Morgunblaðið - 05.05.1995, Blaðsíða 7
MORGUNBLAÐIÐ
FÖSTUDAGUR 5. MAÍ 1995 B 7
FERÐALÖG
Morgunblaðið/BT
GÖTULÍF i Marokkó.
þá og eru þeir nefndir rukn islam:
Shahada, trúaijátning. Til er að-
eins einn guð, Allah, og spámaður
hans er Múhameð. Líkja má trú-
aijátningunni við Faðir vor kristinna
manna og menn fara gjarnan með
hana þegar barn fæðist eða þegar
ættingi er borinn til grafar.
Salah, bænir. Fimm sinnum á dag
berst kaíl úr nærliggjandi mosku, þar
sem menn eru hvattir til bænagjörða.
Múslimum ber að biðjast fyrir, hvar
sem þeir eru í heiminum, í jámbraut-
arlest eða heima hjá sér, við sólarupp-
rás, um miðjan dag, síðdegis, við sól-
setur og við næturkomu. Þeir eiga
að snúa í átt að Mekka og fara með
bæn með trúaijátningu og stuttu versi
úr Kóraninum.
Zakat, skatturtil fátækra. Heimild-
um ber ekki saman um hvort hann
er 2,5% eða 5%, en upphaflega var
gert ráð fyrir að menn gæfu hlut
af tekjum sínum eða eignum sem
ölmusu. Misjafnt er hvort ríkisvald
eða moskur annast innheimtu og er
ætlunin að fénu sé varið til aðstoðar
við fátæka. Zakat virðist hafa þau
áhrif að mönnum þyki
engin skömm að því að
betla og sjálfsagt að
styðja við bak þeirra sem
minna mega sín.
Ramadan, fasta. Föstu-
mánuður er í 9. mánuði
samkvæmt múslimsku
tímatali. Þá fasta múslimar frá sólar-
upprás til sólseturs. Þeir neyta hvorki
matar né drykkjar, stunda ekki kyn-
Iíf og reykja heldur ekki. Fastan er
til minningar um fyrstu vitrun Múha-
meðs, sem sögð er hafa átt sér stað
í þessum mánuði. Þá talaði engill
guðs til hans og kenndi honum fyrstu
vers Kóransins, Quran, sem er í 114
köflum. Múhameð Iærði versin á
nokkrum árum. Fasta á ramadan á
að efla menn og styrkja, aðallega
andlega.
Hajj, - pílagrímsferð til Mekka.
Trú setur
sterkan svip á
daglegt líf.
Kaabah-hoíid í Mekka er helgasti
staður múslima og ber þeim trúarleg
skylda til að fara þangað í pílagríms-
ferð, einu sinni á ævinni, svo framar-
lega sem þeir hafa efni á því. Svart-
ur steinn, sem sumir segja að sé loft-
steinn, er í Kabbah-hofi og ganga
pílagrímar, haji, sjö hringi kringum
hann. Aðrar trúarlegar athafnir til-
heyra pílagrímsferðum til Mekka, til
dæmis ferð til Arafat, þar sem Múha-
með flutti síðustu prédikun sína.
Bænahald þar við sólarupprás er
sagt vera afar magnað. I sumum
ritum segir að oft sé höfuð pílagríma
rakað og skegg þeirra litað rautt
með henna, auk þess sem búfénaði
sé stundum slátrað í tengslum við
veislur kringum pílagrímsferðir.
Reykt og drukkið á ramadan
Umburðarlyndi og virðing fyrir
náunganum er áberandi þáttur í fari
Marokkó-búa. Það kemur skýrt fram
á föstumánuði þeirra, ramadan. Eng-
um dettur í hug að reykja, drekka
eða borða á almannafæri, nema okk-
ur ferðamönnum. Ekki einu sinni
þeim Marokkó-búum
sem hirða lítt um trú
sína.
Ég er búin að rölta um
Agadir um stund og
komin niður að strönd.
Ég nýti mér forréttindin,
sest á veitingastað og
panta kaffi. Þjóninn kemur að vörmu
spori með kaffið og bros á vör í kaup-
bæti. Ég kafa eftir sígarrettu í tösk-
unni óg hann býður eld, að hætti
herramanna. Ég á í vandræðum með
sjálfa mig, veit ekki hvort ég á að
skammast mín fyrir að ryðjast inn í
föstumánuð heimamanna með þess-
um hætti eða láta eins og ekkert sé.
