Morgunblaðið - 19.01.1980, Side 27
MORGUNBLAÐIÐ, LAUGARDAGUR 19. JANÚAR 1980
27
40 milljarða velta hjá Cargolux á s.l. ári:
„Við erum þokkalega
ánægðir með okkar hlut“
„LOKAUPPGJÖR síðasta árs
liggur nú ekki fyrir ennþá, en það
er óhætt að segja að við erum
alveg þokkalega ánægðir með okk-
ar hlut,“ sagði Einar Ólafsson,
forstjóri Cargolux, í samtali við
Mbl.
„Við lentum auðvitað í tíma-
bundnum vandræðum vegna
sífelldra eldsneytishækkana, en þó
ekki þannig að við þurfum að hafa
áhyggjur af. í því sambandi er
vert að geta þess, að Jumbóinn
okkar, Boeing 747-vélin kom alveg
sérstaklega vel út rekstrarlega
séð, í raun mun betur en við
höfðum þorað að vona. Það hafði
ekki lítið að segja í sambandi við
þessar eldsneytishækkanir allar.
Varðandi útlitið á þessu ári
gerum við okkur vonir um að
halda settu marki, þ.e. að halda
fengnum hlut og bæta við á
nokkrum leiðum. T.d. er um þessar
mundir sendinefnd á okkar vegum
niðri í Kenya til þess að leita
hófanna um leyfi til flugs þangað,
en við fengum synjun þar í haust.
Við gerum okkur vonir um að fá
einhver svör að þessu sinni, en
hver verða get ég auðvitað ekki
sagt um á þessu stigi," sagði Einar
ennfremur.
Þá var Einar í framhaldi fréttar
í Morgunblaðinu um síðustu helgi
— segir Einar
Ólafsson fram-
kvæmdastjóri
Einar ólafsson, forstjóri Cargo-
lux.
þess efnis, að Halldór Guð-
mundsson, flugvélstjóri og yfir-
maður viðhaldsdeildar Flugleiða
tæki bráðlega við starfi fram-
kvæmdastjóra Cargolux í Banda-
ríkjunum, inntur nánar eftir
þeirri starfsemi. „Við fengum
fyrir nokkru opið leyfi til vöru-
flutningaflugs til Bandaríkjanna,
þ.e. við megum fljúga til þeirra
staða sem við óskum. Við tókum
ákvörðum um að stofna dótturfyr-
irtæki Cargolux með aðsetur í
Miami í Flórída og það stendur til
að Halldór taki þar við fram-
kvæmdastjórastöðu. Við munum
hefja flug þangað einu sinni í viku
á DC-8 í febrúar, en síðan munum
við auðvitað auka þetta ef vel
gengur, sem ég á von á.“
Aðspurður um hvort von væri á
breytingum á flota félagsins sagði
Einar það ekki vera. „Við erum
með í gangi níu flugvélar um
þessar mundir og þær anna okkar
flutningum nokkurn veginn. Þetta
eru ýmist vélar í okkar eigu, eða á
kaupleigusamningum og í beinni
leigu," sagði Einar.
Að síðustu var Einar spurður
hver væri velta fyrirtækis eins og
Cargoiux. „Áætluð heildarvelta
okkar á síðasta ári var um 100
milljónir dollara, eða um 40 millj-
arðar íslenzkra króna."
Þá má geta þess, að Cargolux
hefur ákveðið að skipta um mótor-
ana í öllum DC-8 vélum félagsins,
en hinir nýju mótorar eru mun
hljóðlátari, kraftmeiri og eyða
minna eldsneyti en þeir gömlu.
Jumbóinn, Boeing-747, kom betur út en menn þorðu að vona.
METAR
700 farþegaþotur
smíðaðar á s.l. ári
FRAMLEIDDAR voru fleiri far-
þegaþotur á s.l. ári en nokkru
sinni fyrr í sögunni. eða ríflega
700 þotur, að verðmæti um 20
milljarðar dollara eða um 7900
milljarðar ísienzkra króna. Inn í
þessari tölu eru einnig varahlutir
með vélunum. Þá voru fluttir
fleiri farþegar á s.l. ári en nokkru
sinni fyrr, eða um 745 milljónir
manna. en það er um 10% aukning
frá árinu áður.
