Morgunblaðið - 26.08.1955, Blaðsíða 7

Morgunblaðið - 26.08.1955, Blaðsíða 7
Föstudagur 26. ágúst 1955 UORGVNBlÁBim Slcinonn Mapúsdótlir - minniiuj I Deyr fé, deyja frændr, deyr sjalfr it sama; ek veit einn, at aldrei deyr dómur um dauðan hvern. EF ekki hefði rætzt dómur Háva- jnála á tilkomu dauðans, hefðum við vinir og ættingjar Steinunn- ar Magnúsdóttur fagnað með henni í dag 26; ágúst, 63 ára af- mæli hennar. í stað fagnaðar og gleði kemur tregi og sorg þess er syrgir látið göfugmenni. Við syrgjum heiðurskonu er var glæsilegur fulltrúi samtíðar sinn- ar sökum göfugmennsku og mann kærleika. Steimmn Magnúsdóttir var fædd í Reykjavík 26. ágúst 1892. Foreldrar hennar voru Magnús Pálsson, sjómaður, ættaður úr Biskupstungum, og Rannveig Brynjólfsdóttir, Halldórssonar bónda og formanns frá Norður- garði í Vestmannaeyjum. Stein- unn ólst upp hjá foreldrum sín- um í Reykjavík ásamt systkinum sínum, þeim Guðrúnu, Steingrími og Jórunni, er öll voru búsett þar, en Guðrún lézt 1929. Sjö ára gömul fluttist Steinunn til móðursystur sinnar, Margrétar, konu Hannesar Jónssonar hafn- sögumanns í Vestmannaeyjum. Dvaldi hún þar á sumrum og gætti barna, en faðir hennar stundaði sjóróðra á Austfjörðum og tók hana með sér vor og haust. Frá fermingu og fram til 27 ára aldurs vann hún ýmist að heim- ilisverkum eða í verksmiðjum. Var hún um nokkur ár vefari við klæðaverksmiðjuna Iðunni í Reykjavík. Árið 1910 fluttist hún til Akureyrar og vann að hús- verkum á heimili Júlíusar Haf- stein sýsluímanns. Á Akureyri kynntist Steinunn ungum manni, Kolbein að nafni, og átti með honum eina dóttur, Þórunni. — Steinunn fluttist aftur til Rvíkur árið 1913, en móðursystir hennar Guðrún, sem bjó með stjúpsym sínum Kristjáni Guðmundssyni bóksala, tóku barn hennar, Þór- unni og ólu hana upp og býr Þórunn enn á Akureyri. 1920 kynntist Steinunn eftirlif- andi manni sínum, Guðbjarti Jónssyni húsasmíðameistara frá Skógi á Rauðasandi. Þau giftu sig í Rvík 18. des. sama ár, og bjuggu í einstaklega farsælu hjónabandi í rúm 34 ár. Þau eignuðust eina dóttur barna, Kristínu Jónu, sem er gift Bjarna Guðmundssyni póstmanni í Reykjavík. Eftir að Seinunn gift is't lét hún félagsmál mjög til sín taka. Vann hún ötullega með konum þeim, er störfuðu að söfnun til byggingar Landsspít- alans. í Kvenfélagi Fríkirkjusafn aðarins í Rvík var hún til dauða- dags. Þann félagsskap elskaði hún og virti, en Magnús faðir hennar var einn af stofnendum Fríkirkjusafnaðarins. í þeim söfn uði var Steinunn skirð, fermd, gift og að síðustu grafin. Einnig var hún einlægur Góðtemplari alla sína lífstíð, og starfaði síð- ustu árin í stúkunni.Dröfn og tók þar stórstúkustig. Leikurinn, sem tryggði Akureyr- ingum sæti í I.-deild í þessum félögum var hún elsk- uð og virt, enda eignaðist hún marga góða vini úr félagshópum þessum. 1947 tók Steinunn þá veiki, er síðar reyndist ólæknandi. Reyndi þá mikið á sálarþrek hennar. Þrátt fyrir þessa byrði var hún sístarfandi og glöð fram til hinztu stundar. Það var trú á líf- ið, er hjálpaði henni til þess að bera þessa byrði. í rúm sjö ár þjáðist hún af sjúkdómi sínum, en trúna á bata missti hún aldrei, enda naut hún þar ein- stakrar umhyggju og ástar eigin- manns síns og dóttur. Hún and- aðist 2. marz 1955 og var jarðsett 9. s. m. að viðstöddu miklu fjöl- menni. Eg var þeirrar gæfu