Morgunblaðið - 03.01.1992, Qupperneq 2

2
MORGUNBLAÐIÐ FÖSTUDAGUR 3. JANÚAR 1992
Gasolíulækkun:
Utgerðin
sparar 120
millj. kr.
LÆKKUN gasolíuverðs hefur í
för með sér 120 milljóna kr.
sparnað fyrir fiskiskipaflotann
en kostnaður við orkunotkun
loðnubræðslna innan Félags
fiskimjölsframleiðenda hækkar
um 32-40 milljónir kr. miðað við
að 800-900 þúsund tonna loðnu-
afli berist loðnuverksmiðjum á
ári.
Að sögn Sveins Hjartar Hjartar-
sonar, hagfræðings LÍÚ, má reikna
með að sparnaðurinn vegna lækk-
unar á verði gasolíu sé um 121
„milljón á ári, en lítrinn lækkaði úr
18,50 kr í 17,60 kr. Svartolía er
að litlu leyti notuð í fiskiskipum,
en þó í nokkrum togurum. Verð á
svartolíu hækkaði úr 11.750 kr.
tonnið í 12.400 kr.
Jón Ólafsson, framkvæmdastjóri
Félags fiskimjölsframleiðenda,
sagði að verðhækkun svartolíu hefði
komið sér í opna skjöldu. Svartolíu-
notkun loðnuverksmiðjanna hefði á
ársgrundvelli venjulega verið um
50-60 þúsund tonn, en þó mun
minni í fyrra í takt við aflasam-
drátt. í venjulegu ári þýddi þessi
verðhækkun því að orkunotkun
loðnuverksmiðjanna hækkaði um
32-40 milljónir kr. Hann sagði að
Félag fiskimjölsframleiðenda hefði
ekki tekið afstöðu til olíukaupamála
í ljósi fijálsrar olíuverslunar. „Ftjáls
innkaup verksmiðjanna sjálfra eru
kannski ekki alveg í bígerð. Engu
að síður er það eitthvað sem við
munum áreiðanlega skoða — hvort
við getum sjálfír orðið okkur úti
um hagstæðari olíu en olíufélögin
bjóða,“ sagði Jón.
Friðsöm áramót
Nýársgleði landsmanna fór fram með friðsömum hætti og án meirihátt-
ar áfalia. Veður var víðast hvar gott og færð góð nema hvað lögreglu-
menn í Keflavík áttu annríkt við að aðstoða ökumenn á Reykjanes-
braut fyrri hluta nýársdags. Fáir gistu fangageymslur lögreglunnar
Morgunblaðið/Þorkell
og margir lögreglumenn höfðu orð á því að varla hefði verið meira
að gera en um venjulega helgi. Þá virðist fólk hafa farið varlega með
fiugelda á gamlárskvöld. Minna var um að fólk kæmi með brunasár
á slysadeild Borgarspítalans en oft áður.
ir verðbréfasjóðir hafa minnkað,“
sagði Pétur Kristinsson.
Sjá einnig frétt um sölu hluta-
bréfa á miðopnu.
------4----------
Spænskt fé-
lag flaug fyr-
ir Veröld
FARÞEGAR ferðamiðstöðvarinn-
ar Veraldar sem dvöldust á Kan-
aríeyjum um jólin koma til lands-
ins með vélum spænsks leiguflug-
félags og Flugleiða. Að sögn Hall-
dórs Sigurðssonar, forstjóra
Atlantsflugs hf., sem flutti farþeg-
ana til Kanaríeyja 19. desember
sl., var ákveðið að taka öðrum
verkefnum sem félagið átti kost á
þegar greiðsla Veraldar fyrir
flugið til íslands var gjaldfallin.
„Hjá okkur og öllum leiguflugfé-
lögum eru strangar reglur um
greiðsluskilmála og sé ekki staðið
við samninga þarf að gera aðrar
ráðstafanir,“ sagði Halldór. Hann
kvaðst ekki eiga von á því að þetta
atvik hefði áhrif á samskipti fyrir-
tækjanna í framtíðinni. Flugvél
Atlantsflugs verður í verkefnum fyr-
ir El-Al flugfélagið í ísrael eitthvað
fram eftir mánuðinum og flýgur vél-
in daglega frá Tel Aviv til ýmissa
borga Evrópu.
Svavar Egilsson, forstjóri Verald-
ar, sagði að fyrirtækinu hefði borist
til eyrna að Atlantsflug hefði hug á
þessu ve'rkefni í ísrael og hefði það
verið athugað. Sú athugun hefði leitt
til þess að samið var við spænskt
leiguflugfélag um flugið til Islands.