Ég vel síðari kostinn, set upp fínu
sólgleraugun, horfí í átt til sólar og
púa út í loftið.
Brynja Tomer B
BRESKA flugfélagið British
Airways hefur stofnað klúbb, sem
aðeins er ætlaður gæludýrum.
Klúbburinn heitir Flying Pets Club
á ensku og er starfræktur í tengsl-
um við flug á öllum helstu leiðum
félagsins, þar sem ekki er krafist
einangrunar og sóttkvíar.
Hjá flestum eða öllum flugfélög-
um ferðast gæludýr í þar til gerð-
um búrum. í kynningarbæklingi
kemur fram að lögð er áhersla á
að eigandi og dýr ferðist með sama
flugi og að aðskilnaður þeirra sé
eins stuttur og mögulegt er.
Fá eigið vegabréf
Gæludýr sem flutt eru milli
staða án eiganda síns fá sérstaka
meðhöndlun hjá starfsfólki British
Airways, ef marka má upplýsingar
úr bæklingnum. „Við viljum að
eigandi sé rólegur og treysti því
að dýrinu líði vel í flugi með okk-
ur. Það fær sérstakt vegabréf frá
okkur og starfsfólk gætir þess að
vel fari um ferfætlinginn alla leið-
ina. I vegabréf eru skráðar helstu
upplýsingar um heilsufar dýrsins
og bólusetningar ásamt upplýsing-
um um eiganda."
Breska flugfélagið gengur svo
langt að útvega gæslu- og fylgdar-
fólk fyrir gæludýr, sem ekki kom-
ast með sama flugi og eigandi.
Er þjónustan liður í samstarfi fé-
lagsins og breska hundaræktarfé-
lagsins. Skammt frá Heathrow-
flugvelli er aðstaða til að taka á
móti hundum og köttum og er
starfsfólk allt þjálfað í samskiptum
við dýr. British Airways kynnir
þjónustuna þannig: „Þar er vel hlúð
að dýrinu og séð til þess að því
líði vel þar til það kemst í flug og
á áfangastað. Ef nauðsyn krefur,
sækir starfsfólk hundinn á heimili
sitt og annast það þar til það er
komið á áfangastað." Ekki er tek-
ið fram hversu dýr þessi þjónusta
er, en svo virðist sem mikill metn-
aður sé lagður í að koma til móts
við óskir gæludýraeigenda.
Hundar og kettir ferðast í upp-
hituðum hluta farþegarýmis. „Þar
er rétt hitastig og umhverfið þægi-
legt og rólegt og þess er gætt að
dýrin hafi nægilegt drykkjarvatn.
Ef þarf að millilenda annast starfs-
fólk dýrin þar til þau leggja aftur
af stað.“
Hjá flestum flugfélögum, þar á
meðal BA, gilda þær reglur að
fargjald fyrir gæludýr fer eftir
þyngd dýrsins ásamt búri. Miðað
er við yfirvigt á sömu flugleið.
Létt fóður og leikfang
í bæklingi félagsins koma fram
ráðleggingar til gæludýraeigenda
fyrir ferðalög. „Gakktu tímanlega
úr skugga um að þú hafir búr fyr-
ir ferðalagið, hvort sem þú kaupir
það hjá flugfélaginu eða annars
staðar. Gott er að láta uppáhalds
leikfangið með í búrið og sömuleið-
is teppi eða annað sem dýrið þekk-
ir vel. Það kemur í veg fyrir óþarfa
óöryggi á ferðalaginu. Gefðu dýr-
inu létta máltíð um 6 klukkustund-
um fyrir brottför.
