Morgunblaðið - 22.03.1988, Blaðsíða 11

jBoreunblaSift /ÍÞRÓTTIR ÞRŒUUDAGUR 22. MARZ 1988
B 11
Edvarð Þór Eðvarðsson
Fæddur 29. janúar 1967, 21 árs.
Hæð: 187 sentimetrar, þyngd 81 kíló.
Hóf að æfa sund 10 ára gamall og setti stuttu
síðar sitt fyrsta íslandsmet í sveinaflokki í Hafnar-
firði þegar hann synti 100 m baksund á 1:22,5
mín. Síðan hefur Eðvarð Þór sett á milli 200 og
300 íslandsmet. Hann á íslandsmet í baksundi,
bringusundi, fjórsundi og flugsundi. Eðvarð keppti
í fyrsta sinn á móti erlendis 14 ára, á Norðurlanda-
móti unglinga, og bætti þá íslandsmetið í 100 m
baksundi í karlaflokki.
Besti árangur: Árið 1986 setti Eðvarð Norður-
landamet í 200 m baksundi á heimsmeistaramót-
inu á Spáni, synti á 2:03.03 mín. og í fyrra bætti
hann metið enn frekar á Evrópumeistaramótinu
í Strassburg í Frakklandi þegar hann synti á
2:02,79 mín. og var Eðvarð í 13. sæti í heimsaf-
rekaskránni í janúar fyrir þetta afrek.
Morgunblaöið/Bjöm Blöndal
Eðvarð Þór EAvarðsson vinnur í útibúi Sparisjóðsins f Njarðvík.
Morgunblaöiö/Björn Blöndal
Eðvarð Þ6r Eðvarðsson sést hér ásamt unnustu sinni Guðbjörgu Sigríði og þjálfara sínum Friðriki ólafssyni á
sínu öðru heimili - í íþróttamiðstöðinni í Njarðvík.
Tók sér leyfifrá
námi í fjölbrauta-
skólanum
Eðvarð Þór tók sér leyfí frá námi
í Fjölbrautaskóla Suðumesja í ár,
hann á eftir einn vetur til að ljúka
námi á íþróttabraut. Hann vinnur
í útibúi Sparisjóðsins í Njarðvík og
hefur leyfi til að fara á æfingar í
vinnutímanum þegar svo ber undir.
Vildi hann koma á framfæri þakk-
læti sínu til ráðamanna sparisjóðs-
ins fyrir hlýjan hug í sinn garð. Það
þarf að leggja mikið á sig til að
ná jafn langt og Eðvarð hefur gert
eins og árangur hans ber gleggst
vitni um. Ekki sefur Eðvarð fram-
eftir á morgnana, því kl. 07:00 er
hann mættur í sundlaugina til að
æfa og oft leggur hann að baki 15
kílómetra á dag í sundlauginni og
stundar auk þess lyftingar og þrek-
þjálfun. Eðvarð sagðist því oft vera
orðinn þreyttur þegar hann kæmi
heim á kvöldin. Nú þegar álagið
er hvað mest fara stundum 6-7
tímar á dag í æfingar hjá honum
og því er greinilegt að ekki dugar
neitt hálfkák ætli maður að vera
meðal þeirra bestu í sundíþróttinni
í dag.
Ætlar aðtaka sér
hvíld að Ólympíu-
leikunum loknum
Eðvarð segist vera ákveðinn í að
taka sér hvfld frá sundinu eftir
Ólympíuleikana eins og hann orðaði
það. Hann sagðist þó ekki hætta
með öllu, ætlaði að æfa 3-4 daga
í viku til að halda getunni við. Eð-
varð sagði að ekki væri nein ákveð-
in formúla til yfir hvenær sundmað-
ur stæði á tindinum, dæmi væru
um að sundmenn sem hefðu verið
í fremstu röð hættu, en færu síðan
að æfa aftur og hefðu náð fyrri
getu og jafnvel bætt árangur sinn.
„Ég held að það sé ákaflega ein-
staklingsbundið og fari raunar eftir
sundmanninum sjálfum hvemig
hann setur æfingaráform sín upp.
Sundmaður getur ekki verið stöðugt
í fremstu röð, það þarf að miða
þjálfunina við að ná sem bestum
árangri á ákveðnum tíma og þá eru
stærri mótin oftast látin ráða. Þess
á milli em menn ýmist í hvfld, eða
eru að byggja sig upp fyrir næstu
átök.“
Gæti hugsað sér
að verða sund-
þjálfari
Um framtíðaráform sín sagði Eð-
varð að hann gæti vel hugsað sér
að verða sundþjálfari og miðla öðr-
um af þeirri reynslu og þekkingu
sem hann hefði náð sér í á þeim
11 árum sem hann hefur æft sund.
„Annars ætla ég að ljúka mínu
námi og sjá síðan hvað setur. Núna
em það Ólympíuleikamir sem ég
hugsa fyrst og fremst um og undir-
búningurinn fyrir þá. Síðan verður
að koma í ljós hvemig málin þró-
ast. Allir eiga sínar fyrirmyndir og
Eðvarð er engin undantekning þar
á. Hann sagði að sinn uppáhalds-
sundmaður hefði hætt keppni fyrir
10 áram. Sá héti John Naber frá
Bandaríkjunum. Naber hefði verið
besti baksundsmaður í heiminum á
ámnum 1972-1978. Sérgrein hans
hefði verið baksund og hefði Naber
verið mörgum ámm á undan sinni
samtíð sem fyrmm heimsmet hans
vitnuðu best um, þv( þau hefðu stað-
ist öll átök í mörg ár. Naber hefði
æft 6-7 tima á dag sem var meira
en þá gerðist meðal sundmanna.
