Morgunblaðið - 09.12.1981, Síða 4

36
MORGUNBLAÐIÐ, MIÐVIKUDAGUR 9. DESEMBER 1981
Bók um John og Yoko
BÓKAÚTGÁFAN Fjölvi hefur gefið
út nýja bók um bítilinn John Lennon
og fjallar hún um samlíf þeirra
Johns og Yoko og kallast Samlok-
urnar. Sl. sumar gaf Fjölvi út bókina
Lifað með Lennon, eftir fyrri eigin-
konu hans Cynthiu Lennon og er
hún nú uppseld hjá forlaginu, en ný
útgáfa í vændum fyrir jól, segir í
frétt frá útgefanda.
I fréttatilkynningu F'jölva segir
m.a.: „I þessari bók útskýrir höf-
undurinn Ray Connolly, sem var
náinn vinur þeirra, hvað það var
sem John Lennon sá svo yndislegt
við Yoko sína. Ast þeirra varð afar
náin og djúp. Þau gátu ekki
nokkra stund án hvors annars ver-
ið. Einu sinni hljóp hann þó undan
sér og fór á 18 mánaða fyllirí með
kínverskri píu. En John gat ekki
lifað án Yoko og þau sættust, list
hans magnaðist, þau eignuðust
son, og þau voru hamingjusöm allt
fram að hinum sviplega dauða
hans, þegar hann var myrtur við
Dakóta-bygginguna í Ncw York.“
Samlokurnar John og Yoko er
190 blaðsíðna myndskreytt bók í
12 köflum. Þýðingu annaðist
Steinunn Þorvaldsdóttir, sem
einnig þýddi Lifað með Lennon.
Prentun annaðist Prentstofa G.
Benediktssonar, en bókband Arn-
arberg.
Mannlíf
f mótun
- síðara bindi æviminn-
inga Sæmundar G. Jó-
hannessonar komið út
SÍÐARA bindi æviminninga Sæ-
mundar G. Jóhannessonar frá Sjón-
arhæð er nú komið út hjá bókaútgáf-
unni Skjaldborg á Akureyri.
I leiðarorðum þessa síðara bind-
is ævisögu sinnar „Mannlíf í mót-
un“, segir Sæmundur svo:
„Ég þakká þeim, sem látið hafa
hlýleg orð falla, er þeir höfðu lesið
1. bindið af „Mannlíf í mótun".
Einnig þakka ég þeim, sem fundið
hafa að því, eða gert ráð fyrir að
finna að því, sem ég hef skráð í
sögu minni um efni þau, sem dul-
ræn eru nefnd. „Það verður að
segja hverja sögu eins og hún
gengur," sagði móðir mín. Hún
vildi hlutlausa frásögn. Þá er höf-
undur sögunnar áhorfandi, sem
lýsir því, er hann sér eða skynjar.
ívlminningar
Sæmumbr G
Jðhannesssnar
Irá Sjónarfiæð
SSnlM
Sögu mína hef ég reynt að rita
þannig, að sannleikurinn sé sagð-
ur og hlutleysis gætt.“
Leiðarorðum sínum lýkur Sæ-
mundur þannig:
„Með Ijóspenna sannleikans
leitast ég við að rita mína sögu.
Það er staðreynd, að ég man fyrst
eftir mér sex mánaða gamall eða
þar um bil. Ég hafði gott sjónar-
minni.“
Eiðfaxi
kominn út
ELLEFTA hefti tímaritsins Eið-
faxa árið 1981 er nýkomið út, og
flytur ritið fjölbreytt efni af hest-
um og hestamönnum að vanda.
Eiðfaxi er seldur í áskrift og
lausasölu víða um land, og einnig
eru um 200 blöð seld í áskrift til
útlanda.
Meðal efnis í þessu nýjasta hefti
má nefna grein um átak í ferða-
málum hestamanna eftir Arna
Þórðarson, viðtal við nýkjörinn
formann LH, Stefán Pálsson, við-
tal við framkvæmdastjóra LH,
Tryggva Gunnarsson, grein er um
„jódyn í Dölum vestur", grein um
Víðidalstungurétt, erindi Gunnars
Bjarnasonar frá aðalfundi þýska
íslandshestafélagsins, viðtal við
Skúla Einarsson og margt fleira.
EIÐFAXIÍT 11
Þá er stór hluti heftisins helgaður
nýafstöðnu þingi Landssambands
hestamannafélga í Stykkishólmi.
Ritstjóri Eiðfaxa er Sigurður
Sigmundsson, Syðra-Langholti.
