Morgunblaðið - 13.05.1993, Blaðsíða 12

XJöfóar til
XJL fólks í öllum
starfsgreinum!
VIÐSKIFTIAIVINNULÍF
FIMMTUDAGUR 13. MAÍ 1993
VZterkurog
kX hagkvæmur
auglýsingamiðill!
Herrafataverslanir
Alþjóðleg samtök
herrafataverslana
funda á Islandi
HINN árlegi fundur International
Menswear Group (IMG) sem eru
alþjóðleg samtök herrafataversl-
ana verður í fyrsta sinn haldinn
hér á landi þann 2.-6. júní næst-
komandi. I samtökunum er aðeins
einn meðlimur frá hverju landi.
Frá Islandi er það verslun Sævars
Karls og hún mun nú sjá um undir-
búning þessa fundar. Á næsta ári
eru liðin tuttugu ár síðan fyrir-
tæki Sævars Karls var stofnað en
fyrir fimm árum var honum boðið
í samtökin. Sævar Karl er nú vara-
forseti samtakanna en forsetinn,
sem kosinn er til fjögurra ára, er
Anders Bengtson frá Svíþjóð.
IMG var stofnað árið 1958 af
kaupmanni í Hollandi sem fannst
skynsamlegt að fatakaupmenn
kæmu saman árlega til að rökræða
viðskipti, þannig að þeir gætu hagn-
ast af þekkingu og reynslu hvers
annars. Síðan hafa samtökin starfað
. samfleytt og nú er árlega haldinn
fundur með kaupmönnum frá 12
löndum. „Auk þess hittast innkaupa-
menn frá þessum verslunum á alþjóð-
legum sýningum. Þeir leita saman
.að framleiðendum sem geta útvegað
gæðafatnað á sem hagstæðustu verði
og sameinast jafnvel um innkaup,"
segir Margrét Kristinsdóttir fram-
kvæmdastjóri hjá Sævari Karli.
Hár gæðastaðall
Margrét segir að inn í samtökin
séu eingöngu teknar verslanir með
háan gæðastaðal í vöru og þjónustu.
„Krafan er sú að fyrirtækin séu í
eigu fjölskyldna eða í einkaeigu. Sum
þeirra hafa verið í eigu sömu fjöl-
skyldunnar og á sama stað í yfir 100
ár. Verslun sem er boðin þátttaka
þarf að vera með hæsta gæðastaðal
í sínu landi og að vera álíka og hjá
öðrum meðlimum klúbbsins. Það .er
því heiður fyrir ísland að tilheyra
þessum samtökum auk þess sem
svona ráðstefnur eru góðar til að
kynna land og þjóð.“
Á hinum árlegu fundum fara versl-
animar yfir ársreikninga hverrar
annarrar og einnig kynna þær ýmis-
legt annað í starfseminni. Verslan-
irnar eru bomar saman, þannig að
hver getur séð sína veikleika. Einnig
eru höfð starfsmannaskipti til að
hver verslun geti lært af annarri.
Verslunin sem heldur fundinn fær
mesta athygli þar sem hópur sér-
fræðinga leggur á ráðin um starfsemi
hennar.
Á ráðstefnurnar eru oft fengnir
VERSLUIM — Á myndinni fulltrúar íslands í IMG, eigendur
verslunarinnar Sævar Karl hjónin Sævar Karl Ólason og Erla Þórarins-
dóttir ásamt framkvæmdastjóranum Margréti Kristinsdóttur. Auk þess
eru í samtökunum verslanir frá Ástralíu, Danmörku, Frakklandi, Þýska-
landi, Ítalíu, Spáni, Svíþjóð, Sviss, Bandaríkjunum og íslandi í samtök-
unum. Á innfelldu myndinni er tákn samtakanna IMG.
utanaðkomandi gestafyrirlesarar um
efni sem nýtast fyrirtækjunum. I ár
er það einn meðlimanna úr samtök-
unum Kr. Thomas Rusche sem fjallar
um langtíma stefnumótun.
Aðspurð um hvort fundirnir hefðu
nýst verslun Sævars Karls vel sagði
Margrét að þeir hefðu verið mjög
lærdómsríkir. „Auk þess hefur Sæv-
ar Karl getað miðlað reynslu sinni,
ekki síst á sviði auglýsingamála þar
sem öðrum félagsmönnum hefur þótt
Sævar Karl frumlegur,“ sagði Már-
grét.
nrraET
Nýíslensk bók ummarkaðsmál
ÍSLENSKA markaðsþj ónustan
hefur gefið út bókina „Sigur í
samkeppni" eftir Boga Þór Sigur-
oddsson. Bókin fjallar um mark-
aðsmál með tilliti til íslenskra að-
stæðna og tekur á helstu þáttum
markaðsfræðinnar. Til skýringar
á efninu eru fjölmargar dæmisög-
ur um starf íslenskra fyrirtækja
á sviði markaðsmála þ.á.m. um
Marel, Miðlun, Eimskip, íslands-
banka, Prentsmiðjuna Odda,
Húsasmiðjuna og SS.
