Morgunblaðið - 21.02.1992, Qupperneq 2

2 D
MORGUNBLAÐIÐ FÖSTUDAGUR 21. FEBRÚAR 1992
Y
Tónlistarbandalag íslands og framkvæmdanefnd um Ár söngsins gaf út söngbækurnar „Hvað er
svo glatt“ í tilefni samstarfsvikunnar.
Markmiðið með
samstarfsvikunni er að
glæða áhuga á söng og hljóðfæraleik
UM ÞESSAR mundir er verið
að leggja siðustu hönd á undir-
búning samstarfsviku grunn-
skóla- og tónlistarskóla, sem
verður fyrstu vikuna í mars.
Markmiðið er að glæða áhuga
grunnskólanema á söng og
hljóðfæraleik. Tónlistarbanda-
lag Islands stendur fyrir Ari
söngsins og síðastliðið vor leit-
aði framkvæmdanefndin um Ár
söngsins eftir samstarfi við
fræðsluyfirvöld, skólastjóra
grunnskóla og tónlistarskóla,
tónmenntakennara, fóstrur,
kóra o.fl. I framhaldi af því var
ákveðið að efna til samstarf-
sviku grunnskóla og tónlistar-
skóla.
María ívarsdóttir, fram-
kvæmdastjóri Árs söngsins, segir
að undirtektir hafi alls staðar ver-
ið mjög góðar og skólastjórar og
kennarar sýnt framtakinu mikinn
áhuga.
Að sögn Maríu var skipulag
samstarfsins öllu flóknara í
Reykjavík en í dreifbýlinu. Sum-
staðar úti á landi er aðeins einn
grunnskóli og einn tónlistarskóli,
oft undir sama þaki. í Reykjavík
eru hins vegar tíu tónlistarskólar
á móti þrjátíu og tveimur grunn-
skólum. Hver tónlistarskóli í
Reykjavík er því með nokkra
grunnskóla á sínum snærum, víðs
vegar um borgina.
Tónskóli Sigursveins mun
starfa með sjö grunnskólum. Þar
eru kennarar og nemendur nú í
óða önn að æfa sig og bera saman
bækur sínar um með hvaða hætti
tónlistin verður flutt. Sigursveinn
Magnússon segir að tónlist ætti
^1991-1992
Morgunblaðið/KGA
í Tónskóla Sigursveins er und-
irbúningur samstarfsvikunnar
í fullum gangi eins og í öðrum
tónlistarskólum og grunnskól-
um landsins.
að vera eðlilegur þáttur í skóla-
starfinu, en á því sé þó víða mis-
brestur vegna skorts á tónmennta-
kennurum. í sumum grunnskólum
sé tónlistarlíf með miklum blóma
meðan lítil sem engin tónmennta-
kennsia sé í öðrum. Hann segir
það sjálfsögð mannréttindi barna
að þeim sé gert aðgengilegt að
stunda tónlistarnám og vonast til
að samstarfsvikan verði til þess
að nánari tengsl takist milli tón-
listarskóla og grunnskóla í fram-
tíðinni.
í tilefni af Ári söngsins voru
gefnar út tvær söngbækur; Hvað
er svo glatt, og voru kynningarein-
tök send í alla grunnskóla og tón-
listarskóla landsins. Söngbækurn-
ar eiga að efla söngiðkun í skólum
og auðvelda nemendum í tónlistar-
skólum að leika undir söng grunn-
skólabarna.
Framkvæmdanefnd um Ár
söngsins lagði fram eftirfarandi
tillögur að samstarfínu: í grunn-
skólum verði sérstök áhersla lögð
á að kenna sönglög og ljóð. Al-
mennir kennarar leiði söng í byij-
un hverrar kennslustundar og
nemendur tónlistarskóla komi í
heimsókn, styðji við söng, leiki á
hljóðfæri og kynni þau. Grunn-
skólanemum gefíst einnig kostur
á að heimsækja tónlistarskólanna
og kynna sér það sem þar stendur
til boða. Þeir geti m.a. fylgst með
einkakennslu á ýmis hljóðfæri,
hlýtt á söng og verið með í hóp-
kennslu á hljóðfæri, í tónfræði,
tónlistarsögu o.fl. Grunnskólar og
tónlistarskólar verði einnig með
sameiginlegar æfingar og í lok
samstarfsvikunnar verði söng-
skemmtanir nemenda með þátt-
töku foreldra, kennara, kóra skól-
anna og hljóðfæraleikara.
