Morgunblaðið - 21.03.1982, Qupperneq 38

86
MORGUNBLAÐIÐ, SUNNUDAGUR 21. MARZ 1982

«
IM
%

,b^
oO
s^^>-^sair>5'?v^
í\\o'-<V5,l®6a ,>"'
V^s Irva^.^se^ ^
^^%'°4'2330
Sf^ ‘
®5

Sjötugur:
Sigurdur Jónsson
frá Haukagili
Sigurður Jónsson frá Haukagili
verður sjötugur í dag, hinn 21.
marz. Hann er fæddur á Hauka-
gili í Hvítársíðu árið 1912 og ólst
þar upp, gekk í Reykholtsskóla og
síðar í Samvinnuskólann, flutti til
Reykjavíkur á kreppuárunum og
vann þar ýmsa vinnu unz hann hóf
störf hjá lögreglunni sem fanga-
vörður. Með því starfi hóf hann
leðuriðju og þau umsvif jukust unz
það varð eina starf hans og hefur
verið síðan. Sigurður er tvíkvænt-
ur. Fyrri kona hans var Vilborg
Karelsdóttir og eignuðust þau tvö
börn, Ásthildi, skólastjóra, búsett
á Stokkahlöðum í Eyjafirði, og
Jón, iðnverkamaður í Garðabæ.
Vilborg lézt árið 1966. Síðari kona
Sigurðar er Sigríður Steingríms-
dóttir.
Það sem án efa á eftir að halda
nafni Sigurðar lengst og hæst á
lofti er vísna- og ljóöaáhugi hans.
Þekking Sigurðar á ljóðum og vís-
um, minni hans á kveðskap og góð
dómgreind á það hvað er vel kveð-
ið og hvað er lélegt, er einstök.
Sigurður hefur safnað vísum og
öðrum kveðskap frá unga aldri og
er safn hans orðið mikið að vöxt-
um og það svo að mér er nær að
halda að vísnasafn hans sé hið
stærsta, sem til er í eigu nokkurs
manns hér á landi.
Það sem einkennir safnið er
hinn mikli fjöldi tækifærisvísna
sem aldrei hefur verið prentaður,
ásamt upplýsingum um tildrög og
höfunda. Sigurður hefur hvorki
sparað fé né fyrirhöfn við safn
sitt. Hann hefur látið færa vísurn-
ar í bækur, vélrita í möppur eða
ganga frá þeim í úrklippubókum.
Það björgunarstarf, sem hann
hefur innt af höndum, verður ekki
metið til fjár. Af þessum brunni
hefur Sigurður einnig ausið ótæpi-
lega, með útgáfu vísnasafna,
vísnaþáttum í útvarpi og þáttum í
bókum og blöðum. Þá hefur hann
um áratuga skeið verið einn af
máttarstólpum Kvæðamannafé-
lagsins Iðunnar og lengi formaður
þess.
Þótt Sigurður hafi mestan hluta
ævinnar búið í Reykjavík, hefur
hann haldið mikilli tryggð við
æskuslóðir sínar og Borgar-
fjarðarhérað. Þeir eru ófáir gaml-
ir sýslungar hans, sem eiga sér
þar fastan samastað, þegar þeir
eru á ferð í bænum og þá veit ég
Sigurð bregðast verst við þegar
hann hefur frétt af gömlum kunn-
ingjum á ferð sem komu ekki og
gistu.
Sigurður er gæfumaður. Hann
hefur verið efnalega sjálfstæður
og notað það sjálfstæði til að
bjarga menningararfi, þar sem er
vísnasafn hans, sem ekki verður
metið til fjár. Því sem hann hefur
eignast, veraldlegum jafnt sem
menningarlegum auð, hefur hann
veitt á báða bóga. Ég tel það með
mestu gæfu sem mér og mínu fólki
hefur hlotnast kynslóð fram af
kynslóð að hafa gengið að opnu
húsi Sigurðar frá Haukagili og
fólks hans.
Matthías Eggertsson
Sigurður tekur á móti gestum
sínum á heimili sínu milli kl. 4—7
í dag.
Ólafsvík:
Ný skíðalyfta tekin í
notkun á Fróðárheiði
Olafsvík, 19. marz.
UM 300 manns voru samankomnir á
Fróðárheiði sunnudaginn 15. marz
þegar afhent var og tekin í notkun
skiðalyfta, sem Skíðamiðstöðin á
Fróðárheiði á og mun reka. Fjórir
þjónustuklúbbar, Lionsklúbbur
Nesþinga, Kiwanisklúbburinn Korri
í Olafsvík, Lionsklúbbur Olafsvíkur
og Rotaryklúbbur Olafsvíkur gáfu
lyftuna og önnuðust uppsctningu
hennar. Kostnaðarverð var 134.000
krónur að frádregnum aðflutnings-
gjöldum.
Kristófer Þorleifsson, héraðs-
læknir, afhenti lyftuna fyrir hönd
gefenda og Elvar Sigurðsson,
formaður framkvæmdanefndar
veitti
henni móttöku. Lyftan er staðsett
nær efst á Fróðárheiði, skammt
sunnan við sæluhúsið. Hún er af
gerðinni Pony 2.000, knúin benz-
ínmótor af Volkswagen-gerð.
Lyftan er 405 metra löng og getur
borið 800 manns á klukkustund.
Eigendur Skíðamiðstöðvarinnar á
Fróðárheiði eru Ólafsvíkurhrepp-
ur, Neshreppur utan Ennis, Fróð-
árhreppur, Breiðuvíkurhreppur og
Staðarsveit í hlutfalli við íbúatölu
og munu þeir kosta rekstur henn-
ar í sömu hlutföllum. Þetta má
teljast fyrsta framtak í þágu vetr-
aríþrótta á útnesinu og vissulega
myndarlega að verki staðið af
hálfu klúbbanna. Helgi