Fréttablaðið - 13.07.2001, Side 7
FÖSTUDAGUR 13. júlí 2001
FRETTABLAÐIÐ
7
HÆSTIRÉTTUR
Aðstandendur óttast frekari árásir mannsins gangi hann laus.
RANIA JÓRDANÍUDROTTNING
Heiðursdoktor í lögum.
England:
Islandsvinur
heiðraður
exceter. ap. Rania Jórdaníudrottn-
ing var sæmd doktornafbót í lög-
um frá Exeter-háskóla í gær. Rania
fékk nafnbótina fyrir hlut sinn í
eflingu tengsla Jórdaníu við Evr-
ópu og stuðningi sínum og vinnu í
þágu þróunarverkefna kvenna. ■
Réðist á móður sína:
Gæsluvarð-
hald staðfest
hæstiréttur Hæstiréttur hefur stað-
fest þriggja vikna gæsluvarðhalds-
úrskurð Héraðsdóms Reykjaness
yfir manni sem hefur játað að hafa
ráðist á móður sína með skærum og
veitt henni áverka á hálsi. Héraðs-
dómur hafði úrskurðað manninn í
gæsluvarðhald til 27. júlí og gert
honum að sæta sérfræðirannsókn á
andlegum og líkamlegum þroska og
heilbrigðisástandi. Maðurinn hafði
krafist ógildingar gæsluvarhaldsúr-
skurðarins eða styttingar hans en
þar sem talið var að hætta kynni að
vera á frekari líkamsárásum manns-
ins hafnaði Hæstiréttur kröfu hans.
Af málsskjölum kemur fram að
maðurinn hefur átt við fíkniefna-
vanda að stríða og var undir áhrifum
fíkniefna þegar hann réðist á móður
sína. Hún var að mata átta mánuða
gamla dóttur sína þegar maðurinn
kom henni að óvörum, tók undir
höku hennar og skar hana með skær-
unum á framanverðan hálsinn. Við
það hrasaði hún en náði að rísa aftur
á fætur og reyndi maðurinn þá að
skera hana aftur. Henni tókst þó að
verjast atlögu hans og náði skærun-
um af honum og koma í veg fyrir
frekari árásir. ■
Akureyri:
Skilorð fyr-
ir þjófnað
pómsmál Tveir menn á þrítugs-
aldri voru í gær dæmdir í 45 og 60
daga skilorðsbundið fangelsi fyrir
þjófnað og tilraun til nytjastulds.
Mennirnir brutust inn í tvo bíla
fyrir utan veitingastaðinn Baut-
ann á Akureyri og reyndu að ræsa
þá en bílunum hugðust þeir keyra
til Reykjavíkur. Þá stálu þeir
hljómflutningstækjum úr öðrum
bílnum og fengu þau þriðja aðila
til vörslu. Auk fangelsisvistarinn-
ar voru mennirnir dæmdir til að
greiða eiganda bílsins 45.000
krónur í bætur fyrir tjón sem þeir
unnu á bílnum. ■
Flugvöllur í Vatnsmýri:
Veruleg
vonbrigði
aðalskipulag „Ég varð fyrir veruleg-
um vonbrigðum með þetta“, segir
Andrés Magnússon, talsmaður sam-
takanna 102 Reykjavík, um að gert er
ráð fyrir því í drögum að aðalskipu-
lagi Reykjavíkur að flugvöllur verði
áfram í Vatnsmýrinni eftir 2016.
„Með þeim tillögum sem hafa ver-
ið kynntar er verið reyna að fara ein-
hverja málamiðlunarleið í máli þar
sem ekki er hægt að finna málamiðl-
un. Annað hvort er flugvöllurinn í
Vatnsmýrinni eða ekki. Það sem mér
finnst þó verra er að í stað þess að
þetta kjörlendi Reykjavíkur sé nýtt
skynsamlega til að byggja borgina
upp miða tillögurnar að því að flug-
völlurinn haldi áfram að stjórna
byggðinni í kring. Þá finnst mér verr
af stað farið en heima setið.“
Andrés segir að samtökin 102
Reykjavík hafi verið stofnuð til þess
að vinna gegn áframhaldandi veru
flugvallar í Vatnsmýri í kosningun-
um síðasta vor en hafi ekki haft um-
boð til frekari aðgerða.
Því myndu samtökin ekki beita
sér frekar í málinu nema að fenginni
samþykkt félagsfundar. Þó sagði
hann ekki ólíklegt að einhverjir fé-
lagsmenn myndu beita sér gegn
framkomnum tillögum sem enn megi
breyta áður en þær verða samþykkt-
ar sem aðalskipulag. ■
STUTT
Nýr samningur náttúrufræð-
inga við launanefnd sveit-
arfélaga er á sömu nótum og
samið hefur verið um á al-
mennum vinnumarkaði. Aðalá-
herslan var lögð á að samræma
fjóra ólíka samninga náttúru-
fræðinga og ákveða í hvaða
formi launagreiðslur þessara
hópa verða. RÚV greindi frá.
Islenskt par týndust í skógum
Ekvador ásamt tveimur
frönskum ferðamönnum og
fjórum leiðsögumönnum. Fólk-
ið labbaði fram á tjaldsvæði
snemma morgun 9. júlí sl. og
var þá orðið svangt og þreytt.
Ferðaskrifstofa fólksins bað
herinn um aðstoð því talið var
hugsanlegt að fólkinu hefði
verið rænt. Morgunblaðið
greindi frá.
Sjómannaþjónusta:
Félagsmiðstöð
fyrir áhafnir skipa
höfuðborgarsvæðid Þann 1. des-
ember n.k. er ætlunin að taka í
notkun nýja alþjóðlega sjómanna-
þjónustu fyrir
Reykjavík og ná-
grenni og verður
hún til húsa á
hafnarsvæðinu
við Granda. Að
þessari þjónustu
standa Sjómanna-
dagsráð, Þjóð-
kirkjan, Sjó-
mannafélag
Reykjavíkur, Far-
manna- og fiski-
mannasamband
íslands og Vél-
BORGÞÓR S.
KJÆRNESTED
Unnið er að því
að styrkja rekstr-
argrundvöll tyrir
nýja sjómanna-
þjónustu
stjórafélag íslands. Þá hefur Al-
þjóðaflutningasambandið styrkt
þessa nýjung með 100 milljón
króna framlagi. Árlegur rekstur
er talin kosta um 20 milljónir
króna.
Borgþór S. Kjærnested fulltrúi
sambandsins segir að þessi sjó-
mannaþjónusta muni sinna hátt í
30 þúsund sjómönnum sem koma
á höfuðborgarsvæðið ár hvert,
innlendum sem erlendum. í þess-
ari félagsmiðstöð verður m.a. net-
kaffi og önnur afþreying eins og
t.d. líkamsrækt, kaffistofa, golf-
hermir og þar mun miðborgar-
presturinn hafa aðstöðu. Hann tel-
ur að þessi sjómannaþjónusta eigi
eftir að setja jákvæðan svip á
borgina. ■