Fréttablaðið - 23.07.2001, Blaðsíða 8

8
FRÉTTABLAÐIÐ
23. júlí 2001 MÁNUAGUR
INNLENT
Jóhanna Sigurðardóttir hyggst
leggja fram á alþingi í haust,
sjötta árið í röð, frumvarp sem
skyldar stjórnmálaflokka til að
birta reikninga sína og gefa upp
hverjir greiði í kosningasjóði.
Sverrir Hermannsson formaður
Frjálslynda flokksins, segir
flokkinn ætla að beita sér fyrir
málinu á næsta þingi.
—«—
Fyrirtæki geta orðið sér úti um
skattaafslátt fyrir framlög til
stjórnmálaflokka. Hins vegar
stjórnmálaflokkunum ekki skylt
að leggja fram reikninga sína eða
gefa upp hverjir greiði í kosn-
ingasjóði og er ísland eina vest-
ræna ríkið án reglna um fjárreið-
ur stjórnmálaflokka, að því er
RÚV greindi frá. ■
Hafnarfjarðarbær:
Vilja samein-
ast Vogum
Svæðaskipulag höfuðborgarsvæðisins:
Heildarstofnkostnaður
um 190 milljarðar króna
skipulag Heildarstofnkostnaður
vegna framkvæmda á gildistíma
svæðaskipulags höfuðborgarsvæðis-
ins til ársins 2024 er talin nema um
183 milljörðum króna á verðlagi
2001. Til viðbótar er talið þurfa um 6
milljarða króna vegna frekari endur-
bóta á vegakerfinu ef ætlunin er að
halda uppi núverandi þjónustustigi
þess. Árleg fjárfesting er því talin
nema um 8 milljörðum króna, eða
ríflega 1% af vergri þjóðarfram-
leiðslu. Áætlaður kostnaður við að
koma á forgangi strætó t.d. við ljósa-
stýringar og forgang við ljósastýrð
gatnamót er um 500 milljónir króna.
Þetta kemur m.a. fram í skýrslu
samvinnunefndar átta sveitarfélaga
á höfuðborgarsvæðinu. Þar kemur
fram að þörfin fyrir fjárfestingar á
svæðinu mun að miklu leyti mótast
af þáttum sem svæðiskipulagið hef-
ur ekki áhrif á. Þar má m.a. nefna
umfang búferlaflutninga, breytta
aldursskiptingu þjóðarinnar, lækk-
andi fæðingartíðni, aukna velmegun,
framförum í heilbrigðisþjónustu,
breyttum atvinnuháttum og svo
framvegis. Þessir þættir munu hins
vegar hafa mikil áhrif á fjárfesting-
ar hjá hinu opinbera og einnig hjá
einkaaðilum. ■
BORGARUMFERÐIN
Mikil útgjöld eru framundan vegna vegamála ef ætlunin er að halda uppi óbreyttu þjónustustigi
STOFNKOSTNAÐUR FJÁRFESTINGA
Þjóðvegir 62.000 Framhaldsskólar 17.000
Almennir vegir 45.000 Hjúkrunarheimili 17.000
Dagheimili-leikskólar 7.000 Ibúðir- og þjónustumiðstöðvar
Grunnskólar 25.000 aldraðra 10.000
T veir regnbogar í einu
skipulag Magnús Gunnarsson bæjar-
stjóri Hafnarfjarðarbæjar segist
vilja að þeir og Vatnsleysustrandar-
hreppur fari fyrr en seinna að ræða
saman um hugsanlega sameiningu
þessara sveitarfélaga. Sérstaklega
þegar haft sé í huga að byggðin á höf-
uðborgarsvæðinu
muni þróast suður á
bóginn í náinni
framtíð. Hann bend-
ir á að það verði
miklu léttara fyrir
minni sveitarfélög
að takast á við stær-
ra, dýrara og efnis-
meira skipulag með
stærri sveitarfélög-
um í stað þess að
standa í því sjálf.
Þá vill hann sjá að
Hafnarf jörður,
Garðabær og
Bessastaðahreppur
sameinist.
