Morgunblaðið - 25.07.2000, Side 10
10 ÞRIÐJUDAGUR 25. JÚLÍ 2000
MORGUNBLAÐIÐ
FRÉTTIR
Hækkanir vátryggingafélaga á ökutækjatryggingum
Ekki kemur til aðgerða af
hálfu Fjármálaeftirlitsins
FJÁRMÁLAEFTIRLITIÐ mun
ekki grípa til aðgerða vegna þeirra
hækkana á ökutækjatryggingum
sem vátryggingafélögin tilkynntu
nýverið um. Telur eftirlitið að þó að
fjárhagsstaða stóru vátryggingafé-
laganna sé sterk og fé hafi losnað úr
tjónaskuld fyrri ára hafi félögin sýnt
fram á aukinn tjónakostnað og óstöð-
ugleika í greininni. Fjármálaeftirlitið
hafi þess vegna ekki forsendur til
þess að grípa til aðgerða nú á grund-
velli þess að iðgjöld séu ósanngjöm í
garð vátryggingataka, sbr. 2. mgr.
55. gr. laga nr. 60 frá 1994.
Fram kemur í yfirlýsingu sem
Fjármálaeftirlitið sendi frá sér í gær
að hafa beri í huga að vátrygginga-
félögin starfi á samkeppnismarkaði
og að félög sem keppi á vátrygginga-
markaði eigi að hafa talsvert svigrúm
til iðgjaldaákvarðana.
Segir enn fremur að vátrygginga-
félögin hafi almennt bætt rökstuðn-
ing fyrir iðgjaldahækkunum gagn-
vart viðskiptamönnum sínum og með
því orðið við tilmælum Fjármálaeft-
irlitsins. Stóru innlendu vátrygg-
ingafélögin hafi sent frá sér ítarlegar
greinargerðir um forsendur
iðgjaldabreytinga, birt greinargerðir
á heimasíðum sínum og skrifað við-
skiptamönnum sérstök bréf. Þessi
vinnubrögð séu mikilsverður áfangi í
bættri upplýsingagjöf.
Það er hins vegar mat eftirlitsins
að nauðsynlegt sé að vátryggingafé-
lögin haldi áfram á þeirri braut að
bæta upplýsingagjöf til neytenda og
að brýnt sé að hvert vátryggingafé-
lag taki forsendur iðgjaldaákvarðana
sinna til endurskoðunar um leið og
frekari reynsla er fengin. Þeim beri
að fylgjast vel með þróun í greininni
og bregðast við henni með iðgjalda-
breytingum, til hækkunar eða lækk-
unar ef tilefni er til.
Unnið að athugun á
framkvæmd bónusreglna
Kemur fram í yfirlýsingu Fjár-
málaeftirlitsins að það muni fylgjast
náið með þróun greinarinnar á næstu
mánuðum og að það leggi áfram
áherslu á aukið gagnsæi í starfsemi
vátryggingafélaganna. Enn fremur
að Fjármálaeftirlitið vinni í tengslum
við þetta mál að athugun á fram-
kvæmd bónusreglna og mögulegri
endurskoðun vátryggingaskilmála
lögboðinna ökutækjatrygginga varð-
andi gildistöku og endumýjun.
Fjármálaeftirlitið vekur loks at-
hygli á því að þeir viðskiptavinir sem
eru með gjalddaga í ökutækjatrygg-
ingum þann 1. ágúst næstkomandi
geti sagt upp vátryggingasamning-
um sínum fram að endumýjun vegna
þess hve seint félögin komu fram
með umræddar hækkanir. Vegna
þess hve seint hækkanimar komu
fram séu vátryggingatakar ekki
bundnir af fyrfrmælum skilmála um
að segja upp samningi 30 dögum fyr-
ir gjalddaga. Telur stofnunin að
tryggingafélögum hafi borið að gera
viðskiptavinum sínum grein fyi-ir
þessu og gerir athugasemd við að til-
tekin félög létu þessa ekki getið í til-
kynningu til viðskiptavina.
Bruni í
Njörva-
sundi
TVEIMUR var bjargað út úr
risíbúð í húsi við Njörvasund
37 aðfaranótt sunnudags en
íbúðin var þá orðin full af
reyk. Kviknað hafði í eldavél
á jarðhæð en sú íbúð var
mannlaus. íbúi í kjallara
hússins varð eldsins fyrstur
var og vakti mann á efri hæð.
Sá vaknaði svo illa að hann
réðst á unga manninn og síð-
an á slökkviliðsmenn og lög-
reglu og varð að fjarlægja
hann af staðnum.
Greiðlega gekk að slökkva
eldinn og sömuleiðis að ná
mönnunum út.
