Morgunblaðið - 27.06.1995, Blaðsíða 2
2 C ÞRIÐJUDAGUR 27. JÚNÍ 1995
MORGUNBLAÐIÐ
Kópavogsdalur
Ármannsfell byggir
60 permaformíbúðir
ARMANNSFELL hf. hyggst á
næstu tveimur árum byggja 60
permaformíbúðir í átta flölbýlishús-
um við Lælqarsmára 54-76 í Kópa-
vogi. í fyrsta áfanga verða reist tvö
hús, annað með átta íbúðum en
hitt með fjórum. íbúðimar verða
ýmist 2ja, 3ja eða 4ra herbergja
og er áformað að afhenda þær
fyrstu fullbúnar í nóvember-des-
ember á þessu ári. Allar íbúðimar
verða með sérinngangi og svölum
til suðurs nema jarðhæðimar, sem
verða með sérgarði. Sérmerkt bíla-
stæði fylgja 3ja og 4ra herb.
íbúðunum í bílahúsi, sem verður
neðanjarðar.
— Verð á þessum íbúðum er
mjög hagstætt, þar sem hér er um
nýjar íbúðir að ræða og verðið nán-
ast það sama og á notuðum íbúðum
Tólf íbúðir reistar í fyrsta áfanga
HÚSIN, sem Ármannsfell mun byggja, verða að hluta af sömu gerð
og húsin, sem þessi mynd er af. Allar íbúðirnar verða með sérinn-
gangi og svölum til suðurs nema jarðhæðirnar, sem verða með sér-
garði, en hann snýr einnig til suðurs.
af sömu stærð, sagði Haukur Magn-
ússon, framkvæmdastjóri Ar-
mannsfells.
Verð á 2ja herb. íbúðunum, sem
eíu 66 ferm., er 5.780.000 kr., en
3ja herb. íbúðirnar, sem eru 86
ferm., kosta 6.880.000 kr. Verð á
4ra herb. íbúðunum er á bilinu
7.780.000- 8.380.000 kr., en stærð
þeirra er 95-111 ferm. Bílastæði í
bílageymslu eru inni í þessum verð-
um.
Hefur byggt 100 íbúðir
í Grafarvogi
Ármannsfell hefur þegar byggt
um 100 permaformíbúðir í Rima-
og Engjahverfi í Grafarvogi og er
nú að ljúka smíði 28 íbúða við Vall-
engi. Að sögn Hauks Magnússonar
hefur sala á permaformíbúðunum
gengið vel. — íbúðimar í Grafar-
vogi eru nánast allar seldar, sagði
hann. — Á þessu ári erum við bún-
ir að selja álíka margar íbúðir og
á sama tíma í fýrra og söluhorfur
eru það góðar, að við áætlum að
selja nær 60 íbúðir alls á þessu
ári. Mjög margir af kaupendum
okkar eru að kaupa sína fyrstu íbúð.
Raðhúsin í Engjahverfí hafa
einnig fengið góðar viðtökur og er
þegar flutt inn í fyrsta húsið. Það
sem helzt hefur valdið töfum, er
að flestir kaupendurnir eiga fast-
eignir fyrir og það hefur að sjálf-
sögðu tekið sinn tíma fyrir þá að
selja þær.
— Við höfum orðið tölvert vör
við það að undanförnu, að fólk bíð-
ur með að festa kaup á íbúðum.
Það vill sjá, hvort húsbréfalán til
nýrra íbúða muni hækka, eins og
gefið hefur verið í skyn, sagði
Haukur Magnússon að lokum.
Stuttur byggingartími
Ekki eru liðin nema tvö ár, síðan
smíði á permaformíbúðum hófst hér
á landi, en þegar hafa á annað
hundrað þeirra verið byggðar hér.
Permaformíbúðirnar eru byggðar
samkvæmt norskri fyrirmynd, en
hafa verið staðfærðar miðað við
íslenzkar aðstæður af íslenzkum
arkitektum og verkfræðingum. Að-
almunurinn á permaformaðferðinni
og hefðbundnum byggingaraðferð-
um felst í því, að mótin eru ekki
fjarlægð. Notuð eru plastmót frá
Norsk Hydro og inn í mótin þrædd
jámabinding og síðan er steypt í.
Plastmótin em endanlegt yfír-
borð permaformhúsanna og með
því að hafa vegginn klæddan að
utan, á að vera hægt að koma í veg
fyrir alkalískemmdir og veðrunar-
og frostskemmdir. Þetta eiga því
að vera mjög viðhaldslítil hús. Ann-
ar mikilvægur kostur við perma-
formaðferðina felst í því, að bygg-
ingarhraðinn er mun meiri en við
hefðbundnar íbúðir.
í permaformhúsunum er því sem
nær engin sameign og íbúðimar
þeim mun ódýrari. Allir gangar og
aðkoma að útidyrahurðum er sér.
