Morgunblaðið - 06.05.1982, Blaðsíða 48
Síminn á afgreiðslunni er
83033
ptorjpmÞI&fetö
tr0nmW?íiÖiií>
Sími á ritstjórn og skrifstofu:
10100
FIMMTUDAGUR 6. MAÍ 1982
Staða bankanna er mjög
slæm um þessar mundir
Aukin bindiskylda, aukin ásókn í lánsfé og hægara innstreymi
STAÐA bankanna er mjög I
slæm um þessar mundir,
samkvæmt upplýsingum
Morgunblaðsins, en þar
kemur margt til, eins og sí-
aukin bindiskylda bankanna
og mikil eftirspurn eftir
lánsfé, auk þess sem inn-
streymi í banka hefur hægt
höfuðorsakir þessa
mjög á sér samfara auknum
verðtryggðum lánum, sem
alla jafna eru til lengri tíma,
en áður tíðkaöist.
Málum er nú þannig háttað,
að staða margra banka er mjög
neikvæð gagnvart Seðlabanka
íslands, sem er óvenjulegt á
þessum tíma árs. Reyndar er
staða bankastofnana yfirleitt
góð á þessum tíma árs.
Bindiskylda bankanna og
skyldukaup á ríkistryggðum
skuldabréfum er nú 40%. Það
er hin hefðbundna fasta 28%
bindiskylda. Við hana bætist
svo 5% svokölluð sveigjanleg
bindiskylda og síðan bæðast við
7% í formi skuldbindinga
banka til að fjárfesta í ríkis-
tryggðum skuldabréfum.
Eins og áður sagði hefur
ásókn í lánsfé verið mjög mikil
síðustu mánuði og á það bæði
við um einstaklinga og fyrir-
tæki.
Ljóflm.: Tómflfl Helgaaon
Rússar með
rauð þilför
EINS OG skýrt er frá á
miðsíðu Morgunblaösins í
dag, er mikill floti sovézkra
verksmiðjutogara að karfa-
veiðum skammt utan fisk-
veiöitakmarkanna við
Reykjanes. Svo mikill afli
virtist vera, er flogið var yf-
ir flotann í gær, að þilför
skipanna voru rauð af
karfa. Hér er sovézkur tog-
ari að hala inn úttroðinn
poka.
Harrier-þoturnar bresku á Keflavíkurflugvelli í gær. Þotur sömu gerðar koma nú mjög við sögu í Falklandseyjadeilu
eða stríði Breta og Argentínumanna. Ljósm.: Heimir Stígsson
Harrier-þotur á Keflavíkurflugvelli í gær
ÁTTA Harrier þotur úr Konunglega breska flughernum heitið til Vestur-Þýskalands. Líklegt var Ulið, að vél-
komu í g*r til Keflavíkurnugvallar, en þotur af þessari arnar hefðu komið frá Kanada, með viðkomu á Gr*n-
sömu gerð, oft nefndar „stökkþotur" vegna þess að landi, en ekki var í g*r viuð til hvaða sUðar í Vestur-
þ*r geU hafið sig lóðrétt til flugs eins og þvrlur, koma |>ýskalandi þær færu. f gœr var heldur ekki vitað hve-
nú mjög við sögu í Falklandseyjastríðinu. I flugturnin n*r þær færu aftur, en talið líklegt, að það yrði í
um á Kedavíkurflugvelli fékk Morgunblaðið þær upp- gærkvöldi, eða nú árdegis i dag. í flugturninum mundu
lýsingar í gær, að hingað til lands hefðu þoturnar komið menn ekki eftir því, að Harrier-þotur hefðu áður haft
frá Syðri-Straumsfirði á Grænlandi og væri ferðinni hér viðdvöl.
Jóhanna Egils-
dóttir látin
JÓHANNA Egilsdóttir lést á heimili
sinu í Reykjavik í gærmorgun 100 ára
að aldri. Var hún fædd í Hörgslands-
koti í Vestur-Skaftafellssýslu 25. nóv-
ember 1881.
Jóhanna Egilsdóttir tók mikinn
þátt í félagsmálastörfum. Var hún í
stjórn Verkakvennafélagsins Fram-
sóknar 1923 til 1962 og formaður
þess í nærri 30 ár. Hún var varafor-
maður Kvenréttindafélags íslands
1948—52, sat í miðstjórn ASÍ
1928—42 og í miðstjórn Alþýðu-
flokksins frá 1942 í áratugi. Arin
1934—38 var hún bæjarfulltrúi i
Reykjavík og varafulltrúi oft síðan
og 1958 sat hún um skeið á Alþingi
sem varamaður. Þá var Jóhanna Eg-
ilsdóttir einn af stofnendum Óháða
safnaðarins og sat í stjórn hans. Var
hún heiðursfélagi Kvenfélags hans
og Verkakvennafélagsins Fram-
sóknar.
Maður Jóhönnu Egilsdóttur var
Ingimundur Einarsson, en hann lést
árið 1961. Eignuðust þau 6 börn.
Lést 1 þeirra í æsku og eru 3 enn á
lífi. Jóhanna tók á móti 250 gestum
á hundrað ára afmæli sínu 25. nóv-
ember sl. Hún hafði fótavist og
fylgdist með fréttum til síðasta
dags.
Tollafgreiðslugjald fellt
niður af aðfönsfum iðnaðar
GEFIN hefur verið út auglýsing frá ,
fjármálaráðuneytinu, þar sem segir,
að tollafgreiðslugjaldið svokallaða
verði eftirleiðis ekki tekið af aðfóng-
um iðnaðarins, en það er 1% gjald
eins og kunnugt er.