Ríkissjóður aflaði tveggja
milljarða innanlands í lánsfé
Jón Baldvin Hannibalsson, utanríkisráðherra:
Varaður við afskiptum af inn-
anríkismálum í Júgóslavíu
RÆÐISMAÐUR íslands í Berlín, Andreas Howaldt, fékk nýlega
upphringingu frá þýskumælandi manni sem talinn er vera fulltrúi
serbneskra samtaka. Maðurinn, sem kynnti sig sem talsmann Vater-
Iandische Front, varaði við því að afskipti utanríkisráðherra ís-
lands af innanríkismálum í Júgóslavíu gætu reynst lífshættuleg.
Maðurinn kvaðst hafa fengið
upplýsingar um ákvörðun Jóns
Baldvins Hannibalssonar, utanrík-
isráðherra, um viðurkenningu Is-
lands á sjálfstæði Króatíu og Sló-
veníu og varaði við að slík afskipti
gætu verið lífshættuleg.
Hjálmar W. Hannesson, sendi-
herra íslands í Þýskalandi, sagði
í samtali við Morgunblaðið að talið
væri að umræddur maður væri
fulltrúi serbneskra samtaka en það
væri þó ekki öruggt. Hjálmar sagð-
ist hafa gert þýskum stjórnvöldum
viðvart er hann frétti af upphring-
ingunni og taldi fullvíst að öryggis-
eftirlit við ræðismannsskrifstofuna
í Berlín og íslenska sendiráðið í
Þýskalandi hefði verið aukið í kjöl-
farið þó allt eins líklegt væri að
um símaat hefði verið að ræða.
„Þetta er allt mjög óljóst og al-
veg eins líklegt, ef ekki líklegra,
að hér sé um að ræða einstakling,
sem er að nýta þetta tækifæri til
að gera símaat. Auðvitað er þó
ekkert hægt að fullyrða og ástæða
til að fara að öllu með gát,“ sagði
Hjálmar.
Hjálmar sagðist hafa fregnað
að víða væri aukið eftirlit hjá ráða-
mönnum i Þýskalandi vegna hót-
ana sem þeir hefðu fengið eftir að
þýsk stjómvöld viðurkenndu sjálf-
stæði Króatíu og Slóvéníu.
Jón Baldvin Hannibalsson utan-
ríkisráðherra sagði í samtaii við
Morgunblaðið að hann hefði ekkert
um þessar hótanir að segja annað
en að hann hefði heyrt af þeim.
Hann sagðist ekki hafa farið fram
á aukna öryggisgæslu þeirra
vegna.
GERA má ráð fyrir að ríkissjóður hafi aflað um tveggja miHjarða
króna í nýju lánsfé á innlendum lánsfjármarkaði á árinu 1991 sam-
kvæmt upplýsingum sem Morgunblaðið fékk hjá Pétri Kristinssyni,
framkvæmdastjóra Þjónustumiðstöðvar ríkisverðbréfa. Sala ríkis-
víxla var nánast óbreytt frá fyrra ári, sala spariskírteina um 800
milljónir umfram innlausn og aukning í sölu ríkisbréfa um 1,2-1,3
milljarðar. Talið er að nýr sparnaður innanlands hafi numið hátt í
30 milljörðum á árinu.
Nú um áramótin voru útistand-
andi ríkisvíxlar að upphæð 8,1 millj-
aður króna sem er 50 milljónum
króna hærri upphæð en um áramót-
in 1990/91. Forvextir eru á víxlun-
um og þeir eru á bilinu 45-120
daga. Ríkisbréf seldust fyrir um 1,5
milljarða eða 1,2-1,3 umfram inn-
lausn á árinu. Ríkisbréfín geta ver-
ið frá 3 mánuðum hið stysta og
allt upp i 3 ár. Vextirnir greiðast
eftir á og taka mið af vegnu meðal-
tali útlánsvaxta banka og spari-
sjóða. Spariskírteini sem hafa lengri
lánstíma en tvö fyrrgreindu formin
seldust fyrir um 5,2 milljarða á
árinu 1991 en á móti voru spariskír-
teini fyrir 4,4 milljarða innleyst á
árinu, þannig að fjáröflun umfram
innlausn var um 800 milljónir.
„Ég held þetta sé viðunandi ár-
angur miðað við þá stöðu sem verið
hefur á lánsfjármarkaðnum. Ljósi
punkturinn í þessi sambandi er að
við erum orðnir fastur þáttur í
sparnaði hjá stórum hluta almenn-
ings, því áskrifendur spariskírteina
eru orðnir um 15 þúsund og kaupa
spariskírteini fyrir á annað hundrað
milljónir í hveijum mánuði. Við er-
um einkar ánægðír með okkar
stöðu, einkum í ljósi þess að marg-
I
I
t
t
I
>

i