Morgunblaðið - 25.06.1998, Blaðsíða 10

10 FIMMTUDAGUR 25. JÚNÍ 1998
MORGUNBLAÐIÐ
FRÉTTIR
Losun á súráli
við Grundar-
tanga hætt
LÖNDUN súráls úr flutningaskip-
inu MS-Strilberg hefur verið hætt
og liggur skipið nú úti á Hvalfírði.
Skipið mun líklega bíða þess að los-
unarbúnaður álversins verði settur
upp við Grundartanga en eins og
fram hefur komið þoldi sjálfvirkur
losunarbúnaður MS-Strilbergs
ekki verkefnið.
Að sögn Guðmundar Asgeirsson-
ar, framkvæmdastjóra Nesskips,
umboðsaðila skipsins á íslandi,
bendir allt til þess að skipið muni
bíða hér við land eftir að losunar-
búnaður Norðuráls verði settur
upp. Þegar hann verði kominn upp
geti hvaða skip sem er losað með
þeim búnaði.
Þrír kostir í stöðunni
Bráðabirgðabúnaður var settur
upp við Grundartanga og átti MS-
Strilberg að koma farminum sjálft
í land, enda búið sérstökum sjálf-
losunarbúnaði. Hann þoldi ekki
verkefnið, losuninni var hætt og
hefur það legið úti á Hvalfirði frá
því á laugardag.
Að sögn Guðmundar eru þrír
kostir í stöðunni „og eru þeir allir
slæmir. Þeir kosta allir mikið og er
verið að reikna út hvaða lausn sé
hagstæðust.“ Fyrsti kosturinn er
að bíða eftir að losunarbúnaður
Norðuráls 'verði settur upp að
Grundartanga, en áætlað er að
hann verði tilbúinn 12. júlí. Annar
kostur er að fara erlendis með
farminn, losa hann í geymslu og
koma með hann aftur eftir þrjár
vikur, þá með öðru skipi. Þriðji
kosturinn er að selja farminn í ann-
að álver, og segir Guðmundur
mestar líkur á því að fyrsti kostur-
inn verði tekinn.
Tryggingafélög MS-Strilbergs
taka ákvörðun um hvaða kostur
verður valinn, en tjón vegna taf-
anna fellur alfarið á eiganda MS-
Strilbergs, sem er norskur.
Forseti Alþjóða-
bankans ræðir
þróunarmál
JAMES D. Wolfensohn, forseti Al-
þjóðabankans, flytur fyrirlestur
um starfsemi Alþjóðabankans og
hlutverk hans í efnahagslegri upp-
byggingu í heiminum á morgun,
föstudaginn 26. júní kl. 16. Fundur-
inn fer fram í stofu 101 í Odda, húsi
félagsvísindadeildar Háskóla Is-
lands, og hefst með ávarpi Hall-
dórs Ásgrímssonar utanríkisráð-
herra. Fundarstjóri verður Stein-
grímur Hermannsson seðlabanka-
stjóri.
„Fundur þessi er kjörið tæki-
færi fyrir áhugafólk um efnahags-
og þróunarmál að fá innsýn í hið
margþætta starf Alþjóðabankans.
Bankinn er stærsta einstaka þró-
unarstofnun heims og gegnir lykil-
hlutverki í efnahags- og félags-
legri uppbyggingu þróunarlanda,
bæði með lánveitingum og tækni-
aðstoð. Auk þess veitir bankinn
löndum Austur-Evrópu fyrir-
greiðslu og er virkur þátttakandi í
uppbyggingarstarfi í fyrium
stríðshrjáðum löndum," segir í
fréttatilkynningu frá utanríkis-
ráðuneytinu.
Fyrirspumir og almennar um-
ræður verða að loknu framsöguer-
indi.
ROY Arris, leiðsögumaður við Ytri-Rangá, með 12 punda fisk
sem hann veiddi á Rangárflúðum.
Yeiðin er
upp og ofan
VEIÐIN er aðeins að glæðast
þrátt fyrh’ vatnsleysið víða um
land. Sums staðar er veiðin þó
verulega slök, t.d. í Víðidalsá.
Veiðimenn líta því vonaraugum
til vaxandi óróa í veðurspám síð-
ustu daga og töluvert rigndi á
Vesturlandi aðfararnótt miðviku-
dagsins. Þá er stórstreymt í dag,
4,2 metra flóðhæð.
Sturla Guðbjarnarson í Fossa-
túni var ánægður með gang mála
í Grímsá í gærdag, holl var að
hætta með 21 lax eftir tvo daga
og voru þá komnir 43 laxar úr
ánni. „Laxinn er að veiðast um
alla á og það er allt grálúsugt
þessa dagana," sagði Sturla.
