Fréttablaðið - 23.05.2001, Blaðsíða 11

MIÐVIKUDAGUR 23. maí 2001
FRÉTTABLAÐIÐ
11
Forðast mannamót
Heyrnarskert fólk einangrast félagslega vegna langs biðtíma hjá Heyrnar- og tal-
meinastöðinni. Ekkert laust hjá stöðinni fyrr en í október vegna skorts á fjármagni.
heyrn „Ég forðast mannamót sökum
þessa,“ sagði Eggert Konráðsson,
einn margra heyrnaskertra einstak-
linga sem beðið hafa í meira en ár eft-
ir því að fá heyrnartæki frá Heyrnar-
og talmeinastöð íslands. Eggert fór í
heyrnarpróf til stöðvarinnar þann 17.
maí í fyrra og hefur þurft að bíða síð-
an. Hann sagði að lítið hafi verið um
svör frá stöðinni þegar hann hafi
hringt til þess að athuga með fram-
gang mála, að honum hafi einfaldlega
verið sagt að bíða. Eggert sagði að til
að bæta gráu ofan á svart hafi hann
þurft að bíða í sex mánuði eftir því að
komast í upprunalegu skoðunina.
„Þetta eru því orðnir meira en 18
mánuðir sem ég hef þurft að bíða,“
sagði Eggert auðheyranlega þreyttur
á ástandinu.
Jóhannes Pálmason er stjórnar-
formaður Heyrnar- og talmeinastöðv-
ar íslands og segir hann að langan
biðtíma megi rekja til fjármagns-
skorts stöðvarinnar.
„Það er alveg ljóst að þetta er ekki
sú þróun sem að við hefðum viljað sjá
en þetta ræðst auðvitað af því fé sem
er til ráðstöfunar hverju sinni,“ sagði
Jóhannes og bætti því við að harma
skyldi langan biðlista en nú væri unn-
ið að því að stytta hann. Jóhannes
sagði að með tilkomu einkareknu
stöðvarinnar Heyrnartækni, sem
mun taka til starfa 13. júní n.k., kæmi
biðtími eftir heyrnartækjum væntan-
lega til með að styttast, en þó vonuðu
aðstandendur stöðvarinnar eftir því
að aukið fjármagn yrði til skiptanna í
fjárlögum næsta árs.
„Stöðin hefur verið svolítið út
undan en nú er vilji [í heilbrigðis-
ráðuneytinu] til þess að breyta þessu.
Ég vona að það takist og að betri tíð
sé framundan," sagði Jóhannes að
lokum. Hann gat þó ekki sagt til um
hvort „betri tíð“ væri fyrirsjáanleg á
þessu ári. Þegar blaðamaður Frétta-
UTLÆGUR
Eggert Konráðsson forðast mannamót sökum þess að hann er heyrnarskertur. Hann hefur
beðið í meira en 18 mánuði eftir því að fá heyrnartaeki, en í maí á síðasta ári var honum
sagt að hann þyrfti á heyrnartækjum í bæði eyru að halda.
blaðsins hringdi í Heyrnar- og tal-
meinastöðina í gær til þess að panta
tíma í heyrnarskoðun var honum tjáð
að laust væri þann 9. október... fram
að því þyrfti hann að bíða. Ekki náð-
ist í fulltrúa heilbrigðisráðuneytisins
í gær.
omarr@frettabladid.is
Ólöglegt verðsamráð
olíufyrtækja:
Málshöfðun
undirbúin
danmörk Danska samkeppnisstofnun-
in leitar nú logandi Ijósi eftir aðilum
sem tilbúnir væru til þess að bera
vitni fyrir rétti um meint ólöglegt
samráð dönsku olíufyrirtækjanna að
því er segir í dagblaðinu Berlingske
tidende. Shell í Danmörku hefur við-
urkennt að slíkt samráð hafi átt sér
stað og talsmenn Statoil segja að svo
kunni að hafa verið. Talsmenn fyrir-
tækjanna segja hins vegar að mörg
ár séu liðin síðan samráðinu var
hætt.
„Við viljum komast í samband við
fólk sem hefur tekið þátt í samráðinu
og sem vill bera vitni í réttarhöldum.
