Morgunblaðið - 07.07.1995, Blaðsíða 7

MORGUNBLAÐIÐ
FÖSTUDAGUR 7. JÚLÍ 1995 B 1
FERÐALÖG
Okkur fannst þetta spennandi og
fylgdum kirkjugestum eftir að
prestsheimilinu. Þar var boðið upp
á hvítvín, gosdrykki, brauð og harð-
soðin páskaegg í öllum regnbogans
litum. Fólk lék á als oddi og þó að
ekki væru allir fúsir að tala ensku
kinkaði fólk kolli til okkar og við
fengum uppörvandi bros.
Rínarfossar
Okkur hafði verið sagt að Rínar-
fossar í svissnesku kantónunni
Sehaffhausen væru þess virði að
skoða þá, enda væri hann stærsti
foss í Evrópu. Okkur fannst ekki
sérlega mikið til hans koma í fyrstu,
en eftir að hafa borgað 1 franka á
mann fyrir að komast niður stiga
svo að segja undir fossinn sáum við
hversu ógnarlega hann leit út, enda
BRÚÐUR frá ýmsum tímum
eru á safninu í Stein am Rhein.
í VEÐURSÆLDINNI njóta heimilislegir
hlutir sín fyrir utan gluggann í risiuu.
KIRKJAN teygir sig eins og spíra upp úr gömlu,
brúnu húsþökunum í Schaffhausen. «*
renna 700 rúmmetrar vatns þar nið-
ur _á sekúndu.
í bakaleiðinni stoppuðum við í
bænum Stein am Rhein, en þar er
ýmislegt að sjá eins og safnið í St.
Georgenklaustri, sem er opið kl.
10-12 og 13.30-17 flesta daga,
vopnasafnið í ráðhúsinu og dúkku-
safn sem 500 mismunandi dúkkur
víða úr heiminum prýða. Það var
eina safnið sem var opið þann dag
sem við dvöldum í bænum, en það
er opið þriðjudaga til sunnudaga frá
kl. 11-17. Ég hafði jafngaman af
að sjá elstu dúkkurnar sem eru frá
því upp úr 1800 og pönkarana sem
eru tiltölulega nýkomnir á safnið.
íslendingar hafa að mestu flogið
til Lúxemborgar og keyrt þaðan
suður Evrópu, en vert er að kanna
hvort miklu munar á verði flugs til
Zúrich og bílaleigubíla, því Zúrich -
er vænn kostur ef fólk hefur í hyggju
að skoða Suður-Evrópu. ■
Hildur Friðriksdóttir
JÓNSHÚS FRÁ Nýhöfn
Gönguferðir á fslendinga-
slóðir i Kaupmannahöfn
STAÐIÐ verður fyrir gönguferðum
á söguslóðir íslendinga í Kaup-
mannahöfn alla sunnudaga í sumar
á vegum Ferðaskrifstofunnar In
Travel Scandinavia í Kaupmanna-
höfn. Þetta er þriðja sumarið sem
haldið er uppi reglulegum göngu-
ferðum og þátttaka í ferðunum hef-
ur aldrei verið meiri. Það sem af er
sumars hafa yfir 500 íslendingar
tekið þátt í slíkri gönguferð.
Gengið er að ýmsum stöðum og
byggingum sem tengjast sérstaklega
sögu íslendinga í Kaupmannahöfn,
t.d. húsinu sem Jónas Hallgrímsson
bjó í þegar hann dó, húsinu þar sem
Baldvin Einarsson bjó og að gömlu
stúdentagörðunum, háskólanum,
Árnasafni o.fl. Þættir úr sögu Kaup-
mannahafnar eru sá rammi sem frá-
sagnirnar fléttast inn í. Meðal ann-
ars eru atriði úr eldsvoðanum miklu
á 18. öld og 19. öld rakin. Göngu-
ferðir enda ýmist í húsi Jóns Sigurðs-
sonar eða á Kóngsins Nýjatorgi og
alls taka gönguferðir 2'h - 3 klukku-
stundir.