aðnjótandi að búa á heimili þeirra hjóna. Heimili þeirra, er allt ljómaði af hjartagæzku og góðvild, varð mér mikill og haldgóður skóli. Það heimili mótaðist af hjarta veitandans, en æskir þess eins að hjálpa og líkna. Vart verður fundin slík sam- heldni og ást, er einkenndi þau hjónin Steinunni Magnúsdóttur og Guðbjart Jónsson. Sem upp- eldissonur þakka ég óendurgjald anlega daga og stundir, sem ég átti á heimili þeirra sjö skólaár mín í F.eykjavík. Fátækleg orð mín megna ekki að flytja það þakklæti, er i hjarta mínu býr Með trega og sorg kveð ég og þakka þeirri konu, er síð- ustu árin gekk mér i móðurstað. Deyr fé, deyja frændr, deyr sjalfr it sama: en orðstírr deyr aldregi, hvevm sér góðan getr. Sigfús J. Johnsen, Vestmannseyjum . FORSTOÐDMAÐUR Oskast nú þegar að 1000 manna mötuneyti. Sérmenntun í matreiðslu æskileg. Umsóknir um starf þetta með upplýsingum um menntun og fyrri störf ásamt meðmælum sendist i pósthólf 364, fyrir þriðjudagskvöld 30. þ. m. merkt: „Mötuneyti —623". Vélbátur til sölu 36 rúmlesta vélbátur er til sölu. — Báturímni er með nýlegri 240 ha. G.M.C.-vél. — Hagkvæmir greiðstuskilmálar. — Nánari uppl. gefur Landssamband ísl. útvegsmanna. — Morgunblaðið með morgunkaffiriu — SÍÐASTLIBIÐ þriðjudagskvöld var háðux úrslitaleikur í ann- arar deildar keppninni í knatt- spyrnu og áttust við lið Akur- eyringa og Suðurnesjamanna. — Leiknum lauk með sigri Akur- eyringa, 2 mörk gegn 1, eftir fjörugan og spennandi leik. Bæði liðin lögðu sig mjög fram enda til mikils að vinna, þar sem sigur- vegarinn átti víst að sigurlaunum að ná réttinum að keppa í fyrstu deild næsta sumar. Veður var ekki gott til keppni, mjög hvasst og rigning öðru hverju, og háði það að sjálfsögðu báðum liðun- um, einkum áttu þau erfitt með að hemja knöttinn, er leikið var undan vindinum, en á móti rok- inu naðu bæði liðin betri leik, svo menn geta ímyndað sér hve hvasst var og erfitt að leika þetta kvöld. Þrátt fyrir þetta var heild- arsvipur leiksins góður og færði okkur áhorfendum heim sanninn um það, að víðar er leikin góð knattspyrna, en á Akranesi og í Reykjavík og geta bæði liðin ver ið ánægð með frammistóðu sína. Akureyringar léku undan rok- inu í fyrri hálfleik og lá knöttur- inn mun meira á vallarhelmingi Suðurnesjamanna. — Hinsvegar mistókst Akureyringum að ná af stað viikum samleik. Spyrnurn- ar voru yfirleitt of háar og fast- ar, enda erfitt að hemja knött- inn. Strax á 4. minútu ver Heim- ir í marki Suðurnesjamanna fast skot frá Tryggva utan frá hægri. Á 9. mínútu leikur Björn Ólsen, vinstri útherji Akureyringa, knettinum upp vinstri vænginn og gefur fyrir, knötturinn hrekk- ur af Suðurnesjamanni fyrir fætur Hermanns Sigtryggssonar, sem lék sig auðveldlega í gegn og skoraði með föstu skoti af stuttu færi. Suðurnesjamenn ná af og til mjög snörpum upp- hlaupum, einkum upp hægri kantinn, þar sem Páll var stöð- ugt ágengur og hættulegur með sínar jarðarsendingar áfram til samherja sinna, Skúla miðfram- hei-ja og Svavars hægri innherja, en aftasta vörn Akureyringa, sem naut lítils stuðnings framvarð- anna í fyrri hálfleik, var sterk fyrir enda þótt hún léki nokkuð opið á köflum og bægði hættunni frá. Á 12. mínútu eru Akureyr- ingar enn ágengir við mark Suð- urnesjamanna, hár knöttur er sendur fyrir markið frá vinstri, sem Garðar vinstri bakvörður, spyrnir í horn