Morgunblaðið - 24.01.1989, Blaðsíða 3
MORGUNBLAÐIÐ ÞRIÐJUDAGUR 24. JANÚAR 1989
3
Niðurfall hefur stíflast við gatnamót Kringlumýrarbrautar og Miklubrautar í hlák-
unni síðdegis í gær. Bilarnir vaða elginn og verður ekki meint af, enda varlega farið.
Ragnar Egilsson býr við Nönnufell í Breiðholti. Hann segir að snarvitlaust veður
hafi verið á sunnudag þar efira og ekki viðlit að hreyfa bil, í gær gekk ekki betur, þá
var eftir að koma vagninum í gang og moka hann út.
Höfuðborgarsvæðið:
Mesta ófærð
í fimmár
Vel gekk að hreinsa götur - Smá-
bílar hindruðu ferðir strætisvagna
ÓVEÐRINU um helgina fylgdi mesta ófærð sem komið hefur síðan
4. janúar 1984, eða í fimm ár, á götum Reykjavíkur og nálægra
sveitarfélaga. í Reykjavík voru starfsmenn gatnamálastjóra að ryðja
snjó af helstu umferðargötum á sunnudag og alla aðfaranótt mánu-
dags. Snemma i gærmorgun fóru um 150 manns með 40 tæki og
bila að hreinsa snjó af götum borgarinnar og hafði tekist að gera
velflestar götur færar er leið á daginn, að sögn gatnamálastjóra.
Nokkur erill var hjá lögreglu að aðstoða fólk, eins og títt er í slikri
færð, að sögn varðstjóra.
15-20 tæki voru notuð við snjó-
ruðning í Reykjavík á sunnudag og
aðfaranótt mánudags. Klukkan 4 á
mánudagsmorgun hóf allur tiltækur
liðsafli gatnamálastjóra að ryðja
snjó og notaði til þess 40 tæki og
bfla, að sögn Inga Ú. Magnússonar
gatnamálastjóra. Hann segir að vel
hafi gengið að ryðja. Byijað var í
miðbænum og hreinsaðar allar
helstu umferðargötur og af bfla-
stæðum, þannig að fólk kæmist til
vinnu. Jöfnum höndum var byijað
að ryðja af öðrum aðalumferðaræð-
um og síðan færðist vinnan inn í
íbúðarhverfín. Um hádegið í gær
var orðin allgóð færð á götum borg-
arinnar, nema í Árbæjar- og Hálsa-
hverfum. í efsta hluta Hraunbæjar
var til dæmis snjódyngja, á annan
metra á þykkt, yfir götunni á all-
löngum kafla.
í Hafnarfirði var færð orðin góð
síðdegis í gær, að sögn lögreglu.
Þar ruddu bæjarstarfsmenn innan-
bæjar og Vegagerðin á Reykjanes-
braut og Hafnarfjarðarvegi. Að
sögn lögreglu urðu ekki teljandi
óhöpp vegna ófærðarinnar, enda
dró mjög úr umferð þegar veður
versnaði og færð spilltist. Ófært
varð um stundarsakir á Amamess-
hæð á sunnudagskvöld, en Vega-
gerðin mddi hæðina fljótt og urðu
þar ekki teljandi vandræði eftir það.
Strætisvagnar Reykjavíkur
gengu að mestu eðlilega í gær og
á sunnudag. Vagnamir töfðust ekki
vegna færðarinnar á sunnudag, að
sögn Jakobs Sigurðssonar vakt-
formanns SVR, nema þegar litlir
bflar sem sátu fastir vömuðu þeim
vegarins. í gærmorgun var bætt
við aukavögnum á fjölfömustu leið-
um. Fyrstu vagnar fóru af stað
klukkan 6.45 og urðu ekki tafir að
ráði vegna ófærðar, enda hafði ver-
ið lögð áhersla á að ryðja strætis-
vagnaleiðimar.
Lögreglan í Reykjavík sinnti all-
mörgum útköllum vegna ófærðar,
einkum við að aðstoða fólk við að
komast til vinnu á sjúkrahúsum og
öðrum stofnunum. Að sögn varð-
stjóra þurfti ekki að leita fólks nema
í einu tilviki aðfaranótt mánudags.
Þá var farið að óttast um fólk sem
farið hafði um kvöldið á bíl frá húsi
í Vatnsendahverfi. Lögregla fann
bflinn fastan í skafli og fólkið allt
í bflnum, vel haldið. Lögreglan að-
stoðaði við að ná bílnum lausum
og gekk það vel. Nokkuð var um
Morgunbl adið/Rax
í illviðrinu sem gekk yfir Reykjavík á sunnudag Ientu margir í erfiðleikum að komast leiðar sinnar á
litlum bílum. Reyndi þá stundum á hjálpsemi náungans. Hér er verið að undirbúa að draga einn lausan ■
úr fönninni.
að hjálparsveitir aðstoðuðu öku-
menn á götum borgarinnar og í
nágrenni. Unglingar staddir í skála
við Bláfjallaveg nutu hjáslparsveit-
ar sem átti leið þar um og fengu
far í bæinn, en að sögn lögreglu
er ekki vitað um önnur tilvik, þar
sem fólk lenti í hrakningum eða
teljandi erfiðleikum.