Þá varð mikil aukning í smíði
ýmiss konar smáþotna, sem sér-
framleiddar eru fyrir kaupsýslu-
menn og aðra þá sem ferðast í
einkavélum.
Auk þeirra 700 þotna, sem fram-
leiddar voru á árinu sem leið, voru
pantaðar um 200 þotur til viðbótar,
sem gerir það að verkum að flug-
vélaframleiðendur geta ekki tekið
við viðbótarpöntunum fyrr en á
miðju þessu ári.
Flestir flugvélaframleiðendur eru
sannfærðir um að þessi stöðuga
eftirspurn eftir nýjum farþegaþot-
um muni halda áfram út allan
þennan áratug vegna þess, að þörfin
745 milljónir
f arþega fluttar
sem er mesti
f jöldi frá upphafi
fyrir endúrnýjun sé svo óvenjulega
mikil. Mjög mikið af þeim þotum,
sem nú séu í notkun, séu orðnar
15—20 ára gamlar. Þá er talið að
það muni flýta mjög fyrir þessari
endurnýjun að þær farþegaþotur,
sem nú eru framleiddar, eyða um
30% minna eldsneyti en þær eldri
og varahlutir eru orðnir tiltölulega
ódýrari vegna meiri fjöldafram-
leiðslu.
Að mati sérfræðinga í flugmálum
má gera ráð fyrir að smíða þurfi
a.m.k. 3500 farþegaþotur á næstu
tíu árum til þess að mæta þeirri
endurnýjunarþörf, sem fyrir hendi
er, en á verðlagi í dag er það
endurnýjun upp á 100 milljarða
dollara eða um 39500 milljarðar
íslenzkra króna.
Boeing-flugvélaverksmiðjurnar
bandarísku fengu langflestar pant-
anir á s.l. ári eða 314. Þar af voru
pantaðar ein af gerðinni Boeing-707,
106 Boeing-727, 76 Boeing-737, 80
Boeing-747 Jumbo og 51 Boeing-767,
sem eru nýjar vélar á markaðinum.
Þá má geta þess að Boeing-verk-
smiðjurnar eru með nýja vél,
Boeing-757, í hönnun og kemur hún
væntanlega á markað á næsta ári,
og mun þá‘ væntanlega taka við
hlutverki Boeing-727-vélanna.
Þeir framleiðendur sem komu
næstir á eftir Boeing eru Airbus-
verksmiðjurnar evrópsku sem fengu
221 pöntun á A-300 og A-310 vélum
samanlagt og er þar um mikla
aukningu að ræða frá árinu áður.
McDonell Douglas-verksmiðjurn-
ar bandarísku koma svo þriðju í
röðinni, en hjá þeim voru pantaðar
alls 46 DC-10-vélar þrátt fyrir öll
vandræðin í kringum þær vélar á
árinu og síðan voru pantaðar 62
vélar af gerðinni DC-9.
Eins og framan greinir jukust
farþegaflutningar um 10% á liðnu
ári, en vöruflutningar hins vegar
jukust aðeins um 8%, sem er nokkru
minna en búist hafði verið við.
Ný hárgreiðslustofa í Garðabæ
• Ný hárgreiðslustofa hefur verið opnuð í Garðabæ, Hárgreiðslustof-
an Ella, Reynilundi 2. Stofan er opin alla virka daga frá kl. 8.30 til 5
og laugardag til kl. 3 e.h. Veitt er almenn hársnyrting og auk þess er
á hárgreiðslustofunni leikaðstaða fyrir börn. Meðfylgjandi mynd tók
ljósm. Mbl. Emilía i hinni nýju hárgreiðslustofu i Garðabæ.