María segir að samstarf verði
haft við íþrótta- og tómstundaráð
vegna öskudagsins 4. mars til
þess að hafa sönginn meira í há-
vegum á útihátíðinni á Lækjart-
orgi, ennfremur verði haldin „upp-
skeruhátíð" vikuna 2.-9. maí um
land allt. Um er að ræða svæðis-
bundnar sönghátíðir með þátttöku
skóla og söngáhugafólks meðal
almennings. María segist vonast
til að samstarfsvikan verði nem-
endum hvatning til að taka þátt
í hátíðarhöldunum. ■
Sðlarlandaferðir
halda vinsældum
MEGINAHERSLAN virðist vera lögð á ferðir til sólarlanda næsta
sumar. Því má segja að sólarlandaferðirnar haldi vinsældum sínum
þrátt fyrir sífelldar breytingar á ferðahögum íslendinga. Ferðaskrif-
stofurnar hafa á undanförnum dögum kynnt bæklinga sína og áætlan-
ir, og tvær stærstu ferðaskrifstofurnar, Urval-Útsýn og Samvinnuferð-
ir-Landsýn, veðja á sólarstrendurnar í ár.
Flug, bíll og sumarhús er ferða-
máti sem sífellt fleiri kjósa og eru
möguleikarnir á slíkum ferðum nán-
ast óteljandi, bæði í Evrópu og
Bandaríkjunum. Hinar svoköliuðu
pakkaferðir, tveggja eða þriggja
vikna ferðir á sólarstrandir, virðast
hins vegar orðnar sígildar. Hjá þeim
ferðaskrifstofum sem Ferðablaðið
hafði samband við, voru flestir sam-
mála um að Islendingar væru
ferðaglöð þjóð og ekkert útlit væri
fyrir samdrátt á ferðalögum. Sumir
sögðust hafa orðið þess varir að fólk
færi á eigin vegum eitt eða tvö ár
í röð, en færi síðan í skipulagða
hópferð á sólarströnd þriðja árið.
„Fólk vill líka slappa af,“ var við-
kvæðið.
í bæklingum ferðaskrifstofanna
sést að töluverð áhersla er lögð á
heimssýninguna í Sevilla, Expo 92,
sem hefst 20. apríl næstkomandi og
stendur farm í október. Verð á gist-
ingu í Sevilla er himinhátt á þessum
tíma og því ekki gert ráð fyrir að
íslenskir ferðamenn gisti í borginni.
Hins vegar munu nokkrir aðilar
bjóða uppá dagsferðir til borgarinn-
ar.
Euro Disney
Euro Disney-skemmtigarðurinn,
sem opnaður verður 12. apríl næst-
komandi, er einnig gerður að um-
fjöllunarefni í bæklingum frá Úrval-
Útsýn og Samvinnuferðum-Land-
sýn. Fyrmefnda ferðaskrifstofan
hefur gert samning við skemmti-
garðinn um gistingu á hóteli innan
garðsins og til að gefa. lesendum
verðhugmynd, kostar vikudvöl á
hóteli í miðlungs gæðaflokki um 33
þúsund krónur. Lágmarksdvöl á hót-
elinu er tvær nætur og þurfa hótel-
gestir að greiða sérstaklega að-
göngumiða í skemmtigarðinn.
Euro Disney-garðurinn er í um
30 km. ijarlægð frá París, en neðan-
jarðarlest kemur til með að ganga
frá borginni að skemmtigarðinum.
Auk afþreyinga í garðinum sjálfum,
eru kynnisferðir þaðan daglega til
Parísar, Versala og Champagne-vín-
ræktarhéraðsins svo eitthvað sé
nefnt.
Portúgal
Portúgal er sólarstaður sem
margar ferðaskrifstofur veðja á í ár.
Hjá ferðaskrifstofunni Evrópuferð-
um var okkur tjáð að verð fyrir 15
daga ferð til Algarve væri milli 55
og 65 þúsund krónum eftir því hver
gististaðurinn væri. í ferðum þeirra
er gist í Lissabon í tvær nætur áður
en haldið er til Algarve. íslenskur
fararstjóri, hjúkrunarfræðingur og
Margír skipta um
tryggingafélag
EFTIR þær sviptingar sem urðu á tryggingamarkaðnum þegár Skan-
dia Island tilkynnti um breytingar á iðgjöldum virðist sem nokkuð sé
um að bifreiðaeigendur hafi skipt um tryggingafélag.
