Morgunblaðið - 16.11.1988, Qupperneq 32

MORGUNBLAÐIÐ, MIÐVIKUDAGUR 16. NÓVEMBER 1988
Flugfélag Norðurlands:
ElstaTwin
Otter-vél-
in seld til
Kanada
FLUGFÉLAG Norðurlands hf.
hefur selt elstu de Havilland
Canada Twin Otter flugvél sína,
TF-JMD, til Kanada, en félagið
ráðgerir að festa kaup á nýrri
flugvél af gerðinni Twin Otter
300 sem er burðarmeiri og hrað-
fleygari útgáfa af þessari tegund.
„Flugvélin TF-JMD, sem keypt
var frá Svíþjóð, kom til landsins 1.
apríl árið 1976 og hefur reynst
happadtjúg og á mikinn þátt í því
hvað flugfélag Norðurlands er orðið
í dag," sagði Sigurður Aðalsteins-
son, framkvæmdastjóri félagsins.
Flugvélin var notuð á áætlunarleið-
um félagsins innanlands auk þess
sem hún var talsvert notuð við
umfangsmikil leiguflugsverkefni á
Grænlandi.
Áður en vélin var afhent kaup-
endum var hún tekin í gagngera
skoðun á verkstæði FN á Akureyri
og um leið var öll málningin leyst
af henni, en hún verður máluð í lit-
um nýju eigendanna vestur í
Kanada. Kaupandi TF-JMD er lítið
flugfélag, Nakina Outpost Camp
and Air Service Ltd., í Nakina í
Ontario, og er þetta fyrsta tveggja
hreyfla flugvél félagsins. Vestra
verður flugvélin m.a. notuð á flotum
en slíkt er algengt í Kanada þar sem
vatnasvæði er mikil.
„Við erum búnir að einangra
stóra flugskýlið, sem við keyptum
árið 1986 af Flugmálastjóm, og
klæða það upp á nýtt, en þessar
framkvæmdir kostuðu um tíu millj-
ónir króna. Hita verður hleypt á
skýlið, sem er um tólf hundruð og
fimmtíu fermetrar að stærð, í vet-
ur,“ sagði Sigurður Aðalsteinsson
þegar hann var spurður um hús-
næðismál Flugfélags Norðurlands.
Flugskýli og verkstæðishúsnæði
flugfélagsins eru nú um nítján
hundruð fermetrar að stærð, allt
einangrað og upphitað, og er innan-
gengt á milli húsa.
Flugfloti Flugfélags Norðurlands
samanstendur nú af tveimur nítján
farþega de Havilland Twin Otter,
önnur þeirra af 300-útgáfunni,
tveimur níu farþega Piper Chieftain
og einni fimm farþega Piper Aztec
auk tveggja kennsluflugvéla af
gerðinni Piper Tomahawk.
Frá Akureyri fór TF-JMD sunnu-
daginn 13. nóvembertil Reykjavíkur
og áfram þaðan daginn eftir til
nýrra heimkynna og voru það
kanadískir flugmenn sem flugu vél-
inni út.
- PPJ
Morgunblaðið/Rúnar Þór
Eðvarð Sigurgeirsson ljósmyndari á opnunarhátíð myndviku
Borgarbíói sl. sunnudag.
Gestum var boðið í kafB og tertu, sem útbúin hafði verið eins
og kvikmyndavél í laginu. Hér eru þau Edda Kristjánsdóttir,
Hrafn Gunnlaugsson, Egill Eðvarðsson, Hilmar Oddsson, Þórey
Eyþórsdóttir og Kristján Baldursson að gæða sér á kökunni.
Eðvarð Sigurgeirsson heiðraður
Eðvarð Sigurgeirsson ljósmyndari var gerður að heiðursfélaga
í Félagi íslenskra kvikmyndagerðarmanna við liátíðlegt tækifæri
síðastliðinn laugardag í Borgarb.íói á Akureyri, en þá hófst jafn-
framt myndvika í tilefni af 80 ára afinæli Eðvarðs á síðasta ári.
