Fréttablaðið - 28.08.2001, Síða 8

8
FRÉTTABLAÐIÐ
28. ágúst 2001 ÞRIÐIUPACUR
. ísraelsmenn hefna sín enn:
Morðárás gerð
í Ramallah
GAPANDI SVARTIR GLUGGAR
Tveir palestínskir lögreglumenn ganga þarna framhjá skrifstofunni sem sprengjum
var skotið á.
Fylgdarmenn forsætis-
ráðherra Kanada:
Af íslensku
ætterni
heimsókn Heimsókn forsætisráð-
herra Kanada, Gary Doer, hófst í
fyrradag en hann er hingað kom-
inn til lands í boði Davíðs Odds-
sonar. Með ráðherranum í för er
kona hans, Ginny Devine, Ron
Lemieux, ráðherra menningar- og
ferðamála, embættismenn og við-
skiptasendinefnd. Margir af þeim
sem eru í för með ráðherranum
eru af íslenskum uppruna.
Ráðherrann mun í dag fara
norður í Skagafjörð þar sem Vest-
urfarasetrið á Hofsósi verður
skoðað og á morgun verður heim-
sókn í Alþingi og Bláa lónið. ■
ramallah. ap ísraelski herinn réð í
gær 63 ára Palestínumann,
Mustafa Zibri, af dögum með því
að skjóta sprengjum inn um glugg-
ana á skrifstofu hans í Ramallah á
Vesturbakkanum. Zibri, sem oftast
gekk undir nafninu Abu Ali
Mustafa, var valdamesti leiðtogi
Palestínumanna sem ísraelsmenn
hafa tekið af lífi í átökunum síð-
ustu ellefu mánuðina.
ísraelsmenn sögðu árásina hafa
verið hnitmiðaða og gerða í hefnd-
arskyni fyrir nokkrar sprengju-
árásir sem Palestínumenn bera
ábyrgð á. Tveimur flugskeytum
var skotið úr þyrlum á skrifstofu
Zibris og sögðu Palestínumenn í
kjölfar þess ljóst að ísraelsmenn
væru komnir í allsherjar stríð
gegn þeim.
Zibri var leiðtogi samtaka sem
nefnast Alþýðufylking til frelsun-
ar Palestínu (PFLP). Þetta eru
næst stærstu aðildarsamtök frels-
ishreyfingar Palestínu (PLO).
Palestínustjórn sagði Bandarík-
in bera óbeina ábyrgð á árásinni og
sögðu ísraelsmenn vera að kynda
enn undir átökunum sem kostuðu
sjö ísraelsmenn og fjóra Palestínu-
menn lífið um síðustu helgi. ■
Blómin sett á haugana
Umframframleiðsla keyrð á haugana í stað þess að bjóða blómabúðum hana á lægra verði. Að-
eins ein blómaheildsala á Islandi. Blómaverð til neytenda hefur lækkað á undanförnum árum.
VERÐI STJÓRNAÐ?
Formaður Félags blómabúðareigenda, Sigríður Ingólfsdóttir, hefur farið fram á fund með landbúnaðarráðherra vegna málsins. Hún tekur
þó fram að verð á blómum hafi laekkað umtalsvert á sl. árum. Framkvæmdastjóri Græns markaðs, Sigurður IVIoritzson, segir að það sé
misskilningur að fyrirtækið stjórni verði á blómum með þessum hætti. Stúlkan á myndinni tengist efni greinarinnar ekki.
RADISSON SAS
Radisson rekur hótel i Bændahöllinni en
kemur ekki til greina sem kaúpandi, að
sögn Ara Teitssonar, formanns Bændasam-
takanna.
Bændahöllin:
Föl fyrir
4 milljarða?
fasteicnir „Þaö hefur staðið til í
nokkurn tíma að selja bygginguna,"
segir Ari Teitsson, formaður
Bændasamtakanna, en taldi hvorki
rétt að gefa upplýsingar um verð né
um það hverjir hefðu sýnt áhuga.
Flogið hefur fyrir að bændahöllin
sé föl fyrir 3,5 til 4 milljarða og
staðfesta fasteignásalar sem til
þekkja að sá verðmiði sé ekki ólík-
legur. Ragnar Atli Guðmundsson,
framkvæmdastjóri Þyrpingar, seg-
ir félagið hafa skoðað kaup en slíkt
hafi ekki verið talið vænlegt vegna
anna félagsins á öðrum vígstöðv-
um. Þyrping á Flugleiðahótelin auk
fjölda annarra eigna. ■
—4....
Hvalveiðar:
Vilja hefja
veiðar á ný
SKOÐANAKönnun 85,8% þeirra sem
taka afstöðu í skoðanakönnun
PriceWaterhouseCoopers segjast
telja að íslendingar eigi að hefja
hvalveiðar að nýju.
Karlmenn eru nokkuð hlynntari
hvalveiðum en konur, níu af hverj-
um tíu körlum vilja hefja hvalveið-
ar á ný en 82% kvenna. Eldra fólk
er hlynntara hvalveiðum en yngra
fólk ög landsbyggðarfólk er
hlynntara hvalveiðum en íbúar
höfuðborgarsvæðisins. ■
viðskipti Miklu magni af blómum
er hent í viku hverri og er þar um
að ræða umframframleiðslu sem
ekki fæst seld á lægra verði frá
heildsölum til blómasala. Þetta
staðfestir Sigríður Ingólfsdóttir,
formaður Félags blómabúðaeig-
enda, í samtali við Fréttablaðið.