Þessi hús eru því nær því að vera
sérbýli en fyölbýli, enda íbúðirnar
tiltölulega fáar í hveiju fjölbýlis-
húsi. Hljóðeinangrun í þessum íbúð-
um er góð og sömuleiðis hitaein-
angrun, þannig að hitakostnaður
er lágur.
Greiðar aðkomuleiðir
Ármannsfelli var úthlutað hið
nýja byggingarsvæði í Kópavogsdal
í janúar sl. og hefur verið unnið að
skipulagi þess og hönnun íbúðanna
síðan, en teiknistofan Arkitektar sf.
hefur annazt það verkefni. — Þetta
er að mínu mati eitt bezta bygging-
arsvæðið á öllu höfuðborgarsvæð-
inu nú, sagði Páll Gunnlaugsson,
hjá Arkitektum sf. — Þarna er veð-
ursæld, aðkomuleiðir era greiðar
vegna góðra tenginga við aðal
umferðaræðar höfuðborgarsvæðis-
ins og Kópavogsbær hefur sýnt
metnað í því að byggja upp góða
þjónustu á þessum stað.
Leikskóli er þama nærri og stutt
í grannskóla og íþróttahús Breiða-
bliks. Enn má nefna, að þarna er
að byggjast upp framtíðar þjón-
ustukjarni höfuðborgarsvæðisins,
en stór verzlunar- og þjónustumið-
stöð á m. a. að rísa í næsta ná-
grenni við þennan stað. Frágangur
útivistarsvæðisins í Kópavogsdal er
líka til fyrirmyndar, en það eykur
enn á aðdráttarafl byggingasvæðis-
ins.
HAUKUR Magnússon, framkvæmdastjóri Ármannsfells. í baksýn
má sjá byggingasvæðið, sem er við Lækjarsmára í Kópavogsdal. í
fyrsta áfanga verða reist tvö hús, annað með átta íbúðum en hitt
með fjórum. Áformað er að afhenda þessar íbúðir fullbúnar í nóv-
ember-desember á þessu-ári.
Fasteignasölur
í blabinu í dag
Agnar Gústafsson bls. 3
Ásbyrgi bls. 14
Berg bls. 8
Borgareign bls. 15
Borgir bls. 26
Eignamiðlun bls. 16
Eignasalan bls. 2
Fasteignamark. bis. 18 oo 23
Fasteignamiðlun bis. 17 oo 28
Fasteignamiðstöðin bls. 23
Fjárfesting ws 24
Fold bls. 9
Framtíðin bls. 10
Gimli bls. 12-13
Hátún bls. 8
Hóll bls. 4-5
Hraunhamar bls. 27
Húsakaup bls. 22
Húsvangur bls, 21
íbúð bls 2Q
Kjörbýli bls. 25
Kjöreign bls. 11
Laufás bls. 20
Lyngvik bls. 26
Óðal bls. 3
Sef bls. 25
Séreign bls. 13
Skeifan bls. 19
Valhús bls. 22
Valhöll bis. 3 og 7
Þingholt bls. 6
BÚSTAÐURINN stendur í
grennd við Lögberg og er 54
ferm. með 10 ferm. svefnlofti
og stórri verönd. Á hann eru
settar 3,8 miHj. kr. Bústaður-
inn er til sölu þjá fasteigna-
miðlun Sverris Kristjánssonar.
Meiri hreyf-
ing á sumar-
húsum
NÚ er tími sumarhúsanna. Fast-
eignamiðlun Sverris Kristjánssonar
auglýsir nú til sölu góðan sumarbú-
stað við Lögberg, sem er 54 ferm.
með 10 ferm. svefnlofti og stórri
verönd. Bústaðurinn er í um 18 km.
fjarlægð frá Reykjavík. Á hann eru
settar 3,8 millj. kr.
— Það er töluverð hreyfing á
sumarhúsum nú, sagði Pálmi Alm-
arsson sölustjóri. — Eftirspurnin er
samt mest eftir bústöðum, sem eru
í eins til eins og hálfs tíma aksturs-
fjarlægð frá Reykjavík. Verð á sum-
arhúsum er tiltölulega lágt í dag.
Oft er kaupverðið staðgreitt, en
með því má fá fram hagstæðara
verð.
Það er þó nokkur eftirspurn nú
eftir bústöðum í Borgarfírði og alla
leið vestur á Snæfellsnes. Þá er
fólk að horfa til Hvalfjarðargangn-
anna, sem koma eiga í framtíðinni,
en þá gæti þetta verið góð fjárfest-
ing.
Pálmi kvað sumarhúsamarkað-
inn vera líflegri nú miðað við undan-
farin tvö ár. Vinsæl svæði væru
Grímsnes, við Apavatn og Flúðir
og sömu sögu væri að segja um
Skorradalinn og þar í kring.