Morgunblaðið - 13.08.1988, Blaðsíða 6

Morgunblaðið - 13.08.1988, Blaðsíða 6
6 B MORGUNBLAÐIÐ, LAUGARDAGUR 13. AGUST 1988 Nýlundulist í ljósmyndun Inga Sólveig sýnir „ Undir pilsfaldinum' Inga Sólveig FriÖjónsdóttir opnaÖisl. laugardag Ijósmyndásýningu í nýju galleríi aÖ Vesturgötu 3b sem ber nafniÖ „ Undir pilsfaldinum". ÞaÖ eru þau Örn Ingólfsson ogBryndís Valbjörnsdóttir sem standafyrir rekstri gallerísins og er sýning Ingu Sóheigar súfyrsta sem haldin er íþessu nýja gallerii. BlaÖamaÖur kom aÖ máli við Ingu Sólveigu og baÖ hana að segja lítillegafrá sýningunni. Inga Sólveig við myndröðina „Underground" MORGUNBLAÐIÐ/BAR Myndirnar eru allar unnar á sl. ári, rétt áður en ég lauk BA- prófí í listum frá San Fransis- co Art Institute, með ljósmyndun sem aðalgrein. Þetta eru myndrað- ir sem eiga að koma til skila upplif- unum af einhverjum stað eða að- stæðum, frekar en segja einhverja sögu. Ein myndröðin „Angst" (ótti) er úr kvikmynd sem ég gerði, fimm mínútna kvikmynd sem er dra- matískur leikur með ljós og skugga. Ég var töluvert í kvik- myndun jafnhliða ljósmynduninni, því mér finnst ein Ijósmynd segja svo lítið og uppúr því fór ég að vinna myndraðir til að reyna að koma fleiru til skila". Eina staka myndin á sýningunni er jafnframt eina litmyndin og sú eina sem ekki ber nafn. Hvernig stendur á því? „Þetta er hluti úr stærra verki sem ég vann ásamt íslenskum málara og bandarískum kvik- myndagerðarmanni. Sögu um lífshlaup mannsins í stílfærðri útg- áfu og eftir að ég var búin að hengja upp sýninguna fannst mér passa ágætlega að hafa eina þess- ara mynda með, svona utan dag- skrár". Það eru líka þrjú silkiprent á sýningunni, vinnurðu mikið í því? „Þetta er silkiprent unnið með ljósmyndatækní, myndir af Berlín- ar-múrnum. Já ég hef unnið dálí- tið af silkiprenti, fínnst mest gam- an að vafra á milli ljósmyndunar, silkiprents og kvikmyndunar, en það er hætta á því að ef maður skiptir sér milli svona margra að- ferða verði útkoman hálfkák á öll- um sviðum. Ég hef líka unnið tölu- vert af klippimyndum. Eftir að ég útskrifaðist og hætti að hafa að- gang að myrkraherbergi fór ég að klippa niður myndirnar mínar til að halda mér við efnið". Yfírskrift sýningarinnar er „Ný- lundulist í ljósmyndun" hvað mein- arðu með því? „Nýlundulist er þýðing á erlenda hugtakinu „avant-garde", mjög skemmtileg þýðing að mínu áliti. Þetta heiti tengist þeirri von minni að Islendingar fari að vakna til vitundar um ljósmyndun sem list- grein, en mér fínnst skorta mikið á að hún sé metin að verðleikum hér". Hvað er framundan hjá þér? „Ég veit það eiginlega ekki. Mest mundi mig auðvitað langa til að starfa sjálfstætt, en það er dýrt fyrirtæki að koma sér upp nauð- synlegum búnaði og aðstöðu, svo það verður að bíða. Ætli ég reyni ekki að fá einhverja vinnu við ljós- myndun, þótt ég sé á báðum áttum um hversu langt eigi að ganga í þá átt að gera sig að verslunar- vöru". FB Jóhann Hjálmarsson skrifar frá Spáni Ljóðlistin - könnun dýpri veruleika Fjórtánda desember 1984 lést í Madrid Nóbelsskáldið Vic- ente Aleixandre, en hann var fædd- ur f Sevilla tuttugasta og sjötta apríl 1898. Aleixandre var eitt af helstu skáldum hinnar nýju gullald- ar spænskrar ljóðlistar og Anda- lúsíumaður eins og svo mörg þeirra. ' Eftir sigur falangista á Spáni hélt Aleixandre ekki burt eða í út- legð eins og margir skáldbræður hans. Hann kaus að dvelja um kyrrt á Spáni og mun hafa fengið að vera þar óáreittur þrátt fyrir samúð með lýðveldissinnum. Aleixandre þurfti að vfsu eins og aðrir að gæta d________________ þess að fá ekki rítskoðunina á móti sér, en hin lokaða og einkalega ljóð- list Aleixandres gat ekki orðið henni áhyggjuefhi. Auk þess gaf Aleix- andre aldrei neinar yfirlýsingar eða lét á sér skilja að hann væri and- stæðingur falangistastjórnarinnar. Ljóðiist Aleixandres mótaðist mjög af súrrealisma. Hún er myndrík, upphafin og gædd seið- andi hrynjandi. Þekktasta bók hans verður að teljast eitt af höfuðverk- um spænskrar ljóðlistar: La de- strucción o el amor (Eyðingin eða ástin, 1935). Og með Historia del corazón (Saga hjartans, 1954) verð- ur staða hans sem spænsks stór- skálds enn ljósari. Aleixandre orti f barokkstfl eins og fleiri spænsk skáld sem orðið höfðu fyrir áhrifum frá eldra skáldi, Luis de Góngora, réttara sagt end- urmetið Góngora. í því endurmati tóku líka þátt Federico García Lorca og Rafael Alberti. í verkum barokk- skáldanna eru ástin og dauðinn ekki andstæður og algyðistrú setur svip sinn á þau. Verk Aleixandres eru talin mjög bölsýn, myrkur og örvænting eru meginþema þeirra. Lífið var í hans Vicente Aleix- andre

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.