Kennsla felld niður í grunnskólum
KENNSLA féll niður í grunnskólum á höfúðborgarsvæðinu í gær
vegna ófærðar, ýmist til hádegis eða allan daginn. „Okkur þótti það
ábyrgðarhluti í morgun að láta börnin koma í skólann. Ófærðin var
það mikil að ekki aðeins börnin, heldur fúllorðnir líka, áttu í vand-
ræðum með að komast í skólana," sagði Ragnar Georgsson skólafúll-
trúi í Reykjavík. Þar var kennsla felld niður allan daginn.
Ragnar sagði það hafa sýnt sig
í gærmorgun, að kennarar skól-
anna, sem eiga heima vítt og breitt
um borgina, áttu í erfiðleikum með
að komast frá heimilum sínum,
þótt vel gengi eftir að þeir komust
út á umferðargötumar. Þá voru
erfiðleikar fyrir þá sem komu ak-
andi að leggja bílum sínum við skól-
ana, þar sem bflastæði voru órudd.
Gangstéttir hafí verið fullar af snjó
sem rutt var af götunum og ekki
veijandi að ætla litlum bömum að
brölta eftir þeim hraukum og yfir
þá, eða að ganga úti á umferðargöt-
um í misjöfnu skyggni. „Okkur
þótti líka öruggara að hafa bömin
ekki mikið á ferli að eða frá skólun-
um á meðan snjóruðningstækin
voru hvað mest á ferðinni," sagði
Ragnar.
Hann sagði að fyrst hafí kennslu
verið aflýst til hádegis, síðan hafi
verið ákveðið að aflýsa henni allan
daginn, þar sem nær einvörðungu
yngstu nemendumir eru í skólunum
eftir hádegið.
Hilmar Ingólfsson skóiastjóri í
Hofsstaðaskóla í Garðabæ sagði að
skólamir þar hafí verið opnir þeim
sem komu og gæsla fyrir yngstu
nemenduma. Kennarar skólans hafi
verið við vinnu allan daginn við
undirbúning kennslu, það er jafn
óðum og þeir komust í skólann.
Margir áttu langa leið að fara og
gekk misjafnlega að komast. Hilm-
ar sagði að ákveðið hafi verið að
fella niður kennslu í skólunum í
Garðabæ til hádegis og ekki hafi
þótt ástæða til að breyta því, enda
gangstéttar ruddar og leiðir yfir-
leitt orðnar greiðar.
í Valhúsaskóla á Seltjamamesi
féll niður kennsla til hádegis. Ólafur
Óskarsson skólastjóri sagðist telja
að skynsamlega hafi verið staðið
að þeim ákvörðunum að fella niður
kennslu í skólunum við þessar að-
stæður. „Ég var sjálfur kominn á
kreik um sexleytið og var þá í erfíð-
leikum með að komast að heiman.
Kennarar okkar búa um allan bæ
og þeir áttu erfitt með að komast.
Við höfum hins vegar þá sérstöðu
að nemendur okkar búa í nágrenni
við skólann og það er stutt fyrir
fleáta að fara. Þess vegna ákváðum
við að hefja kennslu á ný um hádeg-
ið.“
í Mosfellsbæ var felld niður
kennsla allan daginn vegna mikillar
ófærðar í bænum og sömu sögu er
að segja víða af landsbyggðinni. í
Hafnarfirði ákváðu skólastjórar í
sameiningu að fella niður kennslu
til hádegis og-var því ekki breytt,
þannig að kennt var í Hafnarfirði
síðdegis í gær.
Hafnarg ör ður:
Rafmagnið fór af
vegna veðursins
RAFMAGN fór af öllum HafnarQ arðarbæ á sunnudagskvöld og varð
allur bærinn rafmagnslaus um stund og hlutar bæjarins í rúmlega
fjórar klukkustundir. Ástæður bilunarinnar eru að raki komst í ein-
angra í aðveitustöð og er s kafre nningi kennt um.
Morgunblaðið/Þorkell
Fri í skólanum og allt fúllt af snjó! Svavar Brynjólfsson, Guðjón
Benediktsson og Ingólfúr Guðmundsson vissu hvað átti að gera við
frítímann í gær.
Bilunin varð í spennaklefa í að-
veitustöð klukkan 18.05 á sunnu-
dag. Þar varð svonefndur yfírslátt-
ur, það er rafmagn hljóp yfir ein-
angra og varð að skipta um þijá
þeirra eftir atvikið, að sögn Jóns
Gests Hermannssonar tæknifræð-
ings hjá Rafveitu HafnarQarðar.
Allur bærinn varð rafmagnslaus í
nokkum tíma. Klukkan 19.25 kom
rafmagn á nokkra bæjarhluta og
síðan bættust smám saman fleiri
við og rafmagn var komið á allan
bæinn klukkan 22.20.
„Það má segja að þessi biiun
hafi komið á góðum tíma, það var
aðallega eldamennska sem truflað-
ist. Þó er svona bilun auðvitað allt-
af hvimleið," sagði Jón Gestur.
Hann kvaðst ekki vita til að fyrir-
tæki hafi lent f erfíðleikum vegna
vbflunarinnar.
í gærmorgun varð önnur raf-
magnsbilun á veitusvæði Rafveitu
Hafnaríjarðar, einnig vegna veðurs.
Þá varð bilun í háspennulínu til
Straumsvíkur og var unnið að við-
gerð S gær. Laxeldisstöðin Pólarlax
fær rafmagn af þessari línu, en Jón
Gestur taldi að bilunin hefði ekki
áhrif á starfsemi þar, enda er lax-
eldisstöðin búin vararafstöð.