Hilmar Oddsson kvikmyndagerðarmaður afhenti Eðvarði heiðurs-
skjalið. Þá veitti Gunnar Ragnars formaður menningarmálanefiid-
ar Eðvarði Qárupphæð i viðurkenningarskyni frá bænum. Mynd-
vikan stendur til 20. nóvember og er haldin á vegum menningar-
málanefiidar Akureyrarbæjar.
í tengslum við myndvikuna var
efnt til kvikmyndasamkeppni.
Átta stuttar myndir bárust í sam-
keppnina. Ingólfur Ármannsson
skóla- og menningarfulltrúi Akur-
eyrarbæjar gerði úrslit kunn og
afhenti verðlaun. Fyrstu verðlaun,
50.000 krónur, hlaut Júlíus Kemp,
Rauðalæk 11, Reykjavík fyrir
mynd sína „Akureyri — Reykjavík
— Akureyri“. Dómnefnd skipuðu
auk Eðvarðs Sigurgeirssonar þeir
Guðmundur Ármann og Þórarinn
Ágústsson. í áliti dómnefndar um
verðlaunamyndina segir að mynd-
in sé sviðsett, samspil gamla og
nýja tímans og löngunin til
„heimahaganna" tengist á
skemmtilegan hátt. Hljóðblöndun
sé góð og falli vel að myndinni.
Myndgæði væru ágæt. Mynda-
taka og klipping væru vel unnið.
Úrvinnsla á ferli væri góð og
hvergi langdregin. Helst mætti
gera athugasemdir við veðurfarið,
sem ekki virtist í nógu góðu sam-
ræmi við bakgrunn og uppbygg-
ingu myndarinnar.
Sérstaka viðurkenningu,
20.000 krónur, fékk mynd eftir
þau Kristján Þorsteinsson og
Rósu Kristjánsdóttur, Grænugötu
9, Akureyri. Um hana segir dóm-
nefnd: „Hugmyndin að myndinni
er frumleg og ljóðræn. Uppbygg-
ing myndar með samspili náttúru
og guðshúss er forvitnileg en tekst
misvel að útfæra hana. Tónlistin
er vel valin og fellur vel að mynd-
inni. Myndgæði eru allgóð.
Myndatakan er misjöfn, allgóð í
byrjun en nýtir síðan lítið mögu-
leika á íjölbreyttum sjónarhornum
og nærmyndum. Stundum eru
atriðin fulllangdregin."
Við opnunarhátfðina var sýnd
syrpa af myndum Eðvarðs auk
þeirra tveggja mynda er unnu til
verðlauna í kvikmyndasamkeppn-
inni. Nýjasta afkvæmi íslenskrar
kvikmyndagerðar „I skugga
hrafnsins" var frumsýnt á Akur-
eyri sl. sunnudag af afloknu er-
indi Hrafns Gunnlaugssonar um
sögu og þróun íslenskrar kvik-
myndagerðar. Þá eru á myndviku
sýndar kvikmyndimar Útlaginn,
79 af stöðinni, Land og synir,
Stella í orlofi, Húsið, Á hjara ver-
aldar, Með allt á hreinu, Punktur
punktur komma strik, Foxtrott,
Síðasti bærinn í dalnum, Skamm-
degi og Jón Oddur og Jón Bjarni.
Svalbarðseyri:
Sambandið vill borga þriðj-
ung fjárskuldbindinga bænda
Bankar falli frá þriðjungi af kröfum sínum
og láni bændum afganginn á hagstæðum kjörum
SAMBAND íslenskra samvinnu-
félaga hefiir ítrekað fyrra boð
sitt um að taka á sig þriðjung
af þeim fjárskuldbindingum, sem
átta bændur á Svalbarðseyri
gengust í ábyrgðir fyrir vegna
Kaupfélags Svalbarðseyrar áður
en það varð gjaldþrota. í tilboði
Sambandsins er gert ráð fyrir
því að Samvinnubankinn, Iðnað-
arbankinn og Sparisjóður Glæsi-
Morgunblaðið/PPJ
Twin Otter-flugvél Flugfélags Norðurlands, TF-JMD. Þessi mynd
var tekin á Ólafsfírði snemma árs 1986.
