Fréttablaðið - 27.07.2001, Blaðsíða 22

22
FRÉTTABLAÐIÐ
27. júlí 2001 FÖSTUPAGUR
HRAÐSOÐIÐ
VILHJÁLMUR EGILSSON
Alþingismaður fyrir Sjálfstæðisflokk
Fyrirgreiðsla
á undanheildi
HVAÐ mælir á móti að bókhald stjórn-
málaflokka sé opið og sýnilegt?
„Það sem mælir á móti því er að
opið bókhald getur unnið gegn því
persónufrelsi sem við viljum hafa.
Við viljum að fólk geti stutt stjórn-
málaflokka án þess að það sé sýni-
legt rétt eins og við viljum að fólk
fái að vera eitt í kjörklefanum. Þeg-
ar ég er að tala um að bókhaldið eigi
ekki að vera opið fyrir hvern sem
er, verða stjórnmálaflokkar að sjálf-
sögðu að halda bókhald og standa
skil á öllu sem snertir skatta. Það
þarf að allt að vera hreinu gagnvart
þeim.“
HVERS vegna geta ekki sömu reglur
gilt hér og f öðrum löndum?
„Það er nú sjálfsagt þannig að
hver þjóð hefur sína sögu að segja
í þessum efnum. Ég hef ekki séð
það hér á íslandi að það sé ástæða
að breyta í grundvallaratriðum
þeim reglum sem við búum við.
Ég held að þjóðfélagið allt hafi
þróast í þá átt að pólitísk fyrir-
greiðsla og áhrif stjórnmálaflokk-
anna á daglegt líf fólks sé á miklu
undanhaldi. Nú getur hver sem er
keypt sér jeppa eða farið til út-
landa án þess að þurfa að leita til
flokkanna eða stjórnmálamann-
anna. Það myndi því skjóta nokk-
uð skökku við, í allri þessari
frjálsræðisþróun og minnkandi
áhrifum stjórnmálaflokka, að
svipta fólk því sem er angi af
þessum leynilega atkvæðisrétti."
HVAÐA áhrif
myndu breytingar hafa
á starf fiokkanna?
„Þetta er viðkvæmt mál fyrir fólk
að styðja stjórnmálaflokka og fólk
verður fyrir allskyns athuga-
semdum þess vegna. Við höfum
það sem útgangspunkt að hér er
leynileg atkvæðagreiðsla og fólk
má styðja hvaða flokk sem það
vill. En með því að allur stuðning-
ur verði opinberaður tel ég það
ekki styrkja lýðræðið. Þvert á
móti yrði það til að flokkarnir
yrðu háðari ríkinu eins og gerist í
mörgum löndum. Víða fá flokkar
framlög til kosningarbaráttu - til
dæmis í Bandaríkjunum."
Vilhjálmur Egilsson er þingmaður fyrir Sjálf-
stæðisflokkinn i Norðurlandskjördæmi vestra.
Hann er formaður efnahags- og viðskiptanefnd-
ar Alþingis. Auk þess er hann framkvæmda-
stjóri Verslunarráðs.
Jólasveinar þinga:
Aðfangadagskvöld
áfram 24. desember
íól Mikill meirihluti jólasveina
féllst á það á nýafstöðnu heims-
þingi jólasveina að aðfangadags-
kvöld yrði áfram þann 24. desem-
ber að því er frá greinir í danska
dagblaðinu Politiken. Fjórir jóla-
sveinanna, með þann spænska
fremstan í flokki, höfðu lagt til að
flytja ætti hátíðina til 6. janúar.
Spænski jólasveinninn fékk þó
áfram leyfi til að gefa börnum gjaf-
ir á þessum degi og sömuleiðis fékk
hinn rússneski Frosti leyfi til þess
að gefa gjafir í lok janúar. Heims-
þingið sem er árlegur viðburður,
var haldið í Kaupmannahöfn á dög-
fSLENSKIR JÓLASVEINAR
Cefa börnum gjafir í þrettán daga. Skyldi
það hafa verið tekið fyrir á heimsþinginu?
unum. Það sóttu 150 jólasveinar frá
öllum heimshornum. Þvi lauk með
jólamáltíð að dönskum sið. ■
Neita að yíirgefa klefa sína:
Fangarnir
hreyfa sig ekki
JESSUP. maryland.ap Nær allir fang-
ar í fangelsinu í Jessup í Maryland
hafa neitað að yfirgefa klefa sína
frá því á mánudag og fara til vinnu.
Með þessu mótmæla þeir aðbúnaði
í fangelsinu. Dropinn sem fyllti
mælinn, var að bann var lagt við
reykingum fanga og starfsmanna í
fangelsinu.
Aðeins 30 af 1200 föngum hafa
mætt til vinnu, aðrir halda til i klef-
um sínum. Mótmælin hafa verið
friðsamleg og fulltrúar fanganna
hafa átt fundi með yfirvöldum í leit
að lausn.
Yfirvöld segjast ekkert geta
gert við reykingabanninu en vilja
hins vegar skoða aðrar umkvart-
anir, sem m.a beinast að bættri
heilsugæslu og starfsaðstöðu. Þá
hafa fangarnir kvartað undan því
að mýs og rottur leggi undir sig
eldhús stofnunarinnar og matur-
inn sé lítið eldaður og naumt
skammtaður. Þá vilja þeir að heil-
brigðisyfirvöld verði látin skoða
ástand baðherbergja og sameigin-
legs rýmis, auk þess sem rannsókn
fari fram á verðlagi í fangelsis-
versluninni. ■
FRÉTTIR AF FÓLKI
Fréttastofa Ríkissjónvarpsins
hefur fengið tvo nýja aðstoð-
arfréttastjóra, Loga Bergmann
Eiðsson og Elínu
Hirst, sem verður
staðgengill Boga
Ágústssonar. Þar
með eru varaf-
réttastjórarnir á
þessari litlu
fréttastofu orðnir
fjórir þvi fyrir
voru Olafur Sig-
urðsson og Helgi
H. Jónsson, sem
verið hefur stað-
gengill Boga.
