Morgunblaðið - 31.05.2000, Side 12

12 MIÐVIKUDAGUR 31. MAÍ 2000
MORGUNBLAÐIÐ
FRETTIR
Torkenni-
legt dufl
rekur á
land
HELGARGESTUR á eyðibýlinu
Fossi gekk fram á torkennilegan
hlut í flæðarmálinu, um hundrað
metrum sunnan við ós Fossár.
Gerði hann lögreglunni á Sauðár-
króki viðvart sem sendi menn þeg-
ar á staðinn.
Eftir að hafa skoðað hlutinn, sem
var um einn og hálfur metri á lengd
og 20-30 sentimetrar í þvermál og
með einhverskonar nema á öðrum
endanum, var fundurinn tilkynntur
til Landhelgisgæslunnar. Við rann-
sókn Gylfa Geirssonar, sprengju-
sérfræðings, kom í ljós að um ein-
hverskonar rannsóknardufl er að
ræða. Sagði Gylfí að hvergi væri að
sjá nokkur merki um tákn sem gef-
ið gætu til kynna hvaðan duflið
væri eða til hvers það væri ætlað.
Landhelgisgæslumenn tóku dufl-
ið í sína vörslu og fluttu með sér
suður til frekari rannsóknar.
Afhenti
trúnaðar-
bréf
ÓLAFUR Egilsson, sendi-
herra, afhenti hinn 25. maí sl,
Kim Dae-jung, forseta Suður-
Kóreu, trúnaðarbréf sem
sendiherra íslands í Suður-
Kóreu með aðsetri í Peking.
Borgarstjóri skilar rúmlega 900 símaskrám af skrifstofum borgarinnar
V erða notað-
ar til upp-
græðslu lands
INGIBJÖRG Sólrún Gísladóttir
borgarstjóri skilaði hátt í tveimur
tonnum af gömlum símaskrám úr
Ráðhúsinu og öðrum borgarstofn-
unum við táknræna athöfn sem
haldin var við Landssímahúsið á
Austurvelli í gær. Með þessu vill
Reykjavíkurborg sýna gott for-
dæmi og starfa í samræmi við um-
hverfisverkefnið Skil 21, en síma-
skrárnar verða í framhaldinu
notaðar til uppgræðslu lands í stað
þess að verða að sorpi.
Þórarinn V. Þórarinsson, for-
stjóri Landssímans, veitti síma-
skránum viðtöku og aðstoðaði
borgarstjóra við að kasta þeim í
gám en fram kom í stuttri tölu
Ingibjargar að símaskrárnar væru
i-úmlega 900 talsins. Sagðist hún
vona að þessi pappír yrði síðar
meir að gróðri í landnámi Ingólfs
hér í Reykjavík eins og verkefnið
Skil 21 gerði ráð fyrir.
Þórarinn notaði tækifærið til að
hvetja fólk til að skila gömlu síma-
skránni inn þegar það sækir þá
nýju en hann sagði að það væri
hluti af umhverfisstefnu fyrirtæk-
isins að taka við gömlum síma-
skrám og tryggja að þær nýtist til
uppgræðslu lands í stað þess að
verða að sorpi.
„Við lítum raunar svo á að sóma-
samleg umgengni um umhverfið sé
þáttur í okkar menningu, þannig að
þetta sé líka hluti af menningar-
borgarátaki borgarinnar,“ sagði
Þórarinn. Undir þau orð tók Skúli
Helgason, framkvæmdastjóri inn-
lendra verkefna hjá Reykjavík -
Menningarborg Evrópu árið 2000,
og sagði það sérstakt fagnaðarefni
að fánýtir hlutir eins og gamlar
símaskrár fengju hagnýtt gildi með
þessum hætti.
