Morgunblaðið - 06.05.1994, Blaðsíða 7
MORGUNBLAÐIÐ FÖSTUDAGUR 6. MAÍ 1994
C 7
land. Verst var ástandið í Tsjad,
Eþíópíu, Sómaníu, Búrkína Fasó og
Afganistan.
Island var ekki heldur . meðal
efstu í umhverfismálum en var þó
fyrir ofan meðallag. Ecuador var
langhæst og hið eina sem fékk 100
stig. Síðan komu Austurríki, Noreg-
ur, Chile, Bandaríkin og Botswana.
Verst var þeim málum komið í
Bahrein og næst voru Bangladesh,
Hong Kong og Mónakó.
ísland var ekki meðal þeirra ell-
efu dýrustu landanna. Sýrland, írak
og Gabon voru dýrust.' Þar voru
Svíþjóð, Noregur og Finnland með-
al þeirra tíu dýrustu. Ódýrustu eru
Ecuador og síðan Zimbabwe, Níger-
ía og Venesúela
Tíu stigaiægstu flest í Afríku
Tíu verstu löndin í heild voru
Tsjad (einnig í fyrra), síðan Djibuti
sem leysti Eþíópíu af, en síðan voru
svo Eþíópía og Sómalía, Búrkina
Fasó, Sýrland, Miðafríkulýðveldið,
A
Guinea-Bissau, írak og Miðbaugsg-
ínea.
Yfirleitt voru Afríkuríki með af-
leita niðurstöðu í flestum þáttunum
og stigalægst voru eftirfarandi lönd
Eþíópía, Búrkína Fasó, Mósambik,
Rúanda og Mali.
Costa Rica bar af í Mið- og
Suður-Ameríku
Costa Rica bar af í Mið- og Suð-
ur-Ameríku í flestum þáttanna en
Ecuador var þó það land sem lætur
sér annast um umhverfismál og það '
var einnig ódýrast eins og áður
segir. Bahrein, Bangladesh og
Hong Kong voru talin þau lönd sem
sinna síst umhverfismálum. Og á
eftir Ecuador sem ódýrustu lönd
komu Zimbabwe, Nígería og Ven-
esúela.
Þau lönd sem frelsi telst hvað
minnst í voru Súdan, Kúba, Sómal-
ía, Haiti, Búrma, írak, Kína, Norður
Kórea og Saudi-Arabía. ■
Jóhanna Kristjónsdóttir
Tívolí vinsælast sem fyrr
og Japanir eyöa mestu
í APRÍLHEFTI „Dansk Turisme“ sem er gefið út af Danska ferða-
málaráðinu eru ýmsar athyglisverðar greinar um ferðaþjónustu í
Danmörku, vinsælustu afþreyingarstaði og söfn sem gestir sækja til
og fleira. Þar er einnig grein um ferðir viðskiptamanna til Danmerk-
ur utan annatímans, ráðstefnugesti og fleira.
Tafla sem er birt með sýnir að
Japanir í viðskiptaerindum eyða um
2.100 Dkr. á sólarhring. Banda-
ríkjamenn eyða um 1.800 Dkr og
síðan Norðmenn 1.600 Dkr. íslend-
ingar eru ekki nefndir til sögunnar.
Lesa má úr töflunni að Finnar og
ítalir eru gesta sparsamastir.
Augljóst er af greinum í blaðinu
að Danir róa að því öllum árum
eins og fleiri að ná til sín alþjóðleg-
um ráðstefnum. Þeir telja sig
standa betur að vígi en aðrar Norð-
urlandaþjóðir vegna þess að SAS
hefur Kastrup sem heimavöll.
Danir binda miklar vonir við að
fá fleiri ferðamenn frá Japan á
næstu árum. SAS flýgur til fjöl-
margra staða í Austurlöndum fjær,
þ.á.m. verður Tókýó og Ósaka bætt
á áætlun fljótlega. SAS er hætt
flugi til Los Angeles og hefur þess
í stað samvinnu við Continental
Airlines á flugleiðinni.
Biritir eru listar yfir þá afþrey-
ingarstaði og söfn sem mest eru
sóttir og er Tívolí sem fyrr í fyrsta
sæti með 4 milljónir gesta sem er
lítilsháttar fækkun frá árinu á und-
an. Næstur kemur Dyrehavsbakken
með 2,2 milljónir. í Legoland komu
tæplega 1,3 milljónir og milljón í
Dýragarðinn. Af söfnum skoðuðu
langflestir Louisiana eða um 530
þúsund og helmingi færri komu í
Glyptotekið. Thorvaldssensafnið er
í 6. sæti safna með 96 þúsund gesti.