Bæjarstjórinn segist vera ánægð-
ur með það hvernig til hefur tekist í
vinnu að gerð sameiginlegs svæða;
skipulags fyrir höfuðborgarsvæðið. í
framhaldinu sé það áleitin spurning
meðal sveitarstjórnarmanna á svæð-
inu hvort uppbygging í hverju sveit-
arfélagi fyrir sig verði eftir höfði
heimamanna eða með áherslum á
heildarsýn svæðisins. Hann býst við
að það taki einhvern tíma að ná lend-
ingu í þeim efnum. ■
MAGNUS
GUNNARSSON
BÆJARSTJÓRI
Vill frekar nýta
landið sunnan
Hafnarfjarðar und
ir íbúðabyggð en
flugvöll
Hjúkrunarfræðingar:
Verðlagsþró-
unin felKr
kjarasamning
kjaramál Stjórn og samninganefnd
Félags íslenskra hjúkrunarfræðinga
mun funda í vikunni um þá nýju stöðu
sem upp er komin í kjaramálum fé-
lagsins eftir að afgerandi meirihluti
felldi nýgerðan kjarasamning við rík-
ið. Þetta er í fyrsta
skipti sem félagið
fellir kjarasamning
i í atkvæðagreiðslu.
Atkvæði greiddu
tæp 70% félags-
manna og þar af
sögðu 58,4 % nei og
40,3% já. Herdís
Sveinsdóttir for-
maður félagsins
segir að verðlags-
þróunin og sú
skerðing sem átt
hefur sér stað í
kaupmætti á meðan á atkvæða-
greiðslunni stóð hafi haft mikil áhrif
á afstöðu félagsmanna. Þess utan hafi
hjúkrunarfræðingar verið óánægðir
með það hvað grunnkaupshækkun
samningsins hefði verið lítil í saman-
burði t.d. við framhaldsskólakennara.
Þá hefði fólki fundist samningstíminn
vera of langur, eða til hausts 2004 auk
þess sem óánægja hefði einnig verið
það að samningurinn skyldi ekki vera
afturvirkur með tilliti til þess að fyrri
samningur rann úr gildi 31. október í
fyrra. ■
HERDIS
Segist ekki líta á
niðurstöðuna sem
vantraust á stjórn
né samninga-
nefnd
Tvíburarnir Þuríður og Ingvi Þór Hermannsbörn hjóluðu á dögunum með pabba sínum yfir
Kjöl. Lagt var upp frá Hveravöllum snemma morguns og komið til afa og ömmu á Blönduósi
upp úr hádegi næsta dag.
MARGIR KILÓMETRAR AÐ BAKI
Hér eru Þuríður og Ingvi Þór búin að leggja 73 km að baki á einum degi, enn áttu þau eftir að hjóla 7 km að náttstaðnum í Blöndudal.
HJÓLREIÐAGARPAR Þuríður Og IngVÍ
Þór Hermannsbörn eru átta ára
tvíburar og hreint engir venju-
legir krakkar. Þau skelltu sér á
með pabba sínum á hjóli yfir Kjöl
á dögunum, hjóluðu frá Hvera-
völlum á Blönduós á einum og
hálfum degi.
Feðginin tóku rútuna að
Hveravöllum. Þar tjölduðu þau
og fóru í heitu laugina. Næsta
morgun tóku þau daginn snemma
og voru lögð af stað um níuleytið.
Pabbi tvíburanna, Hermann Þór
Baldursson, dró farangurinn á
hjólinu í kerru. „Við hjóluðum 80
kílómetra," segir Þuríður og þá á
hún bara við þann daginn. „Við
hjóluðum 114 kílómetra á tveim-
ur dögum,“ segir Ingvi Þór, „Nei,
einum og hálfum,“ bætir Þuríður
um betur.
„Þegar við hjóluðum af stað
leiddist mér dálítið,“ segir Ingvi
Þór hann segir það ekki hafa ver-
ið vegna þess að hann ætti langa
ferð fyrir höndum heldur meira
af því að vegurinn var svo léleg-
ur. „Stundum var rigning og
stundum sól,“ segir Þuríður þeg-
ar spurt er um veðrið. Þau voru
að sjálfsögðu með regngalla þan-
nig að þau blotnuðu ekki illa og
svo sáu þau regnboga. „Það voru
tveir í einu,“ segir Þuríður.
