Morgunblaðið - 14.09.1986, Síða 1

PRENTSMIÐJA MORGUNBLAÐSINS SUNNUDAGUR 14. SEPTEMBER 1986
BLAÐ
SIGURÐUR
NORDAL
í dag, 14. september 1986, eru liðin
hundrað ár frá fæðingu prófessors
Sigurðar Nordals. Sigurður var
þekktasti og áhrifamesti ritskýrandi
íslenskra bókmennta á sinni tíð og
lagði grundvöllinn að kennslu og
rannsóknum í íslenskum fræðum við
Háskóla íslands. Hann var
afkastamikill rithöfundur og eftir
hann liggur fjöldi rita um bókmenntir,
sögu og menningu þjóðarinnar og
auk þess hugleiðingar um ýmis efni.
Fyrsta bókin sem hann gaf út eftir
að hann kom heim f rá námi var
reyndar skáldverk, Fornar ástir, árið
1919, sem braut að ýmsu leyti blað
í íslenskum bókmenntum þess tíma.
Morgunblaðið minnist í dag með
ýmsum hætti þessa stórvirka
rithöfundar og lærdómsmanns. Tveir
vina hans skrifa greinar um hann,
Andrés Björnsson aldarminningu og
Þorsteinn Gylfason grein, þar sem
hann leggur út af ávarpi Nordals um
Háskóla Islands árið 1922. Fjórir vina
hans segja frá kynnum sínum af
Sigurði og sýna þær hliðar á honum
sem okkur eru huldar sem einungis
þekkjum hann af ritverkum hans. Og
að lokum talar hann sjálfur til okkar
í nokkrum brotum úr ritverkum sem
ekki hafa komið fyrir almennings
sjónir áður, en Almenna bókafélagið
byrjar heildarútgáfu á verkum hans
núíhaust.