Fréttablaðið - 03.05.2001, Síða 2

KJÖRKASSINN
BENSÍNSTÖÐ f
REYKJAVÍK
Netverjar nær allir fylgj-
andi rannsókn á verð-
hækkunum olíufélaga
Á Samkeppnisstofnun að rann'
saka starfsemi olíufélaganna
vegna bensínverðshækkana?
Niðurstöður gærdagsins
á www.visir.is
Já 92% I
■ Nei 8%
Spurning dagsins í dag:
Á að sækja um aðild að ESB?
Farðu inn á vlsi.is og segðu I
þína skoðun I
_______________ flfllilft
KANSLARINN MEÐ BJÖLLUNA
Gerhard Schröder Þýskalandskanslari
hringir til fyrsta fundar þýsku ríkisstjórnar-
innar í nýju kanslarahöllinni í Berlín.
Gunter Pleuger aðstoðarutanríkisráðherra
fylgist brosandi með.
Umdeild
kanslarahöll
tekin í notkun
BERLÍN, ap Stór og glæsileg bygging
undir kanslaraembættið og ríkis-
stjórnina í Þýskalandi var tekin í
notkun í gær, en byggingin hefur ver-
ið mjög umdeild og þykir mörgum
hún vera einum of íburðarmikil. Ger-
hard Schröder kanslari sá a.m.k.
ástæðu til að taka fram að þessi
bygging veröi ekki vettvangur fyrir
tilkomumiklar athafnir. Schröder tók
bygginguna í arf frá forvera sínum í
embætti og pólitískum andstæðing,
Helmut Kohl, sem lét hanna hana að
sínum smekk.
Glæsibyggingin hefur vakið upp
gamlar deilur um hlutverk Þýska-
lands í Evrópu og staðsetningu höf-
uðborgarinnar, sem var flutt frá
Bonn til Berlínar eftir sameiningu
Austur- og Vestur-Þýskalands fyrir
áratug. Nú þegar þessi bygging hefur
verið tekin í notkun er flutningi
stjórnstofnana þýska ríkisins til
Berlínar lokið.
Við opnunarathöfnina var þess
gætt að leika ekki þjóðsönginn, held-
ur var herlúðrasveit fengin til þess
að leika boogie-woogie. ■
—♦—
Fjórir í gæslu:
Lögregla
leitar fimmta
mannsins
SKOTÁRÁs. Lögregla krafðist í gær
gæsluvarðhalds yfir fjórða mannin-
um í tengslum við rannsókn skotárás-
arinnar í Breiðholti á sunnudags-
kvöld. Handtaka fimmta mannsins er
í undirbúningi.
Mennirnir fjórir, sem eru allir á
þrítugsaldri tilheyra sama hópnum,
en hleypt var úr 22 cal. sjálfvirkri
skammbyssu á tvo bíla í átökum
tveggja hópa við ÍR-svæðið við
Skógasel.
Allir hafa þeir komið við sögu
fíkniefnamála og annarra mála hjá
lögreglu. Einn þeirra hleypti úr
skammbyssunni, að sögn lögreglu.
Lögregla vísar á bug fréttum um
að skotárásin tengist tilraunum til að
innheimta fíkniefnaskuld. Hins veg-
ar liggur fyrir að mennirnir tengjast
fíkniefnaheiminum og vopnaburður
er þekktur fylgifiskur langvarandi
fíkniefnaneyslu og þess ofsóknaræð-
is sem er fylgifiskur hennar. ■
2 FRÉTTABLAÐIÐ
3. maí 2001 FIMMTUDAGUR
Áætlaður hagnaður á fjórða milljarð króna:
Tekjur Baugs 115 milljarðar
verslun. Baugur er að verða
langstærsta fyrirtæki landsins fyrr
og síðar því áætlanir gera ráð fyrir
að velta fyrirtækisins og hlutur þess
í veltu hlutdeildar- og dótturfélögum
erlendis nemi um 115 milljörðum
króna á þessu ári. Gert er ráð fyrir að
hagnaður Baugsveldisins nemi alls á
fjórða milljarð króna og að eigið fé
þess vaxi í 14 til 16 milljarða.
Að sögn Jóns Ásgeirs Jóhannes-
sonar, forstjóra Baugs, hefur fjár-
festing félagsins í breska fata- og
skóverslunarfyrirtækinu Arcadia
reynst vera mikið heillaspor og hann
er einnig bjartsýnn á framtíð banda-
ríska smásölufyrirtækisins Bill’s
Dollar Stores sem Baugur á nú meir-
ihluta í.