Alls voru fjórir íbúar inni í
húsinu þegar eldsins varð
vart en tveir komust út af
sjálfsdáðum. Talsverðar
skemmdfr urðu á íbúðinni á
fyrstu hæð vegna elds og
reyks.
Morgunblaðið/Pétur Ingi Bjömsson
Sigríður Sigurðardóttir, safnstjóri Glaumbæ, Sigurður Jdnsson á Reyni-
stað, Rut Ingdlfsddttir og Björn Bjarnason menntamálaráðherra.
Morgunblaðið/Pétur Ingi Bjömsson
Margir lögðu leið sína að nýja húsinu við Reynistað sem vígt var á
sunnudaginn var.
Gamli bærinn á Reynistað í gagnið á ný
EFTIR endurbætur og lagfæringar á gamla
bænum á Reynistað í Skagafirði hefur hann
nú verið tekinn í notkun á ný. Var það gert
við athöfn síðastliðinn sunnudag og var Björn
Bjarnason menntamálaráðherra viðstaddur.
Húsið er eitt af örfáum stafverkshúsum frá
18. öld og stendur enn og erþað heillegasta
að sögn Sigríðar Siguðarddttur, safnstjdra í
Glaumbæ.
Að lagfæringunum hafa staðið Þjdð-
minjasafnið og Byggðasafnið í Glaumbæ og
styrkti menntamálaráðuneytið verkið einnig.
Bæjardyrahúsið verður notað til að vekja at-
hygli á sögu Reynistaðar en húsið stendur
skammt frá kirkjunni.
Kæra veiðifélaga við Breiðafjörð á hendur Hvurslaxi og Stofnfíski
Telja hverfandi hættu
á að lífríkið skaðist
Borgarstjóri við-
staddur verðlauna-
afhendingu í Paimpol
Besta
verð-
launuð
SÉRSTÖK verðlaun féllu í skaut
Baldvini Björgvinssyni og áhöfn
hans á seglskútunni Bestu þegar
verðlaunaafhending fyrir siglinga-
keppnina Skippers d’Islande fór
fram í Paimpol í Frakklandi á
sunnudag. Var áhöfnin verðlaunuð
fyrir að hafa verið fyrst í mark,
bæði í Reykjavík og í Paimpol, fyr-
ir besta samanlagðan árangur í
keppninni og fyrir að hafa sett
hraðamet á leiðinni Reykjavík -
Paimpol. Eins og fram hefur kom-
ið varð íslenska áhöfnin í 7. - 9.
sæti keppninnar, eftir að reiknað
hafði verið með forgjöf sem er
mismunandi eftir skútutegundum.
Engu að síður er árangur Islend-
inganna glæsilegur og hefur vakið
mikla athygli.
Minnir á tengsl
Islendinga og Frakka
Ingibjörg Sólrún Gísladóttir,
borgarstjóri Reykjavíkur, var við-
stödd athöfnina ásamt bæjarstjór-
um bæjanna Paimpol og Grav’l-
inga. Var fjöldi manns viðstaddur,
en verðlaunaafhendingin fór fram í
klaustri frá 13. öld. Flutti Ingi-
björg Sólrún ræðu á frönsku, þar
sem hún lýsti meðal annars tengsl-
um þjóðanna og minntist á örnefni
hér á landi sem bæru merki um
veru Frakka hér; Frakkastíg,
franska spítalann o.fl. Einnig flutti
Jón Skaptason, formaður Brokeyj-
ar, siglingafélags Reykjavíkur,
ávarp. Afhenti hann formanni sigl-
ingafélagsins í Paimpol fána Brok-
eyjar og þakkaði jafnframt
íslensku áhöfninni sem hann sagði
vera fyrstu áhöfnina til að koma
íslendingum á kortið í alþjóðlegri
siglingakeppni yfir haf.
Keppnin hefur vakið mikla at-
hygli ytra og áhugi er á að hún
verði reglulegur viðburður, byggð-
ur á sögulegum tengslum íslend-
inga og Frakka. Mörg viðtöl og
myndir hafa birst af íslensku
áhöfninni í frönskum fjölmiðlum,
m.a. í franska sjónvarpinu, Ouest,
Le Telegram og í siglingatímarit-
inu Volle.
Verðlaunagripur þeirra Bestu-
manna, listaverk af skútu, merkt
keppnisleiðinni, verður til sýnis í
félagsheimili Siglingafélags
Reykjavíkur og hjá Besta í Kópa-
vogi.
NÍU veiðifélög við Breiðafjörð
kærðu Hvurslax ehf. og Stofnfisk
hf. í upphafi mánaðarins fyrir ólög-
legan flutning á regnbogasilungi
frá Suðurlandi vestur í Hrauns-
fjörð. í kærunni var einnig fullyrt
að mörg tonn af regnbogasilungi
hefðu sloppið er eldiskvíar brustu.
