Morgunblaðið - 16.05.1995, Blaðsíða 16
HANDKNATTLEIKUR
Viggó Sigurðsson um sigurmöguleika íslands gegn Rússlandi íkvöld
íslendingar þurfa að
eiga algjöran toppleik
VIGGÓ Sigurðsson, þjálfari Stjörnunnar, þekkir manna best
til rússneska liðsins, enda var hann í boði Rússa íæfingabúð-
um með þeim og fyldist með lokaundirbúningi liðsins fyrir
HM. Viggó telur ekki miklar líkur á að íslenska liðið eigi mögu-
leika gegn Rússum, því það hljóti að koma að því að heims-
meistararnir eigi góðan leik á HM.
Ísland á auðvitað möguleika á
að vinna Rússa í 16 liða úrslit-
unum, en hann er ekki mikill held
ég. Við þurfum að
eiga algjöran
toppleik og Rússar
mega ekki eiga
góðan dag. Þeir
hafa verið að leika illa undanfarið
en það virðist eins og þeir séu að
koma upp,“ sagði Viggó við Morg-
unblaðið eftir að ljóst var að Is-
land mætti Rússum í 16 liða úr-
slitum.
Skúli Unnar
Sveinsson
skrifar
Óraði þig fyrir því þegar þú
varst með Rússum í æfingabúðum
að ísland og Rússland myndu
mætast í 16 liða úrslitum?
„Nei, það er með ólíkindum að
þetta skuli hafa raðast svona.
Maður var ekki alveg búinn að
átta sig á kerfinu á þessu móti
og það er með ólíkindum að hvorki
Rússland né ísland hafi unnið sinn
riðil.“
Verður ekki snúið upp á hend-
urnar á þér fram að leiknum til
að fá uppgefin leikkerfi Rússanna
og annað sem skiptir máli?
„Nei, ég á nú ekki von á því,
en ég hefði gaman af því að sjá
hvernig aðstoðarmönnum íslenska
liðsins hefur gengið að kortleggja
Rússanna. Það sem ég sá og
heyrði í ferð minni með Rússum
er að sjálfsögðu algjört trúnarðar-
mál og ég held að menn geri sér
alveg grein fyrir því að ég mun
ekki bregðast því trausti og leka
upplýsingum. En að sjálfsöögðu
held ég með íslendingum í leikn-
um.“
Eru Rússar með jafn gott lið
og undanfarin ár?
„Já, ef þeir ná eðlilegum leik
þá eru þeir jafn góðir og undan-
farin ár. En þeir hafa ekki spilað
vel hér ennþá, en í ferðinni sem
ég var með þeim í sá ég þá leika
mjög vel. Maður reiknar með því
að Rússar komi sterkir til leiks í
úrslitakeppninni og ég veit að
þjálfarinn reiknar með því. Rússar
stefna alltaf að því að sigra og
þeir ætluðu að vinna Tékkland
með níu marka mun til að sigra
í riðlinum og ef þeir fara í gang
fyrir alvöru er erfitt að stöðva þá.“
Hvernig fer leikur íslands og
Rússlands?
„Ég held það verði mjög erfitt
fyrir íslenska liðið að vinna það
rússneska, það er einfaldlega of
mikill getumunur á liðunum. Okk-
ar menn þurfa að eiga algjöran
toppdag og Rússar frekar slakan
dag ef þetta á að heppnast. Þetta
er alla vega mjög erfitt verkefni,"
sagði Viggó.
Morgunblaðið/Sverrir
JULIAIM Duranona mun líta á aðstæður hjá KA.
Duranona
hér á landi
Stórskyttan Julian Duranona frá Kúbu kom hing-
að til lands í gær og mun hitta forráðamenn
handknattleiksdeildar KA að máli á morgun eða
miðvikudag og líta á aðstæður hjá félaginu.
