Morgunblaðið - 08.03.1995, Blaðsíða 7

MORGUNBLAÐIÐ
MIÐVIKUDAGUR 8. MARZ 1995 C 7
Fyrsta síldarnótin
seld til veiðanna
í Síldarsmugunni
FRÉTTIR
NETAVERKSTÆÐI Hampiðjunnar er á efri hæð Bakkaskemmu á Grandagarði. í salnum sem er
85 metra Iangur og 1.700 fermetrar eru tvær brautir með tromlum í hvorum enda til að fara yfir
flottroll, auk einnar hnýtingarbrautar.
Starfsmenn Hampiðjunnar
til taks allan sólarhringinn
Sala Gloríutrollanna
gengur vel á þessu ári
GUÐMUNDUR Gunnars-
son sölustjóri Hampiðjunn-
ar segir að sala á Gloríu
flottrollum hafi gengið
mjög vel á þessu ári. Veið-
ar á úthafskarfa hefjast senn og mun fjöldi íslenskra skipa halda með
slík troll á miðin. Hampiðjan hefur í hyggju að bjóða viðskiptavinum sín-
um upp á öfluga viðgerðarþjónustu meðan á veiðunum stendur og munu
starfsmenn hennar verða til taks allan sólarhringinn. Meðal annars munu
tveir þeirra fara á milli skipa'á miðunum og inna lagfæringar af hendi.
Glorían var fyrst prófuð í apríl
1989 af togurum Sjólastöðvarinnar.
Að sögn Guðmundar var upphaf-
lega óskað eftir trolli með mikilli
opnun sem unnt væri að toga hratt
við veiðar á úthafskarfa því fiskur-
inn var mjög dreifður. Fljótlega
hafi síðan verið ákveðið að hafa
stærsta möskvann 32 m.
„Ákvörðunin var byggð á reynslu
frá kolmunnaflottrollum sem höfðu
verið sett upp í Hampiðjunni 1976
en stærstu möskvar þar voru þó
aðeins 16 m,“ segir Guðmundur.
„Þetta var gert til að létta trollið í
drætti og minnka efnismagn.
Möskvastærðin í fremri hluta trolls-
ins skiptir ekki svo miklu máli fyrir
veiðihæfni þess sem byggir að
mestu á smölun. Nú er fremsti
möskvinn í stærstu trollunum 128
m að lengd en algengastur er hann
64 m.“
Hampiðjan leggur mikla áherslu
á vöruþróun. Að sögn Guðmundar
hafa skipstjórar og netagerðar-
*menn tekið virkan þátt í þróuninni
með Hampiðjunni og leyst þau
vandamál sem upp hafa komið.
Hann segir að kaðlar hafi verið
sérhannaðir til notkunar í stór-
möskva með tilliti til styrks og ann-
arra eiginleika. í upphafi hafi verið
notaðir hefðbundnir snúnir, einlit-
aðir kaðlar en nú séu þeir fléttaðir
með kápu til varnar núningi.
Trollhermir reynist vei
Nú hefur Hampiðjan í samvinnu
við Varma- og straumfræðistofu
Háskóla íslands komið sér upp
„trollhermi" sem Guðmundur segir
að sé notaður í þeim tilgangi að
finna út hvaða stærð af flottrolli
henti tilteknum skipum. „Þetta er
það merkasta sem við höfum verið
að gera í sambandi við þróunina
undanfarið og á eftir að nýtast
okkur vel á næstu árum.“
Guðmundur segir að fljótlega
hafi komið í ljós að veiðihæfnin
hafi verið töluvert meiri en í hefð-
bundnum flottrollum auk þess sem
mikil olía sparist sakir þess hve
létt Glorían sé í drætti miðað við
stærð. „Á úthafskarfamiðum er oft
togað í 3-6 tíma og látið síðan reka
út sólarhringinn til að vinna aflann.
Þetta þýðir geysilegan olíuspamað
ef ekki er togað lengur hvem dag.
I þriggja vikna túmm hafa verið
tekin frá 16 upp í 22 höl til að ná
inn um 5-800 tonnum upp úr sjó.
Vinnslugetan hjá flestum togar-
anna er um 20 tonn af hausuðum
karfa á dag sem er um það bil 40
tonn upp úr sjó. Stærstu höl sem
tekin hafa verið eru áætluð um 100
tonn og jafnvel stærri en erfitt er
að færa sönnur á það því þessi höl
hafa aldrei náðst inn í heilu lagi.“
Margir nota Gloriuna
Framleidd hafa verið Gloríu flott-
roll í stærðunum frá 544 m til 3.072
m. Stærðin á trollunum er mæld í
ummáli á strekktu neti þar sem
trollopið er víðast fyrir aftan miðja
höfuðlínu. Guðmundur segir að vin-
sælustu stærðirnar hafi verið 1.152
m, 2.048 m og 2.560 m. Togararn-
ir sem nota Gloríuna eru frá ís-
landi, Noregi, Færeyjum, Græn-
landi, Frakklandi, Þýskalandi, Al-
aska, Portúgal og Chile.
VEIÐARFÆRAÞJÓNUSTAN Netanaust í Reykjavík fagnaði 25 ára af-
mæli sínu á dögunum. Fyrirtækið var stofnað sem netagerð þann 1.
mars 1970 í Keflavík af Jóni Þ. Eggertssyni netagerðarmeistara sem
verið hefur aðaleigandi og framkvæmdastjóri þess allar götur síðan. Starf-
semin var í fyrstu fólgin í hvers konar veiðarfæraþjónustu við bátaflotann
og flesta Suðurnesjatogarana en eftir mikinn samdrátt í útgerð á Suður-
nesjum um 1980 fór Netanaust að leita á önnur mið. Árið 1985 tók Jón
að sér innflutning frá norsku netaverksmiðjunni Möre Not A/S ásamt
Árna Gíslasyni skipstjóra og frá árinu 1993 hefur fyrirtækið einnig haft
umboð fyrir MMC fisksugur frá Noregi með höndum.
