Morgunblaðið - 17.10.1996, Blaðsíða 5

MORGUNBLAÐIÐ
FIMMTUDAGUR 17. OKTÓBER 1996 C 5
_______________________________VIÐSKIPTI________________________________
Þráinn skóari kominn með starfsemi í fjórum verslunarkjörnum á höfuðborgarsvæðinu
Vísir að skó-
viðgerðakeðju
ÞRÁINN Jóhannsson, skó-
smíðameistari, hefur á undan-
förnum níu mánuðum opnað
fjórar skóvinnustofur undir
heitinu „Þráinn skóari“. Fyrsta
skóvinnustofan var opnuð í
Mjódd þann 23. janúar sl., sú
næsta í Hamraborg í Kópavogi
þann 5. febrúar, í Kringlunni
var opnað 20. apríl og þá nýj-
ustu opnaði Þráinn í Grafarvogi
þann 15. júní. Hjá fyrirtækinu
starfa þrír útlærðir skósmiðir
en stöðugildin eru alls átta tals-
ins.
Að sögn Þráins eru vinnustof-
urnar alls ekki of margar þrátt
fyrir hrakspár samkeppnisaðila
enda hefur fólk ekki tíma til
að fara bæjarhluta á milli til
þess að láta gera við skó. „Það
tók tíma að markaðssetja fyrir-
tækið en undanfarið hefur verið
kolvitlaust að gera og hjá okkur
er gert við rúmlega 200 skópör
á dag.“
Auk skóviðgerða smíða
starfsmenn Þráins skóara lykla,
brýna hnífa og gera við töskur.
Fyrirtækið flytur sjálft inn allt
efni, bæði vegna skóviðgerða
og lyklasmíði en Þráinn skóari
er hluti af stórri alþjóðlegri
keðju í Evrópu sem heitir Mister
Minit. Fyrirtækið hefur þó ekki
tekið upp nafn keðjunnar enda
segist Þráinn miklu fremur vilja
hafa íslenskt nafn á fyrirtækinu
heldur en útlent.
Skóari frá 15 ára aldri
Hjá Þráni er boðið upp á
hraðþjónustu í skóviðgerðum.
„í Kringlunni er algengt að fólk
komi með skó í viðgerð eða láti
smíða lykla meðan verslað er.
Sem dæmi má taka síðasta laug-
ardag en þá kom hópur af út-
lendingum til okkar og lét sóla
fyrir sig skó, alls 15 pör, á
meðan þeir verslunðu í Kringl-
unni,“ segir Þráinn.
Hjá fyrirtækinu eru brýndir
hnífar og segir Þráinn töluvert
um það að fólk láti brýna fyrir
sig hnífa og þá sérstaklega
núna í sláturtíðinni. „Samt sem
áður er meirihluti heimila með
lélega hnífa. Brýningarþjón-
ustan hefur verið alltof lítið
kynnt og margir halda hrein-
lega að hnífarnir séu ónýtir
þegar bitið verður lélegt.“
Þráinn hefur starfað við skó-
smíði og skóviðgerðir frá
fimmtán ára aldri og stofnaði
eigið fyrirtæki einungis nítján
ára gamall. Að hans sögn er það
alltof ungt til þess að standa í
fyrirtækjarekstri og bera alla
þá ábyrgð sem rekstrinum fylg-
ir. „Fyrir tæpum fjórum árum
var ég búinn að fá nóg af skó-
smíðastarfinu og atvinnu-
rekstri. Ég seldi fyrirtækið sem
ég átti þá, Skóarann á Grettis-
götu, og tók mér þriggja ára
langþráð hlé frá skóvinnu. Það
var síðan í nóvember á síðasta
ári að áhuginn vaknaði á ný og
Þráinn skóari varð til.“
Hreinsað út
í Kringlunni
Á íslandi eru starfandi 15-20
menntaðir skósmiðir en liðlega
150 manns starfa beint eða
óbeint í tengslum við iðnina.
Þráinn segir að um næga vinnu
sé að ræða, a.m.k. í hans fyrir-
tæki þar sem unnið er allt að
sextán tíma á dag alla daga ,
vikunnar frá opnun fyrstu
vinnustofunnar í janúar. „Með
því að gera við skó sparast
miklir fjármunir fyrir þjóðfé-
lagið í heild. I stað þess að fólk
kaupi alltaf ný og ný skópör
er hægt að lengja líftíma skóna
með reglubundu viðhaldi og
góðri meðferð. Við smíðum allt
sjálfir hjá Þráni skóara og það
sem þarf að framkvæma innan
fyrirtækisins fyrir utan vinnu
við rafmagn er gert af starfs-
mönnunum sjálfum. Þetta er
það sem gildir hjá litlum fyrir-
tækjum, að gera allt sjálfur og
kaupa sem minnst af aðkeyptri
vinnu.
