Lögberg - 06.08.1953, Blaðsíða 5

LÖGBERG, FIMMTUDAGINN, 6. ÁGÚST, 1953
5
-
wwwww
'WWWWWWWVWWWWVVVVVW
ÁliieAHÁL
IWENNA
Ritstjón: INGIBJÖRG JÓNSSON
ÁVARP FJALLKONUNNAR
ungírú Jórunnar Thordarson, 3. ágúst á Gimli
Ég, sem tákna eigi aðeins
draumalandið sjálft, heldur
einnig hugvit og menningu, anda
og sál hinnar íslenzku þjóðar. —
Ég, Fjallkonan, heilsa ykkur öll-
um niðjum mínum vestan hafs
í dag með ástarkveðjum góðrar
móður.
Að sið fornhöfðingja minna
færi ég ykkur ágætar gjafir. Úr
gullkistu aldanna dreg ég dýr-
gripi hugsjónanna, sem allar
þær kynslóðir er ísland hafa
byggt, eða í Vesturvegi hafa
gert nafn mitt frægt, hafa skapað
niðjum sínum að arfi.
Skært glampar þar gimsteinn
frelsisástarinnar, sem lét mína
fyrstu landnema hafna flestum
veraldlegum gæðum, er þeir
völdu sér hið ægifagra, ókunna
ísland að ættjörð. Síðan dreg ég
upp hvern logaskæran dýrgrip af
öðrum. Lýðræðishugsjónina, er
skapaði elzta lýðveldi, sem nú
er í heimi, og elzta þingið, og
lagði á tungu eins míns vitrasta
sonar orðin: „Með lögum skal
land byggja.“ Áræðni þá og
rannsóknarhug, er sendu mína
vösku vegleitendur út á höf til
að finna fjarlæg lönd, jafnvel
Ameríku sjálfa, eða inn í ísálfu
til að kanna auð hennar. Sálar-
auðinn, sem liggur í ljóðum
skálda mina og ritum höfund-
anna, er skapað hafa svo sígild-
ar bókmenntir að teljast mega
með ritum Grikkja og Rómverja.
Fróðleiksþorstann, sem hvatti
ykkar fátækustu landnema til að
flytja bókasöfn vestur um haf.
Tunguna fögru, sem eitt skáld
mitt nefndi „ástkæra ylhýra
málið.“ Og lund þá sem gerði
marga fornmenn mína og forn-
konur og einnig margt landnema
ykkar og fleiri meðal sona minna
og dætra, að drengilegum hetj-
um, og kenndi mínum frægasta
syni að segja: „Aldrei að víkja!“
En siður var það einnig í forn-
öld, að leysa gesti út með glæsi-
legum gjöfum, og nú vænti ég
þeirrar gjafar af ykkur, að þið
berið arf þennan stolt á allri lífs-
leið og afhendið hann aukinn í
hendur ykkar niðjum um ó-
komnar aldir. Þið, synir og
dætur frelsisins, eigið ætíð að
verja það og slíta hvern fjötur,
sem lagður er um anda mannsins
til að hefta skoðanafrelsi, trú-
frelsi, stjórnfrelsi, eða málfrelsi.
Þið, börn hins elzta lýðveldis,
eigið að taka sterkan þátt í lög-
gjöf og þingum og þegnstörfum,
og halda hátt á lofti æðstu hug-
sjónum lýðræðisins.
Nú, þegar fá eða engin lönd
eru enn óþekkt á yfirborði jarð-
ar, eigið þið að sigla ykkar
skipum um ókunn höf andans,
og nema ný landnám á strönd-
um þeirra. Ný skáldverk skuluð
þið skapa, sagnlist og aðrar bók-
menntir, eins og sum ykkar hafa
þegar gert, sem auðga bæði Is-
land og þjóðir þær, er þið eigið
bústað hjá. Fróðleik og menntir
hafið þið í hávegum haft og
miðlað vel af þeim, og skal svo
enn.