Nú þætti ekki mikið að æfa eins
og hann gerði og raunar vonlaust
að ætla sér minni tíma með þátt-
töku á stórmótum í huga.
Friðrik Ólafsson, þjálfari:
„ Betur má ef duga skal“
Friðrik Ólafsson, sundþjálfari
í Njarðvík, hefur verið þjálf-
ari Eðvarðs Þórs Eðvarðssonar
meira og minna frá því að Eðvarð
hóf æfingar fyrir 11 ámm, þá 10
ára gamall. Hann þekkir þvl orðið
vel til Eövarðs og veit hver styrk-
ur hans er og hveijir veikleikar
hans em. Friðrik er lærður múr-
ari, en sundíþróttin hefur átt hug
hans og hjarta og þá sérstaklega
þjálfun og er hann fyrir löngu
orðinn kunnur fyrir árangur sinn.
Sundlaugin sem hann hefur til
umráða er 12 metri sem ekki
þykir bjóðandi afreksmönnum
sem æfa og keppa til að vera
meðal þeirra fremstu i heiminum.
Friðrik er að mestu sjálfmenntað-
ur, hann les mikið um þjálfun og
eitt námskeið sótti hann í
Reykjavík þar sem tveir kunnir
bandarískir sundþjálfarar vom
kennarar. En reynBla Friðriks
vegur ef til viil þyngst, því þau
em orðin næstum 18 árin sem
hann hefúr fengist við sundþjálf-
un.
HefurveriAaAwfa
nýfataskni
Eðvarð Þór hefur verið að æfa
nýja tækni sem okkur fínnst hafa
tekist framar ölium vonum og
gefur tilefni til bjartsýni með
framhaldið. Hann keppti á tveim
stórmótum sem fram fóra f Beriín
og Bonn í Þýskalandi og þar kom-
um við báðir niður á jörðina, því
þrátt fyrir ágætan árangur þar
kom f \jós að nú em margir góðir
sundmenn sem em að koma upp
og hafa sett strikið á ólympíuleik-
ana svo betur má ef duga skal.
Eðvarð hafði reynt nýja tækni í
handahreyfíngum sem hefur verið
að ryðja sér rúm, en tókst ekki
að ná tökum á henni og hætti.
Það var sfðan á þessum mótum
að hann hitti fremsta baksunds-
mann Svía sem var farinn að nota
þessa tækni og eftir það samtal
reyndi Eðvarð aftur og fann sig
strax. Síðan hefur hann verið að
ná stöðugt betri tökum á þessari
nýju tækni og ég tel að hann eigi
að geta bætt árangur sinn enn
frekar."
Hofur MálfaA EAvarA 18 ár
Friðrik hefur séð um þjálfun Eð-
varðs meira og minna í 8 ár.
Hann sagði að Eðvarð hefði sýnt
mikla getu strax og hann fór að
æfa sund 10 ára gamall, en eftir
góð ár og mörg met hefði hann
staðnað um tfma á táningaaldrin-
um. Eðvarð hefði síðan náð sér á
strik aftur, það hefði verið árið
1984 og honum þá staðið til boða
að keppa á ólympíuleikunum í
Los Angeles, en ákveðið að keppa
þar ekki og hann hefði stutt Eð-.
varð í þeirri ákvörðun. „Ég var
af mörgum gagnrýndur fyrir þá
ákvörðun ogfólk sagði þá gjaman
að það hefði áreiðanlega verið
afskaplega gaman að fara og
keppa á Olympfuleikum. Málið var
hinsvegar það hvemig að þessu
var staðið á sínum tíma og hitt
að Eðvarð var aðeins óhamaður
unglingur á þessum ámm. Ég
heid því að hann hafi gert rétt í
því að láta þátttöku sína bfða
betri tfma.“
MikU gróska f sundlnu
Mikil gróska er f sundfþróttinni í
Njarðvík og sagði Friðrik að litla
laugin þeirra væri fyrir löngu orð-
in of lítil þvf erfitt væri að koma
öllum að sem æfðu. „Við höfum
verið að skipta hópunum niður svo
aliir komist að. í stærsta hópnum
em minnstu krakkamir og þeir
em um 40 talsins og þar er oft
þröng á þingi, enda verðum við
að tviskipta þeim hóp. Síðan kem-
ur nokkurs konar millihópur skip-
aður 20 krökkum og loks elsti
hópurinn, en í honum era 8-10
manns. Núna fara þau Eðvarð
Þór og Ragnheiður Runólfsdóttir
til Reykjavíkur á hveijum morgni
til að synda í 50 metra lauginni
í Laugardalnum og síðan höfum
við aðstöðu í sundlauginni á
Keflavíkurflugvelli seinni hluta
dags. Laugin þar er 25 metrar
og að fá þar inni hefur komið sér
ákaflega vel fyrir okkur."
Höfum ávalH gstaA
rwunMHin
Nú hefur þú þjálfað Eðvarð í 8
ár, hefúr aldrei kastast í kekki
milli ykkar? „Auðvitað hafa komið
upp tfmabil þar sem við höfum
ekki verið á sama máli, en sem
betur fer höfum við alltaf getað
rætt málin til fulls og komist að
samkomulagi. Ég held að annað
væri óeðlilegt ef ekki kæmi upp
ágreiningur, spumingin er hvem-
ing tekið sé á hlutunum og málin
leyst. Það hefur skipt miklu máii
fyrir Eðvarð að hann hefur slopp-
ið við meiðsli að mestu ieyti. Hann
fann fyrir eymslum í hné í vetur,
en er vonandi kominn yfír þau og
komi ekkert óvenjulegt upp þá
held ég að við getum farið vongóð-
ir til Seoul í haust.“