Morgunblaðið - 11.09.1992, Page 18

18
MORGUNBLAÐIÐ FÖSTUDAGUR 11. SEPTEMBER 1992
Jarðhitaleit í A-
Skaftafellssýslu
*
Arangnr
kallar á
frekari
rannsóknir
GÓÐUR árangur af jarðhitaleit í
Austur-Skaftafellssýslu kallar á
frekari rannsóknir og þeir sem
staðið hafa að rannsóknum á
þessu í sumar vilja að boraðar
verði tvær 100-200 metra djúpar
tilraunaholur í grennd við Miðfell
og Hoffell. Þar hefur fundist 80
gráðu heitt vatn og jafnframt er
farið fram á að á þessu svæði
verði boruð ein 500-1000 metra
djúp vinnsluhola.
Þessar upplýsingar komu fram í
fyrirspumartíma á Alþingi er Jón
Sigurðsson iðnaðarráðherra svaraði
fyrirspum frá Hjörleifi Guttormssyni
þingmanni Alþýðubandalagsins um
niðurstöður af þessum rannsóknum
og hvort fyrirhugaðar væru til þeirra
frekari fjárveitingar í fjárlögum fyrir
1993.
í máli Jóns Sigurðssonar kom fram
að það var héraðsnefnd Austur-
Skaftafellssýslu sem óskaði eftir því
við Orkuráð í desember á síðasta ári
að jarðhitaleit færi fram í sýslunni.
Var erindi þetta samþykkt með þeim
skilyrðum að leitin yrði sem næst
Höfn í Hornafirði. Það var jarðfræði-
stofan Stapi sem annaðist verkið.
í áfangaskýrslu sem Stapi hefur
sent frá sér kemur í ljós að alls voru
boraðar 50 holur í sýslunni en svæð-
ið við Miðfell og Hoffell, í um 20 km
íjarlægð frá Höfn, er talið hvað efni-
legast. Jón Sigurðsson segir að í ljósi
þessarar niðurstöðu sé ljóst að frek-
ari rannsóknir séu æskiiegar en jafn-
framt nauðsynlegt að gera saman-
burð á því hvort hagkvæmara sé að
nota heitt vatn til h'úshitunar á Höfn
í stað raforku eins og nú er. Hvað
fjárframlög varðar á næstu fjárlög-
um segir Jón að fé sé ætlað Orku-
sjóði í fjárlögum 1993 og það sé
Orkusjóðs að meta til hvaða rann-
sókna því fé sé varið. Ekki hafi bor-
ist frekari beiðnir frá Austur-Skafta-
fellssýslu um stuðning við áfram-
haldandi leit að jarðhita á svæðinu.
Hjörleifur Guttormsson segir að
hann telji að halda beri áfram rann-
sóknum á þessu svæði með hugsan-
lega nýtingu jarðhitans í huga og
hann væntir þess að iðnaðarráðherra
styðji við bakið á þeirri viðleitni.
mm ipn
fc ■l 1
Morgunblaðið/Kristinn
Forseti Islands, frú Vigdís Finnbogadóttir, hélt ræðu við setningu
ráðstefnu norrænna háskólamanna. Siljandi f.v.: Gunnar Skaug, for-
maður utanríkismálanefndar norská'Stórþingsins og Heimir Páls-
son, formaður Bandalags háskólamanna.
Ráðstefna norrænna háskólamanna í Reykjavík
Um 100 ráðstefnugestir ræða hlutverk norrænna þjóða í breyttri
Evrópu, atvinnumál, menntun og hagsmunamál háskólamanna.
Þróunin í Evrópu og samvinna
liáskólamanna efst á baugi
RÁÐSTEFNA norrænna háskólamanna, Nordiskt Akademikerfor-
um, var sett á Hótel Sögu í gær og stendur til laugardagsins 12.
september. Þróun mála í Evrópu og samvinna háskólamanna er
umræðuefni um 100 ráðstefnugesta. Forseti íslands, frú Vigdís
Finnbogadóttir, og Gunnar Skaug, formaður utanríkismálanefndar
norska Stórþingsins, héldu ræður við opnunarathöfnina.