Borgarfjörðurinn að lifna
í gærdag hélt holl heim á leið
úr Norðurá með 43 laxa og voru
þá komnir 145 laxar úr ánni að
sögn Gunnars Jónssonar í veiði-
húsinu á Rjúpnahæð. Hægar
gengur í Þverá þar sem holl
hætti í gærdag með 16 laxa í kæl-
inum. Ur Þverá og Kjarrá höfðu
veiðst 95 laxar. Þá hefur verið líf-
legt í Flóku og komnir á þriðja
tug laxa á land og fyrstu laxarnir
eru komnir úr Gljúfurá, a.m.k.
tveir. Þar sést ekki mikill fiskur
nema í Ósnum.
Þá voru komnir 37 laxar á land
úr Langá í gærdag að sögn Haf-
steins Orra, staðarleiðsögu-
manns við ána. Sagði Hafsteinn
mikinn lax vera að ganga með
vaxandi straum, en þar til fyrir
tveimur dögum hefði hann tekið
mjög illa. „Það hefur glæðst
mjög í gær og í morgun,“ sagði
Hafsteinn.
Slakt í Víðidalsá
Arni Baldursson var að koma
úr Víðidalsá í gærdag og hann
sagði ástandið mjög dapurt þar
um slóðir. „Hollið fékk sex laxa
og hollið á undan bara einn. Við
Tóti (Þórarinn Sigþórsson) gát-
um þó ekki kvartað miðað við að-
stæður, fengum þrjá af þessum
löxum, þar af voru tveir af þeim
18 og 15,5 pund,“ sagði Ámi.
Sigrún
Magnúsdótt-
ir formaður
borgarráðs
til árs
SIGRÚN Magnúsdóttir var á
þriðjudag kjörin formaður borgar-
ráðs Reykjavíkur til eins árs en
jafnframt var samþykkt með 3 at-
kvæðum Reykjavíloiriistans gegn 2
atkvæðum Sjálfstæðisflokks að fela
Ingibjörgu Sólrúnu Gísladóttur
borgarstjóra fundarstjóm á fund-
um borgarráðs.
Nýtt borgarráð kom saman til
fyrsta fundar á þriðjudag en það er
skipað Helga Hjörvar, Sigi-únu
Magnúsdóttur og Steinunni V.
Óskarsdóttur fyrir Reykjavíkur-
listann og Ingu Jónu Þórðardóttur
og Vilhjálmi Vilhjálmssyni fyrir
Sjálfstæðisflokk.
Á fundinum var lögð fram tillaga
frá borgarráðsfulltrúum R-listans
um að fela borgarstjóra fundar:
stjórn á fundum borgarráðs. I
greinargerð kemur fram að sam-
kvæmt nýjum sveitarstjórnarlög-
um skuli formaður byggðaráðs val-
inn úr hópi kjörinna byggðarráðs-
manna. Hér sé um að ræða nýtt
ákvæði en fram til þessa hafí borg-
arstjóri oftast gegnt formennsku í
borgarráði á grundvelli samþykkt-
ar um stjórn Reykjavíkurborgar
þar sem segir að borgarstjóri eigi
sæti í borgaiTáði en hafí þar ekki
atkvæðisrétt nema hann sé kjörinn
í ráðið. í nýjum lögum sé hins veg-
ar ekki tekið á þessu með óyggj-
andi hætti.
Hins vegar segi í skýringum við
umrædda sveitarstjórnarlaga-
grein: I 4. mgr. er hins vegar bætt
við ákvæði um að formaður byggð-
airáðs skuli valinn úr hópi kjörinna
fulltrúa í byggðarráði. Rétt er þó
að taka skýrt fram að slíkt ákvæði
telst ekki koma í veg fyrir að
byggðarráð geti í einhverjum til-
fellum falið öðnim fundarstjórn,
t.d. framkvæmdastjóra. Á þessum
forsendum lögðu fulltrúar Reykja-
víkurlistans til að borgarstjóra yrði
falin fundarstjórn á fundum borg-
arráðs og að hann muni, eins og
verið hafi, undirbúa dagskrá borg-
arráðsfunda.
PRINS Richard zu Zayn-Wittgenstein t.v. ásamt Orra Vigfússyni með
nokkra stórlaxa sem hann veiddi í Laxá í Aðaldal.
Prins í laxi
Skólastjóri Tónlistarskóla Bessastaðahrepps
Uppsögnin per-
sónulegs eðlis
Fannst á
Tindfelli
KENNSLANEFND ríkislög-
reglustjóra hefur staðfest að lík-
amsleifar þær sem fundust á Tind-
felli á Snæfellsnesi 17. júní síðast-
liðinn séu af Charles Agli Hirt,
sem saknað hefur verið síðan 1.
júní 1993.
Samkvæmt upplýsingum lög-
reglunnar á Snæfellsnesi var til-
kynnt um fundinn klukkan 00.05
hinn 17. júní síðastliðinn. Fólk á
ferð í fjallgöngu veitti eftirtekt
„einhverju hvítu“ í grjóturð.
