Fréttablaðið - 31.01.2002, Blaðsíða 2

FRÉTTABLAÐIÐ
KJÖRKASSINN
31. janúar 2002 FIMIVITUDAGUR
DJÖ... DÓMARINN
Dómur netverja yfir
dómurum: Þetta eru
aular!
Hafa dómarar á Evrópumótinu
í handknattleik reynst íslend-
ingum illa?
Niðurstöður gærdagsins
i www.visir.is
Spurning dagsins í dag:
Á að refsa ófötluðum sem leggja í bíla-
stæði fatlaðra?
Farðu inn á vísi.is og segðu
þfna skoðun I
___________________
Loðnukvóti aukinn um 530 þúsund lestir á þessari vertíð:
Utflutningsverðmæti aukast um 2 milljarða
loðnuveiðar „Þetta kemur vel við
okkur. Ef veður og vindar verða
skapleg við okkur lofar þetta mjög
góðu. Það virðist vera mikil loðna
og það taka þessu allir fagnandi að
það sé aukið við kvótann," sagði
Freysteinn Bjarnason, fram-
kvæmdastjóri útgerðar í Síldar-
vinnslunni á Neskaupsstað. Sjávar-
útvegsráðuneytið gaf út reglugerð
um aukinn loðnukvóta á yfirstand-
andi vertíð í gær. Samkvæmt
reglugerðinni er loðnukvóti ís-
lenskra skipa á vertíðinni aukinn
um 530 þús. lestir. Heildarloðnu-
kvóti, eftir aukningu, er því
968.389 lestir. Ákvörðunin var tek-
in að tillögu Hafrannsóknastofnun-
arinnar eftir mælingar á stærð
loðnustofnsins.
Samkvæmt fréttatilkynningu
sjávarútvegsráðuneytisins má
áætla að þessi hækkun á loðnukvót-
anum auki útflutningsverðmæti
sjávarafurða á árinu 2002 um 2
milljarða króna frá fyrri áætlunum
Þjóðhagsstofnunar. Freysteinn
segir að það sé raunhæft að áætla
svo, náist að veiða alla loðnuna.
„Tíðarfarið hefur verið mjög
erfitt en þetta hefur samt gengið.
Hjá okkur hefur verksmiðjan nán-
ast verið á fullri keyrslu." Síldar-
vinnslan og dótturfyrirtæki þess
hafa um 8,83% af heildarkvóta auk
þess sem viðskipta bátur hennar er
LOÐNUVEIÐAR
Loðnuveiðar hafa gengið vel það sem af er
árinu þótt tíðarfarið hafi oft reynst mönn-
um erfitt.
með rúm 2%. Freysteinn vildi ekki
segja um hve mikil útflutnings-
verðmæti væri að ræða fyrir Síld-
arvinnsluna. „Það er bara heill hell-
ingur. Það sýnist mér á öllu og mað-
ur veit ekki hvernig markaðsverð
hagar sér.“ Hann segir að veiði-
bann sem er í Perú og hjá Dönum í
Norðursjó nú sé hagstætt fyrir ís-
lenska útflutningsaðila.
Aukning hefur orðið á kvóta í
rækju, ýsu, ufsa, sandkola og loðnu
á þessu ári og gera má því ráð fyr-
ir að útflutningsverðmæti sjávar-
afurða hafi aukist um 8 milljarða á
árinu 2002 frá fyrri áætlunum
Þjóðhagsstofnunar.
kristjan@frettabladid.is
RAFIÐNAÐARSKÓLINN
Rekstur Rafiðnaðarskólans, Viðskipta- og
tölvuskólans og Margmiðlunarskólans ekki
sem skyldi.
Skóla raf- og
prentiðnaðarins:
Kærður fyr-
ir fjárdrátt
kæra Fyrrum skólastjóri skóla raf-
og prentiðnaðarins var í gær kærð-
ur til efnahagsbrotadeildar lög-
reglu. Skólastjóranum fyrrverandi
er gert að hafa dregið sér fé úr
sjóðum skólanna og stofnað til skul-
da í nafni skólanna í heimildarleysi.
Hann var rekinn eftir að í ljós kom
að óreiða var á fjármálum þriggja
skóla sem heyrðu undir hann.
Skólastjórinn fyrrverandi hef-
ur sagt að ákæran sé með öllu til-
hæfulaus. Hann segir í yfirlýsingu
að hann hafi getað reitt fram
launasamninga fyrir öllum þeim
greiðslum sem hann hafi þegið. Þá
sé ekki rétt að hann hafi í heimild-
arleysi stofnað til skulda í nafni
skólanna. Þannig sé formaður Raf-
iðnaðarsambandsins sjálfur í
ábyrgðum fyrir skuldum sem hafi
verið stofnað til. Undir þetta tekur
Fjóla Hauksdóttir, starfandi skóla-
stjóri Viðskipta- og tölvuskólans,
sem telur málið lykta af ofsóknum
í garð skólastjórans fyrrverandi.
Sjálf hafi hún sagt upp störfum
vegna þess hvernig málið hefur
verið rekið.
