Morgunblaðið - 29.12.1995, Qupperneq 1
SIGURÐUR Kristjánsson, Óskar Albertsson,
Þröstur Freyr Hafdísarson verkstjóri, Steindór
Jónsson og Þór Ingi Daníelsson framkv.stjóri.
BÆNDALÍNAN í leikföngum fyrir neðan,
ævintýralínan fyrir ofan. Leikföngin eru fram-
leidd af starfsfólki Ásgarðs í Kópaseli.
Leikföng í íslenskum
anda mótuð af fötluðum hönnuðum
ÁSGARÐUR er handverkstæði
fyrir fatlaða í Kópaseli. Þar vinna
fjórir við smíðar á leikföngum, en
eru einnig með við hönnun og
fylgja leikföngunum eftir alveg
til markaðssetningar. Þeir eru
Sigurður R. Kristjánsson, Stein-
dór Jónsson, Óskar Albersson og
Sigríður Huld Stefánsdóttir.
Dagurinn hefst með söng og
má segja að starfsmennirnir syngi
sig saman, en verkstjóri er Þröst-
ur Freyr Hafdísarson og fram-
kvæmdastjóri Þór Ingi Daníels-
son. Svo er dagurinn skipulagður
og áætlun gerð um dagsverkið.
Á handverkstæðinu eru fjórar
línur í gerð leikfanga: fluglína,
frystihúslína, bóndalína og ævin-
týralína. Leikföngin eru öll unnin
úr íslenskum viði sem er við hæfi
því ósnert náttúran umlykur verk-
stæðið. Húsið er ofan í dal og er
líkt og afskekkt en ekki í nánd
við höfuðborgina. Waldorf leik-
og barnaskólinn, sem starfar eftir
kenningum Rudofs Steiner, stend-
ur við hlið þess og er gott sam-
starf á milli.
Leikföngin frá Ásgarði eru
mest seld í leikskóla og er eftir-
spurnin meiri en framboðið. Starf-
semin hefur með öðrum orðum
gengið vel.
Þór Ingi stendur á bak við
handverkstæðið sem hóf starf-
semi 1. október 1993. Hann seg-
ist vinna að því að stórt hús rísi
undir starfsemina, sem er núna í
kofa eða réttara sagt Sillasjoppu,
sem stóð eitt sinn við Suðurgötuna
í Reykjavík. Ætlunin er að vera
með fatlaða í vinnu og leyfa einn-
ig öðrum að eiga aðsetur í hús-
inu. Söfnun fyrir byggingu nýja
hússins hefst næsta vor. Starfs-
menn Ásgarðs leggja sitt af mörk-
um, t.d. með því að tína rekavið
á Hornströndum og flytja hann
með hestum og bátum í Kópasel
þar sem nota á hann sem klæðn-
ingu í húsið.
Andinn í handverkshúsinu er
góður enda er áherslan á félags-
skapinn. Þegar starfmenn unnu
hugmyndir að ævintýralínunni
íásu þeir upphátt þjóðsögur um
álfa og tröll og sköpuðu hugar-
flæði sem fæddi af sér leikföngin.
Sléttflauel í
samkvæmiskjólum
SAMKVÆMISKJÓLAR úr' sléttflaueli, oft
prýddir glitrandi leggingum og pallíettum,
virðast ríkjandi fyrir áramótafagnaði og
árshátíðir um þessar mundir. í mörgum
tískuverslunum gefur að líta glæsilegt
úrval slíkra kjóla, yfirleitt dragsíðra en
þó fást einnig stuttir úr sama efni.
Að sögn Ellýjar Ármannsdóttur, versl-
unarsljóra í Cosmo, eiga bæði íburðarmikl-
ir og einfaldir kjólar úr sléttflaueli miklum
vinsældum að fagna, enda sé meira lagt
upp úr glæsilegum samkvæmisfatnaði en
oft áður. Vinsælustu litina segir hún svart,
blátt og rautt.
