Morgunblaðið - 16.04.1980, Blaðsíða 25

MORGUNBLAÐIÐ, MIÐVIKUDAGUR 16. APRIL 1980
25
fólk í
fréttum
+ Brezka stórblaðið „The Observer" hefur birt greinaflokk um vísindalegt samstarf
lækna og foreldra fyrsta glasabarnsins, sem fæddist, Louise Joy Brown. Hún verður
ára 25. júlí næstkomandi. Þessi greinaflokkur í The Observer er byggður á
samtali blaðsins við vísindamennina, sem hér áttu hlut að máli, Robert Edwards og
Patrick Steptoe. Fékk blaðið sérstakt leyfi foreldranna til að taka þessa mynd af
telpunni, en hún fylgdi síðustu greininni og tók ljósmyndari blaðsins hana af litlu
fröken Brown á heimili hennar í borginni Bristol. Þegar barnið var fætt og
læknarnir gengið úr skugga um að það virtist í alla staði heilbrigt, hafði Patrick
Steptoe fært móðurinni barn sitt og látið um leið þau orð falla, að hann efaðist um
að hann ætti eftir að lifa þvílíka stund. Móðir telpunnar var þrítug. Að baki þessu
vísindalega afreki lá 12 ára starf.
+ Frá Tokyo herma fregnir að þar hafi verið til
rannsóknar fjármálahneyksli, sem fyrrum forstjóri aðal-
símafélagsins er höfuðpaurinn í. A hann að hafa dregið
sér og fjölskyldu sinni 76.000 dollara. — Fleiri hafa
dregizt inn í þetta mál. Hafa tveir menn framið
sjálfsmorð og fjórir aðrir menn verið fangelsaðir. —
Fjárglæframál þetta nær inn í raðir helsta stjórnmála-
flokks landsins, flokks Ohira forsætisráðherra. — Hann
er nú að hefja kosningaundirbúning að þingkosningum í
Japan, sem verða í júlímánuði nk. Þessi mynd er tekin af
fyrrum símafélagsforstjóranum (á miðri myndinni), en
hann var handtekinn fyrir skömmu. Hann heitir Manabu
Itano og er 69 ára gamall.
Aftur
á strik
+ Kvikmyndaleikkonan
Ava Gardner, sem ekki
hefur komið nálægt
kvikmyndaleik um all-
nokkurt skeið, hefur nú
leitað aftur á fornar
slóðir — í kvikmynda-
verið. Hún hefur tekið að
sér að leika eitt aðal-
hlutverkið í myndinni
„A Priest in Love“ (Ást-
fangni presturinn) sem
er mynd byggð á ævi
brezka rithöfundarins
D.H. Lawrence (1885—
1930). Hann er höf. bók-
anna „Elskhugi lafði
Chatterleys" og „Sons
and Lovers“. Ava, sem
nú er 57 ára, hefur verið
í Bretlandi og fór þaðan
beint til Mexikó þar sem
byrjað verður á kvik-
myndinni. Blaðamenn
sögðu hana hafa verið
dálítið framlága. Stæði
það trúlega í sambandi
við dauða hundsins
hennar, Welsh-hundsins
Köru. Þetta var dásam-
legt dýr, sagði hún við
blaðamenn á flugvellin-
um.
Árbók Ferðafélags-
ins 1980 komin út
Þetta er 53. Árbók félagsins
og ber hún undirtitilinn ,,Lang-
jökulsleiðir". Höfundur Árbók-
arinnar er dr. Haraldur Matthí-
asson á Laugarvatni. Efni bók-
arinnar er lýsing á landinu og
leiðum umhverfis Langjökul. Er
efninu • skipt í 10 kafla: 1.
Langjökull, 2. Þórisjökull, 3. Af
Kaldadal að Hagavatni, 4. Vest-
ur fyrir Langjökul, 5. Gengið
ofan við Hagavatn, 6. Langjök-
ulsferðir, 7. Hvítárnes og
Hvítárvatn, 8. Hrútfell, 9.
Skálpanes og leið til Hagavatns,
10. Litið yfir gönguleiðir. Auk
þessa er grein um gróðurathné-
anir og Flórulisti úr Þórisdal,
sem Gestur Guðfinnsson ritar.