Heimir Pálsson, formaður
Bandalags háskólamanna, setti
ráðstefnuna í Súlnasal. Því næst
tók frú Vigdís Finnbogadóttir til
máls og ræddi stöðu Norðurlanda
í samfélagi þjóðanna á öld tækni
og stórstígra breytinga. Sagði for-
setinn svartsýnismenn telja hefð-
bundið norrænt samstarf heyra
sögunni til, en hún vildi ekki taka
undir þær raddir. Forsetinn vitnaði
í Jón úr Vör sem orkti „Enginn
slítur þau bönd, sem hann er bund-
inn heimahögum sínum.“ Uppruni
okkar fylgir okkur alla ævi. Norr-
ænar tungur eru af einum stofni
og eiga þátt í því að við hugsum
á líkum nótum. Benti forsetinn á
að þessi skyldleiki og landfræðileg
nálægð hefur þau áhrif að þjóðir
heims líta Norðurlöndin gjarnan
sem eina heild. Forsetinn minnti á
að menningin er ekki ódauðleg,
heldur verður að rækta hana og
vernda. Menningarleg samvinna
Norðurlandaþjóða er ekki síður
mikilvæg en efnahagslegt og
stjómmálalegt samstarf..
Gunnar Skaug ræddi um stöðu
Norðurlandanna í ljósi stjórnmála-
þróunar í Evrópu. Hann sagði að
Evrópubandalagsþjóðirnar stefndu
nú að líkum markmiðum og
Norðurlandaþjóðir hafa haft í mörg
ár, það er friði, umhverfisvernd og
félagslegu öryggi. Með virkri þátt-
töku í samstarfi Evrópuþjóða gætu
Norðurlöndin haft áhrif á þróun-
ina. Gunnar Skaug benti á að þátt-
taka einnar eða fleiri norðurlanda-
þjóða í Evrópubandalaginu hlyti
að hafa áhrif á norræna samvinnu.
Þungamiðja samstarfs þeirra þjóða
yrði væntanlega innan marka Evr-
ópubandalagsins.
Gunnlaugur Ástgeirsson, stjóm-
armaður í BHM, er framkvæmda-
stjóri ráðstefnunnar. Hann sagði
fundi af þessu tagi haldna til skipt-
is á Norðurlöndunum þriðja hvert
ár. Gunnlaugur sagði efni fundar-
ins að ræða ýmsar hliðar á þróun
mála í Evrópu, meðal annars hvort
Norðurlönd hefðu eitthvað fram
að færa á vettvangi Evrópuþjóða.
Þá verður rætt um samvinnu há-
skólamanna í Evrópu, atvinnumál,
NÚ ERU til afgreiðslu fram-
kvæmdaáætlanir upp á samtals
96,5 milljónir króna vegna snjó-
flóðavarna á tveimur stöðum,
það er Flateyri og Seyðisfirði.
Endanlegar tillögur þessara
sveitarfélaga bárust Almanna-
vörnum ríkisins til afgreiðslu í
sumar og umfjöllun um þær er
en aukins atvinnuleysis gætir
meðal háskólafólks, og samstarf
við háskólamenn í Austur-Evr-
ópu.
Forseti Islands tók á móti há-
skólamönnum á Bessastöðum síð-
degis í gær og í dag tekur mennta-
málaráðherra, Ólafur G. Einars-
son, á móti ráðstefnugestunum.
hafin i ofanflóðanefnd og al-
mannavarnaráði. Hrein eign Of-
anfljóðasjóðs um síðustu áramót
nam 93 milljónum króna og ljóst
að sú upphæð ásamt fyrirsjáan-
legum tekjum nægir engan veg-
inn til að sinna þeim verkefnum
sem æskilegt væri að sinna á
næstu árum.
Varnir gegn snjóflóðum
Framkvæmdaáætlan-
ir upp á 96 milljónir
93 milljónir kr. til í Ofanflóðasjóði
Hugsa um að gera
eitthvað spennandi
— segir Hringur Jóhannesson listmálari
TVO ÁR eru liðin frá síðustu stóru sýningu Hrings Jóhannesson-
ar og síðan þá hafa listunnendur þurft að láta sér nægja tvær
minni. Á morgun verða hins vegar opnaðar sýningar á 92 verkum
listamannsins. Annars vegar verða sýndar 42 olíu- og 30 litkrítar-
myndir í Norræna húsinu. Hins vegar verða sýndar 20 teikningar
í Stöðlakoti á Bókhlöðustíg. Sýningarnar verða opnaðar á morg-
un kl. 14 og standa yfir til 27. september.
Hringur Jóhannesson listmálari. Morgunbiaðið/Kristján Pétur
Listamaðurinn var í óða önn að
setja upp verk sín í Norræna hús-
inu þegar blaðamann bar þar að
garði fyrr í vikunni. Bjart var yfir
myndunum sem þegar voru komn-
ar á veggina. Þær voru í skærum
litum, nákvæmar og léttar, eins
og til að fá fólk til að líta bjartari
augum á tilveruna.