Búinn til grautur úr tættum
simaskrám og svínamykju
Tekið er við gömlum símaskrám
á skrifstofum Landssímans og á
bensínstöðvum Skeljungs en þaðan
eru þær fluttar í móttökustöð
Gámaþjónustunnar hf. í Berghellu
í Kapelluhrauni vestan við Hafnar-
fjörð. Þar eru þær tættar niður og
síðan sendar á stefnumót við efni
af gagnstæðum pól, þ.e. svína-
mykju frá svínabúinu að Brautar-
holti sem einnig er þátttakandi í
Skil 21 og skilar blautum og köfn-
unarefnisríkum úrgangi frá svína-
búinu inn í verkefnið. Svínamykj-
unni er blandað saman við tætta
símaskrána þannig að úr verði
nokkuð þykkur grautur.
I kjölfarið er grautnum blandað
saman við timburkurl sem kemur
úr trébrettum sem tætt hafa verið
niður og eru framlag Eimskips til
Morgunblaðið/Porkell
Ingibjörg Sólrún Gísladóttir borgarstjóri og Þórarinn V. Þórarinsson,
forstjóri Landssímans, koma símaskrám borgarinnar fyrir í gámi.
Morgunblaðið/Golli
Tættar símaskrár hrærðar saman við svínamykju.
umhverfisverkefnisins. Virkar
timburúrgangurinn sem stoðefni í
vinnslunni. Þessi blanda er tilbúin í
jarðgerð en að 10-12 vikum liðnum
er massinn orðinn að stöðugu
moldarkenndu efni, moltu, sem er
fyrirtaksefni til landgræðslu sem
áburður og jarðvegsbætir.
Límtré kaupir hlut
KB í Vírneti hf.
LÍMTRÉ hf. á Flúðum hefur keypt
hlut Kaupfélags Borgfirðinga í
Vínieti hf. í Borgarnesi, en félagið
átti 50% hlutafjár. Guðsteinn Ein-
arsson kaupfélagsstjóri segir að sal-
an á hlutafé Kaupfélagsins í fyrir-
tækinu sé liður í því að bæta
lausafjárstöðu félagsins, en hún hafi
verið slæm.
Kaupfélag Borgfirðinga hefur
verið hluthafi í Vírneti frá stofnun
fyrirtækisins árið 1956. Það er hins
vegar stutt síðan Kaupfélagið eign-
aðist meirihluta í fyrirtækinu. Við-
ræður stóðu í vetur um kaup Lím-
trés á hlut Kaupfélagsins, en þær
töfðust vegna utan að komandi
ástæðna, að því er Guðsteinn segir.
Hann segir að söluverðið sé trúnað-
armál, en það sé vel viðunandi að
mati Kaupfélagsins. Guðsteinn segir
að rekstur Vírnets hafi gengið mjög
vel undanfarin ár og rekstur á þessu
ári sé yfir rekstraráætlun. Söluverð-
ið taki mið af þessu.
Guðmundur Ósvaldsson, fram-
kvæmdastjóri Límtrés, segir að auk
hlutar Kaupfélagsins hafi Límtré
keypt hlut Guðsteins Einarssonar í
Vírneti. Límtré eigi því nú tæplega
60% hlutafjár í fyrirtækinu. Hann
segir að Vírnet sé mjög gott fyrir-
tæki og því góður fjárfestingarkost-
ur. Það sé að hluta í sama geira og
Límtré og þess vegna sé hægt að ná
fram samlegðaráhrifum, m.a. í inn-
kaupum. Guðmundur segir að engin
áform séu uppi um að gera breyt-
ingar á rekstri Vírnets. Áhugi sé á
að auka starfsemi fyrirtækisins
frekar en hitt. Engin áform séu uppi
um að sameina Límtré og Vírnet.
Könnun Þjóðhagsstofnunar á atvinnuástandi í aprfl 2000
Mikil eftirspurn eftir vinnu-
afli á höfuðborgarsvæðinu
ÆSKILEG fjölgun starfsfólks á
höfuðborgarsvæðinu hefur ekki
mælst meiri í aprílmánuði. Sam-
kvæmt könnun Þjóðhagsstofnunar
á atvinnuástandi í apríl fjölgaði
starfsfólki á höfuðborgarsvæðinu
um 920, sem jafngildir 1,6% af
vinnuaflinu þar. A landsbyggðinni
dró úr eftirspurn eftir vinnuafli og
er hún í sögulegu lágmarki.
