Morgunblaðið - 10.08.1999, Qupperneq 25

MORGUNBLAÐIÐ
ÞRIÐJUDAGUR 10. ÁGÚST 1999 25
FERÐALÖG
Hótelálma með 22-24 herbergjum á Laugum í Sælingsdal
Vilja ná erlendum
ferðahópum í Dalina
Hótelálma með 22 eða
24 góðum gistiher-
bergjum verður útbúin
í elstu byggingu skól-
ans á Laugum í Sæl-
ingsdal í vetur. Hótel-
stjóri Hótels Eddu seg-
ir Helga Bjarnasyni
að unnt verði að fá er-
lenda ferðahópa í Dal-
ina þegar aðstaðan
verður tilbúin.
ELSTA byggingin á Laugum var í
eigu ríkisins en nú hefur Dalabyggð
eignast hana. Húsnæðið er illa farið
og þarfnast mikilla lagfæringa og
segir Stefán Jónsson, sveitarstjóri
Dalabyggðar, að ákveðið hafi verið
að gera það upp sem hótel til þess að
tryggja grundvöll hótelrekstrar í
héraðinu til framtíðar. Grunnskólinn
á Laugum hefur yfir að ráða miklu
húsnæði sem Flugleiðahótel nýta til
reksturs Hótels Eddu á sumrin.
„Stjórnendur Flugleiðahótela segja
okkur að kröfur í ferðaþjónustu hafi
aukist. Herbergi eins og algengust
eru í heimavistarskólum verði ekki
boðleg eftir tvö til þrjú ár og okkur
verði þar með skákað út af markaðn-
um. Hótel Edda á Laugum er eina
hótelið í héraðinu og við þurfum því
að ráðast í framkvæmdir til að halda
þessum miðpunkti í ferðaþjónust-
unni,“ segir Stefán.
í elstu álmu skólans verða gerð 22
til 24 herbergi með þeim þægindum
sem gerðar eru kröfur um, með baði,
síma og sjónvarpi. Kostnaður við
framkvæmdina er áætlaður 55 millj-
ónir kr. Sveitarfélagið leggm- fé í
hlutafélag sem mun eiga húsnæðið
og reka og er reiknað með að fá fleiri
fjárfesta til liðs við félagið. Þótt fjár-
mögnun sé ekki lokið, að sögn Stef-
áns sveitarstjóra, hefur verið ákveð-
ið að hefjast handa í næsta mánuði
og ljúka framkvæmdum fyrir vorið.
Mörg ættarmót í sumar
Er hótelstjórinn við? spyr blaða-
maður stúlku í afgreiðslu Hótels
Eddu á Laugum. „Hún er hér,“ segir
Helga María Albertsdóttir, hinn
ungi hótelstjóri, og lætur sér ekki
bregða. Er þetta greinilega ekki í
fyrsta skipti sem hún fær slíka
spurningu.
Hótel Edda á Laugum er talsvert
utan hringvegarins fræga sem flestir
erlendir ferðamenn fara eftir og
missir því að mestu af viðskiptum
Morgunblaðið/Áslaxig Ásgeirsdóttir
ÞETTA er elsta bygging skólans á Laugum í Sælingsdal. Ákveðið hef-
ur verið að breyta henni í hótel með 22-24 góðum herbergjum.
HINN ungi stjórnandi Hótels
Eddu á Laugum telur unnt að
fá erlenda ferðahópa í Dalina
þegar hótelálman verður tilbú-
in. Á bak við Helgu Maríu Al-
bertsdóttur sést í sundlaugina.
þeirra. Á staðnum er hins vegar
mjög góð aðstaða til að halda ættar-
mót. Helga segir að hótelið hafi sóst
eftir ættarmótum og fengið mörg
stór mót í sumar. Þau stærstu 300
manna.
Helga María hefur unnið á Eddu-
hótelum við hringveginn og segir
mikinn mun á rekstri þeirra og hót-
elsins á Laugum. Erlendu hóparnir
komi alla daga vikunnar, borði
kvöldmat og gangi snemma til náða.
Ættarmótin séu hins vegar að sjálf-
sögðu um helgar og þá sé oft mikið
fjör og langur vinnutími. I miðri viku
sé svo lítið um að vera. „En ég hef
lært mjög mikið á því í sumar að
vera eingöngu með landann, sjá
hvernig hann er á ferðalögum,“ segir
Helga María.
Hótelstjóranum líst vel á breyt-
inguna á elstu álmunni. Hún segist
nú hafa yfir að ráða 35 herbergjum,
allt dæmigerðum herbergjum í
heimavistarskóla. „Það skerðir
möguleika okkar því margir hópar
biðja um herbergi með baði. Það hef-
ur aukist og virðist öll gisting vera
að færast upp í þann flokk. Þegar
nýju herbergin komast í gagnið get-
um við boðið báða gistimöguleikana
og gert fleiri gestum til hæfis,“ segir
Helga María. Hún vonast til að með
því að bjóða þessa aðstöðu verði
unnt að fá erlendu ferðahópana til að
leggja þessa lykkju á leið sína um
hringveginn.