Hringur sagðist ýmist mála þær
á staðnum eða eftir ljósmyndum.
„Yfirleitt tek ég Ijósmyndirnar
sjálfur og verð alltaf að þekkja
sjónarhornið. Þess vegna verð ég
hálfgerður stjórnandi ef annar tek-
ur þær fyrir mig. Eftir að hafa
fengið ljósmyndina eða ljósmynd-
irnar, því stundum geri ég eina
mynd eftir tveimur Ijósmyndum,
geri ég litla litkrítarvinnslumynd
og stækka hana síðan í olíu. Ég
fer þá frekar frjálslega með, sleppi
smáatriðum, eins og handföngum
og þvílíku, eða bæti við,“ segir
hann.
Sumar samsetningar eru óvænt-
ar og kalla fram bros hjá fólki.
„Já, það getur verið,“ segir lista-
maðurinn þegar þessi hugmynd er
borin undir hann. „Annars hugsa
ég ekkert sérstaklega um hvað
fólki finnist sniðugt. Ég hugsa
meira um að hagræða myndinni
eins og mér finnst best. Gera eitt-
hvað spennandi og vinna myndina
þannig," segir hann en getur ekki
neitað því að honum þyki dálítið
gaman- að gera óræðar myndir.
„Sérðu t.d. þessa,“ segir Hringur
og bendir á nálæga olíumynd.
„Veistu hvað þetta er,“ segir hann
og þegar blaðamaður hristir höfuð-
ið heldur hann áfram. „Þarna
speglast himinninn í beygluðu bíl-
húddi."
Önnur mynd sýnir leðursófa á
grónum hól. „Sófínn var í raun-
veruleikanum úti á túni en ég lét
hann bera við himin og bætti
bungu undir,“ segir Hringur.
„Þannig hagræði ég hlutunum,"
segir hann en aðspurður um hvort
myndir hans hafí breyst á undan-
förnum árum segir Hringur að
ekki sé munur á vinnslu mynd-
anna. „Aftur á móti held ég að
það sé meira landslag í myndunum
en áður. Meira um hreina náttúru."
Þess má að lokum geta að í til-
efni af sýningu Hrings í Norræna
húsinu mun Fold, listmunasala,
Austurstræti 3, hafa til sýnis og
sölu úrval pastelmynda eftir hann.
Myndirnar eru allar unnar í sum-
ar. Opið er virka daga frá 11.00-
18.00 nema laugardaga 11.00-
16.00. Sýningin í Norræna hús-
inu verður opin milli kl. 14.-19.
en í Stöðlakoti milli kl. 14.-18
nema mánudaga. Myndirnar eru
til sölu. AÍJÓ
Þessar upplýsingar komu fram í
svari Jóhönnu Sigurðarsdóttur fé-
lagsmálaráðherra við fyrirspurn frá
Kristni H. Gunnarssyni þingmanni
Alþýðubandalagsins á Vestfjörðum
á Álþingi í gærdag um varnir gegn
snjóflóðum og skriðuföllum. Krist-
inn vildi m.a. vita frá hvaða sveitar-
félögum tillögur hafa borist um
varnir gegn snjóflóðum og hvort
ráðhenta teldi þörf á auknum ljár-
framlögum í Ofanflóðasjóð til að
hann gæti staðið undir fyrirsjáan-
legum verkefnum.
Jóhanna Sigurðardóttir segir að
alls hafí verið varið úr Ofanflóða-
sjóði tæplega 11 milljónum króna
til 15 sveitarfélaga til undirbúnings
snjóflóðavörnum frá því sjóðurinn
tók til starfa árið 1985. Á þessum
tíma hafa borist áætlanir til fram-
kvæmda frá 6 sveitarfélögum
ásamt Vegagerð ríkisins upp á sam-
tals 126 milljónir króna en sam-
þykktar hafa verið áætlanir upp á
tæplega 30 milljónir króna.
Hvað Flateyri varðar er kostnað-
aráætlun sveitarfélagsins upp á
54,8 milljónir króna en af .þeirri
upphæð falli 43,8 milljónir á Ofan-
flóðasjóð. Hvað Seyðisfjörð varðar
er um að ræða fyrsta áfanga í heild-
arsnjóflóðavömum fyrir bæinn og
hljóðar kostnaðaráætlun upp á 41,9
milljónir króna en af því yrði hlutur
Ofanflóðasjóðs 33,5 milljónir. Gert
er ráð fyrir að sveitarfélag borgi
20% á móti 80% úr sjóðnum. Þessi
fyrsti áfangi er um 20% af heildar-
þörfínni.