Norðurljósið - 01.01.1956, Blaðsíða 2

2
NORÐURLJÓSIÐ
kjarklaus? Hefir syndin, „drepsótt glötunarinnar“,
læst klóm sínum í þig? Bíður þú alltaf ósigur, þegar
freisting þín mætir þér? Missir þú alltaf tækifærin
til sigursins, er þú sér aðra hljóta? Hlustaðu, heyrir
þú ekki frelsarann segja við þig: „Viltu verða heill?“
Segðu honum sögu þína, tjáðu honum, að þú hafir
engan til að hjálpa þér nema hann. Festu traust þitt
við hann. Hann getur ekki brugðizt þér, því að
hann hefir sagt: „Þann, sem til mín kemur, mun ég
alls ekki burt reka.“ „Ég geri alla hluti nýja.“
Er þú lítur í 6. kap., sérðu, hvernig nýr vöxtur
kemur í það, sem lagt er að fullu og öllu í hendur
Drottins Jesú. Þú sér brauðin fimm og fiskana tvo
aukast og margfaldast, unz fimm þúsundir manna
auk kvenna og barna hafa hlotið saðning. Þannig
hefir margur maður komið til Krists, haft litla hæfi-
leika, en helgað þá honum, ævi sína og eigur, allt.
Þá hefir Drottinn Jesús tekið það, sem honum var
lagt í hendur, blessað það og margfaldað.
Hvað virðist þér um það að hefja þetta nýja ár
með því að koma til Drottins Jesú, leggja þig í
hendur hans, líf þitt og framtíð? Þá muntu fá að
reyna í stöðugt stærri mæli, að áform Drottins með
líf þitt og tilveru rætist, að þú verður Guði til dýrð-
ar og meðbræðrum þínum til blessunar.
„Sjá, ÉG geri alla hluti nýja,“ segir Drottinn.
Þetta er fyrirheit hans handa þér, ef þú veitir hon-
um sjálfur viðtöku.
-----i*t--
Um fljúgandi diska.
(Heimild: Science Digest, Jan. 1955.)
Meðal þeirra æsifregna, sem mest hafa kitlað
ímvndun manna á undanförnum árum, verður að
telja fréttirnar um „fljúgandi diskana“, sem talið er
að sézt hafi í mörgum löndum, og ef til vill hér á ís-
landi. Menn hafa leitt að því mörgum getum, hver
orsök væri þessara fyrirbæra, sem fjöldi fólks hefir
þótzt sjá. Eins og kunnugt er hafa sumir gizkað á
geimför frá öðrum hnöttum, en aðrir á hitt, að hér
væri á 'ferð ný gerð loftfara, sem Rússar hefðu fram-
leitt eða Bandaríkjamenn. Hafa jafnvel birzt mynd-
ir, sem hafa átt að sýna þessi loftfaratæki og jafnvel
tvo af flugmönnunum frá annarri stjörnu! Vita-
:skuld, ljósmynd/aivélin getur verið hentugt tæki í
höndum laghents manns, hvort sem sýna þarf
„anda“myndir eða geimfaramyndir.
Nú hefir flugher Bandaríkjamanna látið frá sér
fara tilkynning þess efnis, að við sjö ára langar, ná-
kvæmar riánnsóknir hafi ekkert komið í ljós, er
sanni það, að „fljúgandi diskar" séu til nema í
ímyndun þeirra, sem þykjast hafa séð þá. „Engin
áreiðanleg eðlisfræðileg sönnun“ er fyrir því, að
.dularfullu ljósin, sem fólk hefir þótzt sjá í loftinu,
séu geimför frá öðrum hnöttum eða nokkur leyni-
vopn frá Bandaríkjunum eða einhverju erlendu
stórveldi.
Meira en 75 sérstökum 1 jósmyndavélum var kom-
ið fyrir víðs vegar í Bandaríkjunum á sérlega mikil-
vægum stöðum, en ekki hefir náðst nokkur mynd á
nokkra þeirra af þessum fyrirbrigðum. Engin
stjörnurannsóknastöð eða nokkur viðurkenndur at-
vinnustjarnfræðingur hefir heldur séð eða getað
Ijósmyndað nokkurn fljúgandi hlut í geimnum, sem
áreiðanlega gæti talizt flugfar frá öðrum hnetti eða
frá annarri þjóð.
Alls voru athugaðar meira en 3,500 sjónarvotta-
sögur af einhverjum fyrirbærum í loftinu, sem
hefðu átt að vera sprottnar af ímyndun. En voru þær
allar sprottnar af ímyndun?
Þótt vér getum ekki trúað því, jafnvel eina svip-
stund, að mannverur frá öðrum hnöttum komi hing-
að til jarðar í geimförum, þá getum vér ekki efazt
um, að alls konar fyrirbrigði munu gerast á himnin-
um, er nálgast taka dagar þeir, sem Kristur talar um,
er hann segir:
„Þjóð mun rísa upp gegn þjóð og konungsríki
gegn konungsríki, og miklir landskjálftar munu
verða og á ýmsum stöðum hallæri og drepsóttir; og
verða munu voðafyrirburðir og tákn mikil af
himni.“ (Lúk. 21. 10.-11.)
Tvær heimsstyrjaldir á undanförnum áratugum
hafa sýnt oss, hvernig þjóð rís gegn þjóð og kon-
ungsríki gegn konungsríki, sömuleiðis stórkostleg-
ustu jarðskjá'lftar og hallæri í sögu mannkynsins.
Allt bendir þetta á upplausnar tíma og að endalok
núverandi heimsaldar í ráðstöfun Guðs geti verið
mjög í nánd. Eftir því sem nær dregur síðari komu
Krists, hljóta táknin að f'ara vaxandi, sem boða
komu hans.
Það fellur aðeins í fárra hlut að skoða þessi leift-
ursnöggu ljósfyrirbæri himinsins. En það fellur í
allra hlut, sem á jörðinni verða lifandi 'þá, að sjá
Krist, er hann kemur. „Sjá, hann kemur í skýjunum
og 'hvert auga mun sjá hann.“ Erum við reiðubúin?
Hlökkum við til að sjá hann?
•---i«t——
AUÐMÝKT.
Auðmýkt er fullkomin rósemi hjartans. Ef ég er
auðmjúkur, hefi ég engar áhyggjur. Þá er ég aldrei
óánægður, eða gramur, úfinn í skapi, sár eða von-
svikinn. Þá vænti ég mér einskis, furða mig á engu,
sem mér er gert; þá finn ég ekki að mér sé gert neitt
á móti. Ég hefi ró, þegar enginn hrósar mér og þeg-
ar mér er álasað eða ég er lítilsvirtur. Auðmýkt er
að eiga blessað heimkynni í Drottni, þar sem ég get
gengið inn og lokað dyrunum, kropið niður frammi
fyrir Föður mínum í leyndum og dvalið þar í haf-
djúpi friðar, þegar erfiðleikar umlykja mig á 'alla
vegu. (í>ýtt.)