Morgunblaðið - 23.12.1980, Qupperneq 20

20
MORGUNBLAÐIÐ, ÞRIÐJUDAGUR 23. DESEMBER 1980
MORGUNBLAÐIÐ, ÞRIÐJUDAGUR 23. DESEMBER 1980
29

hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson.
Björn Jóhannsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aöalstræti 6, sími 22480. Afgreiösla: Skeifunni 19, sími 83033.
Áskriftargjald 7.000 kr. á mánuði innanlands. í lausasölu 350 kr.
eintakið.
Utgefandi
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
Áramótin
í febrúar
Málefni þjóðarinnar eru í jafn mikilli óvissu, þegar alþingismenn
fará í jólaleyfi, og var við upphaf vetrarstarfs þeirra. Síðan
þinghald hófst hefur samkomulag að vísu tekist um kjaramál milli
stærstu aðila vinnumarkaðarins og fjárlög fyrir næsta ár liggja fyrir.
Hvergi hefur þó verið mynduð viðspyrna, sem gerir ríkisstjórninni
kleift að ná yfirlýstu markmiði sínu: að fyrir árslok 1982 verði
verðbólgan komin niður á svipað stig og í nágranna- og viðskiptalönd-
unum. I haust voru forsendur fjárlagafrumvarpsins þær gagnvart
verðbólgunni, að á milli áranna 1980 og 1981 hækkaði verðlag að
meðaltali um 42%. Þessar forsendur eru pólitískar, ákveðnar af
ríkisstjórninni. Hún hefur ekki gefið til kynna, að frá þeim hafi verið
horfið. Raunveruleg tala, sambærileg við 42%, er hins vegar nú komin
í 65%. Að óbreyttu hækkar þessi prósentutala. Hún lækkar ekki nema
með snöggum og markvissum efnahagsaðgerðum. Þær eru nauðsyn-
legar strax, ef ríkisstjórnin ætlar að ná markmiði sínu 1982.
í athugasemdum fjárlagafrumvarps 1981 sagði: „Á næstunni verða
ákvarðanir teknar um aðgerðir i efnahagsmálum, sem tengjast
væntanlegri gjaldmiðilsbreytingu." í þjóðhagsáætlun fyrir 1981 segist
ríkisstjórnin setja sér það mark að ná verulegum árangri í baráttunni
við verðbólguna á næsta ári. Þar segir einnig, að ráðstafanir í
efnahagsmálum verði að mynda „samstæða heild" og mestu máli
skipti í viðureigninni við verðbólguna, „að þegar verði hafist handa við
framkvæmd þeirrar stefnu, sem ákveðin hefur verið". 23. október
ávarpaði Gunnar Thoroddsen þing og þjóð í þeim tilgangi að skýra frá
stefnu ríkisstjórnarinnar næstu misseri. Þá hafði ríkisstjórnin í huga
margháttaðar efnahagsaðgerðir samfara gjaldmiðilsbreytingunni nú
um áramótin. Verst væru áhrif sjálfvirkni og víxlhækkana á
verðþensluna. Nýr vísitölugrundvöllur ætti að geta gengið í gildi um
áramótin. Nauðsynlegt væri að framlengja um eitt eða tvö misseri frá
áramótunum aðlögun vaxta að verðbólgu og þar með breyta ákvæðum
svonefndra Ólafslaga. Formanni stærsta stjórnarflokksins, Steingrími
Hermannssyni, þótti ekki nægilega fast að orði kveðið hjá
forsætisráðherra í þessum umræðum og vildi ráðstafanir í efnahags-
málum strax fyrir 1. desember sl., svo að draga mætti úr holskeflunni
um áramótin.
Vinnudaga til áramóta má nú telja á fingrum annarrar handar.
