Morgunblaðið - 30.08.1987, Page 30

30
MORGUNBLAÐIÐ, SUNNUDAGUR 30. ÁGÚST 1987
Kór Langholtskirkju kynnir vetrarstarfið:
A dagskrá eru verk eftir
Bach, Beethoven og
Gunnar Reyni Sveinsson
Kór Langholtskirlqu er um
þessar mundir að hefja vetrar-
starf sitt og verða fyrstu tónleik-
arnir haldnir _ 25. október
næstkomandi. Á verkefnaskrá
kórsins eru ýmsir tónleikar i
vetur auk hins hefðbundna
messusöngs og annarra verkefna
kórfélaga og í vor tekur kórinn
þátt í tónleikum á listahátið i
Reykjavík. Jón Stefánsson
stjórnandi kórsins og nokkrir úr
stjórn hans kynntu starfið fram-
undan á fundi með fréttamönn-
um nýlega.
Halldór Torfason varaformaður
kórsins sagði Kór Langholtskirkju
jafnan vera einna fyrstan kóra til
að heQa vetrarstarf og stæði
starfsárið nú fram í júní. Hann
sagði óvenju fáa vanta í kórinn að
þessu sinni en þó væri hægt að
bæta í allar raddir og fara inntöku-
próf fram nú um mánaðamótin.
Æfingar fara fram tvisvar í viku
en fyrir utan þær er mikið félagslíf
innan kórsins.
Mörg verkefni
Jón Stefánsson stjómandi kórs-
ins sagði mörg verkefni framundan
í vetur. Sérstakir tónleikar verða
haldnir 25. október til minningar
um Guðlaugu Pálsdóttur, milli jóla
og nýárs verður fluttur fyrri hluti
jólaóratoríu Bachs, í maí flytur kór-
inn Missa Solemnis eftir Beethoven
ásamt Mótettukór Hallgrímskirkju
og Sinfóníuhljómsveit íslands og í
júní verður frumflutt verk eftir
Gunnar Reyni Sveinsson, kantata
með jassívafi.
Tónleikamir 25. október eru til
minningar um Guðlaugu Pálsdóttur
sem var félagi í Kór Langholts-
kirkju um árabil en hún lést af
slysforum fyrir tveimur árum. For-
eldrar hennar og systkin stofnuðu
minningarsjóð sem hefur þann höf-
uðtilgang að styrkja starf kórsins.
Einnig kostar hann árlega tónlistar-
flutning í einni messu sem gerir
mögulegt að flytja verk með hljóm-
sveit og einsöngvurum. Á þessum
tónleikum verða fluttar þijár kant-
ötur eftir J. S. Bach: Actus tragicus
nr. 106, Mildi Guð, nær mun ég
deyja, nr. 8 og Komm, du siisse
Todesstunde, nr. 161. Kantata nr.
8 er verður sungin með íslenskum
texta, þýðingu eftir sr. Kristján Val
Ingólfsson. Texti við kantötuna
Actus tragicus er huggunartexti og
er hljóðfæraskipan hennar tvær
blokkflautur, tvær gömbur, orgel
og selló.
Dagana 29. og 30. desember
verður fyrri hluti jólaóratoríu Bachs
fluttur en það er orðin hefð hjá
kómum að flytja verkið um það bil
annað hvert ár. Er þetta í fimmta
sinn sem það er á dagskrá kórsins.
Ekki hefur verið gengið frá hvaða
einsöngvarar koma við sögu nema
Michael Goldthorp. Sfðasta föstu-
dag fyrir jól verða einnig hefð-
bundnir jólasöngvar kórsins í
Langholtskirkju.
Spennandi tími
Tíminn eftir áramót verður að
mörgu leyti spennandi því þá æfum
við samtímis tvö ólík verk, á annrri
æfingunni í viku hverri Missa Sol-
emnis eftir Beethoven og á hinni
verkið „Á jörð ertu kominn" eftir
Gunnar Reyni Sveinsson við texta
Birgis Sigurðssonar. Missa Solemn-
is verður flutt í maí ásamt Mótettu-
kór Hallgrímskirkju og Sinfóníu-
hljómsveit íslands undir stjóm
Reinhart Schwartz frá Þýskalandi.
