Morgunblaðið - 27.03.1994, Page 52

varða
víðtæk
f jármálaþjónusta
Landsbanki
íslands
Bankl allra landsmanna
MORGVNBLAÐID, KRINGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 8040/ AKllREYRl: HAFNARSTRÆTl 85
SUNNUDAGUR 27. MARZ1994
VERÐ í LAUSASÖLU 125 KR. MEÐ VSK.
íslenskt-nam-
ibískt samstarf
Þrírtogarar
veiða 11.000
tonna kvóta
GENGIÐ verður frá samningum
um stofnun íslensks-namibísks.
sjávarútvegsfyrirtækis undir
nafninu Seaflower Whitefish
Corp. í Liideritz í Namibíu í
næsta mánuði. Ráðgjafarfyrir-
tækið Nýsir hf. hefur staðið að
undirbúningi og skipulagningu
fyrirtækisins. Sigfús Jónsson,
stjórnarformaður Nýsis, segir að
stærsti namibíski hluthafinn sé
ríkisfyrirtækið Fishcor og
stærsti íslenski hluthafinn séu
íslenskar sjávarafurðir. Fyrir-
tækið hefur starfað undir merki
Fishcors og rekið tvo togara.
Fengist hefur kvóti fyrir þriðja
togarann og fer hann frá Islandi
fljótlega. Nýja fyrirtækið gerir
út á lýsipg og hefur 11.000 tonna
kvóta. Áætlað er að starfsmenn
verði á bilinu 100 til 150 á þessu
ári. Framkvæmdastjóri er Sig-
urður Bogason fyrrum starfs-
maður Sölumiðstöðvar hrað-
frystihúsanna.
„Namibíumennirnir stofnuðu rík-
isútgerðarfyrirtæki utan um tvo
togara og keyptu upp humarfyrir-
tækið Seaflower Lobster Corp. Síð-
an leituðu þeir til okkar um sam-
starfsaðila með þekkingu og
reynslu í sjávarútvegi. Þeir vildu
að þessir aðilar væru trúverðugir,
ekki of stórir og hefðu hag af sam-
vinnu við sig. Við gerðum síðan
hagkvæmniútreikninga á þessu öllu
saman, leituðum samstarfsaðila og
réðum starfsmenn. Svo þegar fyrir-
tækið verður formlega stofnað í
næsta mánuði verður okkar hlut-
verki að mestu lokið," sagði Sigfús.
íslenskar sjávarafurðir verða vænt-
anlega stærsti íslenski hluthafinn
og munu sjá um sölu afurða félags-
ins.
15 íslendingar
Sigfús sagði að um hefðbundið
sjávarútvegsfyrirtæki yrði að ræða.
Þijá togara þyrfti til að nýta 11.000
tonna kvóta og gert væri ráð fyrir
að helmingur afla yrði unninn á
hafi úti. Hinn helmingurinn yrði
hins vegar unninn í fiskvinnslu í
landi. Yfirmenn á togurunum væru
íslenskir og samtals yrði um 15
íslendingar í vinnu hjá fyrirtækinu.
Lífshætta að
Fjallabaki
Vegna fannfergis á Fjallabaksleið
nyrðri hefur Landsvirkjun vakið
athygli á hættu sem getur skap-
ast af nálægð við háspennulínur,
en á nokkrum stöðum á leiðinni
frá Landmannalaugum i Jökuldali
er mjög lágt orðið undir línuna.
Meðfylgjandi mynd var tekin þeg-
ar starfsmenn Landsvirkjunar
voru við viðgerðir á línunni síðast-
liðinn föstudag, en þá var línan
straumlaus og jarðbundin. Við það
tækifæri merktu þeir þann stað
þar sem lægst er undir línuna, eða
tæplega þrír metrar. Spenna á lín-
unni er 130 kílóvolt og því lífs-
hættulegt að nálgast hana.
