Morgunblaðið - 23.12.1959, Qupperneq 12

12
MORGVNBLAÐ1Ð
Miðvik'udagur 23. des. 1959

Útg.: H.f. Arvakur Reykjavík.
Framkværadastjóri: Sigfús Jónsson.
Ritstjórar: Valtýr Stefánsson (ábm.)
Sigurður Bjarnason frá Vigur.
Matthías Johannessen.
Lesbók: Arni Óla, sími 33045.
Auglýsingar: Arni Garðar Kristinsson.
Ritstjórn: Aðalstræti 6.
Auglýsingar og afgreiðsla: Aðalstræti 6. Slmi 22480.
Askriftargald kr 35,00 á mánuði innamands.
I lausasölu kr. 2.00 eintakið.
MERKISATBURÐUR í SÖGU
ÍSLENZKRA FLUGMÁLA
ISLENZKA flugflotanum
hefur bætzt glæsilegur
og fagur farkostur. Hin
nýja Loftleiðaflugvél, Leifur
Eiríksson, er fullkomnasta flug-
vél, sem þjóðin hefur eignazt.
Með henni hefur ísland færzt enn
nær umheiminum en áður. Þessi
nýja flugvél getur flogið á rösk-
um 8 klukkustundum frá Reykja-
vík til New York og um það bil
4 klukkustundum frá Reykjavík
til Kaupmannahafnar. Flugþol
hennar er meira en nokkurrar
annarrar íslenzkrar flugvélar,
þar sem hún getur flogið 6650
km. í einni lotu, en það samsvar-
ar vegalengdinni milli Reykja-
víkur og Los Angeles í Kali-
forníu. Hún þarf að jafnaði ekki
að lenda á leið sinni til Ameríku
frá Islandi, en fer í einum áfanga
frá Reykjavík til New York. —
Sparast við þetta bæði tími og
fé. —
Merkileg nafngift
Á því fór mjög vel, að for-
ystumenn Loftleiða völdu þessari
nýju og glæsilegu flugvél nafnið
Leifur Eiríksson. Sú sögulega
staðreynd verður ekki sniðgeng-
in, að það var íslendingurinn
Leifur Eiríksson, sem fyrstur
fann meginland Norður-Ameríku
fyrir tæpum þúsund árum. Hafa
Bandaríkjamenn meðal annars
viðurkennt þessa sögulegu stað-
reynd með því að gefa íslending-
um mikið og fagurt líkneski af
hinum frækna landkönnuði og
sægarpi, á 1000 ára afmælishátíð
Alþingis. Hefur þessi stytta síðan
staðið á Skólavörðuhæð, í hjarta
hinnar íslenzku höfuðborgar og
horft út á hafið.
Hinn nýi Leifur Eiríksson
fer um háloftin með 500 km.
hraða á klst. Hann er tákn
hins nýja tíma í samgöngum
heimsins. Hann hefur fært
hinn nýja og gamla heim
hvorn nær öðrum. íslenzka
þjóðin fagnar honum og biður
honum fararheilla yfir lönd
og höf, hvert sem leið hans
liggur.
Framtak Loftleiða
Forystumenn Loftleiða hafa
sýnt mikinn dugnað og kjark með
kaupum þessarar nýju og full-
komnu flugvélar. Þeim hefur á
undanförnum árum tekizt að
halda uppi öruggum flugsam-
göngum milli meginlands Evrópu
um ísland til Norður-Ameríku.
Með þessari merkilegu starfsemi
hafa þeir vakið mikla athygli á
landi og þjóð. Þeir hafa einnig
reynzt þess megnugir að standa
í ístaðinu í samkeppni við stór
óg fésterk erlend flugfélög. Fyrir
allt þetta ber hinum ungu og
dugmiklu forystumönnum Loft-
leiða vissulega þakklæti þjóðar
sinnar.