bæjarhrepps taki í sameiningu á
sig þriðjung skuldbindinganna,
en þessir þrír bankar eru aðal-
kröfuhafarnir á hendur bændun-
um. Samvinnubankinn hefur lýst
sig hlynntan því að leysa málið
á þann hátt sem Sambandið hef-
ur gert tillögu um. Endanleg svör
hafa ekki borist frá Iðnaðar-
banka og Sparisjóði Glæsibæjar-
hrepps.
Sambandið gerir ráð fyrir í til-
boði sínu að viðkomandi bændur
beri þriðjung skuldbindinganna með
þeim hætti að bankamir veiti þeim
löng lán á hagstæðum kjörum þann-
ig að árleg greiðslubyrði hvers að-
ila verði viðráðanleg. Valur Arn-
þórsson stjórnarformaður Sam-
bandsins sagði að stjórnin hefði
fyrir allnokkrum mánuðum sam-
þykkt að taka á sig þriðjung skuld-
bindinganna án þess þó að Sam-
bandinu bæri lagaleg skylda til
þess. „Sambandið vill fyrst og
fremst aðstoða bænduma í þeirra
erfiðleikum með því að taka þátt í
uppgjöri á þeirra ábyrgðum gagn-
vart bönkunum og sparisjóðnum
með um það bil einum þriðja af
ábyrgðunum enda gefi bankarnir
eftir einn þriðja og bændumir greiði
sjálfir einn þriðja, en þá á þeim
kjömm að þeir geti risið undir
greiðslunum. Með þessu myndi
málið leysast í heild sinni og gætu
þeir jafnframt haldið sínum eignum
þessa máls vegna. Þetta tilboð setti
stjóm SÍS fram fyrir nokkrum
mánuðum. Þá stóð tilboðið til 1.
september og það tekið fram að
eftir þann tíma gæti Sambandið
afturkallað boð sitt. En á stjórnar-
fundi á mánudag var boðið ítrekað
með það að markmiði að málið
leystist," sagði Valur.
Þau lán, sem bændurnir eru í
ábyrgðum fyrir, standa nú í um það
bil 45 milljónum króna. Misjafnt er
á hvaða ábyrgðum hver og einn er.
„Það vom ekki sett fram nein tíma-
mörk af hálfu Sambandsins að
þessu sinni. Hinsvegar leiðir það
af sjálfu sér að það er stuttur tími
til stefnu vegna uppboðanna, sem
auglýst hafa verið á eignum bænd-
anna. Ég veit ekki hver afstaða
Sambandsins verður ef bankarnir
neita að aðstoða að sama skapi.
Það er aðeins eitt skref tekið í einu
og ég vona að afstaða allra aðila
verði jákvæð svo hægt sé að koma
þessu máli frá í eitt skipti fyrir öll,“
sagði Valur.
Eigrim hráefiii út vikuna
- segir framkvæmdastjóri UA
AÐEINS tveir af sex togurum
Útgerðarfélags Akureyringa
eru á veiðum eins og stendur,
Svalbakur og Hrímbakur. Tveir
togarar til viðbótar fara síðan á
veiðar i vikunni. Litið mun þó
vera eftir af kvóta ÚA og eru
togararnir að stöðvast einn af
öðrum.
Togararnir Hrímbakur og Sól-
bakur em þó á sóknarmarki og
geta þeir því haldið áfram veiðum
um sinn. Gísli Konráðsson fram-
kvæmdastjóri ÚA sagði í samtali
við Morgunblaðið að ekki væri
búið að taka neinar ákvarðanir um
'i.-kssi •
uppsagnir hjá fyrirtækinu. „Mér
sýnist við eiga hráefni vikuna, en
eftir þann tíma veit ég ekki hvað
gerist ef okkur tekst ekki að fá
meiri kvóta,“ sagði Gísli.