Helgi gegndi ein-
mitt fyrir Boga
við síðustu borg-
arstjórnarkosn-
ingar og stýrði þá
liðinu á þann hátt
að Davíð Oddsson,
forsætisráðherra,
kenndi honum um
að R-listinn hefði
haldið meirihluta
í borgarstjórn.
Nú er búið að sjá
fyrir því að slíkt
gerist ekki við
næstu kosningar
því Elín mun halda um stjórnar-
taumana verði Bogi vant við lát-
inn.
Jón Gauti Jónsson verður sveit-
arstjóri nýja meirihlutans í
Skagafirði fram að sveitarstjórn-
arkosningum
næsta vor. Eins og
kunnugt er slitn-
aði með látum upp
úr samstarfi ríkis-
stjórnarflokkanna
í sveitarstjórninni
og nú hafa vinstri
menn komist að í
samráði við Framsókn. Jón Gauti
er einn reyndasti sveitarstjóri og
sveitarstjórnarmaður landsins og
var m.a sveitarstjóri í Súðavík við
endurreisn samfélagsins þar eftir
snjóflóðin 1995. Áður var hann
m.a. bæjarstjóri í Garðabæ.
Fer ekki úr að ofan
Rúnar Júlíusson er að spila með Hljómum. Hann segir að sér hafi
ekki leiðst í lífinu.
rokk „Þetta er búið að endalaust
upphaf, alveg frá því við byrjuð-
um,“ sagði Rúnar Júlíusson þeg-
ar hann var spurður hvort
Hljómar komi til með að spila
meira saman en þeir hafa gert,
en hljómsveitin verður á Akur-
eyri um helgina. „Það hefur
alltaf verið áhugi fyrir Hljóm-
um, en við höfum verið misdug>-
legir að halda lífi í sveitinni,"
sagði Rúnar en Hljóma skipa nú
ásamt honum; Gunnar Þórðar-
son, Erlingur Björnsson, Engil-
bert Jensen og Sigfús úr Jagúar
trommar.
„Það er það,“ sagði Rúnar þeg-
ar hann var spurður hvort það sé
öðruvísi að spila með þessum
gömlu félögum sínum en öðrum.
„Þetta er mótunartíminn hjá
mér. Hljómar eru fyrsta hljóm-
sveitin sem ég var í, byrjuðum
1963.“ Þetta er langur tími, fara
þeir létt með spilamennskuna.
„Já, við gerum það. Ég og Gunn-
ar erum í spilaæfingu. Ég hef
spilað meira og minna um allar
helgar frá 1963, með Hljómum,
Lónlí blúbojs, Trúbroti, GCD,
einn eða með minni eigin hljóm-
sveit.“
Lagaval Hljóma er fyrst og
fremst byggt upp á lögum sem
sveitin setti á plötur. Nokkur
kunn lög með öðrum frá þeim
árum sem Hljómar voru starf-
andi eru á dagskrá sveitarinnar.
„Við vorum með 350 laga pró-
gramm á sínum tíma. Við þurfum
bara að rifja upp okkar lög, þetta
er eins og að hjóla eða mann-
gangurinn. Þetta gleymist ekki.
Við erum fljótir að ná okkur sam-
an. Það er lykilatriði í rokki að
hafa ryþmann í lagi og hafa góð-
an trommara, sem við erum með.
Við erum í ágætis formi, ekki
eins og við vorum en það er önn-
ur dýpt í þessu nú. Ég fer ekki úr
að ofan, hef ekki skrokk í það
lengur. Ég nærist það mikið á
tónlist að ég verð sennilega í
þessu þar til ég dett niður dauð-
ur. Ég get ekki svarað fyrir hina.
Gunnar er líklegur til að vera í
þessu lengi enn.“
Rúnar hefur víða komið við og
verið í mörgum vinsælum hljóm-
sveitum. „Þetta hefur verið lit-
ríkur og skemmtilegur ferill.
Mér hefur ekki leiðst." En hefði
Rúnar ekki farið þessa leið, hvað
þá: „Ég get bara ekki hugsað mér
neitt annað. Kannski í atvinnu-
fótbolta."
RÚNAR JÚLÍUSSON
Hann spilar I rokkbandi með sonum sín-
um sem hann segir vera föðurbetrunga.
Rúnar segir að hann verði
með eigin hljómsveit í Úthlíð um
verslunarmannahelgina. „Það er
rokktríó þar sem synir mínir
spila með mér. Júlíus var að gefa
út plötu, þeir eru föðurbetrung-
ar.“ Er ekki meira álag að spila
með sonunum. Er pabbinn ekki
stressaður á að þeim verði á?
„Nei, þeir eru það færir. Annars
kæmust þeir ekki í hljómsveit-
ina.“
sme@frettabladid.is
Nuevo Cubano
Kúbverskur matur og kúbversk hamingja!
Kvartett Castro spilar laugardagskvöld.
ATLAMTlC
Austurstræti 10 / sími 552 5220 / atlantic@atlantic.is
JL