Morgunblaðið - 07.05.1996, Blaðsíða 3

MORGUNBLAÐIÐ
ÞRIÐJUDAGUR 7. MAÍ 1996- B 3 -
IÞROTTIR
FRJALSIÞROTTIR
Ólafur Guðmundsson sigraði í tugþraut í Fairfax
Er 748 stigum frá lág-
marki fyrir Atlanta
Olafur Guðmundsson frá Sel-
fosBi sigraði í tugþraut á
móti í Fairfax í Virginíuríki í
Bandaríkjunum um helgina. Hann
setti persónulegt met, fékk 7.201
stig en átti best 7.173 stig 1994,
og er aðeins 749 stigum frá lág-
markinu fyrir Ólympíuleikana í
Atlanta í sumar.
Ólafur hljóp 100 metra á 10,83
sek sem er persónulegt met en
meðvindur var +1,8 m/sek. Hann
stökk 6,73 m í langstökki (vindur
-0,4m/s), varpaði kúlu 13,91 m,
stökk 1,85 m í hástökki og hljóp
400 m á 51,47 sekúndum. Seinni
daginn hljóp hann 110 m grinda-
hlaup á 14,91 sek (vindur +3,02
m/sek), kastaði kringlu 41 m,
stökk 4,20 m í stangarstökki,
kastaði spjóti 50,36 m og hljóp
1.500 m á 4.53,29 mínútum.
„Óiafur sýndi meiri hraða og
ÓLAFUR Guðmundsson
hámarkskraft en áður þó að
þrautin hafi verið fremur rislítil
þegar á heildina er litið,“ sagði
Gísli Sigurðsson, þjálfari íslenska
ólympíuliðsins í fijálsíþróttum.
„Greinilegt er að hann hefur æft
gríðarlega vel í vetur og hann
getur stórbætt árangurinn.“
Lágmarkið fyrir fyrsta mann í
Atlanta er 7.800 stig en þar sem
Jón Arnar Magnússon hefur náð
því þarf Ólafur að ná 7.950 stig-
um. Frændurnir æfa undir stjórn
Gísla í Athens í Georgíuríki fram
til 20. maí en Ólafur keppir næst
í tugþraut á fyrri hluta Meistara-
móts íslands á Laugardalsvelli um
hvítasunnuhelgina.
Jón Arnar keppti í spjótkasti
og 1.500 m hlaupi í nágrenni
Athens um helgina, kastaði spjót-
inu 61,92 m og hljóp vegalengdina
á 4.40,36 mínútum.
KNATTSPYRNA
Ekki rishátl hjá ÍA
og ÍBVá Akranesi
Sigþór
Eiríksson
skrífar
frá Akranesi
Ekkí var knattspyrnan rishá
sem íslandsmeistarar ÍA og
Eyjamenn sýndu í deildarbikar-
keppni KSÍ á Akranesi um helg-
ina, en þeim hefur
verið spáð vel-
gengni á keppnis-
tímabilinu. Leikur
þeirra einkenndist
af langspyrnum og kýlingum fram
og til baka. Liðin ollu vonbrigðum,
enda eiga þau að geta gert miklu
betur. Skagamenn voru heppnir
að tapa ekki.
Eyjamenn byijuðu betur en
heimamenn voru á undan til að
skora. Bjarki Pétursson braust
með knöttinn upp að endamörkum
á 26. mín og sendi út til Mihajlo
Bibercic sem skoraði. Leifur Geir
Hafsteinsson var nær búinn að
jafna metin fyrir Eyjamenn fyrir
leikhlé, Þórður Þórðarson sá við
honum — varði meistaralega
skalla Leifs Geirs. Eyjamenn náðu
að jafna á 78. mín., eftir horn-
spyrnu. Knötturinn barst út til
Hlyns Stefánssonar, sem var rétt
fyrir utan vítateig. Hlynur þrum-
aði knettinum í netið, óveijandi
fyrir Þórð. Skagamenn gátu síðan
hrósað happi að fá ekki á sig
mark, þegar Sturlaugur Haralds-
son náði að bjarga skoti frá
Tryggva Guðmundssyni á markl-
ínu.
