Morgunblaðið - 15.08.1984, Side 17

MORGUNBLAÐIÐ, MIÐVIKUDAGUR 15. ÁGÚST 1984
17
Samkeppni um
bætta aðstöðu
á tjaldsvæðum
Sem ferðafólki á íslandi mun
vera kunnugt eru fáir staðir á
landinu sem hægt er að skipa í
flokk viðurkenndra tjaldstæða.
Með aukningu erlendra ferða-
manna til landsins er bætt að-
staða á tjaldstæðum eitt brýn-
asta verkefni sem fást verður
við í ferðamálum.
Því hefur Ferðamálaráð
hrint af stað hugmyndasam-
keppni um tjaldstæði, og boð-
aði því blaðamenn á sinn
fund.
Tjaldferðamenn mega búast við
bættri aðstöðu á tjaldstæðum í fram-
tíöinni.
Að sögn Reynis Vilhjálms-
sonar, formanns dómnefndar,
þurfa þátttakendur ekki að
vera arkitektar til að taka
þátt í keppninni heldur er
hugmyndasamkeppnin öllum
opin. Tilgangur keppninnar
er að fá fram tillögur um
tjaldsvæði og búnað á þeim,
sem afhenda má þeim sem
áhuga hafa á að koma upp
tjaldsvæðum. Ætlunin er að
koma upp eins konar hug-
myndabanka sem menn geta
sótt hentugar tillögur til.
Með þessu vill Ferðamálaráð
bæta úr lélegri aðstöðu, sem
á tjaldsvæðum ríkir, því al-
gengt er að ekki sé nein
hreinlætisaðstaða fyrir
hendi, nema ef til vill kamar
og vatnskrani.
Ferðamálaráð hefur skipað
tjaldsvæðum í þrjá flokka. í
fyrsta flokk eru tjaldsvæði
með kamri, sorpíláti og að-
stöðu til uppþvotta. í öðrum
flokki bætast við vatnssal-
erni og eldunaraðstaða og í
þriðja flokki kemur til við-
bótar þvotta- og þurrkað-
staða, afgreiðsla starfsmanns
og söluskáli.
Höfundur bestu tillögunn-
ar að mati dómnefndar fær
að launum 75 þúsund krónur.
Þar að auki er dómnefnd
heimilt að kaupa tillögur
fyrir allt að 50 þús kr. Heild-
arverðlaunafé getur orðið allt
að 205 þús. kr.
Laugarásbíó:
Tveir nýir salir fyrirhugaðir
SENN verða hafnar fram-
kvæmdir við viðbyggingu við
Laugarásbíó. Fyrirhugað er að
tveir sýningarsalir verði í við-
byggingunni og mun sá stærri
rúma 115 manns, en sá minni 77.
Að sögn Grétars Hjartarsonar,
framkvæmdastjóra Laugarás-
bíós, er áætlað að salirnir verði
tilbúnir til kvikmyndasýninga 1.
mars 1985.
Teiknistofan hf. Ármúla 6
teiknaði viðbygginguna.
Grunnteikning að viðbótarsölunum tveimur.
Teiknistofan hf„ Ármúla 6.

Útlitsteikning af viðbyggingu Laugarásbíós úr vestri séð.
salur
: t.'týt- ■ . ■' •
■v . •’ '
W aV * . \
Teikniatofan hf., Armúla 6.
^ slœkkun^
Miklar framkvæmdir hjá
Hitaveitu Reykjavíkur
„Hækkun gjaldskrár gerir þetta mögulegt“
— segir Gunnar Kristins-
son, yfirverkfræðingur
MIKLAR framkvæmdir hafa verið á
vegum Hitaveitu Keykjavíkur í
sumar. Nú er verið að endurnýja
vatnsæð við Kringlumýrarbraut og
er æðin jafnframt stækkuð. Við
Snorrabraut er unnið að endurnýjun
og stækkun á pípum frá 1938—1940
og verður haldið áfram við þær
framkvæmdir upp Egilsgötu að
Iðnskólanum.