Duranona er þrítugur að aldri og tæpir tveir metr-
ar á hæð. Hann varð markahæstur í heimsmeistara-
keppninni 1990 í Tékkóslóvakíu. Að sögn Andrésar
Péturssonar, sem verið hefur honum innan handar
hér a landi þá var leikmaðurinn settur í keppnisbann
hjá landsliði Kúbu árið 1991, þegar hann neitaði að
skrifa undir samning um að leika á Kúbu næstu tíu
árin. Hann flúði land í október síðastliðnum og fór
þá til Argentínu og hefur að undanförnu æft hand-
knattleik með þarlendu liði.
Fyrirhugað var að leikmaðurinn mundi mæta á
æfingu hjá KA í kvöld en svo kann að fara að hann
fresti því til að geta fylgst með leik fyrrum félaga
sinna á Kúbu gegn Sviss.
KORFUKNATTLEIKUR
Danir loks lagðir
fotím
FOLX
■ FJÓRIR svissneskir leikmenn
notuðu tækifærið á sunnudaginn og
skelltu sér í golf á Hvaleyrarholt-
svellinum í Hafnarfirði. Með þeim
í för var einn svissneskur blaðamað-
ur. Leikmennirnir létu vel af vellinum
og frammistöðu sinni, allir nema
blaðamaðurinn sem hætti leik vegna
kulda^
■ RÚSSAR æfðu í Laugardalshöll
í gær- og tóku því nokkuð létt. í lok
æfingarinnar kallaði þjálfari liðsins,
Vladímír Maxímov í einn leikmanna
sinna og sagði honum að fara í mark-
ið. Síðan skaut þjálfarinn frá punktal-
ínu, ef hann skoraði þurfti leikmaður-
inn að gera 5 armbeygi'ur og réttur,
en ef hann skoraði ekki gerði þjálfar-
inn nokkrar magaæfingar.
■ DÖNSKU áhorfendurnir settu
svip sinn á keppnina í C-riðli í Kópa-
vogi. Þeir höfðu meðferðist stóran
borða þar sem á var skrifað FRISK
MEÐ DET HELE! og síðan R0DBY
en það er nafnið á bænum sem flest-
ir áhorfendurnir komu frá. Borði
þessi hefur víða farið því hann geng-
ur á milli hópa og hefur verið tekinn
með á sundmót, knattspyrnuleiki og
fleiri íþróttaviðburði. Heimsókn hans
til íslands er 25. ferðalagið sem borð-
inn var tekinn með í.
■ FORRÁÐAMENN sjónvarps-
stöðvarinnar CWL seem keypti sjón-
varpsréttinn frá HM eru mjög
ánægðir með gang mála hér. Horst
Liehtner framkvæmdastjóri fyrir-
tækisins segir að allt hafi staðist eins
og stafur á bók og tók sérstaklega
fram að íslendingar kynnu greini-
lega vel til verka. „Þið skiljið vel
þarfír auglýsenda og stuðningsaðila
og við höfum ekki undan neinu að
kvarta. Þetta er alveg nákvæmlega
eins og það á að vera,“ sagði hann.
Islenska körfuknattleikslandsliðið
náði loks að vinna Dani í þriðja
æfingaleik liðanna, 87:84, sem fram
fór í Grindavík á laugardaginn, eftir
að hafa haft yfir, 48:45, í leikhléi.
íslendingar höfðu frumkvæðið þó
aldrei yrði munurinn meiri en 8 stig.
Danir náðu að jafna rétt fyrir leiks-
lok en íslendingarnir bættu þá við
og gerðum út um leikinn með víta-
skotum.
„Við fengum uppreisn æru eftir
töpin tvö en Dariir eru með gott lið.
Við náðum okkur á strik í síðasta
leiknum og lékum af eðlilegri getu.
Þó svo við næðum engum stórleik
þá var þetta í lagi,“ sagði Torfi
Magnússon landsliðsþjálfari.
Iæikirnir voru liður.í undirbúningi
íslands fyrir Evrópumótið sem fram
fer í Lugano í Sviss í næstu viku.
„Við getum lært mikið af leikjunum
gegn Hollendingum um daginn og
Dönum líka, því liðin eru sterk og
ekki ósvipuð að styrkleika og þau
lið sem við mætum í Sviss. Leik-
menn liðanna eru flestir talsvert
stærri en við og ætli þau séu ekki
flest um 10 sentimetrum hærri en
okkár lið að meðaltali. Þennan hæð-
armun verðum við að yfirvinna með
baráttu," sagði Torfi.