íslendingar hafa verið heppnir
með forystumenn flugmála
sinna. Bæði íslenzku flugfélögin,
Flugfélag Islands og Loftleiðir,
hafa verið byggð upp og rekin
af þróttmiklum og dugandi ung-
um mönnum. Flugið var þeim í
upphafi hugsjónamál, sem þeim
var ljóst að haft gat í för með
sér stórbætta aðstöðu að mörgu
leyti fyrir þjóð þeirra. En nú
er flugið orðið að merkilegri at-
vinnugrein, sem vonir standa til
að þjóðin geti haft af góðan arð.
íslendingar eiga nú glæsilegan
flota millilandaflugvéla, sem er
ekki aðeins fær um að annast
flutninga milli Islands og ann-
arra landa. Millilandaflug okkar
byggist í stöðugt vaxandi mæli,
hjá báðum flugfélögunum á flutn-
ingi útlendinga. Hin íslenzku flug
félög eru þannig stöðugt að vinna
sér aukið traust og færa út kvíar
viðskipta sinna.
íslenzka þjóðin þakkar
þeim brautryðjendastarfið og
árnar þeim allra heilla í fram-
tíðinni.
ÞJÖÐIN VERÐUR AÐ VITA HVAR
HÚN STENDUR
SÍÐAN Jónas Haralz ráðu-
neytisstjóri og fleiri hag-
fræðingar drógu nú í
haust upp glögga mynd af ástand
inu í efnahagsmálum íslendinga,
hafa núverandi stjórnarandstæð-
ingar, kommúnistar og Fram-
sóknarmenn, hamazt á þeim og
borið þeim á brýn „fjandskap við
alþýðu manna“. Jafnframt hafa
málgögn stjórnarandstæðinga
haldið uppi stöðugum dylgjum
um það, að ríkisstjórnin hefði í
hyggju stórfellda árás á lífskjör
alls almennings í landinu.
Eru íslendingar ekki nógu
lengi búnir að hlusta á slíka
sleggjudóma af hálfu kommún-
ista? Er til lengdar hægt að telja
þroskuðu og viti bornu fólki í
lýðræðislandi trú um það, að í
því felist stórhættuleg hætta fyr-
ir afkomu þess alla og lífskjör,
að því sé sagður sannleikurinn
umbúðalaus um ástandið í efna-
hagsmálum þjóðar þeirra’
Þessar fýrirspurnir eru vissu-
lega tímabærar í dag. Einn sterk-
asti þátturinn í hinu stjórnarfars
lega sjálfstæði hverrar þjóðar, er
hið efnahagslega sjálfstæði. Þjóð,
sem gengur gálauslega um gleð-
innar dyr og skeytir engu um
efnahag sinn og raunverulegan
framtíðargrundvöll atvinnuvega
sinna, getur ekki vænzt þess að
halda áfram á braut framfara og
uppbyggingar. Engum vitiborn-
um einstaklingi kemur til hugar
að hann treysti framtíð sína með
því, að stofna stöðugt til aukinna
skulda og lifa ár frá ári iangt
um efni fram.
Það sem íslenzkir hagfræð-
ingar hafa fyrst og fremst
sagt undanfarið og bent þjóð
sinni á, er að hún komist ekki
til lengdar hjá því, að taka
tillit til staðreynda um efna-
hag sinn. Þess vegna verði
hún að þekkja þær sem bezt,
vita með vissu, hvernig ástand
ið er í raun og veru í cfna-
hagsmálum hennar.
UTAN UR HEIMI
Ást
eða vinátta?
JjEGAR Reza Pahlevi írans-
keisari og Soraya, önnur
drottning hans, urðu að skilja
—aðeins vegna þess, að þeina
hafði ekki fæðzt sonur, þ. e.
ríkiserfingi — þótti það hin
átakanlegasta harmsaga, því
að vitað var, að keisarinn og
drottningin unnust hugástum.