Ungmenni á
í MARS 1991 fóru þrír íslenskir skólanemar og
kennari á „Æskulýðsmót barna á norðurslóðum"
sem haldið var í Síberíu. Mótið sóttu 250 unglingar
frá löndum sem tengjast Norðurskautssvæðinu.
Tilgangur mótsins var að sameina æsku þessara
landa, vekja virðingu hennar fyrir viðkvæmri náttúru
Norðursins, þjóðlegum siðum og venjum. Unglingarnir
tóku þátt í samræðuhópum og kepptu í þjóðlegum íþrótt-
um. Adventure Club, fyrirtæki hins þekkta heimskauta-
fara dr. Dmitry Shparo, skipulagði mótið, sem þótti
takast vel að sögn Matthíasar Kristiansen, fararstjóra
íslensku krakkanna. Nú á að halda annað mót undir
svipuðum formerkjum. Að þessu sinni standa bæði
Finnar og Rússar að mótinu sem verður í Moskvu og
finnsku borginni Kuhmo 27. júní til 8. júlí nk.
„Við búumst við hópum frá Bandaríkjunum, Kanada,
Finnlandi, Svíþjóð, Noregi, Danmörku, Grænlandi, ís-
landi, Japan og 12 norðurhéruðum Rússlands,“ segir
dr. Dmitry Shparo. Hann segir, að 10-12 unglingar
megi vera í hverjum hópi, ásamt tveimur kennurum eða
fararstjórum. Ætlast er til að ungmennin hafi með sér
þjóðbúninga og þjóðfána, einnig veggspjöld eða fræð-
andi myndbönd til að kynna land sitt og þjóð á mótinu.
„Það skemmtilegasta við þessar ferðir er að fá tæki-
færi til að kynnast nýju fólki,“ segir Matthías Kristians-
en. „Ég veit að þátttakendur í síðustu ferð halda ennþá
sambandi við þá sem þeir kynntust eða við rússnesku
fjölskyldurnar sem þeir gistu hjá. Auk þess er mjög
áhugavert að kynnast öðrum venjum og hefðum.“ Matt-
hías segir rússnesku unglingana áhugasama um að
kynnast útlendingum, því að þeir hafi fengið lítil tæki-
færi til þess hingað til.
Þátttakendur dvelja fyrstu 2 dagana í Moskvu, skoða
Rauða torgið, söfn og gamlar kirkjur í Kreml. Síðan
er farið með lest til Petrozavodsk, höfuðborgar Karelia-
fylkis. í héraðinu, sem er á milli Hvítahafsins í austri
og finnsku landamæranna í vestri, eru um 50.000 vötn.
Þaðan er siglt til Kizhi-eyju, þar sem er heimsótt
mikið sögu- og menningarsafn sem er undir vernd Menn-
ingarstofnunar SÞ. í tengslum við siglinguna verða sýnd-
ir gamlir bátar. Frá Petrozavodsk er farið með lest til
Kostomuksha og er búið hjá rússneskum fjölskyldum í
þijá daga. I Kostomuksha er opnunarhátíð Æskulýðs-
mótsins. Á hátíðinni verður keppt í þjóðlegum íþrótta-
greinum og staðið fyrir hringborðsumræðum um mál-
efni þjóða á norðurslóðum. Einnig fá unglingarnir tæki-
færi til að æfa sig í tréskurði, minjagripa- og póstkorta-
gerð.
Þriðja júlí er hefðbundin hátíðaathöfn þegar farið er
yfir landamærin. Síðan er haldið til finnska bæjarins
íslensku þátttakendurnir Auður Elfa Kjartansdótt-
ir, Gunnar Steinsson og Leifur Leifsson á Rauða
torginu.
í ferðinni voru frumbyggjar Síberíu sóttir heim.
Kuhmo og gist verður hjá finnskum ijölskyldum eða í
sumarbúðum. Hátíðadagskrá æskulýðsmótsins er haldið
áfram í Kuhmo til 7. júlí, en þá fara þátttakendur til
síns heima um Helsinki-flugvöll.