Bogi Þór er rekstrarhagfræðingur
að mennt og lauk hann MBA-prófi
frá Rutgers, Graduate School of
Management í New Jersey í Banda-
ríkjunum árið 1987. Síðan hann lauk
námi hefur hann unnið að verkefnum
Bogi Þór
Siguroddsson
á sviði markaðsmála. Fyrst starfaði
hann í markaðsdeild Eimskips en frá
árinu 1988 hefur hann fengist við
verkefni fyrir Iðntæknistofnun og
fleiri jafnhliða kennslu og leiðbein-
endastörfum við viðskiptasvið Fjöl-
brautaskólans í Breiðholti, Stjórnun-
arfélag Islands og Iðntæknistofnun.
Bogi sagðist í samtali við Morgun-
blaðið hafa fengið hugmyndina að
bókinni í Bandaríkjunum þar sem
feikilegur fjöldi af bókum um mark-
aðsmál væri gefinn út. „Þegar ég
byijaði að kenna markaðsmál á nám-
skeiðum og í framhaldsskólum sá ég
strax að ekkert var til á íslensku um
þessi mál. Ég sá einnig að það var
þörf á markaðnum fyrir svona bók
fyrir fólk í viðskiptalífinu sem ekki
hefur haft aðstöðu til að kynna sér
markaðsfræði. Ég samdi lítið
kennsluhefti fyrir framhaldsskóla um
markaðsmál árið 1989 en frá þeim
tíma hefur blundað í mér að semja
bókina og í vetur ákvað ég að ráðast
í það,“ sagði Bogi.
Fólk
Ráðinn til Auk hf.
■ PÓRARINN Stefánsson, mark-
aðsfræðingur, hefur verið ráðinn til
starfa á Auk hf. frá 1. júní nk.
Hann starfaði hjá
Stöð 2 og síðar
Islenska útvarps-
félaginu hf. á ár-
unum 1986-1992
við auglýsinga- og
kynningarmál. Á
þeim tíma kynnti
hann sér sérstak-
lega notkun birt-
ingarforrita. Und-
anfarið ár hefur
hann gegnt stöðu markaðsstjóra
hjá IM Gallup. Þórarinn lauk stúd-
entsprófi frá Menntaskólanum í
Reykjavík 1986 og námi í mark-
aðs- og hagfræði, Magna Cum
Laude, frá Assumtion College í
Massachusetts í Bandaríkjunum
árið 1991. Eiginkona Þórarins er
Sigrún Sveinbjörnsdóttir, hjúkr-
unarfræðinemi.
Markaðsstjóri hjá
Háskólabíó '
■ ÖRN Guðnason hefur verið ráð-
inn til Háskólabíós sem markaðs-
stjóri. Hann er 34 ára gamall og
lauk viðskipta-
fræðiprófi frá Há-
skóla Islands,
markaðssviði, árið
1992. Örn er einn-
ig lærður auglýs-
ingateiknari með
próf frá Mynd-
lista- og handiða-
skólanum árið
1985 og fram-
haldsnám í
E.P.I.A.R. í Nice í Frakklandi
1986. Hann starfaði sem auglýs-
ingahönnuður samhliða námi og
eftir nám hjá eftirtöldum auglýs-
ingastofum: Argus 1983, OSA
1984-1986, Gott fólk 1986-1989
og Hér og nú 1991. Síðastliðið
sumar og í byijun þessa árs vann
hann að könnun' á hugbúnaðariðn-
aði á vegum Rannsóknarþjónustu
Háskólans.
T o r g i ð
Ár hinna glötuðu tækifæra
Á UNDANFÖRNUM árum hafa Is-
lendingar náð að byggja ■ upp
nokkra framleiðslu í öðrum grein-
um en sjávarútvegi þar sem rann-
sóknar- og þróunarvinna hefur
borið ávöxt. Við nánari athugun
sést þó að afraksturinn er harla
lítill miðað við fjármagnið sem lagt
hefur verið í uppbyggingu nýrra
atvinnugreina. Þorkell Sigurlaugs-
son, framkvæmdastjóri þróunar-
sviðs Eimskips, flutti athyglisvert
erindi á aðalfundi Vinnuveitenda-
sambands íslands, um sókn í at-
vinnumálum, þar sem hann vék
m.a. að því hvað hefur farið úr-
skeiðis í nýsköpun á undanförnum
árum.
Þorkell benti á að hlutafélögin
Þróunarfélag íslands og Tækniþró-
un hefðu verið stofnuð um miðjan
síðasta áratug og síðar hefðu kom-
ið fleiri aðilar til, sem tekið hafa
þátt í fjárfestingum á áhættusam-
ari hluta markaðarins. Þar nefndi
hann Draupnissjóðinn, ýmsa lífeyr-
issjóði og aðrar stofnanafjárfesta.