Eftirspurnin er áberandi mest í
byggingarstarfsemi á höfuðborgar-
svæðinu og í ýmiss konar þjónustu
við atvinnurekstur, eða um 4,7%,
og í samgöngum, eða um 3,2%. Eft-
irspum reyndist einnig mikil í
verslun og veitingarekstri, eða um
1%.
í atvinnukönnunum í aprílmán-
uði síðustu ára var eftirspurnin
0,2% árið 1998 og 0,7% árið 1999.
Ljóst er að eftirspurn eftir vinnu-
afli hefur farið vaxandi með ár-
unum og mun hún halda áfram að
verða mikil á höfuðborgarsvæðinu
a.m.k. fram á haustmánuði.
Eftirspurn í sögulegu
lágmarki á landsbyggðinni
Á landsbyggðinni dró úr eftir-
spurn eftir vinnuafli og töldu at-
vinnurekendur æskilegt að fækka
fólki um rúmlega 320 eða um 1,0%
af vinnuaflinu þar. Eftirspurnin
hefur ekki mælst minni í apríl frá
því að mælingar Þjóðhagsstofnun-
ar hófust á árinu 1985. Eftirspurn
eftir vinnuafli fer minnkandi í ílest-
um atvinnugreinum, mest þó í fisk-
iðnaði og í byggingarstarfsemi, eða
um 2,9% og 1,9%. í ýmiss konar
þjónustustarfsemi nam fækkunin
1,1% og í verslun og veitingahúsa-
rekstri nam fækkunin um 0,6%.
Óskir um fjölgun starfsfólks komu
einkum fram í öðrum iðnaði. í
aprílkönnuninni árin 1998 og 1999
var vilji til að fjölga starfsmönnum
enginn á landsbyggðinni. Sam-
kvæmt könnuninni mun eftirspum
eftir vinnuafli aukast á næstu
þremur mánuðum, en.minnka aftur
á haustmánuðum.
í apríl töldu atvinnurekendur á
landinu öllu æskilegt að fjölga
starfsfólki um tæplega 600, sem er
tæplega 0,7% af áætluðu vinnuafli.
Þetta er meiri eftirspurn eftir
vinnuafli en á sama tíma í fyrra og
mun meiri en í apríl árið 1998.
Fjöldi fyrirtækja í könnuninni er
um 330. Þau eru í öllum atvinnu-
greinum, nema landbúnaði, fisk-
veiðum og opinberri þjónustu.
Sjúkrahús eru þó með í könnun-
inni. Svör bárust frá 290 fyrirtækj-
um og 278 fyrirtæki eru með í pör-
uðum niðurstöðum. Umsvif þessara
fyrirtækja eru um 44,0% af þeirri
atvinnustarfsemi sem könnunin
nær til, en hún spannar um 70% af
allri atvinnustarfsemi í landinu.
Morgunblaðið/Sigurgeir
"lkT *
Nyr
hattur
áflug-
turninn
Vestinannaeyjum. Morgnnblaðið.
UNNIÐ er að endurbótum á
flugturninum í Vestmannaeyj-
um, m.a. hefur turninn allur
verið klæddur að utan auk þess
sem nýr hattur hefur verið
smíðaður á hann. Nýi hatturinn
er 25 fermetrar að gólffleti en
sá gamli var 16 fermetrar.
A næstu dögum verður skipt
um toppstykkið en það mun
ekki hafa truflandi áhrif á flug-
umferð þar sem gamli hattur-
inn verður hífður af í heilu lagi,
án tækja, og þeim nýja komið
fyrir samdægurs. Verktakar
við þessar breytingar hafa ver-
ið Skipalyftan í Vestmannaeyj-
um, sem smíðaði gi'indina, og
Drangur ehf., sem sér um inn-
réttingar og glerjun auk þess
að hafa endurnýjað klæðning-
una á turninn, að sögn Krist-
jáns Eggertssonar.
Gert er ráð fyrir að þessar
framkvæmdir kosti um 10
milljónir króna.