Morgunblaðið - 21.12.1999, Side 3

MORGUNBLAÐIÐ
ÞRIÐJUDAGUR 21. DESEMBER 1999 B 3
HANDKNATTLEIKUR
Ragnar jafnaði met Valdi
mars og bætti um betur
RAGNAR Óskarsson, handknattleiksmaðurinn knái úr ÍR, jafnaði
met Valdimars Grímssonar, er hann skoraði tíu mörk eða meira i
tveimur landsleikjum í röð á Hollandsmótinu. Ragnar skoraði 13
mörk í leik gegn Hollandi á laugardaginn og síðan 11 mörk gegn
Egyptalandi á sunnudaginn. Valdimar skoraði 10 mörk og 11
mörk í tveimur leikjum gegn Kýpur í Hafnarfirði fyrr á árinu.
Ragnar bætti um betur, því
hann skoraði 11 mörk gegn
Rúmeníu sl. iimmtudag og skoraði
; hann því yfir tíu mörk í þremur
landsleikjum á fjórum dögum.
Þegar Ragnar skoraði 11 mörk
gegn Egyptum var það í 50. skiptið
sem landsliðsmaður nær þeim
áfanga að skora tíu mörk eða fleiri
í landsleik.
Ragnar er þriðji leikmaðurinn til
að skora tíu mörk eða fleiri í lands-
leik á sama ári. Valdimar Gríms-
son afrekaði það einnig í ár, en fyr-
ir utan leikina gegn Kýpur skoraði
hann 10 mörk gegn Ungverjum.
Aðeins einn leikmaður hafði áð-
ur skorað þrisvar sinnum tíu mörk
eða fleiri í þremur leikjum á ári.
Það gerði Júlíus Jónasson 1990, er
hann skoraði 12 mörk í leik gegn
Tékkóslóvakíu, 10 mörk í leik gegn
Bandaríkjunum og 11 mörk í leik
gegn Dönum.
Islenskir landsliðsmenn hafa í ár
skorað átta sinnum tíu mörk eða
fleiri í landsleik. Fyrir utan Vald-
imar og Ragnar skoraði Julian Ró-
bert Duranona 10 mörk í leik gegn
Sviss og 12 mörk í leik gegn Mak-
edóníu.
Áður hafði það gerst tvisvar að
fjórum sinnum á ári hafi leikmenn
náð að skora tíu mörk eða fleiri í
landsleik - 1985, þegar þeir Krist-
ján Arason, Páll Olafsson, tvisvar,
og Sigurður Gunnarsson komu við
sögu og 1988 er Birgir Sigurðsson,
Sigurður Valur Sveinsson, Alfreð
Gíslason og Kristján Arason komu
við sögu.
Ragnar Óskarsson er 23 leik-
maður Islands sem hefur skorað
tíu mörk eða fleiri í leik. Aðeins
fjórir leikmenn hafa skorað fleiri
mörk en Ragnar er hann skoraði
13 mörk gegn Hollandi. Gústaf
Bjarnason á markametið - skoraði
21 mark í leik gegn Kína 1997.
Kristján Arason hefur oftast
farið yfir tíu mörk í landsleik, alls
níu sinnum. Valdimar kemur næst-
ur á blaði, sjö sinnum og Sigurður
Valur Sveinsson hefur afrekað það
fímm sinnum.
Þeir leikmenn sem eru á afreka-
listanum síðan Hermann Gunnars-
son skoraði 17 mörk í landsleik í
Bandaríkjunum 1966, eru Geir
Hallsteinsson (3), Axel Axelsson
(3), Pálmi Pálmason (1), Stefán
Gunnarsson (1), Þorbergur Aðal-
steinsson (1), Kristján Arason (9),
Bjarni Guðmundsson (1), Páll Ól-
afsson (2), Sigurður Gunnarsson
(1), Alfreð Gíslason (2), Birgir Sig-
urðsson (2), _ Sigurður Valur
Sveinsson (5), Óskar Armannsson
(1), Júlíus Jónasson (3), Valdimar
Grímsson (7), Patrekur Jóhannes-
son (1), Ólafur Stefánsson (1),
Gústaf Bjamason (1), Bjarki Sig-
urðsson (1), Julian Róbert Duran-
ona (1), Ragnar Óskarsson (3).
Þeir hafa skorað flest mörk IXPP
í landsleik í handknattleik
Leikmaður Mörk Mótherji Úrslit Ár
Gústaf Bjarnason 21 Kína 31:22 1997
Hermann Gunnarsson 17 Bandaríkin 41:19 1966
Kristján Arason 15 Ungverjaland 28:24 1985
Birgir Sigurðsson 15 Færeyjar 36:20 1988
Axel Axelsson 13 Portúgal 27:19 1998
Valdimar Grímsson 13 Frakkland 28:15 1973
Ragnar Óskarsson 13 Holland 27:22 1999
Þaðgekk
nær allt upp
Ragnar Óskarsson þótti leika
stórvel með íslenska landslið-
inu í æfingamótinu í Hollandi.
Hann varð markahæsti maður
mótsins. „Ég er mjög ánægður.