Þá ritar Hákon Bjarnason um
Ár trésins. Auk þess er nafna-
skrá og félagsmál.
Árbókin er 12 arkir að stærð,
prentuð á vandaðan pappír. I
Árbókinni eru 29 litmyndir,
fjöldi svart/hvítra mynda, og
uppdráttur, sem sýnir Langjök-
ulsleiðir, þ.e. gönguleiðirnar.
Þetta er fimmta Árbókin, sem
dr. Haraldur skrifar fyrir
Ferðafélagið, auk þess skrifaði
hann um Hornstrandaferð í
Árbók 1968 og síðast en ekki síst
skrifaði hann 50 ára sögu Ferða-
félagsins, sem kom út sem
sérprent á 50 ára afmæli félags-
ins og var einnig hluti af árbók
1978. Dr. Haraldur á mikinn
heiður og þakkir skyldar fyrir
FERÐAFÉLAG ÍSLANDS
____________________
allar þessar Árbækur og margt
fleira, sem hann hefur gert fyrir
félagið á umliðnum áratugum,
en Haraldur hefur aldrei þegið
neina greiðslu fyrir verk sín.
Ritstjóri Árbókarinnar er
Páll Jónsson, bókavörður og
hefur hann haft allan veg og
vanda af útgáfunni. Árbókin er
gefin út í 10 þúsund eintökum,
prentuð í Isafoldarprentsmiðju,
myndirnar eru unnar af Prent-
myndastofunni Litróf, Offset-
myndum sf og litgreiningin er
unnin í Myndamót hf. Gunnar
Hjaltason teiknaði svipmyndir
yfir nokkra kaflana og einnig
mynd á baksíðu bókarinnar.
Skotveiðifélag íslands:
Koma þarf í veg
fyrir óæskilegar
veiðar útlendinga
SKOTVEIÐIFÉLAG íslands
gekkst fyrir ráðstefnu um
landréttindi 30. mars sl. Á
ráðstefnunni var samþykkt
ályktun er fól í sér áskorun
um að hið fyrsta verði sett ný
veiðilöggjöf, einnig er fjallað
um landgræðslu og gróður-
vernd, um skipulag dýraveiða
og rannsóknir á dýrum og um
útilífsréttindi almennings.
M.a. er bent á, að ný veiði-
löggjöf verði að fela í sér
ákvæði um vernd dýra, þ.á m.
fugla, veiðirétt landeigenda
og almennings, rannsóknir á
dýrum, skipulag veiða og
eftirlit með þeim, veiðitæki
og veiðiaðferðir. Þá segir og
að setja þurfi í lög ákvæði
sem gætu komið í veg fyrir
óæskilegar veiðar útlendinga
á íslandi.
í umfjöllun um útilífsrétt-
indi kemur fram, að ráðstefn-
an telur nokkur brögð vera að
því, að landeigendur virði ekki
almannarétt, s.s. umferðar-
rétt, dvalarrétt, rétt til end-
urgjaldslausra afnota (berja-
tínslu), til vatnsafnota og á
/&s
(/) í ^ t/t
víðáttumiklum svæðum til
fuglaveiða. Segir í ályktuninni
að landeigendur krefjist jafn-
vel gjalda fyrir afnot, sem
almenningi eru heimiluð í lög-
um, t.d. fyrir tjaldstæði á
ógirtu og óræktuðu landi,
einnig að afstaða sumra land-
eigenda til fuglaveiða á afrétt-
um sé dæmi um hið sama.
Telur ráðstefnan brýnt að
festur verði í sessi þessi rétt-
ur, sem almenningi ber skv.
lögum að barist verði fyrir
frekari réttindum á þessu
sviði.
Leiðrétting
í FRÁSÖGN af ræðu Þor-
valds Garðars Kristjánsson-
ar alþingismanns í blaðinu í
gær slæddist inn sú villa, að
talað var um greiðslur
mæðralauna á mánuði. Þar
var að sjálfsögðu átt við
greiðslur á ári, eins og öllum
mátti ljóst vera við lestur
frásagnarinnar.
En missögn þessi leiðrétt-
ist hér með, og eru lesendur
beðnir velvirðingar á þeim.