Hún segir að Dalina hafí vantað
nauðsynlegt kennileiti til þess að
draga erlendu ferðahópana þangað.
Vonast hún til að uppbygging skála
Eiríks rauða á Eiríksstöðum í
Haukadal og minnismerki um Leif
heppna geti orðið staðurinn sem
dragi ferðafólkið að. „Stefnt er að
því að auglýsa upp Eiríksstaði.
Einnig er unnið að því að merkja
gönguleiðir í Sælingsdal. Sagan er
hér um allt en það þarf að vera hægt
að benda fólki á að skoða ákveðna
staði."
Hugmyndir um
skólabúðir aldraðra
Ýmsar hugmyndir eru uppi um
nýtingu hótelálmunnar yfir vetrar-
tímann þar sem ekki er lengur þörf
fyrir herbergin fyrir skólann. Stefán
Jónsson segir að skólahúsnæðið
standi autt um helgar og væri hægt
að nýta það í tengslum við hótelið á
þeim tíma, nefnir hann í því sam-
bandi skólabúðir aldraðra, móttöku
fyrirtækjahópa í hugmyndavinnu og
jafnvel heilsurækt.
Rætt hefur verið við Félag aldr-
aðra í Reykjavík og Landssamband
aldraðra um þá hugmynd að vera
með skólabúðir aldraðra um helgar á
Laugum. „Margir hafa ekki undirbú-
ið sig nógu vel fyrir ellina. Hingað
gætu hóparnir komið í nám og dvalið
frá föstudegi fram á sunnudags-
kvöld. Til dæmis væri hægt að kenna
fólkinu að nýta sér tölvutæknina,
kenna þeim á Netið og að greiða
reikninga í gegnum bankalínur."
Einnig hefur komið til tals að taka á
móti starfsfólki íyrirtækja til hug-
myndaauðgivinnu og einstaklingum í
heilsurækt.
Frábær fyrirtæki
. Ritfanga-, blaða- og leikfangaverslun á mjög góðum stað í verslunar-
miðstöð og í eigin húsnaeði sem einnig ertil sölu. Mikill annatími
framundan og því besti tíminn til að eignast slíkt fyrirtæki. Velta
20 millj. Gott verð og góð kjör.
2. Þekktauglýsingastofa með mikið af föstum viðskiptamönnum. ðll
tæki sem þarf fyrir svona stofu. Laus strax. Gott verð.
3. Lítil blómabúð sem veltir þó miklu. Er að flytja í stærra húsnæði á
sama stað og getur þar tekið inn gjafavörur og aukið enn veltuna.
Góðir tekjumöguleikar og lifandi og skemmtileg vinna. Laus strax.
4. Tískuvöruverslun á Laugaveginum. Flytur inn að mestu frá París
og Spáni. Falleg búð með fallegar vörur. Plássið býður upp á stækkun
verslunarinnar.
5. Eitt snyrtilegasta og besttækjum búna innrömmunarfyrirtæki borgar-
innar til sölu. Mikið úrval af fallegum römmum. Innrammar og plastar.
Næg verkefni svo þú getur unnið eins og þér sýnist og þénað meira
og meira og meira.
6. Þekkt skipasala til sölu með mikið af góðum samböndum. Einnig
með góða bílasölu, þekkta fasteignasölu og kvótasölu.
7. Húsgagnaviðgerðarverkstæði til sölu. Áratuga gamalt fyrirtæki sem
þarf að flytja á nýjan stað, þarf ca 100 fm. Mikil verkefni bíða og
fylgja með. Góðar tekjur fyrir laghenta menn.
8. Pekkt heildverslun sem selur að mestu þekktar snyrtivörur. Góð
umboð fylgja með.
9. Skyndibitastaður með sælgætissölu er til sölu. Opinn aðeins til kl.
18 á daginn. Lokaður um helgar og því frábær vinnutími. Góð velta
og afkoma.
Aldrei meira úrval af frábærum fyrirtækjum á söluskrá og við aidrei
hressari, enda nýkomnir úr sumarfríi, súlbrúnir og fullir af orku.
Komið og blaðið í söluskránni, þar er eitthvað fyrir alla.
Upplýsingar aðeins á skrifstofunni.
F.YRIRTÆKIASAlAN
SUÐURVE R I
SlMAR 581 2040 OG 581 4755. REYNIR ÞORGRÍMSSON.
Síðustu
dagar
útsölunnar!
£nn meiri
verðlækkun
Tískuverslun • Kringlunni 8-12 •Sími 5533300
hjólaðu í nýtt hjól
Hjólaðu í nýtt hjól fráTrek, Gary Fisher eða Klein.
Topphjól með vönduðum búnaði og ævilangri
ábyrgð á stelli og gaffli. Hjól fýrir alla aldurshópa.
fisher TREK. GttJPSHIFT. C« KLEIN CATEYE smmono-