Við þurfum raunverulegar sannanir
um ólöglegt samráð áður en við get-
um höfðað mál,“ segir Niels Erik
Monrad, aðstoðarforstjóri stofnunar-
innar í samtali við blaðið. Samkeppn-
isstofnun hyggst rannsaka aðferðir
olíufyrirtækjanna í þaula. Ef í ljós
kemur að þau hafa haft samráð eftir
árið 1998, þegar ný samkeppnislög
tóku gildi í Danmörku, væri það brot
á lögum en sama gildir ekki um sam-
ráð fyrir þann tíma. Talsmenn fyrir-
tækjanna Q8 og Hydro Texaco hafa
vísað öllum ásökunum um verðsam-
ráð á bug. ■
| innlenFT"
Gísli Helgason var kosinn formað-
ur Bindrafélagsins á nýlegum
aðalfundi. Halldór Sævar Guðbergs-
son, sem verið hefur formaður sl.
tvö ár, gaf ekki kost á sér til endur-
kjörs. Nýja stjórn skipa, auk Gísla,
Ólafur Þór Jónsson varaformaður,
Jón Heiðar Daðason féhirðir, Pálmi
Stefánsson ritari og Friðgeir Jó-
hannesson meðstjórnandi.
Á blaðamannafundi I ráðhúsinu kom fram að konur eru i meirihluta í yfirstjórn borgarinnar, en á myndinni eru Wlargrét Lilja Guðmundsdóttir, sem vann að úttektinni,
Ingibjörg Sólrún Gísladóttir borgarstjóri og Hildur Jónsdóttir jafnréttisfulltrúi borgarinnar
Úttekt á jafnréttismálum Reykjavíkurborgar:
Verulega áunnist
í jafnréttismálunum
iafnréttismál Verulega hefur miðað í
jafnréttismálum Reykjavíkurborgar
frá því að jafnréttisáætlun 1996-2000
var samþykkt. Þetta er meðal þess
sem kemur fram í úttektarskýrslu
áætlunarinnar sem Margrét Lilja
Guðmundsdóttir hefur unnið og kynnt
var í gær. Konur eru 48% þeirra sem
sitja í nefndum og ráðum borgarinnar
ef bæði aðal- og varamenn eru taldir.
Auk þess eru konur í meirihluta í
æðstu yfirstjórn borgarinnar.
Ingibjörg Sólrún Gísladóttir, borg-
arstjóri segir mikilvægt að Reykja-
víkurborg sem næststærsti atvinnu-
rekandi á landinu sé leiðandi í mála-
flokknum og vinni markvisst að því
að jafnréttis sé gætt í hvívetna. Hún
sagði að í dagsins önn væri tilhneig-
ing til þess að telja það sem áunnist
hafi til sjálfsagðra hluta. Þess vegna
væri úttekt eins og þessi sem sýndi
verulegan árangur á tímabilinu, kær-
komin. Margrét Lilja Guðmundsdótt-
ir, félagsfræðingur, höfundur skýrsl-
unnar sagði að það hefði komið sér á
óvart hve mikil sátt væri um mála-
flokkinn. Sú sátt væri þverpólitísk.
Hún benti á að jafnréttismál sneru
ekki einungis að starfsmönnum borg-
arinnar, heldur ekki síður þeirra sem
nytu þjónustu hennar.
Hildur Jónsdóttir jafnréttisráð-
gjafi borgarinnar benti á að í Félags-
miðstöðvum unglinga hefði tekist vel,
með markvissum aðgerðum að höfða
til stúlkna. Þá væri hjá Borgarbóka-
safni unnið að því að fá fleiri karl-
menn til þess að nýta sér þjónustu
safnanna.
Borgarstjóri lét þess getið að þann
árangur sem náðst hefði með vinnu
jafnréttisfulltrúa mætti nýta á marg-
víslegan hátt. „Það er kannski kominn
tími til að við útvíkkum jafnréttishug-
takið og lítum bæði til aldurs og þjóð-
ernis.“ Hún benti á að hjá borginni
ynni fólk af 27 þjóðernum og mikil-
vægt að huga að því hvernig því fólki
reiddi af í lífi og starfi.
Hildur sagði að mikilvægt væri að
líta á þá vinnu sem unnin hefði verið
sem lærdómsferli og sú þekking sem
yrði til í ferlinu mætti tvímælalaust
nota í fjölmenningarstefnu borgar-
VIÐURKENNA
Nokkur dönsk olíufyrirtæki viðurkenna að
hafa haft verðsamráð um árabil.