Fékk sú fregn mikið rúm í
heimsblöðunum á sínum tíma
— og allt síðan hefir sagan
um þessa elskendur, sem ekki
fengu að njótast, skotið upp
kollinum í blöðunum við og
við, í ýmsum myndum. —
Meira að segja var sá orðróm-
ur á kreiki fyrir skömmu að
keisarinn hefði skrifað Sorayu
eldheitt ástarbréf í sama
mund og verðandi þriðja
drottning hans, Farah Diba
(þau héldu reyndar brúðkaup
sitt í fyrradag) var á leið til
Teheran frá París, þar sem
hún hafði keypt brúðarkjól-
inn. —
— —
Undanfarið hefir mönnum
hins vegar virzt sem Soraya
væri loksins að „komast yfir“
ástarsorgina — með dyggri
„aðstoð“ Raimondo nokkurs
Orsini prins, sem er kominn
af einni helztu aðalsætt Ítalíu.
Orsini þessi er sagður maður
léttlyndur og gefinn fyrir
skemmtanir — og lífsgleði
hans mun hafa orkað á Sor-
ayu. — Sem sagt — fólk vill
hafa, að þau séu ástfangin.
— k —
Þau harðneita hins vegar
öllum sögum um, að nokkuð
sé „á milli þeirra“ — nema
vinátta. Og mjög góðir vinir
hljóta þau a. m. k. að vera,
því að segja má, að þau hafi
undanfarið verið öllum
stundum saman að skemmta
sér í glæstustu næturklúbb-
um Rómaborgar. — Þegar
það fréttist, að þau ætluðu
bæði að dveljast um jólin í
St. Moritz í Sviss, hættu flest-
e>
ir að trúa yfirlýsingum þeirra
um, að þau væru „bara vinir“
— en þau vísuðu sem áður
á bug öllum „ástarsögum“ eigi
að síður.
— 'k —
Sjaldan lýgur almannaróm-
ur, segir máltækið. En, hvað
sem um það er, þá er óhætt að
segja, að þetta ástarævintýri
— ef um það er að ræða —
sé undir strangri „gæzlu“, því
að hvert sem þau fara, Soraya
og Orsini prins, þangað fer
einnig móðir hennar, frú Eva
Esfandiari. — Og hann verður
að gera sér að góðu að bjóða
Soraya góða nótt — með
riddaralegum tilburðum, eins,
og myndin sýnir — við dy.
næturklúbbanna. Þetta hefir
vakið mikið umtal í Róm —
því að þar um slóðir þykir
ekki tilhlýðilegt að kyssa
hönd konu „á strætum og
gatnamótum"........
Þetta er nýjasta farartæki þeirra í „Sovéttinu“ — eins og
hið ágæta blað, Spegillinn, nefnir Ráðstjórnarríkin. Og skip
verðum við vist að kalla það, þótt það á ytra borði líkist um
fátt því, sem við hingað til höfum nefnt því nafni. — „Meteor“
nefnist fleytan, og er hún, að því er opinberar upplýsingar
að austan herma, ætluð fyrst og fremst til þess að annast sam-
göngur á ám og vötnum — sem sagt vatnabátur í nýjum stíl.
— Meteor“ getur, samkvæmt fyrrgreindum upplýsingum, flutt
um 150 farþega í einu — og ganghraðinn er 40—50 hnútar
á klukkustund. —
Stolt ítallu |
SEGJA má, að sænska stór- 1
skipið „Stokkhólmur" sé 1
óbein orsök þess, að ítalir
eignast brátt mikla og
„skrautbúna skeið“ sem
bera mun hið fræga nafn
„Leonardo da Vinci“ — og í
kemur það í stað „Andrea /
Doria“, er sökk þegar það 7
lenti í árekstri við „Stokk- J
hólm“, eins og menn munu ^
minnast. L
„Leonardo da Vinci“ verð-
ur 32 þúsund brúttólestir að
stærð. Skipið mun einkum
verða í förum milli Evrópu
og Ameríku — og verður
ekki aðeins eitt hinna
stærstu, sem kljúfa öldur
Atlantshafsins, heldur eitt-
hvert fegursta og glæsileg-
asta farþegaskip heimsins.
— Gert er ráð fyrir, að það
verði fullbúið með vorinu.
— Á myndinni hér að ofan
Ísjáum við stefni stórskips-
ins gnæfa við himin, þar
sem það stendur i skipa-
smíðastöðinni. |