Reglurnar um veitingu
bóksöluleyfa rýmkaðar
Frá framhaldsaðalfundi Félags fsl. bókaútgefenda
FÉLAG ísl. bókaútgefenda sam-
þykkti á framhaldsaðaifundi sínum
sl. fimmtudag nýjar reglur um veit-
ingu bóksöluleyfa o.fl. Eru þær
byggðar á hugmyndum, sem stjórn
félagsins og nokkrir stærri útgefend-
ur hafa samið og samkeppnisnefnd
fallist á. Er veiting bóksöluleyfa
talsvert rýmkuð með hinum nýju
reglum, sem voru samþykktar sam-
hljóða, en einn útgefandi kom þó
með breytingartillögur. Var þeim
vísað til umfjöllunar stjórnarinnar.
Morgunblaðið ræddi við Oliver
Stein Jóhannesson bókaútgefanda,
formann Félags ísl. bókaútgef-
enda, um hinar nýju reglur og
greindi hann frá því helsta er
fram kom á fundi bókaútgefenda.
Meginbreytinguna sagði Oliver
Steinn vera fólgna í því að á stöð-
um þar sem búa yfir 3.000 manns
eru rýmkuð ákvæði um veitingu
bóksöluleyfa. Geta menn sótt um
bóksöluleyfi á þessum stöðum og
að uppfylltum ýmsum skilyrðum,
svo sem um stærð rýmis fyrir
bóksöluna, menntun forstöðu-
manns bóksölunnar, verslunar-
leyfi, tryggingar o.fl. veitir stjórn
félagsins viðkomandi leyfið. Aður
þurfti umsókn um bóksöluleyfi að
fara fyrir félagsfund.
Hugsanlegt að
bókabúðum fjölgi
Oliver Steinn sagði að þetta
gæti haft í för með sér að bóka-
verslunum eða deildum fjölgaði,
en slíkt ætti tíminn eftir að leiða í
ljós. Þá sagði hann felast í hinum
nýju reglum að eftir 3 ára aðlög-
unartíma mættu forlög ekki leng-
ur selja á svonefndu forlagsverði,
sem jafnan hefur verið 7 til 12%
lægra en almennt verð í bókabúð-
um. Að þeim tíma liðnum yrði
sama verð og settar reglur um af-
slátt vegna magnkaupa, en þær
myndu þá gilda jafnt hjá forlög-
unum sjálfum sem almennum
bókabúðum. Myndu þá viðskipta-
vinir alls staðar fá bókina á sömu
kjörum. Ekki taldi Oliver þetta
hafa mikil áhrif á útgefendur, sem
hafa rekið forlagsbúðir.
Hverjir hljóta bókmennta-
verdlaun Norðurlandaráðs?
ÁKVEÐIÐ hefur verið á Norður
löndunum hvaða bækur koma til
álita við úthlutun bókmenntaverð-
launa Norðurlandaráðs í marz
næstkomandi.
F'rá íslandi eru það bækurnar
Sagan af Ara Fróðasyni eftir Guð-
berg Bergsson og ljóðabókin
Heimkynni við sjó eftir Hannes
Pétursson. Frá Norgi, Den unsyn-
lige regnbuen, sem er Ijóðabók eft-
ir Stein Mehren og Huset med den
blinde glassveranda, sem er
skáldsaga eftir Herbjorg Wassmo.
Frá Danmörku, ljóðabókin I Mell-
em os eftir Bente Clod og skáld-
sagan yejen til Lagoa Santa eftir
Henrik Stangerup. Frá Finnlandi
ljóðabækurnar Tillkortakomm-
anden eftir Claes Anderssor. og
Asiae tai ei eftir Pentti Saarik-
oski. F'rá Svíþjóð skáldsögurnar
Samuels bok eftir Sven Delblanc
og Gheel de galnas stad eftir Pár
Odensten.
Bókmenntaverðlaunanefnd
Norðurlandaráðs kemur saman í
Stokkhólmi þann 22. janúar
næstkomandi, af hálfu íslendinga
eiga sæti í nefndinni þeir Njörður
P. Njarðvík og Hjörtur Pálsson.
Verðlaunin verða síðan afhent á
fundi Norðurlandaráðs í Helsinki
í marz eins og áður segir.
Þá er í hinum nýju reglum leyft
að halda þeirri hefð að bækur
verði seldar á sama verði um allt
landið, en það eru útgefendur, sem
verðleggja bækur sínar. Sagði
Oliver að með þessu væri komið í
veg fyrir verðstríð og hefði sam-
keppnisnefnd fallist á undanþágu
frá lögum nr. 56/1978 um verðlag,
samkeppnishömlur og ólögmæta
viðskiptahætti.
