Morgunblaðið - 02.07.1991, Page 1

BLAÐ ALLRA LANDSMANNA
FRJALSIÞROTTIR
Sigurður
í 2. sæti
Mitchell stal senunni frá
Lewis og Ben Johnson
SiGURÐUR Einarsson, spjótkastari, hafnaði
í öðru sæti á Grand Prix mótinu i Frakklandi
í gærkvöldi. Sigurður kastaði 79,64 metra.
Frakkinn Pascal Lefevre var greinilega án-
ægður með heimavöllinn og sigraði með
kasti upp á 82,28 metra. í þriðja sæti varð
Svíinn Dag Wennlund, en hann kastaði 78,20
metra.
Bandaríski spretthlauparinn, Dennis Mitchell,
breytti á síðustu stundu handritinu að hinu
margumtalaða einvígi Carl Lewis og Ben Johnsons
í 100 m hlaupi á Grand Prix móti í Frakklandi í
gærkvöldi. Mitchell skaut þessum keppinautum
sínum óvænt ref fyrir rass og sigraði á 10,09 sek.
Lewis varð annar á 10,20, en Johnson mátti láta
sér lynda sjöunda sætið á tímanum 10,46 sek.
Mitehell var að vonum ánægður með sigurinn
sem hann sagði mjög mikilvægan áfanga að góðu
gengi á heimsmeistaramótinu í Tókíó í næsta
mánuði. Mitchell hefur gengið vel að undanförnu
og fyrir skömmu hafnaði hann í þriðja sæti á
bandaríska meistaramótinu á eftir Lewis og heims-
methafanum Leroy Burrell.
Lewis og Johnson voru töluvert frá sínu besta
í gærkvöldi og átti vott og kalt veðrið í norður-
hluta Frakklands greinilega ekki vel við þá. Þeir
félagar höfðu ekki mæst á hlaupabrautinni síðan
í Seoul haustið 1988. Þar sigraði Johnson sem
kunnugt er á nýju heimsmeti, en mátti þola þá
smán að falla á lyíjaprófi og var hann í kjölfarið
dæmdur í tveggja ára keppnisbann.
Menn höfðu beðið svo lengi eftir að sjá Lewis
og Johnson etja kappi saman að það gleymdist
að taka með í reikninginn þann möguleika að
þriðji maðurinn gæti sigrað. Frönsk sjónvarpsstöð,
sem kostaði keppnina í Frakklandi, greiddi Lewis
og Johnson hálfa milljón dollara, eða 30 milljónir
króna, hvorum fyrir þátttökuna. Þetta kallast víst
að veðja á rangan hest.
KR-ingar heppnir en
eru einir á toppnum
KR-ingar eru einir á toppi 1. deildarinnar í knattspyrnu
eftir sjö umferðir. Síðustu tveir leikirnir fóru fram í
gærkvöldi, KR og Stjarnan skildu jöfn, 1:1, á KR-velli
og ÍBV sigraði Breiðablik í Eyjum, 3:2. KR-ingar hafa
því eins stigs forskot á Breiðablik og síðan koma lið
Fram og ÍBV jöfn í þriðja sæti. KR-ingar voru heppn-
ir að fá eitt stig úr viðureign sinni við Stjörnuna. Gest-
irnir fengu mun hættulegri færi en Ólafur Gottskálks-
son, markvörður KR, sá ávallt við þeim nema einu
sinni, og mikill heppnisstimpill var á marki Heimis
Guðjónssonar, sem kom KR yfir. A myndinni er eitt
af bestu færum KR í leiknum — Pétur Pétursson hefur
skallað, en knötturinn fór í bak Ragnars Margeirsson-
ar, sem glittir í bak við Bjarna Jónsson.
■ 1. deildin / B4, B5 og B7.
KNATTSPYRNA / ISLANDSMOTIÐ
1991
ÞRIÐJUDAGUR 2. JULI
BLAÐ
Pétur ekki meira með
í fyrri umferðinni
PÉTUR Arnþórsson, miðvallar-
leikmaður úr Fram, var skorinn
upp við meiðslum í vinstra hné
í gær og leikur ekki með Fram
það sem eftir er af fyrri umferð
1. deildar.
Pétur meiddist á æfingu á
þriðjudagskvöldið fyrir réttri
viku og hefur hvorki leikið né æft
með liði sínu síðan. I gær var hnéð
speglað og Pétur síðan skorinn upp.
„Það var tekinn hluti af liðþófan-
um í vinstra hnénu og læknarnir
segja að ég megi ekki hreyfa mig
í hálfan mánuð,“ sagði Pétur í sam-
tali við Morgunblaðið í gærkvöldi.
„Ég verð ekki með í næstu þremur
leikjum, en síðan kemur hlé í deild-
inni og ég vonast til að geta bytjað
á fullu strax í síðari umferðinni,“
sagði Pétur.
Hann sagðist hafa það nokkuð
gott og að úrslitin í leikjunum í
gærkvöldi gerðu lífið bærilegt!
Guðmundur Benediktsson
Guðmundur
til Ekeren
Forráðamenn félagsins
koma til að ræða við Þór
Guðmundur Benediktsson, knatt-
spyrnumaður í Þór á Akureyri, hef-
ur náð munnlegu samkomulagi við
belgíska félagið Ekeren um tveggja ára
atvinnumannasamning. Forráðamenn
félagasins eru væntalegir til Akureyrar
um næstu helgi eða í næstu viku til að
ræða við Þór og ganga endanlega frá
samningnum.
VIÐTALVIÐ SIGURÐ BJORGVIIMSSON KNATTSPYRNUMANN / B6