Morgunblaðið - 21.07.1994, Síða 40

40 FIMMTUDAGUR 21. JÚLÍ 1994
MORGUNBLAÐIÐ
Grettir
Ljóska
Ferdinand
BREF
TIL BLAÐSINS
Kringlan 1 103 Reykjavik • Sími 691100 • Símbréf 691329
„ÁREIÐANLEGA fer ESB fram á afnot af fiskistofnum við
strendur Islands.“
Nokknr orð um
ESB-aðild
Frá Aðalsteini Sigurðssyni: .
ÞAÐ ER alveg ótrúlegt hvaða full-
yrðingum er slegið fram í umræð-
unni um möguleika Islendinga á
því að ganga í ESB. Sú síðasta,
sem ég hefi séð, var í Morgunblað-
inu nýlega (16.7.) og var þess efn-
is, að besta leiðin til að halda full-
veldi okkar væri að ganga í ESB.
Höfundur pistilsins gengur senni-
lega út frá því, að lesendur trúi
þessari vitleysu, ef fullyrðingin er
nógu ákveðin. Hvernig getur þjóð
verið sjálfstæð þegar aðrar þjóðir
ákveða að miklu leyti lög og regl-
ur fyrir hana að starfa eftir?
Ekki hefði ég trúað því árið
1944 þegar við Islendingar ákváð-
um að stofna lýðveidi eftir alda-
langa baráttu fyrir sjálfstæði, að
ég ætti eftir að lifa það, að marg-
ir landar mínir vildu fórna fengnu
sjálfstæði, eins og komið hefir á
daginn. Þetta myndu efalaust
margir aðrir geta tekið undir, sem
greiddu lýðveldisstofnuninni at-
kvæði það ár.
Hissa
Ég hefi ekki þau gögn í hönd-
um, sem til þyrfti til þess að gera
þessu máii nógu góð skil, en eitt
atriði vil ég þó ræða lítillega, en
það eru líkurnar á því, að við héld-
Stretsbuxur
kr. 2.900
Mikið úrval af
allskonar buxum
Opið á laugardögum
kl. 11 -16
um fullum yfirráðum yfir fiskveiði-
lögsögu okkar, ef við gengjum í
ESB. Ýmsir tala um, að Norðmenn
hafi gert góðan samning um sína
fiskveiðilögsögu. Ég er hissa á
þeim skilningi. Þeir munu að vísu
hafa náð sæmilegum samningi til
nokkurra ára, en lengra get ég
ekki séð að sú veisla nái, og tel
því að Norðmenn séu komnir þar
út á hættulega braut. Vafalítið
munu sjómenn í Norður-Noregi
eiga eftir að trega þennan samn-
ing, ef Norðmenn ganga í ESB.
Ásókn
Þegar talað er um að við munum
geta fengið betri samning en
Norðmenn vegna þess að sjávarút-
vegur er okkur mikilvægari en
þeim, þá held ég, að það sé gert
til að gylla málið. Ég trúi því ekki
að menn séu eins vissir um þetta
og þeir vilja vera láta, enda hefir
ESB þegar fengið fótfestu í land-
helgi okkar þrátt fyrir það, að
ennþá hefir ekki verið um aðildar-
samninga að ræða. Ásóknin í fisk-
veiðiheimildir er því sjáanlega
mjög mikil og áreiðanlega fer ESB
fram á afnot af fiskistofnum við
strendur íslands, ef til aðild-
arsamninga kemur sem vonandi
verður ekki.
Raunabót
Þó við höfum í mörgum tilfellum
ekki umgengist fiskistofna okkar
sem skyldi, þá er fiskveiðistefna
ESB langtum verri en okkar.
Það er raunabót að forsætisráð-
herra og fleiri frammámenn okkar
fullyrða, að íslendingar gangi ekki
í ESB nema þeir haldi fullum yfir-
ráðum yfir fiskistofnunum í land-
helgi okkar. Vonandi verður við
þetta staðið, en hveiju er hægt
að treysta með núverandi utan-
ríkisráðherra í forustu við samn-
inga við aðrar þjóðir?
AÐALSTEINN SIGURÐSSON,
Vallarbraut 8, Seltjarnarnesi.