Nýjar samskiptareglur
Önnur mál, sem Oliver Steinn
sagði að rædd hefðu verið, voru
m.a. tillögur um nýjar samskipta-
reglur bóksala og bókaútgefenda
og reglugerð um bóksöluráð. Hug-
myndin er að tveir bóksalar og
tveir útgefendur skipi ráðið og
verði hægt að vísa til þess ágrein-
ingi milli aðila, sem bóksöluráðið
hefur þá úrskurðarvald í. Upp
gætu komið ýmiss konar ágrein-
ingur varðandi túlkun á reglunum
og mætti þá skjóta honum til
ráðsins. Þessar nýju reglur voru
kynntar og verða áfram til með-
ferðar hjá stjórninni og nefndum
og í framhaldi af því ræddar á
félagsfundum.
Þessar reglur sagði Oliver
Steinn Jóhannesson að miklu leyti
byggjast á hliðstæðum reglum er
giltu í Noregi og Danmörku. Gat
hann þess að í Svíþjóð væri þess-
um málum nokkuð öðruvísi hátt-
að, þar væri t.d. regla að útgefend-
ur ákvæðu lágmarksverð á bókum
sínum, en bóksalar gætu hins veg-
ar ráðið nokkru um útsöluverðið.
Eitt atriði er þó öðruvísi í Noregi
en hérlendis, en það er að sölu-
skattur er þar ekki tekinn af bók-
um. Sagði Oliver Steinn það skoð-
un sína, að úr því að þingmenn
legðu nú fram frumvarp um niður-
fellingu söluskatts af tímaritum
ætti í raun að taka bókina þar
með, ódrengilegt væri að skilja
hana þannig útundan.
Mbl. spurði Oliver Stein hvort
liklegt væri að bókaforlög færu
meira út í klúbbstarfsemi en verið
hefur og sagði hann það vel hugs-
anlegt. Það væri einnig möguleiki
að forlög leituðu samstarfs um
slíka starfsemi, rétt eins og til
væri í öðrum löndum.
Að lokum var formaður Félags
ísl. bókaútgefenda spurður hvern-
ig honum litist á bóksöluna í ár: —
Mér sýnist hún ætla að verða svip-
uð og í fyrra og ég held að fjöldi
titla á boðstólum sé svipaður.
„Nýja bókin“
ÚT ER komin ljóðabók eftir Einar
Guðmundsson og heitir hún „Nýja
bókin". Þetta er sjöunda verk höf-
undar, en m.a. hafa komið út eftir
hann skáldsögurnar „Lablaða
hérgula", „Flóttinn til lífsins" og
„Án titils". „Nýja bókin", er eitt
samfellt verk, sem skiptist í sex
nafnlausa þætti og fjallar um
reynslu skilningarvita ótilgreinds
aðila á ónefndum stað og stund.
Bókin er 64 bls.
Kápu gerði Kristján Guð-
mundsson, myndlistarmaður. Út-
gefandi er Dieter Roth’s Verlag í
Þýzkalandi. Prentstofan Blik ann-
aðist setningu. Bókin er prentuð í
Prentiðn.
Séð af
sjónarhóli
— ný bók eftir Jón
R. Hjálmarsson
ÍIT ER komin ný bók eftir Jón R.
Hjálmarsson, Séð af sjónarhóli. f
bókinni eru 16 frásöguþættir úr ýms-
um áltum. Útgefandi bókarinnar er
Suðurlandsútgáfan á Selfossi.
í kynningu á bókarkápu segir
meðal annars á þessa leið:
í þessari nýju bók Jóns R.
Hjálmarssonar er sagt frá mörg-
um sögulegum viðburðum og
brugðið upp fjölskrúðugum þjóð-
lífsmyndum úr ýmsum áttum. Þar
er m.a. sagt frá brúarsmíði á Jök-
ulsá á Sólheimasandi, meltekju í
Meðallandi, selveiðum í Kúða-
fljóti, verslunarferðum á Eyrar-
bakka, fráfærum í Önundarfirði,
bílferðum um hálendið, rjúpna-
veiðum í Borgarfirði, skógarhöggi
í Þjórsárdal, sandgræðslu í Rang-
árþingi, veiðiferðum til Veiði-
vatna, landkostum í Loðmundar-
firði, fjallferðum á Landmanna-
afrétt, fuglamerkingum í Vest-
mannaeyjum, dulrænum fyrir-
bærum á Fjallabaksleið, mann-
drápum breskra sjómanna í ís-
lenskri landhelgi og mörgu öðru.