Olíufélögin þurfa að endumýja birgðastöðvar vegna olíumengunarvama
Morgunblaðið/RAX
SÓLSKINSFLUG
Áætlanir gerðn ráð fyr-
ir milljarða kr. kostnaði
Dreifingarkerfi félaganna verða endurskoðuð og einhverjar stöðvar sameinaðar
OLÍUFÉLÖGIN vinna nú að gerð áætlana um endurbyggingu birgða-
stöðva um allt land og aðrar úrbætur vegna krafna um varnir gegn
olíumengun á landi. Þurfa áætlanirnar að liggja fyrir 1. júlí næstkom-
andi. 19. janúar sl. gekk í gildi ný reglugerð umhverfisráðuneytisins
um varnir gegn olíumengun frá starfsemi i landi, sem nær til olíu-
birgðastöðva, bensínstöðva, olíugeyma og mannvirkja þar sem olía
er geymd. Félögin fá að dreifa framkvæmdum við oliumannvirkin
jafnt og þétt yfir 12 ára aðlögunartímabil til að uppfylla skilyrði
reglugerðarinnar. Kristján Loftsson, stjórnarformaður Oliufélagsins
hf., sagði á aðalfundi félagsins á fimmtudag að ljóst væri að veija
þyrfti miklum fjármunum í endurbyggingu birgðastöðva félagsins á
næstu árum vegna þessara krafna.
Morgunblaðið/Eyjólfur Óskarsson
Talsmenn olíufélaganna; sem
Morgunblaðið talaði við, sögðu var-
hugavert að nefna kostnaðartölur
vegna úrbótanna á þessu stigi en
skv. heimildum Morgunblaðsins var
upphaflega áætlað að endurbygg-
ing olíumannvirkja í landinu gæti
kostað félögin nær tvo milljarða
króna. Olíufélögin þijú eiga sam-
tals rúmlega 100 birgðastöðvar,
sem eru reknar á 50-60 stöðum í
kringum landið og munu félögin
m.a. reyna að draga úr kostnaði
vegna þessara breytinga með því
að endurskoða dreifingarkerfi og
flutningaskipulag á næstu árum og
sameina stöðvar með það að mark-
miði að ná fram lækkun kostnaðar.
Það mun þýða að starfsemi á ein-
hverjum stöðum verður lögð niður
þar sem ekki er talið svara kostn-
aði að ráðast í dýra endurbyggingu.
Auk endurbygginga birgða-
stöðva þurfa félögin m.a. að gera
varnarþrær umhverfis alla olíu-
geyma ofanjarðar, byggja varnar-
þiljur, breyta frágangi olíugeyma
neðanjarðar og gera ráðstafanir
vegna flutnings og losunar olíu.
Setja þarf upp olíuskiljur á frá-
rennsliskerfi og reisa styrkt plön
umhverfis niðurföll.
90 millj. kr. endurbygging á
ísafirði
„Með hliðsjón af þessari nýju
reglugerð verður að endurskoða
allar bensínstöðvar, alla olíugeyma
hjá viðskiptamönnum félagsins, en
þó einkum og sér í lagi verður að
endurbyggja margar birgðastöðvar
félagsins. Fyrir 1. júlí næstkomandi
ber að leggja fram áætlun um end-
urbyggingu birgðastöðva. Við gerð
þeirrar áætlunar verður hag-
kvæmni dreifikerfisins höfð að leið-
arljósi og því allt eins víst að ein-
hveijar birgðastöðvar verði samein-
aðar, fremur en að ráðast í endur-
byggingu þeirra allra,“ sagði Krist-
ján Loftsson í ræðu sinni á aðal-
fundi Olíufélagsins.
Geir Magnússon, forstjóri Olíufé-
lagsins, sagði ljóst að um miklar
framkvæmdir yrði að ræða þótt
ekki lægi fyrir hver kostnaður við
þær yrði. Sem dæmi nefndi hann
að áætlað væri að endurbygging
birgðastöðva olíufélaganna þriggja
á Isafirði, á sameiginlegri lóð,
myndi ein og sér kosta 85-90 millj-
ónir króna.
Tómas Möller, framkvæmda-
stjóri rekstrarsviðs Olíuverslunar
íslands, segir forsvarsmenn félags-
ins ekki sjá neinum ofsjónum yfir
þessu verkefni því félögin fengju
að vinna að þessum breytingum á
12 árum. „Á sama tíma munum við
endurskoða flutningakerfið með
hagræðingu að leiðarljósi, því það
er ekki víst að allar stöðvar verði
endurbyggðar," sagði hann.
Að sögn Ólafs Jónssonar, for-
stöðumanns öryggismáladeildar
Skeljungs, er ekki eingöngu unnið
að endurbyggingu og kerfislegum
vörnum heldur verður einnig lögð
áhersla á innra öryggiseftirlit í
stöðvunum á hveijum stað.