Guðmundur Gunnarsson, for-
maður Rafiðnaðarsambandsins
segir skólastjórann fyrrverandi
vera að blanda saman óskyldum
málum þegar hann minnist á skuld-
ir sem Guðmundur sé í ábyrgðum
fyrir. Skólastjórinn fyrrverandi
hafi stofnað til mikilla skulda með
tækjakaupum án heimildar. Lausa-
skuldir hafi t.d. hækkað um hund-
rað milljónir króna. Þá þyki honum
einkennilegt að nokkrum manni
detti til hugar að lögfræðingar sem
hafa farið yfir málið skyldu eiga að-
ild að kæru nema hafa farið ræki-
lega yfir málið. ■
—*—
Þórunn Sveinsdóttir VE
og Bjartur NK:
Arekstur á
miðunum
árekstur „Þetta var voða lítið, ég
var að toga og var búinn að gefa
honum loforð um að lána honum
varastykki. Hann rakst síðan að-
eins utan í síðuna á mér,“ sagði
Guðmundur Guðlaugsson, skip-
stjóri á Þórunni Sveinsdóttur VE-
40, sem lenti í árekstri við Bjart
EK í gær. „Þetta er nú ekki mikið.
Báturinn dældaðist aðeins á sex
metra kafla." Þórunn Sveinsdóttir
er á veiðum á Eskifirði og hefur
fiskað vel síðustu vikuna. ■
Bærinn vissi um
barnamergðina
Faðir stúlkubarns í Kópavogi segir yfirvöld í bænum hafa vitað um
barnamergðina á daggæslunni í Alfatröð ári áður en barn sem þar var í
gæslu lést eftir að hafa verið hrist. Félagsmálastjóri Kópavogs segir út í
hött að bænum hafi verið kunnugt um ástandið í Álftröð.
HÉRAÐSDÓMUR REYKJANESS
Ákæran á hendur fólkinu sem gætti drengsins var tekin fyrir í Héraðsdómi Reykjaness í
gærmorgun.
stjórnsÝsla Yfirvöld í Kópavogi
vissu þegar sumarið 2000 að of
mörg börn væru í gæslu á heimili
mannsins sem ákærður er fyrir að
hafa banað barni af gáleysi. Þetta
fullyrðir faðir stúlkubarns sem
var í gæslu hjá
dagföðurnum og
konu hans.
Níu mánaða
gamall drengur
sem var í vist hjá
fólkinu lést í byrj-
un maí 2001. Ríkis-
saksóknari telur
að 26 börn hafi
verið í gæslu hjá
fólkinu þegar
drengurinn lést en
þau höfðu leyfi fyrir 11 börnum.
Faðirinn hér að ofan segist ekki
vilja láta nafns síns getið. „Það
gæti bara bitnað á okkur sjálfum,"
telur hann.
Dóttir mannsins var í gæslu hjá
fólkinu megnið af árinu 2000, eða
u.þ.b. frá því hún var rúmlega eins
árs þar til hún varð tveggja ára.
„Við kvörtuðum við félags-
málaþjónustuna í Kópvogi um
sumarið vegna þess að fólkið var
með alltof mörg börn. Þar virtist
starfsfólki vera kunnugt um stöð-
una því við fengum þau svör að
þetta væri tímabundið ástand.
Ekkert breyttist og manni finnst
skrítið að heyra að árið eftir hafi
þau enn verið með alltof mörg
börn. Það er mjög óeðlilegt að yf-
irvöld fríi sig allri ábyrgð og þyk-
ist ekkert vita, eins Aðalsteinn
Sigfússon félagsmálastjóri segir í
Fréttablaðinu,“ segir faðirinn.
Aðalsteinn, sem er félagsmála-
stjóri Kópavogs, segir hins vegar
út í hött að félagsþjónustunni hafi
verið kunnugt um að í Álfatröð
hafi verið fleiri börn en eðlilegt
var. „Þetta kom okkur gersamlega
í opna skjöldu," segir hann. Aðal-
steinn segist ekki geta staðfest að
kvartanir hafi borist vegna barna-
fjöldans.
Faðirinn segir furðulegt að
ástandið skyldi hafa verið látið
viðgangast. Þrátt fyrir að aðstað-
an hafi verið góð hjá fólkinu og
það sjálft viðkunnanlegt hafi verið
augljóst að börnin voru alltof
mörg til fólkið gæti ráðið við um-
önnum þeirra. „Sérstaklega vegna
þess að konan var sjálf ófrísk,"
segir hann.
Að sögn föðursins var alltaf
stöðugur umgangur foreldra í
Álfatröðinni, sama hvenær dags
komið var. „Maður var endalaust
að sjá nýtt fólk. Bílskúrinn var
fullur af barnavögnum sem allir
virtust í notkun. Börnin voru látin
sofa í skúrnum ef kalt var veðri,“
segir hann.
Foreldrar stúlkunnar treystu
fólkinu áfram fyrir dóttur sinni.