Verðið á kjólunum er næstum jafn mis-
jafnt og þeir eru margir. Kjóllinn á mynd-
inni er í dýrari kantinum, kostar 24.900
kr., og jakkinn
12.900 kr., en Ellý
segir að verð lyól-
anna sé yfirleitt
frá 14.900 kr.
Flugeldafarþegum
f jölgar ei meir?
JJJJ í FYRSTA sinn í mörg ár fjölgar
2 ekki ferðamönnum sem koma til ís-
m lands til að upplifa áramótin, en í
Sfyrra komu hingað um 1.200 útlend-
__ ingar til að sjá og heyra íslendinga
kveikja brennur og skjóta upp flug-
P eldum. Magnús Oddsson ferðamála-
06 stjóri segir að það sé komið að
■ ákveðnu þaki í framboði fyrir þann
markhóp sem sótt hefur verið á.
Magnús segir að fyrir tíu árum
hafi áramót verið frítími hótel- og
■g veitingafólks. En 1987 var ákveðið
S að reyna að auglýsa íslensku ára-
mótin með brennum, rakettum og
OS öðru. Fyrsta árið komu hingað 50
manns frá Sviss.
„Síðan hefur ferðamönnunum fjölg-
að hægt og bítandi," segir Magnús, „og
síðustu áramót voru hér 1.200 gestir. En
núna verður ekki fjölgun í fyrsta skipti
og maður veltir ástæðunni fyrir sér.“
Magnús segir að þessi áramótamarkað-
ur hafi sín takmörk vegna þess að fram-
boðið á íslandi hvíli á tvennu. Annars
vegar að áramótaferðamenn vilji gera vel
við sig í mat og drykk og leiti helst í
fyrsta flokks gistingu. Hún var nær full-
nýtt í borginni í fyrra. Hins vegar telur
Magnús ásæðuna vera að þessi markaður
geri kröfu til fjölda flugsæta á stuttum
tíma, sem nýtist í flestum tilfellum illa í
báðar áttir.
Ef fjölga á flugeldafarþegum, eins og
þeir eru stundum kallaðir, mikið meira
þarf að auka sætaframboð frá ákveðnum
mörkuðum, en það getur verið óhag-
kvæmt. Aukið leiguflug gæti hins vegar
verið lausnin. Einnig þyrftu gististaðir
fyrir þennan markhóp að vera víðar á
landinu.
Keyrt í rútum frá brennu til brennu
og upp á hæstu hæöir
Hvernigeru ferðirnar auglýstar, hljóma
þær ef til vill svona: „Komið til íslands
og sjáið brennur"?
„Já, já,“ segir Magnús. „Ein ferðin
heitir til dæmis „Brenna to brenna.“ Ferð-
irnar eru kynntar með þeim orðum að
Islendingar haldi upp á áramótin með
miklum flugeldasýningum og brennum.
Ferðamenn eru svo keyrðir í rútum á
brennur, upp á Valhúsahæð, Ægissíðu
Morgunblaðið/Árni Sæbcrg
ÚTLENDINGAR geta notið þess
að fylgjast með hegðun íslend-
inga um áramót.
og víðar, svo er farið á veitingastaði
eins og Perluna, Hótel Sögu og Hót-
el Loftleiðir."
Flugeldafarþegamir fara líka í
hefðbundnar skoðunarferðir eins og
að Gullfossi og Geysi, og á ýmsa
staði í nágrenni borgarinnar. Ferð-
irnar standa í tvo til fimm daga.
Jónas Hvannberg, Hótel Sögu,
sagði að um 300 áramótagestir
væru hjá þeim, flestir frá Sviss og
Þýskalandi. Þorsteinn Helgason,
Hótel Loftleiðum, sagði að um 400
gestir yrðu hjá þeim, flestir frá
Bandaríkjunum og Bretlandi, en
einnig kæmu nokkrir Japanar.
Bæði hótelin verða með sérstakar
flugeldasýningar fyrir gesti
sína og skoðunarferðir. ■
Bæði íburð-
armiklir og
einfaldir
kjólar úr
sléttflaueli
eru nú í
tísku.