Samkvæmt
upplýsingum
Skandia Island
hafa 1.300 bif-
reiðaeigendur
tilkynnt skipti
yfir til félags-
ins og á hveij-
um degi berast
20 til 30 nýjar
tryggingatil-
kynningar. Að
auki var félagið með 300 manns
áður þannig að heildartalan er 1.600
tryggingar. „Við erum ánægð með
hvernig fólk hefur tekið okkur. Ég
bjóst við að vera með um 2.000
manns í ár og nú erum við komin
hátt í þá tölu,“ sagði Gísli Lárusson
hjá Skandia Island.
Félagið býður félögum í Félagi
íslenskra bifreiðaeigenda (FÍB) 10%
afslátt af öllum tryggingum hjá fé-
laginu og að sögn framkvæmda-
stjóra FIB gengumargir í félagið
fyrst eftir að samningarnir voru
gerðir. Þegar mest var gengu um
20-30 manns í félagið daglega.
Dregið hefur úr skráningu nýrra
félaga en þó er enn talsvert um að
menn gangi í FÍB og taldi fram-
kvæmdastjórinn að flestir gerðu það
vegna trygginganna. ■
Þegar mest
var gengu um
20-30 manns í
félagiö dag-
lega.
Eiginmenn og
elskhugar, munið
konudaginn á sunnudag
ÞAÐ FINNST öllum notalegt að láta stjana við sig
af og til og á sunnudaginn er konudagur og því
tilvalið fyrir eiginmenn og elskhuga að dekra dálít-
ið við sína heittelskuðu.
Fyrir utan morgunverð í rúmið, pínulítinn pakka á
koddann og blóm á náttborðið er hægt að gera ýmis-
legt annað þar sem daginn ber upp á frídag. Hvernig
væri að bjóða frúnni út að borða eða senda hana í ljós
og gufu og púla á meðan við að taka húsið í gegn.
Það er hægt að tjá henni ást sína með ótal aðferð-
um og ekki þarf að kosta mikiu til. Það dugar að telja
upp alla kostina í fari hennar, elda uppáhaldsmatinn
hennar, nudda hana, sleppa ítalska fótboltanum og
Ieyfa henni að sofa út og slappa af þennan dag. Það
hittir beint í mark. ■
Víða samdróttur
SAMDRÁTTUR virðist vera í sölu bíla víða um heim og virðist sam-
drátturinn helst koma niður á innfluttum bilum.
í Bandaríkjunum er markaðurinn
veikari en nokkru sinni fyrr og sam-
drátturinn hefur ekki hvað síst kom-
ið niður á þýskum bílum. Þeir hafa
verið í öðru sæti á eftir japönskum
bílum hvað innflutning varðar.
Fyrstu tíu mánuði síðasta árs dróst
salan saman um 50% hjá Porsche,
um 43% hjá Audi, 28% hjá
Volkswagen og um 21% hjá Merc-
edes. Ljósi punkturinn fyrir þýska
bíla í Bandaríkjunum virðist vera
BMW en samdrátturinn hjá þeim
var aðeins 15%.
Líka í Sviss
Það varð einnig samdráttur á inn-
flutningi nýrra bíla til Sviss í fyrra.
Nýskráningar voru 314.824 oghafði
fækkað um 3,9% frá árinu áður en
búist var við allt að 10% samdrætti.
Þýskir bílar eru vinsælastir í Sviss
en japanskir bílar sækja á og juku
hlutdeild sína. Það sama á við um
þá framieiðendur sem flytja fáa bíla
til Sviss, þeir juku innflutninginn
en hjá mörgum stórum framleiðend-
um dróst saman.
Mestur varð samdrátturinn á
enskum og ítölskum bílum, um 20%
hjá hvorum um sig, og ekki var eins
mikið selt af frönskum bílum og
áður. Samdráttur hjá þeim um 10%
en Renault er þó undanskilinn því
samdrátturinn þar á bæ var aðeins
um 1%. ■