Þórður Þórðarson og Ólafur
Adolfsson voru þeir einu hjá
heimamönnum, sem léku að getu.
Jón Bragi Arnarsson, Hlynur Stef-
ánsson og Steingrímur Jóhannes-
son voru bestu menn Eyjaliðsins.
Grindavík lagði Fylki
Grindavík vann Fylki í fjörugum
leik 3:2. Ólafur Ingólfsson skoraði
fyrsta mark leiksins og kom
heimamönnum yfir. Fylkir svaraði
með tveimur mörkum frá Þórhalli
Dan Jóhannssyni, 1:2. Milan
Jankovic jafnaði úr vítaspyrnu á
53. mín. og það var svo Grétar
Einarsson sem skoraði sigurmark
Grindvíkinga.
HANDBOLTI
Tvö töp
hjá kvenna-
lidinu
Islenska kvennalandsliðið í hand-
knattleik tapaði tvívegis fyrir
bandaríska landsliðinu í vináttu-
leikjum sem fram fóru í Oklahoma
í Bandaríkjunum á laugardag og
sunnudag. Fyrri leikurinn tapaðist
29:20 og sá síðari 22:17.
Halla María Helgadóttir og
Svava Sigurðardóttir voru marka-
hæstar í fyrri leiknum með 4 mörk
hvor, en Guðný Gunnsteinsdóttir
gerði fimm mörk í síðari leiknum
og Auður Hermannsdóttir kom
næst með fjögur mörk.
KAPPAKSTUR
Lárus Orri og samherjar í Stoke leika um sæti í úrvalsdeildinni
LÁRUS Orri Sigurðsson og félag-
ar í Stoke sigruðu Southend 1:0
á heimavelli um helgina, urðu í
fjórða sæti 1. deildar og leikaþvi
í aukakeppni um sæti í úrvals-
deild næsta vetur. Stoke mætir
Leicester, sem varð í fimmta sæti,
heima og að heiman og sigurveg-
ari þeirrar rimmu mætir annað
hvort Crystal Palace eða Charlton
á Wembley í leik um sæti meðal
þeirra bestu. Sunderland og
Derby urðu í tveimur efstu sætum
1. deildar og fóru beint upp í
úrvalsdeildina.
„Við erum alveg í skýjunum.
Fyrir mót hefði enginn trúað því
að við yrðum í fjórða sæti deild-
arinnar - þetta er stórkostlegt,“
sagði Lárus Orri við Morgun-
blaðið í gær, en hann hefur leik-
Enginn hefði trúað
þessu í haust
ið geysilega vel í vörninni hjá
Stoke í vetur. „Við vorum með
lítinn hóp leikmanna í haust og
í vetur hefur nánast ekkert verið
gert annað en selja menn. Ein
skipti áttu sér stað - við fengum
framheijann Mike Sheron frá
Norwich fyrir annan framheija,
og Sheron hefur skorað
grimmt."
Stoke mætir Leicester á úti-
velli næsta sunnudag og seinni
leikurinn verður á Victoria Gro-
und í Stoke á miðvikudeginum
þar á eftir, 15. maí. „Menn verða
að hafa trú á því að við getum
sigrað. Þetta verða örugglega
hörkuleikir enda um nágranna-
slag að ræða. Við eigum jafn
mikinn möguleika og þeir, en það
er kostur fyrir okkur að eiga
seinni leikinn heima," sagði Lár-
us Orri.
„Hvaða lið sem er af þessum
fjórum getur í raun komist upp
en okkur hefur gengið vel gegn
þeim í vetur. Unnum Leicester
bæði heima og að heiman, töpuð-
um reyndar fyrir Charlton úti
en unnum heima og báðir leikirn-
ir gegn Palace enduðu með jafn-
tefli. Palace er með mjög sterkt
lið og liklega erfiðast að eiga við
það.“
Lárus Orri hefur leikið vel
með Stoke í vetur sem fyrr segir
og var á dögunum orðaður við
Sunderland, sem sigraði í 1.
deild. „Eg veit ekkert um það
mál, hefur bara lesið um það í
blöðunum en [Lou Macari, knatt-
spyrnusljóri Stoke] hefur ekkert
talað um það við mig. Það borg-
ar sig ekki að vera neitt að velta
þessu fyrir sér núna, heldur ein-
beita sér að verkefninu sem er
framundan - að klára deildina."