Þegar Baugur ásamt öðrum fjár-
festum hóf kaup í Arcadia í janúar á
þessu ári stóð gengi hlutabréfa
Arcadia í 38 pensum en hefur nú
hækað í 2,54 pund. Baugur keypti
20% í Arcadia ásamt öðrum fjárfest-
um og hefur átt kauprétt á fyrirfram
ákveðnu gengi að hlut þessara fjár-
festa. Baugur mun leysa hlut hinna
fjárfestanna til sín enda hafa hluthaf-
ar Baugs samþykkt hlutafjáraukn-
ingu í því skyni. Við þau kaup inn-
leysir Baugur mikinn hagnað sem ýta
mun heildarhagnaði Baugs á þessu
ári vel inn á fjórða milljarðinn.
LANGSTÆRSTA FYRIRTÆKIÐ
Fjárfestingin í Arcadia hefur reynst mikið
heillaspor og Baugur er nú orðið
langstærsta fyrirtæki landsins.
Úrvalsvísitala:
Stórfyrir-
tæki lækka
hlutabréf Gengi hlutabréfa nokk-
urra stórfyrirtækja á Verðbréfa-
þingi íslands tók snarpa dýfu í
gær. Flugleiðir lækkuðu um 9,8%
en Eimskip um 8,94%. Þá lækkaði
gengi Landsbankans um 9,32% og
gengi Nýherja um 10,53%.
Urvalsvísitala VÞÍ lækkaði í
gær um 4,62%, niður í 1.086 stig
og hefur hún nú lækkað um 16,8%
frá áramótum. Samkvæmt Kaup-
þingi stóð úrvalsvísitalan síðast í
1.086 stigum um miðjan desember
1998. ■
DOLLAR OG PUND ALDREI HÆRRA SKRÁÐ
„Við bindum því vonir við gengið hækki aftur og það fyrr en síðar," segir Wlár Guðmundsson. Auk gengishrunsins lækkaði úrvalsvísitalan mikið í gær og hefur ekki verið lægri síðan 1998.
Már Guðmundsson, aðalhagfræðingur Seðlabankans:
Gengishrunið er yfirskot
efnahacsmál „Við vonum að þetta sé
yfirskot," segir Már Guðmundsson
um gengisfall krónunnar á markaði í
gær en gengið féll um 6,2% í gær og
hefur ekki fallið meira á einum degi
frá 1993 og hefur ekki verið lægra
síðan 1984. Gjaldeyrir fyrir 36,3 mill-
jarða var keyptur í gær og er það
met. í lok dagsins var gengi dollarans
102,3 krónur og hefur ekki verið
hærra. Gengi pundsins var 146,9
krónur, einnig það hæsta sem skráð
hefur verið. Gengið hefur fallið um
16,5% frá áramótum. Þegar markað-
urinn lokaði í gær greindi Búnaðar-
bankinn frá því að nánast enginn vildi
lengur kaupa krónur fyrir dollara.
„Viðskiptahallinn hefur verið að
grafa undan krónunni undanfarna
mánuði og nú kemur sjómannaverk-
fallið til viðbótar en það dregur úr
útlflutningstekjunum og eykur á
svartsýni. Þá virðast aðilar á fjár-
magnsmarkaði telja verulegar líkur
frekari niðurskurði á aflaheimildum
á næsta fiskveiðiári," segir Már.
Að því er Már segir er íslenski
gjaldeyrismarkaðurinn fremur þunn-
ur og viðskiptavakar fáir. „Þeir ráða
ekki við þegar útstreymi krónunnar
er stöðugt og reyna þá að koma af sér
eignum í krónum. Þá gengur sami
milljarðurinn í hringi um markaðinn
og gengið lækkar í hverjum hring. Þá
hafa gjaldeyrismarkaðir tilhneigingu
til að skjóta yfir markið og það sýnist
okkur einmitt vera að gerast núna.
Lækkunin sé því meiri en langtíma
forsendur eru fyrir. Við bindum því
vonir við gengið hækki aftur og það
fyrr en síðar. En til þess þarf jákvæð-
ar fréttir á borð við það að sjómanna-
verkfalllinu ljúki“ segir hann.
Már segir að gangi lækkun krónun-
ar ekki fljótlega til baka geti það haft
áhrif á verðbólguna og þar með pen-
ingamálastefnu Seðlabankans á þann
hátt að vextir verði hærri en ella.