En ein stærsta gjöfin, sem ég
vænti frá ykkur, er sú, að í
gjörningaveðrum þessarar ör-
lagaríku aldar villist þið aldrei
út á brautir múgmenningar, og
látið ekki sönginn úr álfheim
efnishyggjunnar tæla ykkur til
glötunar, heldur haldið fast við
drenglund þá, er gefið hefiur
þjóð minni festu. Fylgið eigi hel-
stefnu sundrungarinnar, heldur
lífsstefnu samúðar og samvinnu.
Munið, að það er eigi víðlendi,
auður, völd né mannmergð, sem
gera þjóðirnar miklar, heldur
auðlegð andans, sem í þeim býr.
Því hefur þjóðin mín, ein hin
mesta í heimi og vart mannfleiri
en hálf Winnipegborg, borið
gæfu til að verða ein hinna at-
kvæðamestu af öllum sambands-
þjóðunum í að efla líknarstarf-
semi fyrir börn víðsvegar um
heim. Svo sigursæl er lífsstefnan,
þar sem henni er beitt af heilum
hug.
Margar þessar gjafir hafið þið
þegar veitt mér, og gert móður-
hjarta mitt stolt af þrautseigju
landnema ykkar, þegnhollustu
ykkar í nýjum löndum, og af-
rekum sona minna og dætra hér
í álfu. En þó skal skerfur ykkar
miklu meiri að lokum, er Saga
kveður upp sinn síðasta dóm um
starf ykkar í Vesturheimi.
Þá er enn sú óskin, sem liggur
hjarta mínu næst, og hún er sú,
að þið styrkið öll þau bönd, sem
tengja ykkur við ísland. Það
gleður mig, að börn, mín, sum
héðan, heimsækja ísland í sumar,
að þjóð mín heima heiðrar á
þessu sumri eitt ykkar mesta
skáld, og þið starfið að viðhaldi
tungu minnar og bókmennta.
„Römm er sú taug, sem rekka
dregur föðurtúna til.“ Styrkið
ávalt þá taug. Eflið íslenzku-
námið, notið mál mitt, lesið bók-
menntir mínar, heimsækið mig,
sendið mér börn ykkar heim í
kynnisferðir, skrifið ættmenn-
um og vinum, og veitið þeim
móttöku hér.
Ástúðlega kveð ég yður, börn
mín, með orðum skáldsins, sem
orti:
„Særi ég yður við sól og báru,
særi ég yður við líf og æru,
yðar tungu (orð þó yngist),
aldrei að gleyma í Vesturheimi!
Munið að skrifa meginstöfum
mannavit og stórhug sannan!
Andans Sigur er æfistundar
eilífa lífið! Farið heilir!
Úr borg og bygð
— Hjónavígsia í Baldur —
Laugardaginn þann 25. júlí kl.
3 e. h. voru gefin saman í hjóna-
band í Lútersku kirkjunni í
Baldur Niels, sonur Mrs. G.
Lambertsen og Guðmundar heit.
Lambersen frá Glenboro, og
Laura Elizabeth, dóttir Mr. og
Mrs. Frederick Johnson frá
Baldur. Séra Jóhann Fredriks-
son gifti. Brúðurin var leidd til
altaris af föður sínum. Svara-
menn voru: Dr. G. Lambertsen,
bróðir brúðgumans, og systir
brúðarinnar, Marjorie Johnson.
Mrs. Albert Sigmar frá Glenboro
lék á orgelið og Mrs. J. Ruther-
ford frá Glenboro söng tvo brúð-
kaupssöngva. Daníel Johnson,
bróðir brúðarinnar og S. Sigfús-
son, tengdabróðir brúðgumans,
leiddu til sætis. Kirkjan var þétt-
skipuð vinum og vandafólki og
skreytt fögrum blómum. Brúð-
kaupsveizla var haldin í sam-
komusal bæjarins og var þar stór
hópur boðsgesta víðsvegar að.
Dr. R. Huston mælti fyrir minni
brúðarinnar. Brúðguminn þakk-
aði með velvöldum orðum. —
Eftir samsætið lögðu brúðhjónin
af stað í bíl austur til Ontario
og Bandaríkjanna. Heimili þeirra
verður í Glenboro.