Hundar og kettir, sem eru hús-
hreinir, vilja ekki gera þarfir sínar
á teppið sitt í búrinu, svo betra er
að dýr drekki aðeins vatn síðustu
tímana fyrir brottför. Dýr geta
ferðast í allt að 30 klukkutíma án
þess að fá vatn, en starfsfólk okk-
ar kannar hvort dýrið er þyrst í
hvert skipti sem rof verður á ferð-
inni. Ferðalög eru yfirleitt ekki
erfið fyrir dýr og því þarf sjaldn-
ast að gefa þeim róandi lyf. Ef
eigandi telur það nauðsynlegt, þarf
dýralæknir að vísa á lyf og láta
upplýsingar um lyfjagjöf fylgja.“
■
BT
Nýtt hótel opnað í Reykjavlk
„VIÐ byijuðum að bóka í byijun
apríl og upphafið lofar góðu. Nú
þegar er ljóst að nýting verður að
minnsta kosti 50% í sumar,“ segir
Ásta Laufey Aðalsteinsdóttir, hót-
elstjóri Hótel Víkur, sem í dag
verður formlega opnað í Síðumúla
19 í Reykjavík.
22 herbergi eru á Hótel Vík, þar
af 10 með fullbúnu eldhúsi. „ÖIl
herbergin eru um og yfír 25 fer-
metrar að stærð. Þau sem eru með
eldhúsi eru búin helluborði með
tveimur hellum, örbylgjuofni, ís-
skáp, kaffivél, samlokugrilli og að
sjálfsögðu borðbúnaði. Á öllum
herbergjum er sjónvarp með gervi-
hnattamóttöku, sími og „mini“-
bar.“
Að sögn Ástu Laufeyjar voru
innréttingar smíðaðar hjá Ingvari
og Gylfa. „Rúmin eru smíðuð eftir
bandarískri fyrirmynd og er áhersla
lögð á góðar dýnur. Innréttingar
eru allar úr mahoní-viði og veggir
eru gipsklæddir, í samræmi við
vistvænar hugmyndir.“
— Margir útlending-
ar eiga í mesta basli
með að sofna í birtunni
sem tilheyrir íslenskum
sumamóttum. Hafið þið
gert ráðstafanir þar að
lútandi?
„í öllum gluggum, sem snúa P
suður, er dökkt gler til að draga
úr sólarljósi. Gluggatjöld eru mjög
þykk og ef gestum finnst enn of
bjart í herbergjunum til að sofa
munum við gera aðrar ráðstafan-
ir.“
Verð fyrir tveggjá manna her-
Morgunblaðið/Árni Sæberg
ÁSTA Laufey Aðalsteinsdóttir hótelstjóri á Hótel Vík, ásambeigend-
um, Guðrúnu Sveinsdóttur og Þórarni Kristinssyni.
22 herbergi eru
á hótelinu, þar
af 10 nteöfull-
búnu eldhúsi.
bergi með eldhúsi er 9.900 krónur
á sólarhring en fyrir herbergi án
eldhúss er verðið 8.900 krónur. í
báðum tilvikum er morgunverður
innifalinn. Aðeins eitt
einstaklingsherbergi er
á Hótel Vík og kostar
gisting þar 6.900 krónur
með morgunverði.
„Þetta er verð á háanna-
tíma, í maí, júní, júlí og
ágúst, en gera má ráð
fyrir að verð lækki hjá okkur yfir
vetrartímann, eins og annars stað-
ar.“
Persónulegt og heimilislegt
Eigandi Hótel Víkur er Þórarinn
Kristinsson. Hótelstjórinn, sem
aðeins er 22 ára, ætlar að búa á
hótelinu ásamt unnusta sínum,
Þorsteini Hallgrímssyni, sem er
markaðsstjóri hótelsins. „Við vilj-
um vera á staðnum allan sólar-
hringinn, því hér á að vera heim-
ilislegt andrúmsloft og persónuleg
þjónusta. Auk okkar verða fáir
starfsmenn, svo ég geri fastlega
ráð fyrir að við kynnumst gestum
okkar vel.“
Ásta Laufey vann um tíma sem
yfirþjónn á veitingastaðnum Ítalíu.
„Stærstur hluti viðskiptavina okk-
ar þar á sumrin voru útlendingar
og mér líkaði það mjög vel að vinna
við þá hlið ferðaþjónustu. Ég
hlakka til að takast á við hótel-
reksturinn og vona að héðan eigi
eftir að fara margir gestir með
góðar minningar í farteskinu.“ ■