Damon Hill
á sigurbraut
BRETINN Damon Hill, sem
ekur fyrir Williams, sigraði í
San Marino-kappakstrinum á
sunnudaginn og var það kærkom-
inn sigur eftir að hann hafði lent
í fjórða sæti i þýska kappakstrin-
um helgina áður. Hiil kom í mark
16 sekúndum á undan helsta
keppinauti sínum, þýska heims-
meistaranum Michael Schumac-
her, sem nú ekur fyrir Ferrari.
Hill er nú með 43 stig í keppn-
inni um heimsmeistaratitilinn, 21
stigi á undan félaga sínum hjá
Williams, Jacques Villeneuve frá
Kanada.
Áhorfendur á Ítalíu þustu út á
brautina á meðan Hill ók sigur-
hringinn, ekki til að fagna honum,
heldur til að fagna Schumacher,
en hann ekur fyrir ítalska bíla-
framleiðandann Ferrari og var
þetta í fyrsta sinn sem hann ekur
á „heimavelli“. Schumacher ók
ágætlega en það munaði ekki
miklu að hann næði ekki að ljúka
keppni. Á síðasta hring festist
hægra framhjólið, en hann lauk
keppni á þremur hjólum, ef svo
má að orði komast, við mikinn
fögnuð ítalskra áhorfenda en talið
er að þeir hafi verið rúmlega 105
þúsund talsins.
Schumacher var fremstur þeg-
ar kapparnir voru ræstir af stað
og er þetta í fyrsta sinn síðan
árið 1983 að Ferrari á fremsta
bíl við rásmarkið. Þá kom Ferrari-
bíll fyrstur í mark og Þjóðvetjinn
vonaði að svo yrði einnig að þessu
sinni, en hann réð hvorki við Hill
né hjálparmenn hans sem eru ein-
staklega snöggir að afgreiða bíl
hans þegar skipta þarf um dekk
og setja eldsneyti á.
Hill náði strax fyrsta sætinu
en Schumacker lenti fljótlega í
þriðja sæti því Bretinn David
Coulthard, sem nú ekur fyrir
McLaren, komst upp á milli hans
og Schumachers, en varð síðan
að hætta keppni og einvígið var
hafið. Hill ók geysilega vel og
Schumacher átti ekkert svar við
hraða Bretans á beinu brautinni
og varð að játa sig sigraðan. Þetta
var fjórði sigur Hills á þessu tíma-
bili, en fimm mót eru búin. Hill
hefur sautján sinnum sigrað í
Grand Prix-móti og er kominn í
tíunda sætið á lista yfir sigursæl-
ustu ökumenn allra tíma.
Hill var að vonum ánægður
eftir keppnina. „Eg var mjög
ánægður með að komast fram úr
í upphafi en David [Coulthard]
byrjaði líka mjög vel og gerði
þetta meira spennandi. Eftir að
hann féll úr keppni hugsaði ég
bara um að keyra eins skynsam-
lega og mér var unnt.“
„Ég er ánægður með að hafa
náð að klára því ég ók á þremur
hjólum helminginn af síðasta
hringnum. Ég var mjög feginn
þegar ég sá að ég kæmist í mark,“
sagði Schumacher.
Villeneuve gekk ekki vel á
sunnudaginn. Hann lenti strax í
vandræðum og var síðastur þegar
hann varð að láta laga bílinn.
Hann kom sterkur til leiks á ný
og var kominn í sjötta sætið þegar
bíllinn sagði hingað og ekki lengra.
Reutcr
BRETINN Damon Hill með verðlaun helgarinnar.