ítrekuð tilmæli þingmanna um að ríkisstjórnin gæfi þeim til kynna,
hvað hún ætlaðist fyrir báru engan árangur. Yfirlýsing þingmanna
Sjálfstæðisflokksins í stjórnarandstöðu um að þeir væru reiðubúnir að
láta jólaleyfið lönd og leið, ef það mætti greiða fyrir afgreiðslu
efnahagsmálanna, var hundsuð og þinghaldi frestað til 26. janúar.
Steingrímur Hermannsson, formaður Framsóknarflokksins, sem lét
sér lynda, að ekkert gerðist fyrir 1. desember, dvelst á skíðum erlendis
fram yfir hátíðar. Fór formaðurinn, sem jafnframt er sjávarútvegs-
ráðherra, einmitt úr landi, þegar bátakjarasamningar sigldu í strand
vegna þess að útvegsmenn leggja á það ríka áherslu, að ríkisstjórnin
svari tveimur efnisþáttum er varða sjómenn. Er það verkefni
sjávarútvegsráðherra ásamt félagsmálaráðherra, Svavari Gestssyni,
að svara þessum þáttum. Um áramótin á nýtt fiskverð að taka gildi,
venjulega gerist það ekki án atbeina sjávarútvegsráðherra.
Þótt formaður Framsóknarflokksins sé farinn úr landi, sitja
ráðherrar og ráðgjafar þeirra á fundum um efnahagsmál. Hefur
Tómas Árnason, viðskiptaráðherra, hlaupið í skarðið fyrir formann
sinn. 4. nóvember síðastliðinn svaraði Tómas Árnason fyrirspurn
Matthíasar Á. Mathiesen á Alþingi um það, hvort áramóta-efnahags-
aðgerðir ríkisstjórnarinnar yrðu kynntar þingmönnum fyrir jólaleyfi
þeirra. Tómas Árnason svaraði á þann veg, að nauðsynlegar
efnahagsaðgerðir gætu að sínu mati ekki beðið lengur, dagsetningar
sagðist hann engar vilja nefna en sló þessu föstu: „... ríkisstjórnin
mun að sjálfsögðu leggja sín mál fyrir Alþingi, þegar hún leggur fram
tillögur sínar um aðgerðir í efnahagsmálum". Skýrara er ekki unnt að
lýsa því yfir, að úr því sem komið er, getur Tómas Árnason ekki staðið
að neinum efnahagsaðgerðum fyrr en eftir 26. janúar 1981.
Hlutur framsóknarmanna í núverandi stjórnarsamstarfi verður
verri með hverjum deginum sem líður. Menn mega ekki gleyma því, að
framsókn taldi þessa stjórn algóða, af því hún fylgdi niðurtalningar-
stefnu gegn verðbólgunni. Sú stefna hefur reynst með öllu haldlaus til,
þessa og síst hafa framsóknarmenn þrek til að framfylgja henni af
skynsamlegu viti. Þegar mest á reynir fara þeir annaðhvort á skíði eða
gefa yfirlýsingar um að dagatalinu skuli breytt. Er sennilegast, að
helsta kappsmál Tómasar Árnasonar i efnahagsumræðunum sé að fá
áramótunum frestað fram í febrúar. Á meðan þessi dapurlega vitleysa
viðgengst hugsa kommúnistar um það eitt að styrkja stöðu ríkissjóðs
með aukinni skattheimtu. Aðeins í skattheimtumálum eru stjórnar-
sinnar tilbúnir að láta sverfa til stáls og í efnahagsumræðum sínum
hljóta þeir að semja verðskrá um atkvæðaþunga einstakra liðsmanna.
Stjórn, sem er jafn léleg og þessi, getur aðeins með einum hætti glatt
þjóðina í tilefni jólanna — með því að segja af sér.
