blir republik", eftir Sölva Blöndal, fil. kand. • • • Svifsprengjurnar falla stöðugt London í gærkveldi: Svifsprengjur hafa haldið á- fram að falla hjer á borgina í allan dag og hafa orðið af því skemdir og manntjón, eins og að undanförnu. Nokkrum svif- sprengjum hefir verið grandað, sumum af orustuflugvjelum og einstaka skotin niður. Orustu- flugvjelar eru stöðugt á verði gegn vágestum þessum, bæði nætur og daga. — Reuter. Föstudaginn 7. júlí 1944 K. R. fer fil Norðurlands Sundflokkur úr K. R. leggur af stað á morgun í sundför til Norðurlands. Þátttakendur í förinni eru 25. Þar á meðal bestu sundmenn og sundkonur fjelagsins. Fararstjóri er Jón Ingi Guðmundsson, sundkenn- ari. Fyrst verður farið til Akur- eyrar og hafðar þar sundsýn- ingar og sundkeppni og síðan til Siglufjarðar. Verður senni- lega sýnt á Akureyri á mánu- dagskvöld og á miðvikudags- kvöld á Siglufirði. Sýndur verð ur sundknattleikur og fleira, en keppt í ýmsum sundgrein- um. — Sennilega ferðast flokk urinn eitthvað um Eyjafjörð og sýnir þar ef til vill. A heim- leiðinni kemur hann við í Varmahlíð og sýnir þar. Hann kemur svo aftur til bæjarnis á sunnudagskvöld í næstu viku. Kveðjur lil Háskóla íslands frá amerísk- um háskólum FULLTRÚI Vestur-íslend- inga á lýðveldishátíðinni, pró- fessor Richard Beck, hafði með ferðis hingað til lands kveðjur frá þremur háskólum vestan hafs: Cornell-háskóla í Ithaca, N. Y., ríkisháskóla Norður Dakota í Grand Forks, þar sem Beck er prófessor, og Manitoba háskóla í Winnipeg. Senda há- skólar þessir Háskóla íslands vinsamlegar kveðjur og árnað- aróskir og minnast tengsla sinna við Islendinga vestan hafs og við Háskóla íslands. I brjefi Manitobaháskóla er þess getið, að í Winnipeg sjeu fleiri íbúar af íslensku kyni en í nokkurri annari borg í heimi, að Reykjavík undanskilinni. Af þeim ástæðum og til eflingar rannsóknum í samanburðarmál fræði ætlar háskólinn að setjá- á stofn kennarastól í íslenskri tungu og íslenskum bókment- um. ! Próf. Beck flutti rektor há- skólans kveðjur þessar ásamt kveðju frá Þjóðræknisfjelaginu s. 1. miðvikudag í hátíðasal há- skólans, að viðstöddum biskupn um, dr. Sigurgeir Sigurðssyni, kennurum háskólans og nokkr- um gestum. Sóknin hægari á ílalíu London í gærkveldi. Sókn bandamanna á ítalíu var hægari í gær en dagana á undan. Hafa Þjóðverjar hert varnir sínar víðasthvar, en þó hefir verið sótt nokkuð fram, einkum á vesturhluta vígstöðv- anna. ÁUundi herinn nálgast Aresso, en heldur hægt, því Þjóðverjar hafa mjög hert vörn sína fyrir sunnan borg þessa og einnig fyrir norðan Sienna, sem Frakkar tóku á dögunum. — Ál strönd Adriahafsins hefir lítið verið barist tvo síðustu daga og víglínan ekki breyst sjerstak- ega. «— Flugvjelar bandamanna gera margar atlögur að stöðv- um Þjóðverja víða um Balkan- skagann. — Reuter.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.