„Það er eins í þessu og öllum
öðrum vörum að það er umfram-
framleiðsla. Þegar framleiðslan
er mest á sumrin þarf þetta að
koma til, svipað og í grænmet-
inu,“ sagði Sigríður og bætti því
við að blómabúðaeigendur hefðu
reynt að kaupa umframfram-
leiðslu frá heildsölum en það
samstarf hefði ekki gengið sem
skyldi.
„Þetta er ákveðin pólitík og
þetta á sér stað - það er engin
spurning. Þetta er nákvæmlega
það sama og er upp á teningnum
hjá bakaríunum. Auðvitað myndu
blómabúðirnar vilja taka að sér
að dreifa þessum blómum og þá
kannski lækka verðið en það hef-
ur verið reynt og það gekk ekki,“
sagði Sigríður og benti á að lík-
legasta orsökin fyrir því væri
samstöðuleysi hjá blómasölum.
Blómaheildsalan Grænn
markaður er eina blómaheildsal-
an á íslandi. Sigurð Moritzson er
framkvæmdarstjóri fyrirtækis-
ins og hann segir að það sé mis-
skilningur að verðinu sé stjórnað
með þessum hætti.
„Við erum umboðssöluaðilar
og seljum fyrir fjölmargar garð-
yrkjustöðvar. Við erum með
markað sem er opinn sex daga
vikunnar og seljum óhemju mik-
ið magn af blómum frá íslenskum
aðilum og erlendis frá líka, en
óhjákvæmilega eru alltaf ein-
hver afföll. Sem hlutfall af því
sem við seljum er það magn
óverulegt þrátt fyrir að það sé
miklu meira yfir sumartímann en
á öðrum tímum," sagði Sigurður
og bætti því við að salan drægist
saman á sumrin en það væri ein-
nig sá tími sem framleiðslan
væri í hámarki.
„Þú getur keypt blóm í öllum
stórmörkuðum og bensínstöðvum
í dag og verðið er gjörólíkt því
sem gerðist hér fyrir um það bil
10 árum,“ sagði Sigurður.
Félag blómabúðareigenda hef-
ur farið fram á það að Guðni
Ágústsson, landbúnaðarráðherra,
taki málið til athugunar og mun
félagið funda með ráðherranum á
næstu dögum.
omarr@frettabladid.is
Scfitub
Færanlegir nuddpottar
• Fullkomnir nuddpottar sem
vega aðeins 30 kg.
r'^C*-** ■■■
> Geta hitað upp kai
ekki er aðS-
heitu vatni!
> Það þarflenga
pottunum,,
10 amp. tp
> Sumar sel
■tastyfneiuu
a allan solarrfri ^gjnn.
íum er hægt aö rutla i
gegnum öll stöðluð hurðaop.
Á kjörhita allan sólarhringinn,
orkukost. afieins 1.000 kr. á mán.
Reykjavíkurborg fer ekki að tillögum Samkeppnisráðs:
Tónskóli Hörpunnar styrklaus
tónmennt Kennsla í tón-
mennt mun hækka hjá
Tónskóla Hörpunnar sök-
um þess að Reykjavíkur-
borg kýs að fara ekki að
tilmælum Samkeppnis-
ráðs. Þetta segir Kjartan
Eggertsson, skólastjóri
Tónskólans, en sam-
kvæmt áliti Samkeppnis-
ráðs eru styrkveitingar
borgarinnar ekki í sam-
ræmi við markmið sam-
keppnislaga.
„Tónskóli Hörpunnar
hefur farið fram á að
njóta sambærilegra
styrkja og aðrir tónlistar-
skólar. Skólinn er í Graf-
arvogshverfi og hann
sækja um 200 börn en hann nýtur
ekki fjárframlaga frá borginni
eins og aðrir tónlistarskólar,"
sagði Kjartan aðspurður um mál-
TÓNLISTIN HÆKKAR
Borgarráð segir að engin nýr skóli hafi fengið styrki frá 1998 og því
verið gætt jafnræðis. Nú stendur til að endurskoða reglur um fjárveit-
ingar til tónlistarskóla en Kjartan Eggertsson, skólastjóri Tónskóla
Hörpunnar, segir að nú verði að hækka námsgjöldin til þess að mæta
fjárskorti skólans og mun það þýða að sum börn í Grafarvogi hafi ekki
efni á tónmennt.
ið. Hann bætti því við að Tónskól-
inn væri ekki eini skólinn sem
svona væri ástatt fyrir og væri
það sökum þess að 1998 hefði
borgarráð ákveðið að
styrkja ekki fleiri tón-
listarskóla en þá er fyrir
voru. Þetta var gert til
þess að sporna við því að
útgjöld í þessum mála-
flokki ykjust.
„Þetta kemur niður á
nýjum tónlistarskólum
og börnunum í borginni.
Borgarráð vill meina að
um þetta gildi ákveðnar
reglur en þær eru hvergi
til á blaði,“ sagði Kjartan
og bætti því við að hér
gæti þess vegna verið
um að ræða geðþóttaá-
kvarðanir borgarráðs-
manna.
Þrátt fyrir marg
ítrekaðar tilraunir náðist ekki
samband við Sigrúnu Magnúsdótt-
ur, formann Fræðsluráðs Reykja-
víkurborgar, vegna málsins. ■