fyrir miðju marki sínu. Ekkert varð úr hornspyrn- Unni. Á 20. mínútu fannst Suður- nesjamönnum kominn tími til að jafna metin. Svavar sendir Páli á hægri kantinum knöttinn. Páll geysist með hann áfram í áttina að endamörkum og gefur lágan, góðan knött fyrir markið til Vil- bergs Jónssonar vinstri innherja, sem fylgdi fast eftir sókninni á sínum væng og spyrnti knettin- um viðstöðulaust í mark Akur- eyringa í stöng og inn. Framlína Akureyringa átti erfitt uppdrátt- ar með sóknartilraunir sínar á miðjunni, þar voru Suðurnesja- menn sterkir fyrir og tilgangs- laust reyndist að reyna að leika einleik i gegn. Miðjutríóið hélt knettinum of lengi og missti þannig af mörgum tækifærum, helzt voru það útherjarnir Björn og Hermann, sem voru skeinu- hættir með sendingum sínum af köntunum. Á 30. mínútu á Her- mann skot framhjá innan víta- teigs. Á 34. mínútu eru Suður- nesjamenn ágengir á miðjunni. Páll og Svavar byggja upp sókn- ina, en Arngrímur grípur inn í og spyrnir knettinum úr leik. Á 38. mínútu á Ragnar Sigtryggs- son gott skot, sem markvörður Suðurnesjamanna slær í horn. — Alls fengu Akureyringar fjórar hornspyrnur í fyrri hálfleiknum, en þær reyndust allar hættu- lausar. Fyrri hálfleiknum lauk með jafntefli, 1:1, og var það mjög sanngjarnt. Knötturinn var meira á vallarhelmingi Suður- nesjamanna, en sókn þeirra móti vindihum var snörp o« hættuleg vegna flýtis framhnunnar. í seinni hálfleiknum var Ak- ureyrarliðið eins og annað lið. Nú var knötturinn látinn vinna og framverðirnir Haukur og Guð- mundur höfðu náð yfirtökunum á miðjunni. Einkum var Haukur iðinn við að senda samherjum sínum í framlínunni hverja send- inguna af annari viðstöðulaust og átti hann drjúgan þátt í ágæt- um sóknaráhlaupum af vinstri væng ásamt Birni, Tryggva og Ragnari. Fyrstu 10 mínúturnar voru Akureyringarnir alls ráð- andi á vellinum og pressuðu stöðugt. Strax í byrjun eiga þeir góðan skalla, sem Heimir bjarg- aði vel. Og á 7. mínútu er Björn í hættulegu færi, en varð aðeins of seinn með skotið, Eiríkur náði að spyrna í burtu á síðustu stundu. Á 9. mínútu leikur Tryggvi laglega á vinstri bak- vörðinn með því að skalla knött- inn yfir hann og komast inn- fyrir og skjóta, en Heimir bjarg- ar í horn. Sendingar Tryggva áfram með skalla voru sérlega fallegar og á hann fáa jafningja í skallasendingum. Er um stund- arfjórðungur var af seinni hálf- leiknum fara Suðurnesjamenn að verða ágengari við mark Ak- ureyringa, en það fór eins með þá, að þeim reyndist erfitt að ná í gang virkum samleik undan rokinu og skotin urðu fá. Það hættulegasta kom á 24. mínútu er Gunnlaugur átti fast skot á markið, en Einar í markinu var vel staðsettur og átti allskostar við skotið. Akureyringar fá all- mörg tækifæri, einkum skall hurð nærri hælum á 26. mínútu er Ragnar var búinn að ,,brod- era" svolitla stund með knöttinn og skaut sjálfur í slæmu færi í stað þess að gefa vel staðsettum samherjum sínum knöttinn. A 30. mínútu sækja Akureyringar á hægri væng. Baldur og Tryggvi leika saman inni á miðju. Bald- ur fær gott skotfæri af vítateig og spyrnti fast og öruggjega knettinum í mark Suðurnesja- manna rétt undir þverslá :— mjög fallegt skot. Suðurnesjamenn höfðu fullan hug á að jafna metin og sóttu stöðugt á einkum síðustu 10 mín- úturnar, en marktækifærin létu standa á sér þrátt fyrir ákafa