Þórarinn Gunnarsson, skrif-
stofustjóri Félags íslenzkra iðn-
rekenda, sagði í samtali við Mbl.,
að auðvitað væru iðnrekendur
ánægðir með þessa ákvörðun, því
það hefði verið illskiljanleg
ákvörðun, að setja 1% toll-
afgreiðslugjald á aðföng iðnaðar,
á sama tíma og samkeppnisaðilar
greiða ekki slíkt gjald. Þessu hefði
verið mótmælt harðlega þegar
upphafi.
Þetta kom í sumum tilfellum út
sem Tííun hærra gjald en 1%,
vegna þess að ákveðið lágmarks-
gjald var ákveðið. Ekki var óal-
gengt, að lítil iðnfyrirtæki greiddu
upp í 2% gjald, sagði Þórarinn
ennfremur.
Álmálið á dagskrá Alþingis í dag
FYRIRHUGAÐ var í gærkveldi, að
utandagskrárumræða yrði um álmál-
ið og samningaviðræður við ÍSAL í
efri deild. í neðri deild kvaddi Geir
Hallgrímsson sér þá hljóðs og fór
þess á leit við forscta þingsins, að
jafnhliða færi fram umræða í neðri
deild. Ennfremur benti hann á að
eðlilegast væri að umræðan færi fram
í sameinuðu þingi. Niðurstaða varð
sú að utandagskrárumræðunni var
frestað þar til í dag. Ekki er búizt við
þinglausnum fyrr en á laugardag.
Aðilar í álviðræðunum, stjórn-
völd og Alusuisse, voru í gær ekki
sammála um umræðugrundvöll.
Iðnaðarráðherra vildi ræða hækk-
un raforkuverðs og ekki annað, en
dr. Múller vildi fyrst fá ágrein-
ingsmál útkljáð, áður en fjallað
yrði um hækkun raforkuverðs.
- Sjá nánar á miðsíðu blaðsins í dag.
Ólafur Örn Arnarson yfírlæknir á Landakotsspítala:
Neyðarástand — losa þarf
um 100 rúm á 10 dögum
Ganga hjúkrunarfræðingar út 15. maí þrátt fyrir framlengingu uppsagnarfrests?
„NÆR allir hjúkrunarfræðingar hjá okkur hafa sagt upp frá og með 15. maí.
Þeir hafa þó fallizt á að halda tveimur deildum opnum, það er langlegudeild-
um og deild fyrir bráðatilfelli. Þrátt fyrir það er fyrirsjáanlegt að við verðum
að losa 110 sjúkrarúm á 10 dögum og ómögulegt er að sjá hvernig það verður
gert. Því er þegar orðið neyðarástand á spítalanum," sagði Ólafur Órn Arnar-
son, yfirlæknir á Landakoti, í samtali við Morgunblaðið.
Ólafur Örn sagði ennfremur að
slysavakt yrði á spítalanum um
næstu helgi og því hefði þegar orðið
að stöðva inntöku annarra sjúkl-
inga en þeirra, sem ekki þjáðust af
bráðatilfellum. Þá hefði borgar-
lækni verið tilkynnt það, að ekki
yrði hægt að standa við að taka
slysavakt þann 18. næstkomandi,
eins og áætlað hafði verið. Ekki
væri heimild til þess að fresta upp-
sögnum hjúkrunarfræðinga á
Landakoti og það væri einkennilegt
að stjórn sjúkrahússins hefði ekki
vald til þess að ráða samningum við
starfsfólk sitt þar sem ríkið réði
ferðinni. Hann drægi enga dul á að
sín samúð væri með hjúkrunar-
fræðingum, þeirra laun væru álls
ekki nógu góð.
Fjármálaráðuneytið og heilbrigð-
isráðuneytið hafa nú tekið
ákvörðun um það að fresta upp-
sögnum hjúkrunarfræðinga hjá rík-
isspítölunum um þrjá mánuði, eins
og heimild er fyrir í lögum. Enn er
ekki ljóst hver viðbrögð hjúkrunar-
fræðinga verða, en samkvæmt upp-
lýsingum yfirmanna spítalanna
munu hjúkrunarfræðingar íhuga að
taka ekki tillit til þessarar frestun-
ar.
Pétur Jónsson, aðstoðarfram-
kvæmdastjóri ríkisspítalanna, sagði
í samtali við Morgunblaðið, að bor-
izt hefði bréf frá fjármálaráðuneyt-
inu og heilbrigðisráðuneytinu, þar
sem farið var fram á að uppsagnar-
frestur hjúkrunarfræðinga yrði
framlengdur og hefði það verið gert.
Því færu hjúkrunarfræðingar ekki
út fyrr en eftir rúma þrjá mánuöi.
Hins vegar hefðu sjúkraliðar sagt
upp frá og með 1. júní næstkomandi
og ekki væri enn ljóst hvað þá gerð-
ist.
Sagði hann ennfremur að hjúkr-
unarfræðingar hefðu sagt upp af
öðrum ástæðum en vegna óánægju
með launakjör, eins og algengt
væri. Þannig hefði alltaf verið
nokkur hreyfing á hjúkrunarfræð-
ingum, þeir hefðu komið og farið.
Nú væri hins vegar farið að bera á
því að hjúkrunarfræðingar kæmu
ekki aftur eftir 15. maí og hefði það
slæm áhrif á þjónustuna og síðan
færu sumarfrí að hefjast og ekki
bætti það úr skák. Þetta hefði því
áhrif á inntöku sjúklinga, sér-
staklega af biðlistum, þó ekki kæmi
nú til uppsagna. Þá sagði hann, að
það væri einkennilegt að stjórn
fyrirtækja hefði ekki samningsrétt
við starfsfólk sitt, heldur ríkisvald-
ið.