Fyrir tveimur mánuðum tók-
um við allar vélar á vinnustof-
unni í Kringlunni, hentum þeim
út og keyptum nýjar í staðinn.
Á sama tíma gerðum við aðstöð-
una alla upp en hún var farin
að láta á sjá og alls ekki nægi-
lega þrifaleg. Hjá fyrirtækinu
er lögð mikil áhersla á að allt
sé hreint enda skiptir það miklu
máli, bæði fyrir viðskiptavininn
og starfsfólkið. Það er í raun
vanvirðing við viðskiptavininn
hvað lítið er gert til þess að
koma til móts við þarfir hans
hjá skósmiðum á Islandi,“ segir
Þráinn.
Hann horfir bjartsýnn á
framtíðina í skóviðgerðum hér-
lendis og spurning er hvenær
hann opnar næstu vinnustofu.
Væntanleg vínbúð
í Kópavoginum
ÁFENGISÚTSALA verður opnuð í mars á
næsta ári í Kópavogi, tæpum ellefu árum
eftir að íbúarnir samþykktu með atkvæða-
greiðslu að fá áfengisútsölu í bæinn.
í forvalsgögnum Ríkiskaupa fyrir áfeng-
isútsöluna kemur fram að húsnæðið verði
að vera í verslunarhverfi í Engihjalla,
Hamraborg eða í Smáranum. Að sögn Hös-
kuldar Jónssonar, forstjóra ÁTVR, var það
bæjarstjórn Kópavogs sem valdi hvaða svæði
kæmu til greina. En þau standi öll jafnt að
vígi.
Samkvæmt forvalsgögnum þurfa bjóð-
endur húsnæðis að láta fylgja með ársreikn-
inga síðasta árs, vottorð frá skattstjóra og
tollstjóra um skil á opinberum gjöldum. Jafn-
framt staðfest vottorð frá lífeyrissjóðum
starfsmanna um skil á iðgjöldum.
Höskuldur segir að það sem skipti máli
við val á heppilegu húsnæði sé aðkoma að
verslun, aðstaða fyrir vörumóttöku og tiltæk
bifreiðastæði hjá verslun. „Fjárhagslegur
styrkur og geta til þess að annast rekstur
vínbúðar mun sjálfsagt hafa eitthvað að
segja um það hver verður samstarfsaðili
ÁTVR í Kópavoginum, s.s. að viðkomandi
skuldi ekki skatta aftur í tímann.“
Óskað eftir vínbúð 1986
Ibúar Kópavogs samþykktu árið 1986 að
óska eftir áfengisútsölu í sveitafélagið. For-
stjóri ÁTVR segir að nokkrar ástæður séu
fyrir því að ekki hefur verið komið á áfengis-
útsölu í bæjarfélaginu fyrr. „Það hafa mörg
sveitarfélög óskað eftir því að fá áfengisút-
sölu til sín. Við höfum reynt að afgreiða
fyrst sveitarfélög sem eru í mestri fjarlægð
frá öðrum útsölum og erfiðari samgöngur.
Aftur á móti hafði ÁTVR mikinn áhuga á
að opna vínbúð í Kópavogi fyrir nokkrum
árum. Við höfðum látið teikna verslun fyrir
áfengisútsölu í húsnæði sem ríkið átti í
Fannborginni en vegna mótmæla nágranna
og vegna þess að bæjarstjórn Kópavogs
treysti sér ekki til að tjá sig um þetta staðar-
val þá var hætt við framkvæmdirnar."
Bónus getur sparað rikinu 200 milljónir
Meðal þeirra sem ætla að óska eftir sam-
starfi um rekstur vínbúðar er Bónus en fyrir-
tækið er leigutaki í verslunarmiðstöð sem
reist verður í Smárahvamminum. Að sögn
Jóns Ásgeirs Jóhannessonar hjá Bónus býð-
ur fyrirtækið fram húsnæði í Smárahvamm-
inum sem mun henta mjög vél undir rekstur
vínbúðar. „Aftur á móti verður húsnæðið
ekki tilbúið í mars þannig að sú tímasetning
gerir okkur erfíðara um vik. En ef hugsað
væri fram í tímann þá er ekki spurning um
að Smáratorgið mun verða kjörið fyrir versl-
unina. Það er að rísa gríðarlega stór kjarni
í Smárahvammslandi þar sem kemur til með
að verða mjög stór byggð. í Smáratorginu
verður m.a. mjög gott aðgengi fyrir fatlaða
og vörumóttöku."