í MBL. SL. SUNNUDAG var greint frá yfirliti yfir einkunnir og fjölda fyrsta árs prófa Háskóla
Islands skólaárið 1979—80 sem lagt var fram á samvinnufundi skólastjóra framhaldsskólanna
nýverið. Kom þar m.a. fram að nemendur útskrifaðir frá hinum eldri framhaldsskólum höfðu
samanlagt betri einkunnir heldur en nemendur frá sumum hinna nýju framhaldsskóla. T.a.m. höfðu
nemendur útskrifaðir frá Menntaskólanum á Akureyri 6,67 í meðaleinkunn, en nemendur t.d.
Fjölbrautaskólans í Breiðholti 4,95. Mbl. leitaði álits fjögurra skólastjóra á framhaldsskólastiginu á
þessum niðurstöðum, og fara svör þeirra hér á eftir.
Mikilsvert
að Mbl. veki
umræðu um
skólamál
- segir skólameistari MA
„MÉR ÞÓTTI auðvitað mjög
vænt um að sjá þessar tölur,“
sagði Tryggvi Gíslason, skóla-
meistari Menntaskólans á Ak-
ureyri: „þó skekkjan í þeim sé
æði mikil. og að mcðaltalsút-
reikningur af þessu tæi geti
verið mjög viliandi, ef mæla
skai hvort skóli cr góður skóli.
Raunar er það þetta sem skipt-
ir mestu máli: Við hvað er átt,
þcgar talað er um góðan skóla,
og að hverju ber að stefna. En
mér þykir mikilsvert. að Mhl.
skuli nú, sem reyndar oft áður,
vekja umræðu um skólamál.
Menntaskólinn á Akureyri
byggir á gamalli hefð, og er
fastmótaður skóli, þannig að hann
á ekki við byrjunarörðugleika að
stríða, eins og sumir þeirra skóla á
framhaldsskólastiginu sem stofn-
aðir hafa verið undanfarinn ára-
Tryggvi Gíslason.
tug. Menntaskólinn á Akureyri
hefur á hinn bóginn ávallt leitast
við að gegna vel hlutverki sínu, og
ég hef þá trú, að skólanum hafi
tekist það — og þessar tölur benda
raunar í þá átt, enda þótt umgang-
ast verði þvílíkar tölur með mikilli
varúð og draga varlega af þeim
ályktanir," sagði Tryggvi Gíslason
skólameistari Menntaskólans á
Akureyri.
Ósvífni að
birta þetta
athugasemd-
arlaust
- segir skólameistari
Fjölbrautaskólans
„MÉR FINNST það vera hreint
og beint tii skammar, að
stærsta blað landsins skuii slá
þessu upp án nokkurra skýr-
inga,“ sagði Guðmundur
Sveinsson skólamcistari Fjöl-
brautaskólans í Breiðholti:
„Látum vera þó vegið sé að
stofnun. en þarna er bókstafl-
ega verið að vega að fólki, ungu
fólki, sem er að hefja háskóla-
nám.
Þessar upplýsingar komu fram
á lokuðum fundi og ég hélt þær
væru trúnaðarmál. Ég trúi því
ekki að það hafi verið kennslu-
stjóri Háskólans, Halldór Guð-
jónsson, sem kom þessu til Mbl.,
og það er lúalegt að stærsta blað
landsins skuli birta þetta frá
einhverjum úti í bæ og án viðhlít-
andi skýringa.
Það sem heimildarmaður Mbl.
kallar „gamla og rótgróna" skóla,
viljum við kalla staðnaða skóla, og
með þessu er Mbl. að reyna að
rýra hlut þeirra sem eru að byggja
upp ný námssvið við mjög erfiðar
aðstæður. Þessar tölur segja ekki
nokkurn skapaðan hlut um það,
hvernig stúdentspróf viðkomandi
nemenda var, og þess vegna er
fáránlegt að fullyrða eitthvað um
kosti skólanna út frá þessum
tölum. Til þess hefði þurft að
rannsaka fylgni milli árangurs
nemenda á stúdentsprófi og ár-
angurs þeirra í Háskóla íslands.
Guðmundur Sveinsson.