Veiðiréttareigendur segja háttsemi
fyrirtækjanna geta valdið óbætan-
legum skaða á h'fríki og náttúruleg-
um fiskistofnum ánna. Þeir fóru
jafnframt fram á að lögreglan hæfí
rannsókn á meintum brotum fyrir-
tækjanna. Forsvarsmenn fyrirtækj-
anna vísa þessari gagnrýni á bug.
Öll nauðsynleg
leyfi til staðar
Birgir Guðmundsson, fram-
kvæmdastjóri Hvurslax ehf. segir
að kærur veiðiréttarhafa eigi ekki
við rök að styðjast. Hvurslax hafi
öll nauðsynleg leyfi til rekstursins.
Fullyrðing veiðifélaganna um að
mörg tonn af eldisfiski hafi sloppið
þegar kvíar brustu sé einnig röng.
í fyrra hafi þó orðið það óhapp við
slátrun á regnbogasilungi að hálft
tonn af fiski hafi sloppið út. Birgir
segir það vissulega slæmt þegar
fiskur sleppur. Hinsvegar sé það
lán í óláni að það hafi einmitt verið
regnbogasilungur sem hafi sloppið
því regnbogasilungur getur ekki
fjölgað sér hér við land. Birgir seg-
ir veiðiréttarhafana lengi haft horn
í síðu fyrirtækisins og vilji í raun
losna með öllu við fiskeldisstöðina.
Þetta sé ekki í fyrsta skipti sem
veiðifélögin kæra Hvurslax. Birgir
segir að kærurnar hafi aldrei náð
fram að ganga. „Það er alveg sama
hvað við myndum gera við myndum
alltaf fá kærur á okkur,“ segir
Birgir.
Furðulegar yfirlýsingar
Regnbogasilungurinn sem var al-
inn í Hraunsfirði kom frá eldis-
stöðvum Stofnfisks hf. á Suður-
landi.
Vigfús Jóhannsson framkvæmda-
stjóri Stofnfisks segir að kæra
veiðifélaganna komi sér á óvart.
Með því að senda kæruna til fjöl-
miðla og án þess að kynna sér mál-
ið hjá rekstraraðilum hljóti að vaka
fyrir veiðifélögunum að gera fisk-
eldisstöðina í Hraunsfirði tor-
tryggilega. Vigfús segir að þær
upplýsingar sem hann hafi bendi til
þess að Hvurslax hafi öll nauðsyn-
leg leyfi til eldis og flutningur á
regnbogasilungnum því fullkomlega
löglegur. Flutningurinn hafi verið í
tilraunaskyni og í samráði við dýra-
lækni fisksjúkdóma og veiðimála-
stjóra. „Það er furðulegt að heyra
þessar yfirlýsingar gagnvart regn-
bogasilungnum. Þetta er sárasak-
laus tegund," segir Vigfús. Búast
megi við að flestir fiskanna sem
sluppu hafi drepist og útilokað sé
að þeir valdi einhverjum varanleg-
um skaða á lífríki ánna.
Gísli Jónsson dýralæknir fisk-
sjúkdóma skoðaði regnbogasilung-
inn sem var fluttur í Hraunsfjörð-
inn. „Þetta var fiskur sem var
heilbrigður og eðlilegur á allan
hátt,“ segir Gísli. Ef það sé rétt að
um hálft tonn af regnbogasilungi
hafi sloppið út sé hættan á skaða
fyrir lífríki eða náttúrulega veiði-
stofna hverfandi. Regnbogasilung-
ur eigi ákaflega erfitt með tímgun í
villtri náttúru hér á landi. Hitastig í
ám og vötnum sé einfaldlega of
lágt. „Hann þarf mjög sérstakar
aðstæður til. Hann jafnvel fjölgar
sér ekki í villtri náttúru í Dan-
mörku þar sem árhiti er miklu
hærri en hér,“ segir Gísli. Ómögu-
legt sé að regnbogasilungur og
laxastofnar blandist. Eini hugsan-
legi skaðinn sem geti orðið sé ef lít-
ið er um fæði í ánum. Þá sé hugs-
anlegt að regnbogasilungurinn éti
laxaseiði. Hann segir þó ákaflega
ólíklegt að slíkt valdi tjóni á veiði-
stofnum í ám. Aðalfæða regnboga-
silungs séu flugur og ýmis gróður.
„Ég get ekki ímyndað mér að þetta
hafi dregið úr stangveiði í ánum,“
segir Gísli.
Ekki náðist í veiðimálastjóra í
gær.