Áætlað þátttökugjald er 550 Bandaríkjadalir sem inni-
felur allan kostnað í Rússlandi, en flugfar til Rússlands
er ekki innifalið. ■
Oddný Sv. Björgvinsdóttir
Morgunblaðið/Anna Bjarnadóttir
Sjö milljónir manna skoða Mont-St-Michel, klettaeyjuna við norður-
strönd Frakklands, á hverju ári. Fyrsta kapellan var reist þar á 8. öld
en klaustur Benediktsreglunnar hefur sett svip á hana síðan á 10. öld.
Menningin lokkar ferða-
menn til Frakklands
MEIRIHLUTI ferðamanna sem heimsækir Frakkland segist fara þang-
að út af menningunni. Menning er víðtækt orð en í Frakklandi er það
nátengt mat, víni og lífsstíl þjóðarinnar. En menningarviðburðir, söfn
og sögufrægir staðir auka ágæti landsins og æ fleiri útlendingar láta
þá ekki fara fram hjá sér.
irakar fljóta
inn í fsrael
ÍSRAELSKA blaðið Jerusalem
Post sagði frá því að þrír írakar
hefðu beðið um hæli í Israel.
Þeir voru í heimsókn í Jórdaníu
sem er eitt örfárra landa sem
veitir íröskum þegnum tíma-
bundið dvalarleyfi.
írakarnir létu sig fljóta á dekkj-
um yfir Dauðahafið uns komið var
að bakkanum ísraelsmegin. Þeir
voru teknir til yfirheyrslu hjá lög-
reglu og ekki ljóst hvað um þá
verður. Þetta er í þriðja skiptið á
skömmum tíma sem Irakar fara
þessa leið inn í Israel og er þetta
litið tortryggnisaugum og óttast
að mennirnir séu sendir af stjórn-
inni í Bagdad. Þeir segjast vera
að flýja harðstjórn þar og vilji
ekkert frekar en fá að setjast að
í ísrael og lifa þar í friði. ■
Bjor dýrastur í Zaire
í könnun breska ferðaritsins
Business Traveller kemur fram
að dýrasti bjórinn er í Afríku-
ríkinu Zaire, næst koma Seyc-
helles eyjar og síðan Island og
segir að bjórinn kosti 3.60-3.80
dollara.
Aftur á móti er ódýrasta bjórinn
að fá í Tékklandi, þar sem hann
kostar aðeins 35 sent. Næstódýr-
astur er hann í Bhutan og síðan
kemur Venesúela. Þessi könnun
var gerð í febrúar og áður en bjór-
lækkun var afráðin hér. Að sjálf-
sögðu skal haft í huga að þetta
er söluverð úr búð en ekki veit-
ingahúsaverð. ■
Um 50 milljónir ferðamanna skoða
franskar kirkjur á hveiju ári, 38
milljónir fara á söfn og 10 milljónir
skoða sögufræga staði eins og víg-
velli, grafreiti fallinna hermanna og
sögusöfn. Notre Dame er vinsælasta
kirkjan og um 12 milljónir manna
skoða hana á ári.
Pompidou-listasafnið kemur næst
tneð 7,6 milljónir gesta, og Mont-St-
Michel, klettaeyjan á norðurströnd-
inni sem hefur verið kölluð „undur
Vesturlanda“, er í 3. sæti með 7
milljón gesti á ári.
Aðsókn á 34 ríkissöfn hefur auk-
ist um 60% sl. 10 ár. 60% þeirra sem
skoða frægustu listasöfn þjóðarinnar
eru útlendingar. Aðeins 36% þeirra
sem fóru í Louvre í fyrra voru Frakk-
ar. 40% voru aðrir Evrópubúar, 14%
Kanada- og Bandaríkjamenn og 5%
Japanir.
Um 1.250 mismerkilegar skemmt-
anir og hátíðir verða haldnar víðs
vegar um Frakkland í ár. Það er
hægt að fá lista yfir þær og 400
mismunandi listahátíðir frá Maison
De La Fance, Ferðamálaráði Frakk-
lands, 8. Av. de L’Opéra, 75001
París og einnig listann „Logis de
France“ með nöfnum og heimilis-
föngum 4.100 hótela um allt Frakk-
land. Flest þeirra eru í þorpurn og
dreifbýli. Þau leggja öll áherslu á að
framreiða mat af svæðinu sem þau
eru á og bjóða hagstætt verð. Þeim
er skipt í þrjá gæðaflokka. Meðal-
verð fyrir máltíð er á bilinu 80-190
franskir frankar, 950-2.300 ísl. kr.
og herbergin frá 200-300 frankar
fyrir manninn, 2.500 til 4.000 ísl.
kr. á nótt.
a b.