Ég er með í höndunum þessar
upplýsingar, sem Mbl. vitnar til og
þar kemur fram, þó Mbl. birti það
ekki, að nemendur þessa árgangs
úr Fjölbrautaskólanum, sem til
umræðu er og var reyndar ekki
stór, standa öðrum nemendum við
Háskólann fyllilega á sporði í
læknisfræði og heilbrigðisfræðum,
í raungreinum, eðlisfræði og nátt-
úrufræði, en frávikið verður í
einni deild, viðskiptafræðideild.
Af 181 prófi nemenda frá Fjöl-
brautaskóla Breiðholts eru 70 í
viðskiptadeild, og það er einungis
ein deild sem veldur þessari mjög
svo villandi útkomu. Og það mætti
allt eins, og miklu fremur, spyrja
Háskóla íslands, heldur en okkur í
Fjölbrautaskóla Breiðholts,
hvernig á þessu stendur.
Það er til skammar að Morgun-
blaðið skuli birta þessar tölur
athugasemdalaust, núna rétt fyrir
jólin, þegar Fjölbrautaskólinn er
að brautskrá stúdenta. Það er
ósvífni.
Morgunblaðið ætti að sjá sóma
sinn í því, að biðja nemendur
Fjölbrautaskólans í Breiðholti, og
reyndar alla nemendur í Breið-
holti, afsökunar á þessu, sagði
Guðmundur Sveinsson skóla-
meistari Fjölbrautaskólans í
Breiðholti.
Nemendur
eldri skól-
anna betur
búnir undir
háskólanám
- segir skólastjóri VÍ
„ÞAÐ ER í rauninni mjög
erfitt að túlka þessar tölur,“
sagði Þorvarður Elíasson,
skólastjóri Verzlunarskóla ís-
lands.
„Samt virðist mega draga þá
ályktun. að nemendur eldri
skólanna séu betur búnir undir
háskólanám, hcldur en nem-
endur yngri skólanna. Viðvíkj-
andi Verszlunarskóla íslands,
vil ég leggja áherslu á, að
Guðni Guðbrandsson:
rúmur helmingur háskólastú-
denta frá Verslunarskólanum
stundar nám í viðskiptadeild,
en í viðskiptadeild er meðal-
einkunn tiltölulega mjög lág,
og nemendur úr Verslunar-
skólanum eru þar með ein-
kunnir sem eru lítið hærri en
það meðaltal. Skýringin á
þessu er sú, að nær allir
ncmendur úr Versiunarskólan-
um í viðskiptadeild vinna úti
hálfan daginn og taka auk þess
gjarnan tvö próf í upphafi
háskólaárs — án þess að sækja
nokkurn tímann kennslu-
stundir. Þess vegna eru ein-
kunnir þeirra hvorki betri né
verri en annarra ncmenda í
viðskiptadeiid.
En það er ánægjulegt að sjá, að
þeir eru með hæstu meðaltals-
einkunnir í t.a.m. verkfræðideild,
og standa sig yfirleitt mjög vel.
Annars er best að segja sem
minnst. Það er erfitt að túlka
þessar tölur, eins og ég sagði í
upphafi. Almennt er munurinn á
skólunum ekki mikill, nema staða
Menntaskólans á Akureyri virðist
afskaplega sterk.
Ég vil að endingu lýsa ánægju
minni með að fá þessar upplýs-
ingar. Þær gefa okkur í Verzlun-
arskólanum tilefni til að athuga
vissa þætti í rekstri skólans, og
ennfremur gefa þær stúdentum
frá Verslunarskólanum tilefni til
að íhuga hvort þeir hafi ofmetið
stöðu sína í viðskiptafræðum og
tekið léttar á því námi, en efni
standa til,“ sagði Þorvarður Elí-
asson skólastjóri Verslunarskóla
Islands.