Teitur Örlygsson gerði 25 stig og
Falur Harðarson 24 og voru þeir
bestu menn Islands en allir í hópnum
fengu að spreyta sig. Herbert Arnar-
son skoraði 10 stig, Valur Ingimund-
arson 7, Guðmundur Bragason 7,
Jón Kr. Gíslason 3, Hermann Hauks-
son 3 og Guðjón Skúlason, Jón Arn-
ar Ingvarsson, Sigfús Gizurarson og
Marel Guðlaugsson með 2 stig hver.
Hjá Dönum voru Flemming Daniels-
en og Joakim Jerichow með 26 hvor
og Mikkel Langager gerði 25.
Englend-
ingurtil KA
ENSKUR framherji kom í gær
til KA á Akureyri til viðræðna
við félagið og leikur hugsanlega
með því 2. deildinni í knattspyrnu
í sumar. Sá sem hér um ræðir
heitir Dean Martin og er 22 ára.
Hann hefur verið á mála hjá
West Ham, var lánaður þaðan til
Colchester í vetur og fékk síðan
frjálsa sölu hjá Lundúnarfélaginu
í vor. Hann lék átta leiki með
West Ham og gerði tvö mörk í
þeim.
Arnar skor-
aði eitt
ARNAR Gunnlaugsson skoraði
mark Niirnberg, sem gerði jafn-
tefli 1:1 gegn Zwickau. Ef Niirn-
berg nær að halda sæti sínu í 2.
deild, mun liðið fá aðstoð frá
Bayer Leverkusen næsta keppn-
istímabil. Leverkusen mun lána
Niirnberg leikmenn.
Þórður Guðjónsson lék allan
leikinn með Bochum, sem tapaði
fyrir Dortmund um helgina í 1.
deildinni.
Óskar var
bjargvættur
Ossveil
FORRÁÐAMENN 2. deildarliðs-
ins Ossweil óskuðu eftir því við
Oskar Ármannsson, fyrrum
landsliðsmann í handknattleik úr
FH, kæmi til að leika þýðingar-
mikill leik með Jiðinu um helgina.
Þeir kölluðu á Óskar, eftir að lið-
ið hafði tapað fimm leikjum í
röð. Óskar kom, sá og sigraði í
fallbaráttuleik gegn Hiittenberg,
24:18. Hann skoraði sjö mörk,
fiskaði tvö vítaköst og átti fjöl-
margar sendingar sem gáfu
mörk. Með þessum sigri er Ossw-
eil svo gott búið að bjarga sér frá
falli.
Kristján vel-
ur HM-liðið
EFTIR úrslitaleikinn um heims-
meistaratitilinn i Laugardalshöll
á sunnudaginn verður tilkynnt
um val á HM-liði, eða úrvaísliði
keppninnar. Það er Alþjóða hand-
knattleikssambandið, IHF, og
Adidas sem standa að kjörinu.
Fimm fulltrúar hafa verið valdir
í sérstaka'dómnefnd til að velja
liðið og er Kristján Arason einn
þeirra. Hinir eru; Hassan Mou-
stafa Mussa frá Egyptalandi, sem
er formaður nefndarinnar, Heinz
Suter frá Sviss, Dietrich Spate
frá Þýskalandi og Juan de Rios
Roman Seco frá Spáni.
Tilboðsverð
áHM-leiki
HM-NEFNDIN hefur ákveðið
verð á HMjleiki dagsins í 16-Iiða
úrslitum. Á Icikina í Laugardals-
höll kostar 3.900 krónur í stúku,
nema á G- og D-svæði þar sem
stúkumiðinn kostar 2.900 krónur.
I stæði kostar 2.200 krónur en
1.000 krónur í stæði á L-svæði
sem er nýja álman í Höllinni.
Á leikina í Kópavogi er hæg(
að fá tvo stúkumiða fyrir verð
eins, eða 3.900 krónur. Eins er
tilboðsverð á barnamiðum, 500
krónur. Sama verð er á leikina á
Akureyri.