Gangan hefst á Ráðhústorginu,
nánar tiltekið á tröppunum við Ráð-
húsið, kl 11:00 á sunnudögum.
Gengið verður alla sunnudaga í sum-
ar, síðasta ferðin verður farin sunnu-
daginn 3. september. Gönguferð
kostar DKK 100.-, ókeypis er fyrir
börn undir 12 ára aldri, 12-16 ára
borga hálft gjald. ■
Fjölþætt biúnusta í Aiatungu
fiö í REYKHOLTI í Biskups-
tungum hefur ferðaþjónustan
o nú verið sameinuð og sett und-
ir einn hatt, þ.e. félagsheimilið
Aratunga, farfuglaheimilið,
sundlaugin og
tjaldsvæðið.
Áðsókn hefur
^ verið góð og
^0 bæði innlendir
og erlendir
■■■ hópar auk ein-
fið staklinga verið
á ferðinni.
í Aratungu var
opnað veitingahús sem hefur vínveit-
ingaleyfi í byijun júní og er opið
allan daginn. Þar er hægt að borða
veislumat, létta rétti, pitsur og kaffi-
meðlæti. Sé-stakur matseðill er fyrir
börn.
Á sundlauginni voru gerðar ýmsar
endurbætur og skipt um allar sturtur
og blöndunartæki og er nú kalt vatn
hitað með forhitara. Handrið voru
endurnýjuð og sett nýtt á gólf og
veggi. Þar er vatnsrennibraut, heitur
pottur, gufubað og ljósabekkur
í farfuglaheimilinu geta menn
fengið gistingu eins og gefur að
skilja og þar eru einnig veittar upp-
lýsingar um afþrey-
ingu þar og í ná-
grenninu. Benda má
á útimarkað á laug-
ardögum, bátsferðir
niður Hvítá, hesta-
leigur eru víða og
veiðileyfi á ýmsum
svæðum. Ekki sakar
að geta að í Hlíð er
níu holu golfvöllur, minnt er á lítinn
húsdýragarð í Laugarási og sumar-
tónleika í Skálholtskirkju laugar-
daga og sunnudaga í júlí.
I Reykholti búa um 100 íbúar og
er þar mikill jarðviti. Þar er mestur
Reykholtshver sem gýs nokkurn
veginn reglulega á 10 mínútna
fresti. Samgöngur eru greiðar um
, sveitir og gróðursæld víða. ■
t
Kanó- og kaiaksiglingar á Hvítá
FUÓTASIGLINGAR Bátafólksins
á Hvítá hafa bætt við námskeiðum
í kanó- og kajaksiglingum en boðið
hefur verið upp á siglingar niður
Hvítá síðustu sumur. Einnig hefur
aðstaða Bátafólksins að Drumb-
stöðum verið bætt og er þar nú
innréttaður matsalur og kvöldvöku-
aðstaða, auk þess sem
verið er að innrétta gisti-
aðstöðu fyrir svefnpoka-
pláss.
Tveir forsvarsmanna
Bátafólksins, _ þeir Björn
Gíslason og Ágúst Lofts-
son, segja að kanóferðir á
Hvítá séu nýjung hjá þeim
og skemmtilegur mögu-
leiki ef fólk hefur áhugu
á erfiðum ferðum. Þetta
eru dagsferðir og er fyrri
hluti dagsins notaður til
æfinga og undirbúnings.
Einnig gefst fólki kostur
á að leigja báta og fara í
ferð á eigin vegum og er
Bátafólkið þá ferðalöng-
um innan handar um akstur og
ráðgjöf um staðarval. Boðið er upp
á tilsögn í undirstöðuatriðum sigl-
ingatækni og öryggismála þegar
fólk fer í ferðir á eigin vegum.