sókn. | LIÐIN Lið Akureyringa var vel að sigrinum komið. Þeir sýndu betri og raunhæfari leik í seinni hálfleik, sem varð þeim til sig- urs, annars var mjótt á munun- um, því Suðurnesjamenn seldu sig dýru verði og unnu af krafti og dugnaði til hinztu stundar. — Vörn Akureyringanna var styrk með Arngrím sem sterkasta mann. Siguróli og Tryggvi áttu einnig góðan leik, þó átti Tryggvi á stundum erfitt með Pál og gaí honum of lausan tauminn. Fram- verðirnir Haukur og Guðmundur voru íremur slakir í fyrri hált- leiknum, en í þeim síðari sneru þeir blaðinu við og áttu miðjuna, einkum sýndi Haukur góðan leik, eins og áður er sagt. Framlínan sýndi í seinni hálfleiknum, að hún er fljót til og harðsnúin, einkum vinstri vængurinn, Björn, Ragnar og miðframherjinn Tryggvi. Baldur er orðinn nokk- uð þungur, en hann hefir gott auga fyrir samleik og skot hans, sem hann skoraði úr var fallegt. Hermann á hægri kantinum er fljótur á sprettinum og sendi marga góða bolta fyrir markið til samherja sinna. Á Einar í mark- inu reyndi lítið, en grip hans voru svo örugg, að hann tapaði engum knetti frá sér og hann réð við allt, sem að markinu kom, nema hið eina mark, sem skórað var og ekki verður hann sakaður um það. Lið Suðurnesjamanna sýndi sterkan og góðan leik, einkum var fyrri hálfleikurinn „þeirra leikur" þó móti veðri væri sótt. Vörnin var sterk með Eirík Helgason sem sterkasta mann. Framverðirnir Sigurður og Einar unnu mjög vel allan leikinn út. Páll, Gunnlaugur og Svavar voru virkustu sóknarmennirnir, þó virtist Svavar slappa af í seinni hálfleiknum og undan rokinu gekk framlínunni il^a að hemja knöttinn. Heimir í mark- 'nu varði oft djarflega háa bolta, 3n átti til að missa knöttinn fyrir markið, að öðru leyti skilaði hann hlutverki sínu með prýði. Að loknum leik bauð stiórn K. S. í. keppendum til kaffi- drykkju. Þar ávax-paði formað- urinn, Björgvin Schram, kepp- endur og árnaði sigurvegurum heilla og lét þess getið, að hann hefði persónulega ákveðið að gefa sigurvegurunum grip til' minja um þennan sigur, en grip- urinn var ekki tilbúinn og verð- ur sendur sigurvegúrunum síðar. Einnig tóku til máls Árni Sig- urðsson, fararstjóri Akureyringa og Páll Ó. Pálsson, formaður íþróttabandalags Suðurnesja. Með þessum leik er brotið blað í íslenzkri knattspyrnusögu. — Fyrsta leikári annarar deildar er lokið, en sú nýskipan komst á á þessu leiktímabili, að skipt var í fyrsta sinn í deildir að erlendu fyrirkomulagi. Annari deild var skipt í svæði með landfræðileg- um takmörkunum, en opin öllum aðiljum, sem ekki áttu flokk fyr- ir í fyrstu deild. Aðeins fjórir að- iljar tóku þátt í keppninni að þessu sinni, Akureyringar, Suð- urnesjamenn, Vestmannaeying- ar og ísfirðingar. Of snemmt er að spá neinu um, hvort hér sé fundið fast keppnisform til fram- búðar, til þess liggja ýmsar á- stæður, þó aðallega fjárhagsleg- ar, þar sem ferðalög flokkanna, sem þátt taka í keppninni eru dýr. T.d. má geta þess, að för Akureyringa hinga'ð á úrslitaleik- inn mun. kosta um 12 þúsund, krónur. Vonandi er þó að fjár- hagurinn verði keppninni ekki fjötur um fót, því hér-er stigið. stórt spor í rétta átt til þess að auðga og efla knattspyrnuíþrótt- i.na um allt land. Hans. ?•••••••••••? • MoBGUNBLAÐIÐ • • • • MEÐ • •M • IVORGUNKAFFINU • ^^^^•••••••#

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.