☆
Mr. Elías Elíasson trésmíða-
meistari frá Vancouver kom til
borgarinnar í fyrri viku glaður
og gunnreifur að vanda; hann
var staddur á íslendingadegin-
um á Gimli og mun dveljast hér
um slóðir nálægt tveggja mán-l
aðar tíma.
María Lovísa Pétursdóttir Sólmundsson
Lovísa Sólmundsson var fædd
í Winnipeg 25. desember 1882.
Foreldrar hennar voru Pétur
Guðlaugsson og Sigurbjörg
Bjarnadóttir, sem voru frum-
byggjar í Gimli landnámi. Hún
fluttist frá Winnipeg til Gimli
árið 1889 og ól allan sinn aldur
í Gimli-byggð og bæ frá þeim
tíma til dauðadags, sem bar að
höndum þann 30. júní síðastl.
Árið 1900 kvæntíst hún Guð-
mundi E. Sólmundssyni, syni
Sólmundar Símonarsonar og
Guðrúnar Aradóttur, sem fyrst
bjuggu í Mikley en síðar að
Gimli, Man. Þau eignuðust 11
börn, en tvö af þeim dóu á barns-
aldri. Níu eru á lífi og eru nöfn
þeirra sem fylgir: Mrs. E. R.
Evans, Winnipeg, Man.;. Mrs.
Herbert Johnson, Mrs. Travers
Johnson og Sólmundur, öll að
Gimli, Man.; Pétur, vestur við
Kyrrahaf; Mrs. M. Olender,
Gypsumville, Man; Joseph,
Benedikt og Marvin að Gimli,
Man. Barnabörnin eru 11 og eitt
barnabarnabarn. — Lovísa heitin
átti átta systkini alls, en á lífi
eru aðeins tvö: Mrs. W. J.
Wilkinson, Winnipeg, Man., og
Dóri Pétursson, Gimli, Mán.
Lovísa heitin hafði frá fyrstu
ungdómsárum varið sínum beztu
kröftum til styrktar þeim mann-
félagsmálum, sem henni voru
kærust. Hún var fædd og upp-
alin í lúterskri trú, og þegar hún
var á sextánda ári gekk hún í
lúterska kvenfélagið Framsókn
á Gimli og léði því sína beztu
krafta til dauðadags. Önnur
félagsmál Gimlibæjar nutu liðs
hennar og ljúfmensku í starf-
semi sem fyrir lá. En það sem
mest kvað að í fari hinnar látnu
merkiskonu var sú ástúð og um-
önnun, sem eiginmaður hennar
og börn urðu ávalt aðnjótandi.
Var það í svo ríkum mæli, að
slíkt mun fágætt. Hún stóð sem
stólpi við hlið manns síns í þau
iimmtíu og þrjú ár, sem þau
áttu samleið saman. Sá ferill
var stráður þeim sólgeislum og
hugljúfum minningum, sem eru
samfara þei msálum, er eiga þá
kosti að geyma, sem prýddu
þessa mætu og ástúðlegu eigin-
konu og móður. Trúmennskan,
blíðan í viðmóti, þolinmæðin,
góðviljinn til allra, hjálpsemin
og hin íslenzka gestrisni voru
sumar af hennar dyggðum, sem
gjöra minningu hennar ógleym-
anlega eiginmanni, börnum og
öllum þeim ótal vinum og ætt-
ingjum, sem nutu vinskapar
hennar viðkynningar.
Lovísa Sólmundsson var rík af
kærleika og bjartsýni og tók því
sem forlögin færðu með ró og
staðfastri, en þó blíðri lund.
Hún naut ástar og virðingar
meðbræðra sinna á lífsleiðinni
fyrir sitt velunna lífsstarf. Með-
bræður hennar hafa alla reiðu
sýnt vott um þann hlýhug og
virðingu, sem þeir bera minn-
ing uhennar með því að leggja í
minningarsjóð til heiðurs minn-
ingu hennar, og á sá sjóður að
ganga til kaupa á nýju orgeli í
hina nýju lútersku kirkju, sem
verið er að reisa á Gimli. Það
hefir fjöldi vina lagt í þann sjóð
til heiðurs þessari merkiskonu.