Verðmætar
upplýsing-
ar fyrir
skólana
- segir rektor MR
„ÞESSAR upplýsingar eru
auðvitað afskaplega grófar og
segja raunar ekki nema hluta
sögunnar,“ sagði Guðni Guð-
mundsson rektor Menntaskól-
Þorvarður Elíasson.
ans í Reykjavík. „Þarna eru
talin öll próf í öllum deildum,
en nemendur framhaldsskól-
anna skiptast auðvitað mis-
jafnlega í deildir Háskólans.
Og það er mjög misjöfn meðal-
einkunn milli einstakra deilda
þannig að það hefur vitaskuld
áhrif, hversu margir nemend-
ur ákveðins skóla fara í léttari
deildirnar og hversu margir í
þær þyngri.
Þessar upplýsingar ber semsé
ekki að túlka mjög strangt, þær
eru í rauninni aðeins beinagrind.
Annars er þetta í fyrsta skipti
sem Háskólinn gerir tilraun til að
gefa okkur í framhaldsskólunum
upplýsingar um það hvernig nem-
endum frá hverjum og einum
skóla vegnar og þess vegna er
þetta mikilsverð tilraun, sem gef-
ur okkur möguleika á að bæta
okkur.
Viðleitni Háskólans er af hinu
góða og vonandi þessu haldi
áfram. Slíkar upplýsingar eru
verðmætar fyrir skólana. En ég
endurtek, að þessar upplýsingar
segja ekki nema hluta sögunnar,"
sagði Guðni Guðmundsson, rektor
MR.
Heimilt að hefja smíði
nýs útvarpshúss 1981
í TILEFNI 50 ára afmælis Kíkisút-
varpsins var sl. laugardag efnt til
hátíðarsamkomu i Þjóðieikhúsinu.
Þar flutti Ingvar Gíslason mennta-
málaráðherra ræðu og afhenti bréf
til útvarpsins, þar sem segir m.a.:
„Að loknum nauðsyniegum und-
irbúningi í samráði við ráðuneytið
er ríkisútvarpinu heimiit að hefja
smíðaframkvæmdir á árinu 1981
og halda þeim áfram i samræmi við
fjárhagsgetu framkvæmdasjóðs
ríkisútvarpsins og aðrar aðstæður
hverju sinni. Nánar verður kveðið
á um yfirstjórn og skipulagningu
byggingarframkvæmdanna, þar á
meðal árlega smíðaáfanga.“
Auk ráðherra fluttu ræður Andr-
és Björnsson, útvarpsstjóri, og Vil-
hjálmur Hjálmarsson, formaður út-
varpsráðs. Lauritz Bindslöv, út-
varpsstjóri í Danmörku, flutti
heillaóskir útvarpanna á Norður-
Gunnar Eyjólfsson var kynnir og kafla úr erindum fyrri útvarps-
manna fluttu Gunnar Stefánsson, Ása Finnsdóttir og Óskar
Halldórsson.
löndum og færði islenzka ríkisút-
varpinu frá þeim listaverk úr ker-
amiki eftir Danann Bo Kristiansen.
Klemens Jónsson, formaður starfs-
mannafélags útvarpsins afhenti
fyrir þess hönd ofið veggteppi eftir
Ásgerði Búadóttur, sem nefnist
Skjaldarmerki og á því mynd af
saltfiski. Sveinn Einarsson, Þjóð-
leikhússtjóri flutti heillaóskir
sinnar stofnunar og blómagjöf og
Gísli Alfreðsson, formaður Félags
ísl. leikara tilkynnti í sínu ávarpi
stofnun leiklistarsjóðs, sem geri
nafn Þorsteins Ö. Stephensens og
skyldi hann stuðla að eflingu ís-
ienskrar leiklitar í útvarpi, í flutn-
ingi á verkum og með námskeiða-
haldi og námsstyrkjum, en Þor-
steinn Ö. Stephensen þakkaði. Auk
þess bárust útvarpinu fjöldi heilla-
óskaskeyta innanlands frá og utan
og í bréfi hafði borist vegleg pen-
ingagjöf frá konu, sem ekki vildi
láta nafns síns getið.