Gunnar Kristinsson, yfirverk-
fræðingur hjá Hitaveitu Reykja-
víkur, sagði í samtali við blm.
Morgunblaðsins, að hækkun
gjaldskrár hefði gert það kleift að
vinna að þessum endurbótum.
„Það hafa allar slíkar fram-
kvæmdir legið niðri siðan 1972, en
í fyrrahaust og í febrúar hækkaði
gjaldskrá Hitaveitunnar og þess
vegna gátum við farið út í þetta,“
sagði Gunnar. „þessar fram-
kvæmdir hafa beðið lengi og við
gerum meira á þessu ári en við
höfum gert lengi, því þetta hefur
safnast upp. Nú gerum við eins
mikið og við getum og höfum nú
þegar verið um mánuð við fram-
kvæmdir á Snorrabraut og
Kringlumýrarbraut og eigum lík-
lega eftir mánuð þar enn. Það eru
duglegir karlar í þessu og þeir
taka þetta með gusugangi."
— Hvað er næst á dagskrá hjá
Hitaveitunni?
„Það er nú ýmislegt í gangi hjá
okkur,“ svaraði Gunnar. „Við vor-
um að endurnýja í Ingólfsstrætinu
og leggja nýja æð í Suðurgötuna,
ásamt nýrri æð í Eiðsgrandann,
svo fátt eitt sé nefnt. Alls höfum
við verið með 20—30 verk í gangi,
sem flest eru komin á lokasnún-
ing, bæði nýlagnir og viðgerðir."
— Hvar er mest þörf endurnýj-
unar?
„Það er kannski frekast í gamla
vesturbænum, en við höfum nú
verið svolítið á ferðinni þar,“ svar-
aði Gunnar. „Við lögðum nýja æð í
Tryggvagötu og Mýrargötu í
sumar ásamt Laufásveginum og
Þórsgötunni og erum einnig með
nýlagnir í Grafarvoginum."
— Hvað kosta þessar fram-
kvæmdir?
„Áætlaður kostnaður við endur-
nýjun í gamla bænum t.d. er 57
milljónir og við reiknum með að
sú áætlun standist. Áð auki er svo
kostnaður við nýlagnir," sagði
Gunnar Kristinsson að lokum.
Lánasjóöur
námsmanna
hættir veit-
ingu víxillána
ÞEIR námsmenn sem þurfa á víxil-
láni að halda í haust munu þurfa að
leita til banka og sparisjóða þar til
þeir fá lán frá Lánasjóði íslenskra
námsmanna, þar eð lánasjóðurinn
hefur hætt veitingu víxillána. í lög-
um um sjóðinn er heimild til veit-
ingar víxillána til námsmanna á
fyrsta ári, þar til upplýsingar um
námsárangur hafa legið fyrir og víxl-
arnir síðan greiddir með nimslánun-
um.
í fréttatilkynningu frá mennta-
málaráðuneytinu segir m.'a.:
„Það er skoðun ráðuneytisins að
víxlakaup þessi séu fremur í
verkahring banka og sparisjóða en
Lánasjóðs ísl. námsmanna. Auk
þess skortir sjóðinn nú fé til að
sinna slíkum kaupum. Af þessu
tilefni hefur ráðuneytið spurst
fyrir um það hjá bönkum og spari-
sjóðum, hvort þeir muni kaupa
víxla af námsmönnum vegna
þeirra þarfa sem hér um ræðir.
Svör banka og sparisjóöa eru þau,
að þeir hafi ætíð sinnt og muni
sinna lánsfjárþörf námsmanna að
því marki, sem samrýmist al-
mennum reglum þeirra og útlána-
getu. t viðræðum hefur einnig
komið í ljós, að þær upphæðir sem
gera má ráð fyrir að námsmenn
þurfi á að halda á fyrstu mánuð-
um námsins séu yfirleitt innan
þeirra marka, sem bankar og
sparisjóðir geta lánað einstakling-
um til skamms tíma.“
Lán til námsmanna verða því
95% af framfærslu eins og lög
sjóðsins gera ráð fyrir.