Eiginmaður og börn hinnar
látnu þakka innilega og hjartan-
lega öllum þeim, sem á einn eða
annan hátt hafa heiðrað minn-
ingu hennar, og ekki sízt hinum
ágæta og prúðmannlega lækni á
Gimli, Dr. Frank Scribner, sem
lét sér svo annt um, að hún hefði
sem allra bezta umönnum í síð-
ustu veikindum hennar.
Lovísa andaðist að heimili
sínu á Gimli 30. júní 1953 eftir
rúmlega þriggja mánaða legu.
Útför hennar fór fram frá Gimli
kirkjunni kl. 2 e. h. mánudaginn
6. júlí að fjölda vina og vanda-
manna viðstöddum. Hún var
jarðsungin af Rev. Padre E.
Martin, R.C.A.F. Station, Gimli,
og jarðsett 1 Gimli-grafreit.
Guð blessi minningu hennar.
F. O.
STEFNUSKRÁ FYRIR BETRA CANADA
Canada er land mikilla tækifæra. Engum er þetta Ijósara
en 800,000 nýjum Canadamönnum, sem flutzt hafa til landsins
síðan að stríðinu lauk. En eigi Canada að njóta að fullu afurða
sinna og auðæfa, þarf þjóðin að njóta pólitísks frelsis og fá
nýja stjórn, sem Ijær vonum hennar og störfum fullan stuðning.
Ef þér njótið atkvæðisréttar þann 10. ágúst, er yður holt að
kynnast vandlega eftirgreindum stefnuskrár atriðum.
Lækkaðir skattar — Skatta skal lækka um 500 miljónir á ári, en það svarar til $170 árlega á
hverja fjölskyldu, sem telur fimm meðlimi, þetta verður gert með því að fyrirbyggja að peningum
yðar verði varið í óþarfa eyðslu, án þess að dregið verði úr greiðslu til félagslegs öryggis.
Útilokun stjórnarsóunar — Vér munum draga til muna úr kostnaði við stjórnarreksturinn með
bættum starfsaðferðum og útilokun tvíverknaðar. Vér erum staðráðnir í að endurskipuleggja
hervarnardeildina og gera hana jafnframt fullkomnari. ^
Eftirlil með kommúnisma — Vér munum breyta þannig hegningarlöggjöfinni, að það teljist
glæpur að beita kommúnistaáróðri, eða taka þátt í annari skemdarstarfsemi.
Ódýr heimili — Vér munum annast um að fólk geti eignast góð og ódýr heimili, þar sem fyrir-
framborgun fari ekki yfir tíu af hundraði og mánaðarlegar greiðslur verði vægar.
Heilsutryggingar — Vér munum stofna til heilsutrygginga með það fyrir augum að létta byrði
almennings varðandi lækniskostnað. Þá munum vér einnig breyta atvinnuleysislögunum þannig,
að greiðslur fari fram vegna sjúkdóma og slysa.
Að endurvekja fullveldi fólksins — vér munum afnema það einræðisvald, sem Liberalstjórnin
hefir tekið sér með leynisamþyktum, sem gerðar hafa verið í Ottawa.
Lækkun staðbundinna skatta — Með því að afnema söluskatta á efni til sveitastjórnar og skóla
nefnda, léttist byrðin að mun.
Endurbæll stefna í innflytjenda málum — George Drew vill láta margauka náttúruauðæfa
framleiðsluna með því að auka fólksflutningana inn í landið og skapa nýjum Canada-
mönnum bættar aðstæður.

Trygging verðs búsafurða — Með sikpun landbúnaðarráðs, er ákveðið lágmarksverð búnaðar-
framleiðslunnar.
Fullkomin notkun náttúruauðæfa — Með nýsköpun atvinnuvegavega varðandi námur,
iðnað, orkuframleiðslu og garðyrkju, með þessum hætti má skapa trygga atvinnu og
alþjóðar velsæld.
GreiðiS PROGRESSIVE C0NSERVATIVE atkvæði
Published by authority of the National Progressive Conservative Association.
Kjósendur Selkirk Kjördæmis
GREIÐ ATKVÆÐI ÞANN 10. ÁGÚST MEÐ
Published by authority of the Selkirk Progressive Conservative Association.