Vertíðin byrjar
illa á Hornafirði
Höfn, Hornafirði. 17. janúar
HJÁ Hornafjarðabátum
hófst vertíð upp úr áramót-
um, en gæftir hafa verið
mjög óhagstæðar. 14 bátar
hafa róið með línu og einn
verið á togveiðum. Alls voru
farnar 58 sjóferðir fram til
15. janúar og varð heildar-
afli þann tíma 307 lestir,
meðalafli í róðri því 5,3
lestir. I fyrra höfðu 16 bátar
aflað 561 lest á sama tíma í
84 róðrum, eða 6,7 lestir til
jafnaðar í róðri. Afli er því
253 lestum minni í ár og
meðalafli 1,4 lestum minni í
róðri. Gunnar.
Heyrnarskertum
verði gert auðveld-
ara að fylgjast
með sjónvarpsefni
Esperantistafélagið Auroro
hefur gert svofellda samþykkt:
Fundur í Esperantistafélaginu
Auroro, haldinn 14. des. 1979,
minnir á að samkvæmt 19. grein
mannréttindayfirlýsingar Sam-
einuðu þjóðanna eru það mann-
réttindi að mega tala við annað
fólk, „leita, taka við og dreifa
vitneskju" (leturbreyting hér).
Slík réttindi eru innantóm orð ef
aðstæður í samfélaginu banna
mönnum að neyta þeirra, og minn-
ir félagið í því sambandi á ályktun
sína frá 7. des. 1978 um gagnsleysi
slíkra réttinda þegar sameiginlegt
tungumál skortir.
Við Islendingar höfum ekki tal-
ið okkur til þeirra þjóða þar sem
minnihlutahópum er meinað að
nota móðurmál sitt á eðlilegan
hátt, ýmist vegna þess að það er
beinlínis bannað eða því er haldið
niðri af félagslegum aðstæðum, og
við lítum með réttlátri hneykslan
til þeirra landa þar sem slíkar
hindranir í samskiptum manna
eru lagðar á leið þjóðarbrota eða
minnihlutahópa. En fundurinn
bendir á að slíkir minnihlutahóp-
ar eru fleiri en þjóðabrot með
sérstakt tungumál, og minnir í því
sambandi á stóran minnihlutahóp
hérlendis sem aðstæður í samfé-
laginu banna að njóta eðlilegra
samskipta við landa sína.
Minnihlutahópur heyrnar-
skertra og heyrnarlausra Islend-
inga er stór og getur sökum
fötlunar sinnar ekki notið út-
varpsefnis né heldur sjónvarps-
efnis annars en þess sem ritaður
texti fylgir. Meðal þessa er margt
ungt fólk.
Því bendir Esperantistafélagið
Auroro sérstaklega á nauðsyn
þess að setja texta við sem allra
mest af innlendu sjónvarpsefni. I
því sambandi þakkar fundurinn
það framtak að flytja heyrnar-
skertum kosningaúrslitin í des-
emberbyrjun á táknmáli þeirra
með þeim hætti að líklegt var
einnig til skilningsauka heyrend-
um.
Fundurinn bendir Ríkisútvarp-
inu á að unnt er að koma til móts
við fyrrgreindan minnihlutahóp
með því að:
1) Sýna í upphafi hvers frétta-
tíma sjónvarps textayfirlit á
skjánum, annaðhvort um leið
og það er lesið fyrir heyrandi
fólk eða síðustu mínúturnar
áður en fréttalestur hefst.
2) Flytja á táknmáli vikulegt
fréttayfirlit í sjónvarpi.
3) Gera allt sjónvarpsefni með
íslensku tali aðgengilegt heyrn-
arfötluðum með því að setja
texta við það, þar á meðal þætti
um landafræði, náttúrufræði,
vísindi, tækni, atvinnuhætti og
svo framvegis.
Liði 1 og 2 mun vera unnt að
framkvæma án verulegs kostnað-
ar eða mikils undirbúnings, en það
er réttlætismál að koma þeim
öllum í verk sem fyrst. Sé ekki fé
tiltækt til þessa, er eðlilegt að
skerða ögn fé til þeirra dagskrár-
liða sem eingöngu gagnast fólki
með enga fötlun.
Fundurinn heitir á yfirstjórn
Ríkisútvarpsins, útvarpsráð og út-
varpsstjóra, að duga þessu mann-
réttindamáli.