Verk Gunnars Reynis verður flutt
á tónleikum á listahátíð 11. júní.
Er það kantata með jass- ívafí og
em flytjendur ásamt Kór Lang-
holtskirkju Hljómeyki, kvartettinn
Emil og fjórir einsöngvarar, Blásar-
akvintett Reylq'avíkur, fimm jass-
leikarar og orgelleikari.
Allar aðstæður til starfsemi kórs-
ins sögðu kórfélagar vera mjög
góðar í Langholtskirkju. Kirkjan
væri gott tónleikahús fyrir kóra og
þar eru einnig upptökutæki sem
komið hafa að miklum notum. Hef-
ur kórinn nýtt sér þau í fjáröflunar-
skyni, tekið upp tónleika og selt
kasettur, stundum jafnvel strax að
tónleikum loknum en hægt er að
taka upp á 20 kasettur í senn. Þá
hafa verið gefnar út hljómplötur
með söng kórsins.
Morgunblaöið/Sverrir
Þau kynntu vetrarstarf Kórs Langholtskirkju, frá vinstri: Sigrún
Stefánsdóttir með soninn Steinar Guðjónsson, Svanhvít Jakobsdótt-
ir, Jón Stefánsson, Þorvaldur Friðriksson, Halldór Torfason, Harpa
Harðardóttir, Ingibjörg Guðjónsdóttir og Oddný Þorsteinsdóttir og
þar er einnig Stefán Guðjónsson.
„Þú skalt eiga mig á fæti!
HI-TEC býður fullkomið úrval af íþróttaskóm. Hjá HI-TECer tekið tillit til hins sérstaka álags á fætur og fóta-
búnað sem fylgir hverri íþróttagrein. Allir HI-TEC íþróttaskór eiga það einnig sameiginlegt að vera fisléttir,
liprir og laglegir, sterkir, stöðugir og fara vel á fæti. Viltu ná lengra? Komdu þér úr sporunum -á HI-TEC!
ÚTSÖLUSTAÐIR:
Reykjavík og nágrenni
Bikarinn Skólavörðustíg 6
Sportbúðin Laugavegi 97 og Völvufelli
Smáskór Skólavörðustíg 6 b
Bragasport Suðurlandsbraut 6
Útilíf Glaesibæ Álfheimum 74
Veggsport Héðinshúsinu Seljavegi 2
Boltamaðurinn Laugavegi 27
Sportbær Rofabæ
Búsport Arnarbakka 2-6
IBIB
Sportbúð Kópavogs Hamraborg 20a
Dröfn Strandgötu 75
Kaupfélag Kjalarnesþings Mosfellsbæ
Landið
17 Aldan Sandgerði
Byggingavöruversl. Hveragerðis Hveragerði
Skóbúð Selfoss Selfossi
Kaupfélag Skaftfellinga Kirkjubæjarklaustri
Axel Ó Vestmannaeyjum
Kaupfélag A-Skaftfellinga Höfn
Kaupfélag Héraðsbúa Reyðarfirði
Hákon Sófusson Eskifirði
Verslunarfélag Austurlands Fellabæ
Bókaversl. Þórarins Stefánssonar
Skóbúð Sauðárkróks Sauðárkróki
Hólmkjör Stykkishólmi
Verslunin Hornið Grundarfirði
Verslunin Rocky Ólafsvík
Verslunin Blómsturvellir Hellissandi
Borgarsport Borgarnesi
Staðarfell Akranesi
Sportbúð Óskars Keflavík
Skóbúð Keflavíkur Keflavík
Austurborg Vopnafirði
HHBfi
Hamraborg 14, Kóp. Sími 40097