Þá hófu ný fyrirtæki starfsemi svo
sem DNG á Akureyri og Sæplast
á Dalvík og á svipuðum tíma efld-
ust fyrirtæki sem tengdust vinnslu-
fyrirtækjum og hugbúnaðariðnaði
svo sem Pólstækni og Marel. Ice-
con var stofnað til verkefnaútflutn-
ings á þekkingu og tæknibúnaði í
sjávarútvegi. Þá hófst fiskeldis-
ævintýrið sem átti eftir að kosta
þjóðina mikla fjármuni. Hugbúnað-
ariðnaður varð atvinnugrein.
Tæknigarður var reistur á lóð Há-
skólans árið 1988, en bygging
hans var samstarfsverkefni Há-
skólans, Reykjavíkurborgar, Iðn-
tæknistofnunar, Þróunarfélags ís-
lands og nokkurra fyrirtækja. Á
þessum tíma hófu Iðntæknistofn-
un, Útflutningsráð, Rannsóknaráð
ríkisins, Vísindasjóður og ýmsir
atvinnulífssjóðir að styðja við rann-
sóknir og þróunarstarf í þjóðfélag-
inu og fjármögnuðu margvísleg
verkefni.
Fálmkennd stefnumörkun
Það var ekki glæsileg mynd sem
Þorkell dró upp af árangri þessarar
viðleitni á fundi VSÍ. „Sumir telja
eflaust að mikið hafi verið gert og
margir komið að þessum málum.
Reynsla mín er aftur á móti sú að
mörg þessara fyrirtækja og verk-
efna sem hafa orðið til á þessum
tíma hafa verið afar veik fjárhags-
lega og stjórnunarlega og rekstar-
einingar litlar. Sum þeirra hafa lið-
ið fyrir það að vera rekin af of
miklum frumkvöðlum eða hugvits-
mönnum. Því miður höfum við van-
rækt að sinna og styðja við þessi
fyrirtæki og verkefni og nýttum
síðasta áratug illa í að byggja upp
ný fyrirtæki og nýja atvinnustarf-
semi á þessu sviði. Þess vegna
erum við ekki komin lengra í dag
en raun ber vitni.
Það hefur vantað samstarf og
samræmingu milli stofnana og
stefnumörkun verið mjög fálm-
kennd. Þeir aðilar sem starfað
hafa að nýsköpun, stjórnun og
margvíslegum stuðningi við ný-
sköpunarverkefni hér á landi hafa
ekki borið gæfu til að vinna saman
og tryggja markvisst rannsóknar-
og þróunarstarf skili þeim árangri
sem nauðsynlegt er fyrir okkar
atvinnulíf."
Þorkell vék m.a. að mótun at-
vinnustefnu undir lok ræðu sinnar
og nauðsyn þess að forystumenn
í þjóðfélaginu, stjórnvöld, allir
stjórnmálaflokkar og aðilar vinnu-
markaðarins kæmu sér saman um
stefnu og markmið og síðan sókn
í atvinnumálum. „Erlendir ráðgjaf-
ar eru hlutlausari, þeir hafa víð-
sýni, eru ekki háðir hagsmunasam-
tökum, stjórnmálaöflum og þeim
þrýstingi sem kjósendur veita.
Ráðgjafar þurfa ekki að kaupa sér
atkvæði. Þeir geta veitt okkur það
aðhald sem þarf, halda okkur við
efnið að klára þetta verkefni á tólf
til átján mánuðum. Við höfum fjöl-
mörg dæmi um að stórfyrirtæki
erlendis, borgir og heil þjóðríki
hafa unnið með þessum hætti með
góðum árangri. Hvers vegna ekki
Island? Við erum lítið og tiltölulega
einfalt þjóðfélag sem stendur á
tímamótum."
Og síðar í ræðu sinni sagði
hann: „Við þurfum að koma um-
ræðunni upp úr skammtímafar-
vegi, farvegi vegagerðar, viðhalds
húsa og einstakra verkefna. Við
öflum engra nýrra tekna með því
að byggja vegi, brýr og jarðgöng.
Það eru ráðstafanir sem búa til
vinnu en eru að öðru leyti deyfilyf
eins og við notuðum um tíma í
baráttu okkar við verðbólguna. Við
tryggjum ekki viðunandi lífskjör hér
á landi með því að leggja eingöngu
áherslu á spamað og aðhald. Við
þurfum að læra að vaxa. Við verð-
um að átta okkur á því, að ef við
höldum áfram eins og nú er í þrjú
til fimm ár í viðbót þá verður hér
mjög alvarlegt ástand um alda-
mót..."
Það er ástæða til að taka undir
þessi sjónarmið Þorkels Sigur-
laugssonar. Sú stefna sem verið
hefur við lýði hér á landi hefur rétti-
lega verið ómarkviss og lítill árang-
ur undanfarinna ára af nýsköpun
staðfestir þetta. Ný atvinnustefna
með víðtæku samstarfi fyrirtækja,
hagsmunasamtaka, stjórnvalda og
fleiri aðila hlýtur að þurfa að koma
til.
KB