Sáttatónn í Genealogia
Genealogia Islandorum hefur stöðvað framgöngu skaðabótamáls gegn ÍE og Friðriki Skúlasyni.
viðskipti Genealogia Islandorum (GI)
hefur farið fram á að vinnu mats-
manna, sem fyrirtækið sjálft bað um
að yrðu kvaddir til, í skaðabótamáli
fyrirtækisins gegn íslenskri erfða-
greiningu (ÍE) og
Friðriki Skúlasyni
ehf., verði skotið á
frest.
„Genealogia Is-
landorum hefur að
eigin frumkvæði
beðið um frest á
frekari vinnu við
pÉtursson málið og fundahöld-
Bað um að mats- um matsmanna með
menn I skaða- lögmonnum málsað-
bótamáli tækju ila, þar til öðruvísi
sér vinnuhlé. kann að verða
ákveðið," segir Tryggvi Pétursson,
stjórnarformaður GI en er að öðru
leyti þögull. Ósk GI mun hafa gengið
eftir og hefur verið gert hlé á funda-
höldum lögmanna málsaðilanna.
Tryggvi skýrir ekki
orsök beiðnarinnar nán-
ar en allt bendir til þess
að GI freisti þess nú að
ná samningum við ÍE og
Friðrik Skúlason í stað
þess að halda til streitu
293 milljóna króna bóta-
kröfu sem fyrirtækið
hafði sett fram ásamt
Þorsteini Jónssyni ætt-
fræðingi vegna meintr-
ar ólöglegrar notkunar
á ættfræðiverkum Þor-
HELSTU HLUTHAFAR
Nokkrir helstu hluthafar
Ceneatogia Islandorum
■ Tryggvi Pétursson
■ Þorsteinn Jónsson
■ Urður Verðandi Skuld
■ Burðarás
■ Sjóvá-Almennar
■ Skeljungur
■ Baugur
■ Mats Vibe Lund
steins. Hluthafafundur í GI verður á
föstudaginn og þá mun verða skýrt
frá afleitri afkomu fyrirtækisins í
fyrra og það sem af er þessu ári. Eft-
ir því semjiæst verður komist mun
— tapið nema hundruðum
milljóna króna enda
hefur fyrirtækið haft
mikið umleikis þó tekj-
urnar hafi nær alger-
lega látið á sér standa.
T.d. mun útgáfa ætt-
fræðirita á grundvelli
gagna sem Þorsteinn
Jónsson lagði til fyrir-
tækisins og metnar
voru til 125 milljóna
króna hafa verið langt-
um minni en reiknað
var með. Þá brást sala á upplýsingum
úr þessum ættfræðigrunni til líf-
tæknifyrirtækisins Urðar Verðandi
Skuldar því fyrirtækið taldi gögnin
ekki nothæf í sínum rekstri.
Um 50 manns störfuðu í fyrra hjá
GI þegar mest var en stór hluti
starfsmannanna hvarf frá fyrirtæk-
inu þegar JPV forlag yfirgaf skútuna
um áramótin. Um 30 starfsmenn voru
hjá GI þar til í síðustu viku að allir
voru sendir heim. Stór hluti þeirra
starfsmanna vann við ættfræðiritin
en hluti starfsmannanna vann við
myndasafn hins þjóðkunna ljósmynd-
ara Mats Vibe Lund, en hann mun að
hluta til hafa fengið greitt fyrir safn-
ið með hlutabréfum í GI.
gar@frettabladid.is
LÖGEGLUFRÉTIR
Að sögn lögreglunnar á Eskifirði
urðu tvö vinnuslys fyrir austan í
gær. Einn maður keyrði út af vegi á
f jórhjóli og fótbrotnaði. Hann var að
vinna við raflínulögn hjá rafveitunni
og var fluttur með flugi suður. Ann-
ar maður datt á jafnsléttu en lenti
illa og fótbrotnaði. Hann var einnig
fluttur suður með flugi.
Sérpöntum eftlrfarandi:
* Bremsumótora
* 2ja hraöa mótora
* ein- og 3ja fasa rafala
Sever notar eingöngu
SKF eöa FAG legur!
Eigum til á lager margar stæröir og geröir af ein- og
3ja fasa rafmótorum á mjög hagstæðu veröi.
Dæmi um verö á einfasa rafmótor meö fót:
0,25 kW 1500 sn/min IP-55 kr. 6657 + vsk
Sever rafmótorar
► *
v
Vökvatæki ehf
Bygggöröum 5,170 Seltjamamesi
SÍmi 561-2209 Fax 561-2226
Veffang www.vokvataeki.is
Netfang vt@vokvataeki.is