í Blöndudal voru feðginin
komin um hálf tíu um kvöldið og
þá fór örþreyttur pabbinn að tjal-
da en tvíburarnir eltu fiðrildi á
meðan. Þau hafna því að hafa
verið þreytt þegar þarna var
komið sögu. „Við vorum ekki
þreytt fyrri daginn en seinni dag-
inn vorum við þreytt," segir Þur-
íður.
Næsta morgun var svolítið
erfitt að leggja í hann og pabbi
þeirra segir að þau hafi verið
ansi þreytt en þegar nær dró
Blönduósi þar sem afar þeirra og
ömmur eiga heima þá hafi þau
verið orðin vel spræk. Þangað
voru þau komin um hálf tvöleytið
og höfðu lagt 34 kílómetra að
baki þann dag. Á Blönduósi gistu
þau hjá afa og ömmu og tóku svo
rútuna í bæinn daginn eftir.
Á næsta ári ætlar fjölskyldan í
lengri ferð en ekki er alveg búið
að ákveða hvert. Þá ætlar Harpa
Ingvadóttir, mamma tvíburanna,
með og Sigríður litla systir þeir-
ra sem nú er aðeins tveggja mán-
aða. „Við höfum bara þá litlu í
vagninum, það verður ekkert
mál,“ segir Harpa. Það er greini-
legt að tvíburarnir sækja ekki
bara dugnaðinn til pabba síns.
steinunn@frettabladid.is
I INNLENT I
Losun gróðurhúsalofttegunda frá samgöngum:
Stýring í gegnum skattkerflð
Orkunotkun bifreiða á bundnu slitlagi 20% minni.
fumhverfismál í skýrslu starfs-
hóps, sem samgöngumálaráð-
herra og vegamálastjóri settu á
laggirnar, er lagt til að gjald-
heimta af bifreiðum verði endur-
skoðuð og gjöld á orkufreka bíla
hækkuð. Einnig segir að gæta
verði að heildarskattlagning af
innfluttum bílum verði ekki til
þess að standa ekki í vegi fyrir
eðlilegri endurnýjum bílaflotans.
Með þessum og öðrum stýringum
ríkisvaldsins er hægt að stuðla að
því að aukning á losun gróður-
húsaloftegunda verði hægari en
aukning á notkun samgangna.
Hreinn Haraldsson, fram-
kvæmdarstjóri þróunarsviðs
Vegagerðarinnar, sagði að 93% af
allri losun koltvíoxíðs vegna sam-
gangna komi frá bifreiðum.
Helmingur af þeirri losun er á
höfuðborginni. I dag eru 560 bílar
á hverja 1000 íbúa en spáð er að
árið 2010 verði þeir orðnir 600. Þá
verður ákveðinni mettun náð á
markaðnum.
Ein leið til að hægja á aukningu
á losun kolvtíoxíðs er að stuðla að
frekari innflutningi á litlum
díselknúnum bifreiðum. „Til þess
að gera íslendinga viljugri til að
keyra á díselbílum þarf að breyta
skattlagningunni," sagði Sturla
Böðvarsson. Ein leið til þess er að
breyta verðlagningu á eldsneyti
sem þessir bílar nota. ■
Lántakendur í greiðsluvanda hjá
íbúðalánasjóði geta fengið láns-
tímann lengdan um allt að 15 ár,
samkvæmt nýrri reglugerð sem hef-
ur að markmiði að liðsinna fólki í
greiðsluvanda og var sett að ósk
Ibúðalánasjóðs.
—4—'
3ára drengur slapp lítt meiddur
þegar hann féll af dráttarvél og
lenti undir dekki hennar, á Skálholts-
vegi á Skeiðum í gær. Drengurinn
var á ferð með föður sínum, sem ók
vélinni, þegar hann féll. Hann var
fluttur á slysadeild Landspítalans í
Fossvogi en meiðsli hans reyndust
ekki alvarleg, að sögn RÚV.
—*—
Samkomulag er í burðarliðnum á
milli dómsmálaráðuneytis og kín-
verska félagsmálaráðuneytisins um
ættleiðingar. íslenskir kjörforeldrar
munu þá geta ættleitt börn í Kína en
mörg kínversk börn bíða ættleiðing-
ar og mun það því opna mikla mögu-
leika á ættleiðingu barna erlendis
frá. Morgunblaðið greindi frá.