„Stelpan kom stundum heim með
kúk í bleyjunni, sem oft hafði ver-
ið lengi á. Hún grét líka stundum
þegar farið var með hana í gæsl-
una en það var ekki meira en eðli-
legt má teljast. Þau voru líka með
góða aðstöðu, gott einbýlishús og
stóran garð með leiktækjum," seg-
ir faðirinn.
gar@frettabladid.is
ÓLAFUR F. MACNÚSSON
Atkvæði greitt F-lista er atkvæði gegn Kára-
hnjúkavirkjun.
Olafur F. Magnússon
Við höfum
sérstöðu
vidbrögð „Ég er ekki vanur því að
taka afstöðu til mála eftir því
hvernig vindáttin er hverju
sinni“, segir Ólafur F. Magnússon
um afstöðu kjósenda til þess hvort
Reykjavíkurborg eigi að beita
áhrifum sínum gegn Kárahnjúka-
virkjun. „Ég hef einlæga sann-
færingu fyrir því að hugsanlegur
skammtímaávinningur af þessu
verkefni myndi á engan hátt vega
upp þau gífurlegu náttúruspjöll
sem af þessum framkvæmdum
hlytust. Það er tvímælalaust verið
að ganga á rétt komandi kynslóða.
Kárahnjúkavirkjun er gífurlega
kostnaðarsöm og áhættusöm
framkvæmd. Reykvíkingar eiga
að verja fjármunum sínum af
meiri ábyrgð og yfirvegun en að
taka þátt í þessu risaverkefni sem
að verulegu leyti er rekið áfram
af sterkum hagsmunaöflum og
stjórnmálamönnum."
„Við höfum algera sérstöðu
gagnvart stóru framboðunum
tveimur í þessu máli. Ég tel að
þeir sem láta þetta mikilvæga mál
sig varða eigi að nýta tækifærið í
borgarstjórnarkosningunum í vor
með því að greiða F-lista Frjáls-
lyndra og óháðra atkvæði. Ég tel
áð umhverfisverndarsinnar eigi
að láta málefnið ráða en ekki
hugsanlega flokkspólitíska hags-
muni. Menn eiga að standa á sann-
færingu sinni og kjósa samkvæmt
hugsjónum sínurn." ■
—4—
„Bílskúrinn var
fullur af
barnavögnum
sem allir virt-
ust I notkun.
Börnin voru
látin sofa í
skúrnum ef
kalt var veðri."
Skoðanakönnun Fréttablaðsins:
Borgin beiti sér
ekki gegn virkjun
stjórnmál Það virðist vera tiltölu-
lega lítill áhugi meðal Reykvík-
inga fyrir því að Reykjavíkurborg
beiti áhrifum sínum gegn virkjun
við Kárahnjúka. Þetta er niður-
staða skoðunarkönnunar Frétta-
blaðsins sem gerð var á mánu-
dagskvöldið. Af þeim sem tóku af-
stöðu sögðu 34,4 prósent borgar-
búa það mjög eða frekar æskilegt
að Reykjavíkurborg beitti sér
gegn virkjuninni en 65,6 prósent
sögðu það frekar eða mjög óæski-
legt. Virkjunarsinnar, eða þeir
sem vilja ekki gera þetta mál að
málefni borgarinnar, eru tveir á
móti á einum andstæðing virkjun-
ar.
Þessi niðurstaða er athyglis-
verð. Ekki síst sökum þess að
Frjálslyndi flokkurinn hefur
kynnt þetta sem sitt helsta bar-
áttumál í kosningunum. í Frétta-
blaðinu í gær hafnaði Björn
Bjarnason, borgarstjóraefni sjálf-
stæðismanna, því alfarið að
Reykjavíkurborg beitti áhrifum
sínum gegn virkjun við Kára-
hnjúka. Ingibjörg Sólrún Gísla-
dóttir borgarstjóri sagði hins veg-
ar að þar sem borgin væri stór
eignaraðili að Landsvirkjun væri
Er æskilegt að Reykjavíkurborg beiti áhrifum sínum gegn virkjun við Kárahnjúka?
Mjög
óæskilegt
Frekar óæskilegt
35.5%
14,1% Mjög æskilegt
12,4% Frekar æskilegt
16,0%
22,9% Hvorki né
eðlilegt að hún skoðaði vel arð-
semismat virkjunarinnar.
Það er nokkur munur á afstöðu
kynjanna í könnuninni. Þannig
segja 28,3 prósent karla þar mjög
eða frekar æskilegt að borgin beiti
sér gegn virkjun en 71,7 prósent
segja það mjög eða frekar óæski-
legt. Sama hlutfall hjá konum er
42,5 prósent með þrýstingi frá
borginni en 57,5 prósent á móti.
I könnunni var spurt: Telur þú
mjög æskilegt, frekar æskilegt,
hvorki né, frekar óæskilegt eða
mjög óæskilegt að Reykjavíkur-
borg beiti áhrifum sínum gegn
virkjun við Kárahnjúka. 12,5 pró-
sent neituðu að svara en af þeim
sem tóku aftsöðu sögðu 14,1 pró-
sent það mjög æskilegt, 12,4 pró-
sent frekar æskilegt, 22,9 prósent
hvorki né, 16,0 prósent frekar
óæskilegt og 34,5 prósent mjög
óæskilegt. ■