í ágúst og september verða í
fyrsta skipti í boði dagsferðir í stór-
um gúmmíbátum niður Eystri-Jök-
ulsá. Áin hentar vel til siglinga af
þessu tagi, en þær ferðir eru erfið-
ar og henta einungis fyrir þá reynd-
ari.
Bátafólkið býður 3ja daga kaj-
aknámskeið fyrir byijendur og
lengra komna. Gistiaðstaða og allur
búnaður til siglinganna er útvegað-
ur þátttakendum. Námskeiðin eru
þríþætt og skiptast í æfingar í sund-
laug, siglingar í ám og fyrirlestra
á kvöldin. Eftir námskeiðin eiga
þátttakendur að hafa þekkingu á
helstu öryggismálum í kajaksigling-
um, grunnþekkingu á straumvatns-
fræðum, félagabjörgun og geta far-
ið í ferðir á eigin vegum.
Iæiðsögumenn og leiðbeinendur
eru víðsigldir og hafa sótt
menntun og þjálfun víða.
Meðal annars er Óskar
Helgi Guðjónsson nýkom-
inn heim úr námi í Ástral-
íu þar sem hann stundaði
nám í ferðamálum og úti-
vistarfræðum. Einnig er
Ágúst nýkominn frá Nep-
al þar sem hann starfaði
sem björgunarræðari. Til
stendur að fá siglinga-
kapppa frá Nepal hingað
í_ sumar en þeir Björn og
Ágúst segja að fljótamenn
þar séu öðrum leiknari
enda árnar í Nepal ein-
hveijar þær ákjósanleg-
ustu í heimi fyrir slíkar
siglingar.
Námskeið, ferðir og önnur starf-
semi Bátafólksins er í boði alla
daga vikunnar út september.
Hversu heitt
er á þeim?
Meðalhiti M
íjúlí M' g/
Borg fáfj °C
Abidjan 27
Anchorage 18.
Ankara 30
Auckland 15
Aþena 33
Bagdad 44
Bangkok 32
Bilbao 25
Bogota 19
Buenos Aires 16
Damaskus 37
Dublin..19 19
Dusseldorf 23
Havana 32
Honolulu 28
Jakarta 31
Kairó 35
Kampala 25
Lusaka 26
Manilla 31
Maputo 26
Nairobi 22
Oklahoma 34
Prag 24
Quito 22
San Salvador 26
Seychelleseyjar 27
| Taipei 32
Velsleðaferðir á
Mýrdalsjökul
STARFSSEMI Vélsleðaferða Bíla-
leigunnar Geysis á Mýrdalsjökli í
sumar er nú hafin. Fyrstu einstakl-
ingar og hópar fóru á jökul um
miðjan maí en formleg opnun var
nú um mánaðamótin.
í vikunni fyrir Jónsmessu var lok-
ið við að gera veginn frá þjóðvegi
1 að Ytri Sólheimum að rótum
Mýrdalsjökuls færan fólksbílum og
einnig hafa verið framkvæmdir við
þjónustuhús Geysis og snyrtiað-
stöðu.
Á jöklinum er boðið upp á mis-
langar ferðir allt frá 1 klst upp í
5-7 tíma. í styttri ferðunum gefst
mönnum tækifæri að sjá skriðjökul-
inn Sólheimajökul og útsýni er yfir
Suðurland og til Vestmannaeyja
þegar farið er á hátind jökulsins í
rúmlega 1515 m hæð á Goðabungu.
í lengri ferðum er t.d. farið að
Kötlu eða á Eyjafjallajökul í yfir
1600 m hæð.
Fyrir þá sem ekki vilja aka sjálf-
ir er boðið upp á sérstaka farþega-
vagna sem dregnir eru af vélsleðum
leiðsögumanna en þeir eru með í
öllum ferðum. Farþegum er séð fyr-
ir útbúnaði í ferðina hveiju sinni.
Ljósmynd/Ágúst Loftsson
BOÐIÐ verður upp á námskeið í kajak,-
og kanósiglingum á Hvítá i sumar.