Morgunblaðið - 20.03.1987, Qupperneq 4

4 C
MORGUNBLAÐIÐ, FÖSTUDAGUR 20. MARZ 1987
Það hefur
verið algeng sjón
undanfarið að sjá fólk
vera að bjástra í
görðum sínum, bogra
við að tína saman
ruslið, bera sig til við
að klippa runna og
dytta að. En er það
orðið tímabært að
hefjast handa svo
snemma sem í
febrúar eða mars þó
veðrið hafi verið
vorlegt og Ijúft?
#*#?**!»*?
'<•’% <■ x » s, -t
Guðmundur Vernharðsson
garðyrkjufræðingur var
fenginn til að leiðbeina lesend-
um með það hvað æskilegt er
að aðhafast á fyrrgreindum tíma
í garðinum sé veður gott og
freistandi að fara út og hefjast
handa. Og það kemur á daginn
að það ber að varast ýmislegt.
Það sem margir byrja tíðum á
að gera, að hreinsa laufblöð og
annað slíkt úr beðum og af gras-
inu, er til dæmis nokkuð sem
ekki má gera strax .
Guðmundur minnist á að þó
gróðurinn láti oft blekkjast af
veðurfarinu, megi mannfólkið
ekki láta ginnast af ótímabærri
blíðu. Hann lætur þess getið að
það sé vissulega ýmislegt sém
fólk geti gert en annað beri að
geyma til betri tíðar. „Um árin
hefur það verið mjög algengt
að fólk tíni allt tiltækt drasl úr
garðinum í poka um leið og sól-
in fer að skína, jafnvel strax um
miðjan vetur. Það er hinsvegar
nokkuð sem alveg ætti að láta
ógert því það er alls ekki tíma-
bært og slæmt fyrir plönturnar.
Draslið er einangrun fyrir gróð-
urinn og hlífir honum. Heppileg-
ur tími til þessara hluta er um
miðjan maímánuð, að minnsta
kosti á Reykjavíkurssvæðinu en
er annars breytilegt eftir lands-
hlutum. Getur þar skakkað
hálfum mánuði til eða frá.
Þá hefur það líka brunnið við
að fólk hefur keypt sumarblómin
alltof snemma og byrjað að
planta. það er heldur ekki ráð-
legt fyrr en upp úr miðjum maí.
Eftirfarandi er heppilegt að
gera strax í febrúar, mars eða
apríl ef veður leyfir.
KLIPPING
Tilvalinn tími til að klippa
gróðurinn er á bilinu frá febrúar
mánuði og fram í apríl." Guð-
mundur getur þess að það sé
líka þægilegt því þá sé hagfellt
að sjá greinabyggingu stærri
trjáa, þar sem ekkert lauf sé á
þeim á þessum tíma. „Gott er
að klippa limgerði tvisvar á ári,
sumar og vetur og á það sér-
staklega við um víðitegundir
sem verða mun þéttari sé það
gert.“ Fyrir þá sem ekki hafa
klippt áður eða eru ekki inn í
því hvernig á að bera sig að,
þá sagði Guðmundur að hafa
skyldi hugfast að greinar sem
leggjast saman skuli klippa, það
er að segja svokallaðar kross-
lægjur. Þá er æskilegt að klippa
allar greinar sem vaxa þvert inn
í runna eða inn í krónur trjáa.
Og auðvitað á að klippa í burtu
allar dauðar greinar og þær sem
hefur kalið.
VETRARÚÐUN
„Vetrarúðun en heppileg fyrir
plönturnar, hún virkar vel og
eitrið er ekki mjög hættulegt.
Ástæðan fyrir því að útbreiðslan
hefur ekki orðið meiri en raun
ber vitni, á sér líklega skýringar
í þeim veðurskilyrðum sem
þurfa að vera við úðunina. Það
þarf að vera frostiaust, úrkomu-
laust og kyrrt," segir hann en
bætir því við að einnig sé nauð-
synlegt að trén séu þurr og ekki
megi rigna í sex klukkustundir
eftir að úðun hefur farið fram.
„Lítið hefur því verið um að
garðyrkjumenn hafi tekið úðun-
ina að sér því það er sjaldan sem
með fyrirvara má sjá framá við-
eigandi veður.“
Guðmundur vill meina að
þegar úða eigi yfir vetrartímann
sé hentugt að gera það á bilinu
frá febrúar og fram í apríl, það
er að segja áður en gróður fer
að laufgast. „í fyrra var efni á
Morgunblaðið/Árni Sæberg
Guðmundur Vernharðsson. „Það er gott að klippa limgerði tvisvar
á ári hverju og er febrúar, mars og aprfl mjög hentugur tími og
síðan um sumarið íjúlíeða ágúst."
markaðnum M96 sem ekki
reyndist nógu vel og einhverjir
hafa að líkindum fengið ótrú á
vetrarúðun þessvegna. Nú hefur
hinsvegar ræst úr þessu og
ágætis efni til um þessar mund-
ir sem kallast Sterilit og almenn-
ingur getur auðveldlega orðið
sér úti um.
Við úðun þarf að passa að
efnið hylji alla hluta plöntunnar,
bæði stofn og greinar. Þess má
gjarnan geta að loðvíðir þolir
vetrarúðunina illa og allar
sígrænar plöntur geta sviðnað
undan efninu.“ Garðyrkjufræð-
ingurinn ítrekar að varast skuli
að láta svona skordýraefni kom-
ast i nálægð við, til dæmis bíla,
því það geti eyðilagt lakkið.
Hann hefur á orði að það geti
líka reynst fólki erfitt að ná því
af rúðum og slíku, þar sem mik-
il tjara sé í efninu. Sterk tjörulykt
mun vara í dálítinn tíma eftir að
úðun hefur átt sér stað.
„Við úðunina er nauðsynleg ör-
yggisráðstöfun að vera í regn-
galla, með hanska , grímu og
hlífðargleraugu því efnið getur
brennt hörundið ef það kemst í
snertingu við það.“
GRASBLETTIR
„Það er um að gera fyrir fólk
að hafa það hugfast að bera
ekki skítinn of snemma á tún
og grasbletti. Áburðurinn á að
geta skolast niður í jarðveginn
og plönturnar þannig nýtt sér
hann. Hætta er hinsvegar á að
ef áburðurinn er borinn á of
snemma, skoli vorrigningarnar
honum í burtu og þá er augljós-
lega lítið gagn af honum.
Hagkvæmast er því að bera
skítinn á í byrjun gróanda. Þá
er einnig um að gera að fólk
nýti sér afgangana af skítnum