Jón segir að norsku næturnar
hafi reynst mjög vel við íslenskar
aðstæður og fengið góð meðmæli
hjá skipstjórum. Ennfremur hafi
fiskilínan frá Möre Not náð miklum
vinsældum og fengið góða dóma víða
um land. „Það má því segja að Neta-
naust hafi róið á rétt mið í veiðar-
færaþjónustunni með samstarfi sínu
við Möre Not sem er ein fullkomn-
asta veiðarfæragerð Noregs. Þessi
samvinna hefur gengið mjög vel og
vonandi lagt sitt af mörkum til
framfara í útgerðarsögu íslands."
Ný síldarnót
Möre Not býður fjöldaframleiðslu
á nótum í samvinnu við nótaverk-
stæði hér á landi með norskri fjár-
mögnun. Vegna væntanlegra veiða
Islendinga úr norsk-íslenska síldar-
stofninum vill Jón taka fram að fyr-
irtækið hefur boðið viðskiptavinum
Netanausts upp á síldarnætur á
mjög hagstæðum kjörum. Þegar
hafi verið gengið frá sölu á fyrstu
nótinni og verði uppsetningu lokið
hér á landi í vor.
Þessi nót er, að sögn Jóns, senni-
lega eina nýja síldarnótin í flotanum.
„Vegna óvissu um framhald á þess-
um veiðum vilja menn bíða og sjá
til með nótakaup í sumar. Verða því
flest nótaskipin með gamlar og við-
haldsfrekar nætur til að byija með
en það hafa ekki margar síldarnætur
verið settar upp hér á landi síðustu
30 árin. Ný síldarnót - 350x100 fm
- kostar um 20 milljónir í dag en
það tekur tvo til þrjá mánuði að
framleiða slíka nót.“
Fisksugur vinsælar
Fisksugur hafa á skömmum tíma
rutt sér til rúms hér á landi en Neta-
naust tók að sér umboð fyrir slík
tæki eftir sjávarútvegssýningu sem
haldin var hér á landi haustið 1993.
Björgvin Ingvason, sem hefur þau
mál á sinni könnu, segir að framleið-
andinn, MMC í Noregi, hafi yfir-
burðastöðu á fisksugumarkaðnum í
heiminum í dag enda hafi Norðmenn
lengi verið í farabroddi á þessu sviði.
„Við íslendingar höfum af ein-
hveijum orsökum verið seinni en
nágrannar okkar að meðtaka kosti
þessarar tækni," segir Björgvin „en
nú lítur út fyrir að menn hafí uppgöt-
vað kosti þess að meðhöndla fisk
með þessum hætti.“ MMC físksugur
eru þannig til taks í flestum höfnum
landsins í dag og segir Björgvin að
næsta takmark sé að setja þær um
borð í sem flest nótaskip.
„Það sem fisksugan hefur fram
yfir hefðbundnar fiskidælur er hvað
hún fer vel með hráefnið enda er
svo komið að allir sem veiða eða
vinna síld, makríl og loðnu til mann-
eldis nota fisksugu við löndun eða
meðhöndlun hráefnisins,“ segir
Björgvin.
Morgunblaðið/Sverrir
BJÖRGVIN Ingvason og Jón Þ. Eggertsson á skrifstofu Neta-
nausts á Skútuvogi.
RAÐAUGí YSINGAR
Flatningsvél og fl.
Til sölu úr þrotabui Baader 440 flatningsvél
árg. 1981, Baader hausari fyrir saltfisk,
þvottakar með færibandi, hnakkabursti og 4
færibönd.
Sigurbjörn Þorbergsson hdl.,
Sóleyjargötu 17, Reykjavík,
sími 613583.
KVÓTI
KVéJTABANKINN
Þorskur til sölu og leigu. Vantar ýsu.
Til sölu 2 stk. Ding-handfæravindur.
Sími 656412, fax 656372, Jón Karlsson.
Námskeið fyrir sjómenn
Slysavarnaskóli sjómanna heldur eftirfarandi
námskeið á næstunni:
14.-17. mars: Almennt námskeið í Reykjavík.
3.- 4. apríl: Upprifjunarnámskeið í eld-
og sjóbjörgun.
6,- 7. apríl: Eldvarnanámskeið.
10.-12. apríl: Námskeið í slysahjálp og
meðferð lyfjakistu.
18.-19. apríl: Æfingastjórnun fyrir
skipstjórnarmenn.
Skráning í símum 5624884 og 985-20028.
Slysavarnaskóli sjómanna.
Skip óskast
Fyrirtæki óskar eftir 100-200 tonna fiskiskipi
til netaveiða, síðan til humarveiða.
Ekki er nauðsynlegt að skipið hafi veiðiheim-
ildir en sé samt með veiðileyfi og vel útbúið
til neta- og togveiða.
Ekki er nauðsynlegt að skipið eigi veiðar-
færi. Skipið þarf að vera án áhafnar.
Um framtíðarviðskipti gæti verið að ræða.
Þið, sem hafið áhuga, leggið inn nafn skips
og símanúmer eiganda á afgreiðslu Mbl. fyr-
ir 25. mars, merkt: „Viðskipti - 15773“.