Þá var á hátíðinni upplestur og
söngur og var bæði útvarpað frá
henni beint og henni síðan sjón-
varpað um kvöldið.
Andrés Björnsson i ræðustól á
afmælishátiðinni i Þjóðleikhús-
inu.
Póstur og simi:
Nýr framkvæmda-
stjóri fjármáladeildar
GUÐMUNDUR Björnsson hef-
ur verið skipaður fram-
kvæmdastjóri fjármáladeildar
Pósts og síma frá og með
næstu áramótum og tekur
hann við starfinu af Páli V.
Daníelssyni.
Guðmundur er 38 ára gamall
Reykvíkingur, sonur hjónanna
Björns Jónssonar kaupmanns og
Ingibjargar Sveinsdóttur. Hann
lauk stúdentsprófi frá MA 1963
og prófi í viðskiptafræði frá HI
1968. Sama ár réðst Guðmundur
til Pósts og síma og hann hefur
verið deildarstjóri hagdeildar
fyrirtækisins síðan 1971.
Guðmundur er kvæntur Þor-
björgu Kjartansdóttur og eiga
þau tvö börn.
HSSísBí*
Sýning Thors
framlengd með
nýjum myndum
SÝNING Thors Vilhjálmsson-
ar í Djúpinu hefur nú verið
framlengd fram yfir áramót.
„Ég er að fylla í skörðin með
nýjum myndum, því ég var
búinn að selja um helminginn
og fólk vildi fá myndirnar fyrir
jólin," sagði Thor í samtali við
Mbl. í gær. „Það verða áfram
um 30 myndir á sýningunni."
Háhyrningur til
í fyrsta sinn
FYRIR skömmu var einn af há-
hyrningum Sædýrasafnsins fluttur
flugleiðis til Barcelona á Spáni.
Flugfélagið Iscargo sá um flutn-
inginn og tókst hann með miklum
ágætum. Með i förinni voru Rolf D.
Rohwcr eigandi háhyrningsins,
James W. Tiebor, milligöngumað-
ur um kaupin og flutningana auk
dýralæknis, sem fylgdist með líðan
háhyrningsins.
Háhyrningurinn lá í makindum á
mikilli svampdýnu í stóru járnkeri.
Hann var smurður með feiti til að
koma í veg fyrir að húðin þornaði og
af og til þurfti að úða hann með
sérstakri kæliblöndu og dreifa ís
yfir hann til að halda hitastiginu
sem líkustu og var í kerinu við
Sædýrasafnið. Hitastigið í flugvél-
inni var af þeim sökum aðeins um 2
gráður á celcíus og því heldur
kuldalegt í farangursrýminu. Há-
hyrningurinn var hinn rólegasti á
leiðinni og að sögn dýralæknisins
Ieið honum vel miðað við aðstæður.
Búrið var þannig úr garði gert að ef
til vandræða eða seinkana kæmi
væri hægt að halda háhyrningnum í
því í alit að 10 da;>:a með því að fylla
það upp með vatni.
Eigandi hvalsins, Rolf D. Rohwer
á mikinn dýragarð í Barcelona, en
þetta er í fyrsta sinn sem hann
verður með háhyrning þar. Þetta er
jafnframt í fyrsta sinn sem háhyrn-
ingur verður í dýragarði á Spáni.
Rolf sagði að þetta væri mjög
áhættusamt, því háhyrningurinn
kostaði sig með öllum tilkostnaði
kominn í laug í dýragarðinum hátt í
hálfa milljón dollara, því væri eins
gott að hann lifði vel og lengi.
- HG.
Dýralæknirinn, Rolf D. Rohwer, eigandi háhyrningsins og James W. Dýralæknirinn hugar að háhyrningnum við komuna til Spánar.
Tiebor fá sér hressingu á leiðinni. Ljósmyndir Mbi. nc.