Almar Guðmundsson hjá íslands-
banka-FBA segir breytt markmið
Seðlabankans í efnahagsmálum frá
því að verja gengi krónunnar í það að
setja sér tiltekin verðbólgmarkmið
hafi orsakað það að gengið hafi lækk-
að. Menn hafi átt miklar eignir í
krónum sem þeir hafi verið að inn-
leysa tap í. Almar tekur í sama
streng og Már hvað varðar áhrif sjó-
mannaverkfalls og hugsanlega skerð-
ingu aflaheimilda og nefnir einnig
minnkandi streymi Iánsfjár til lands-
ins. „En við erum hóflega bjartsýnir
til lengri tíma litið,“ segir hann.
gar@frettabladid.is
Tillögum Bush misjafnlega tekið
Kína lýsir áhyggjum. Rússar leggja áherslu á fullt samráð. Joschka Fischer telur hættu á
vígbúnaðarkapphlaupi á heimsvísu en fagnar samráði um geimvarnaráætlun.
WASHINCTON, MOSKVfl, ap Yfirlýsingu
George W. Bush á þriðjudag um
auknar loftvarnir Bandaríkjanna
hefur verið tekið misjafnlega af
ríkjum heims. Flestir eru sammála
um að fara verði varlega í að hrófla
við varnarsáttmála Bandaríkjanna
og Rússlands frá 1972, en Bush
segir sáttmálann koma í veg fyrir
nauðsynlegar varnir. Talið er víst
að uppbygging kjarnavopna í ríkj-
um á borð við Norður-Kóreu, íran
og írak séu meginástæða ákvörð-
unar Bush.
Utanríkisráðherra Rússlands,
Igor Ivanov, þótti bregðast við á já-
kvæðan hátt, en hann lagði áherslu á
að fullt samráð yrði að hafa við Rúss-
land. Hjá öðrum rússneskum stjórn-
málamönnum heyrðust þó áhyggjur
þess efnis að fyrirhuguð varnarupp-
bygging gæti haft neikvæðar afleið-
ingar á START-sáttmála þjóðanna
frá 1991 og 1992 um fækkun kjarna-
odda.
Utanríkisráðherra Þýskalands,
Joschka Fischer, sagði að hann teldi
hættu á vígbúnaðarkapphlaupi á
heimsvísu vegna yfirlýsingarinnar,
en lýsti þó yfir ánægju með þá ætlun
Bush að ræða eldflaugavarnarhug-
myndir sínar við önnur ríki. „Til að
koma í veg fyrir heimsvígbúnaðar-
kapphlaup er nauðsynlegt að sýna
samstarfsvilja sem tekur einnig tillit
til hagsmuna Rússlands og Kína,“
sagði Fischer. Framkvæmdastjóri
Atlantshafsbandalagsins, Georg Ro-
bertson lávarður, tók í sama streng
og sagðist vonast til þess að Bush
IGOR IVANOV
„Rússland er tilbú-
ið til viðræðna og
hefur sitthvað til
málanna að legg-
ja," segir utanríkis-
ráðherra Rúss-
lands.
hefði viðræður við
bandalagið sem
fyrst, jafnvel í
næstu viku.
Kínverjar hafa
lýst yfir áhyggjum
yfir því að varnar-
hugmyndir Bush
muni í framtíðinni
ná einnig til Tæv-
an og Japan. Haft
var eftir singapúr-
ískum sérfræðingi
í málefnum Kína
að líklegt væri að
ríkið setti nú auk-
inn kraft í uppbyggingu kjarnorku-
vopna sína. Slíkt væri ekki til þess
fallið að stuðla að jafnvægi í heims-
álfunni. ■
Ofbeldi gegn
fjölmiðlafólki:
1000 drepnir
síðasta áratug
brussel. ap Á síðustu tíu árum hafa
fleiri en 1.000 blaðamenn verið
drepnir eða látið lífið við vinnu sína.
Ofbeldi gegn fjölmiðlafólki og valda-
tafl alþjóðlegra fjölmiðlasamsteypa
ógna frelsi fjölmiðla á nýrri öld, seg-
ir Alþjóðasamband blaðamanna. í
dag er alþjóðlegur dagur frjálsrar
fjölmiðlunar.
„Blaðamenn verða oft fyrir ógn-
unum og sjálfstæðir fjölmiðlar verða
fyrir ritskoðun. í mörgum hlutum
heimsins er fréttamennska afar
hættuleg atvinna," segir í yfirlýsingu
frá samtökunum. Þau hafa látið
kanna tíðni dauðsfalla hjá frétta-
mönnum og komist að þeirri niður-
stöðu að hingað til hafi dánartíðnin
verið vanmetin. ■