Á landsfundi Sjálfstæðisflokksins var
samþykkt ályktun um að leggja niður ÁTVR
og sala áfengis verði gefin fijáls samkvæmt
þeim reglum sem hið opinbera setur.
Jón Asgeir segir að Bónus gæti hæglega
sparað ríkinu 200 milljónir á ári með rekstri
vínbúða en lítið mál væri að breyta útliti
verslananna með tilliti til vínsölu. „Ríkissjóð-
ur gæti sparað nokkur hundruð milljónir með
því að láta þennan rekstur í hendur einkaað-
ila en rekstur ÁTVR kostar ríkið 500 milljón-
ir á ári. Vínbúðarekstur liggur mjög vel fyr-
ir þeim sem eru í smásöluverslun í dag. Ríkis-
sjóður á í stað þess að reka ÁTVR að inn-
heimta áfengisgjald líkt og annan toll á inn-
fluttar vörur. Spurning er hvenær Sjálfstæð-
isflokkurinn standi við ályktun landsfundar-
ins en vonandi verður það sem fyrst.“
Undirskriftarlistar fylgja umsókn
Skoðanakönnun var gerð meðal íbúa í
nágrenni verslunarmiðstöðvarinnar Kópa-
vogs-Kjamans í Engihjalla um hvaða viðbót-
arþjónustu þeir óskuðu eftir í verslunarmið-
stöðinni. Þar kom fram að íbúamir óskuðu
helst eftir vínbúð í bygginguna. Róbert Árni
Hreiðarsson, forsvarsmaður Kópavogs-
Kjarnans, segir að verslunarhúsnæði í bygg-
ingunni yrði boðið fram. „Við vonumst til
að fá vínbúðina í Engihjallann þar Kópa-
vogs-Kjarninn liggur mjög vel við allri um-
ferð. Það er nóg af bílastæðum og 8 þúsund
manna byggðakjarni er í göngufæri við
verslunarmiðstöðina. Við munum láta undir-
skriftarlista með nöfnum á þriðja þúsund
íbúa hverfisins fylgja með umsókninni þar
sem þess er óskað að vínbúð verði opnuð í
verslunarmiðstöðinni.“
Bæjaryfirvöld styðja Hamraborgina
Hulda Finnbogadóttir, eigandi umboðs-
og heildverslunarinnar Lyon, ætlar að bjóða
fram verslunarhúsnæði í Hamraborg 5.
Þrátt fyrir að sækja um sem einkaaðili
standa kaupmenn í Hamraborginni saman
í því að fá vínbúð í Hamraborgina.
„Hamraborgin er miðbær Kópavogs og
bæði bæjarráð og bæjarstjórn hafa lýst yfir
vilja um að vínbúðin komi í Hamraborgina
og óskað eftir því við fjármálaráðherra og
forstjóra ÁTVR. Meðal þess sem styður það
að vínbúðin komi í Hamraborgina er hversu
stutt Engihjallinn er frá Mjóddinni þar sem
vínbúð er rekin fyrir og verslunarmiðstöðin
í Smárahvamminum verður ekki tilbúin í
mars,“ segir Hulda.
Þann 24. október rennur út frestur til
þess að sækja um þátttöku í lokuðu útboði
um rekstur áfengisútsölunnar. Gert er ráð
fyrir að samningar verði undirritaðir i des-
ember.
Navision Financials
Það máttu
Microsoft*
Windows*95
Navision Financials bókhalds- og upplýsingakerfið er fyrsti viðskiptahugbúnaðurinn umboðs- og dreipngaraöiih
sem samþykktur er af Microsoft fyrir Windows 95. STRFNC-rl JR
Navision Financials - Bókaö forskot! árMúla7 . mykTavík
Navision Financlals hefur vakið mikla athygli og hlaut m.a. gullverðlaun hins virta tölvutfmarits PC User. Sölumenn okkar veita allar nánari upplýsingar um möguleika forritsins. SÍMI 550 9000 • FAX 550 9010
iiSaflÉÉw