Að sögn Eðvarðs Árnasonar, yf-
iriögregluþjóns á Snæfellsnesi, var
einn af þeim sem gengu fram á lík-
amsleifarnar björgunarsveitar-
maður sem tók þátt í leitinni sem
gerð var að Charles Agli íyrir
fímm árum.
Eðvarð sagði útilokað að segja
til um hugsanlega dánarorsök nú
þegar svo langur tími er liðinn frá
láti mannsins.
Mikil leit var gerð að Charles
Agli á þessum slóðum á sínum
tíma en að sögn Eðvarðs beindust
sjónir leitarmanna þá helst að
Snæfellsjökli. „Þessi staður er
nokkuð fáfarinn en í loftlínu er
hann tiltölulega stutt frá Ólafsvík
og það er erfítt að ímynda sér af
hverju ekki var leitað þarna á sín-
um tíma,“ sagði Eðvarð að lokum.
PRINS Richard zu Sayn-Wittgen-
stein, eiginmaður Benediktu
Danaprinsessu, hefur dvalist hér
á landi við laxveiðar í Laxá í Að-
aldal að undanförnu. Prinsinn
veiddi vel, en hann dvaldist í
veiðihúsi Veiðifélags Laxár í Að-
aldal að Vökuholti á Laxamýri á
meðan á veiðitúrnum stóð.
Prinsinn er hér á vegum Norður-
Atlantshafslaxasjóðsins sem Orri
Vigfússon veitir forstöðu. Orri
sagði í samtali við Morgunblaðið,
að það væri mikill heiður að fá
prinsinn í heimsókn. „Hann er
verndari laxasjóðsins í Dan-
mörku og mikill áhrifamaður í
Evrópu. Hann hefur stutt dyggi-
lega við verkefni okkar til vernd-
ar villtum Iaxastofnum. Nýlega
var hann t.d. viðstaddur þar sem
dönsku bjórverksmiðjurnar
kynntu nýja bjórtegund í Dan-
mörku, svokallaðan „Salmon
Gold“-bjór, sem seldur verður til
styrktar laxverndunarverkefn-
um. Með honum hér á landi var
danski hershöfðinginn Kjeld Hill-
ingso,“ sagði Orri Vigfússon í
samtali við Morgunblaðið.
SVEINBJÖRG Vilhjálmsdóttir,
skólastjóri Tónlistarskóla Bessa-
staðahrepps, sem sagt hefur verið
upp störfum, telur uppsögnina per-
sónulega aðfór að sér og segir
skipulagsbreytingar á skólanum
yfirskin.
„Þetta er hið furðulegasta mál
og mikil ólykt af því. Mér sýnist
þetta vera persónulegt, því það er
mjög skrýtið að segja upp mann-
eskju sem er hælt svona mikið. Eg
get ekki alveg séð nein rök fyrir
því og hef ekki enn fengið nein rök
fyrir uppsögninni. Skipulagsbreyt-
ingar eru bara yfirskin vegna þess
að ég hef sjálf staðið í því að breyta
þessum skóla og staðið fyrir sam-
starfi við leikskóla og gninnskóla."
„Aðalmarkmiðið að
bola mér burt“
„Það er augljóst að hreppsnefnd-
arfullti’úar meirihlutans vita ekk-
ert um hvað skólastarfið snýst,
þeir hafa greinilega ekki einu sinni
kynnt sér það áður en þeir fóru að
gera þessa hluti. Svo virðist sem
aðalmarkmiðið sé að bola mér burt,
og kannski ekki ólíklegt að þeir
hafí einhvern annan mann í huga í
starfið," sagði Sveinbjörg í samtali
við Morgunblaðið í gær.
Sveinbjörg sagðist myndu leita
réttar síns í málinu. „Þetta er ekki
búið mál, heldur aðeins byrjunin.
Það er hjá lögfræðingi og kemur í
ljós hvað verður. Auðvitað sækir
maður það sem maður hefur lög-
legan rétt á þegar farið er svona
aftan að manni. Þetta er bara
fyrsta verk þessa meirihluta og
ekki mjög góð byrjun ef þetta er
það sem koma skal.“
Sveinbjörg hefur starfað með
Hagsmunasamtökum Bessastaða-
hrepps og segist ekki hafa farið í
grafgötur með það. „En mér sýnist
að þetta sé ekki pólitísks eðlis held-
ur persónulegt. Mörgu sjálfstæðis-
fólki ofbýður uppsögnin og ég hef
fundið fyrir miklum stuðningi víða.
Ef ég væri í Sjálfstæðisflokknum
hefði þetta kannski ekki komið
upp, en það er einhver persóna
sem vill mig í burtu. En ég er að
vinna í málinu og það ekki ein,“
sagði Sveinbjörg að lokum.