Vissulega gekk mér vel, en fyrst og
fremst var það liðið sem spilaði
mjög vel. Ég held að allir geti verið
sáttir við leik sinn, held að allir hafi
skilað sínu. Það var enginn einn,
sem skaraði framúr, þótt ég hafi
skorað mörg mörg. Við lékum mjög
góða vörn. Hún var hugsanlega
sterkasta hlið okkar í mótinu, varn-
arleikurinn," sagði Ragnar. „Það er
gaman að geta komið inn í það og
sannað sig. Til þess er maður ein-
mitt í þessu.“
Frammistöðu sinnar vegna hlýt-
ur Ragnar að koma sterklega til
greina í eitt hinna lausu sæta, sem
enn eru í landsliðshópnum er held-
ur til vináttuleikja við Frakka í jan-
úar og í úrslitakeppni Evrópumóts-
ins í lok sama mánaðar. Hafði
Ragnar það jafnvel að leiðarljósi er
hann bjó sig undir leiki mótsins?
„Nei, ég gerði það raunar ekki.
Ég hugsaði fyrst og fremst um
þessa leiki og tók einn þeirra fyrir í
einu. Það var um að gera að reyna
að sanna sig fyrst ég fékk þetta
tækifæri, en sæti í Króatíu blundaði
ekkert sérstaklega í mér. Ég ein-
beitti mér aðallega að þessu móti,“
sagði Ragnar.
En átti hann von á að vera jafn
atkvæðamikill ograun varð á?
„Nei, í rauninni ekki. Þetta kom
mér svolítið á óvart. Mér gekk mjög
vel. Ég hafði ekki gert mér vonir
um að mér gengi svona vel, en von-
aði þó að ég gæti sýnt hvað í mér
býr. Ég held að ég hafi gert það.
Það gekk nær allt upp og ég bjóst
ekki alveg við því, sérstaklega
vegna þess að við æfðum svo lítið og
samæfing okkar var því ekki mikil,“
sagði Ragnar Óskarsson, leikmaður
íslenska landsliðsins og IR.
I §j§ || |
Ragnar Óskarsson lék vel á mótinu í Hollandi.
■ GUÐMUNDUR Hrafnkelsson
og samherjar í Nordhorn unnu
Wuppertal, 31:20, í þýsku 1. deild-
inni í handknattleik á sunnudag-
inn. Með sigrinum komst Nord-
horn upp í fjórða sæti deildarinnar
en Wuppertal er enn í þriðja
neðsta sæti með 6 stig.
■ DAGUR Sigurðsson skoraði
þrjú mörk fyrir Wuppertal í leikn-
um og Heiðmar Felixson gerði eitt
mark fyrir sama félag.
■ JULAN Duranona var með tvö
mörk, bæði úr vítakasti, er Eisen-
ach lagði Willstatt, 26:18. Gústaf
Bjarnason skoraði mest leikmanna
Willstatt, sex mörk. Magnús Sig-
urðsson var með eitt mark fyrir
sama lið. Sigurinn lyfti Eisenach
upp úr mesta baslinu í neðri hluta
deildarinnar en Willstatt stendur
höllum fæti, er næstneðst sem fyrr.
■ SIGURÐUR Bjamason gerði 3
mörk fyrir D/M Wetzlar er það
tapaði 28:24 fyrir fyrrverandi fé-
lögum Sigurðar í Bad Schwartau.
■ RÓBERT Sighvatsson skoraði 2
mörk og var rekinn af leikvelli með
rautt spjald er Bayer Dormagen
tapaði á heimavelli, 21:18, fyrir
Lemgo. Rdbert var rekinn var leik-
velli á 40. mínútu fyrir þriðju brott-
vísun. Þá var staðan 15:13 fyi-ir
Lemgo.
■ DAÐI Hafþórsson var marka-
hæstur leikmanna Dormagen,
skoraði 4 mörk. Héðinn Gilsson er
meiddur og skoraði aðeins eitt
mark í leiknum. Andreas Thiel,
markvörður Dormagen, fór mikinn
í leiknum þrátt fyrir að vera nærri
fertugur og varði hann m.a. tvö
vítaköst í leiknum.
■ PATREKUR Jóhannesson og
Páll Þórólfsson voru ekki á meðal
markaskorara Essen er liðið tapaði
24;19 fyrir GWD Minden á heima-
velli síðarnefnda liðsins.
■ MAGNUS Wislander skoraði
sitt eitt þúsundasta mark í þýsku 1.
deildinni í handknattleik er lið
hans Kiel lagði Grosswallstadt,
23:20, á heimavelli. Þetta var um
leið 33. leikur Kiel á heimavelli án
taps, þar af hefur liðið unnið 32 af
þessum leikjum.
iM.
SNJÓBRETTI
BRETTAFATNAÐUR
BRETTASKÓR
BRETTAHANSKAR
BRETTA GLERA UGU
BRETTAPOKAR
Frábært verð!
- Bretti með bindingum og skóm
frá kr. 25.900, stgr. 24.605.
- Brettagleraugu frá kr. 2.600.
- Brettaúlpur barna frá kr. 6.490.
- Brettaúlpur fullorðins
frá kr. 8.900.
Armú/a 40,
sím/ 553 5320
Iferslunin
Sport - Hjól - Skíði - Golf - Þrek